خدمة الـ1000 كيلو عند العيسى

[Google]

السلام عليكم ورحمة الله وبركاته

اخواني قدمت على شراء سيارة ابيكا من شركة العيسى للسيارات و بالفعل سيارة رائعه و جيده و لكن واجهتي مشكلة من أول يوم استلمتها و هي أنها تحذف السيارة الى اليمين أتصل في نفس اليوم على موظف المبيعات اللي اشتريت السيارة منه و بلغني أصبر إلى أن تمشي السيارة 1000 كيلو قلت له أوكي
هذا الكلام قبل رمضان بيومين استلمت السيارة بـ28/8/1425هـ مع اني المفروض استلمها في 20/8/1425هـ هذا ليس موضوعنا عموماً رحت للعيسى اعطيهم السيارة لانها كملت 1000 كيلو

كلمت الموظف (شايف روحه و يكلمني من طرف خشمه أجر الكلمة منه جر اعتقد انه لبناني أو سوري و اسمه داني) و حكيت له عن مشكلة الدركسون انه السيارة تروح لليمين قال لي هذي مشكلة عادية و مع كل السيارات الجديد تصير و هي مشكلة انه الكفرات غير موزونه يعني كفر 30 و كفر ثاني 50 قلت له طيب شيك عليها شوف السيارة قال لي ما يحتاج , قلت له طيب يابو السيارة أول ما اشتريتها طفت علي عند الإشارة أكثر من مره مع انها جديدة قال لي اذا استمرت معك المشكلة إلى 5000 كيلو قل لي .

تعامل أكثر من سيء و لكن ما رايكم في هذي المشاكل و هل هي عادية ؟

[S8]

رد مقتبس من Google
السلام عليكم ورحمة الله وبركاته

و بالفعل سيارة رائعه و جيده و لكن واجهتي مشكلة من أول يوم استلمتها و هي أنها تحذف السيارة الى اليمين, قلت له طيب يابو السيارة أول ما اشتريتها طفت علي عند الإشارة أكثر من مره مع انها جديدة قال لي اذا استمرت معك المشكلة إلى 5000 كيلو قل لي .


بصراحة الله يكون في عونك ...

سيارة من دايو ...وش تبغى فيها ؟

اذا السيارة على اقل من 1000كيلو وتطفي ؟!!!

اجل بعد 5 الاف؟ يخبط المحرك؟

وبعد 15 الف يضرب القير؟

مصيبة والله

نتمنى ان الله يوفقك فيها ويكتب لك كل خير معاها

تحياتي :)

[Google]

امكانياتي ما كانت تسمح لي أخذ غيرها , عموما انا عاجبتني السيارة و أنتظر ردكم هل صيانة الـ1000 كيلو هي عبارة فقط عن تغير زيت دون الكشف كامل عن السيارة ؟ انا اذكر كانت عندي سوناتا 2002 و يوم وصلت لـ1000 كيلو عملو لها كشف كامل و كل المشاكل اللي فيها

[S8]

يا اخي

لو انا منك كان اخذ سوناتا مرة ثانية

والله انها سيارة قوية وممتازة وفيها جودة افضل من بعض اليابانيات

واكيد انت مجرب

لكن برضه اقول لك ان الله يعطيك خيرها ويكفيك شرها:)

تحياتي :)

[Google]

لا تحطمني ترى و الله شكلها حلو :)

و السوناتا موجودة لكني اعطيتها اخوي اللي أصغر مني

عموما مشكلة الكفرات عادية وممكن تصير و الا خلل في الاذرعه حقت السيارة ؟

و السيارة طفت علي من يوم ما اشتريتها ثلاث مرات تطفي و لكن اشغلها على طول و تشتغل دون مشاكل

أنتظر ردك يا S8 لانك خبره في السيارات وانتظر ردود الشباب

للضرورة يا شباب ردو علي عشان أعرف اشتكي على الصيانة و الا ما اشتكي ؟

[الأنصاري]

في ال1000 كيلو تقول كل الي في خاطرك والشركه مجبوره تصلح كل شئ

اذا مافي ملاحظات تغير زيت وفلتر

[Porsche GT2]

لا اخوي مو عادي السيارة تطفي ثلاث مرات في أقل من 1000 كلم ولا حتى 30 ألف كلم ..

كلمهم واذا ما صلحوها حاول تكلم المركز الإقليمي بدبي لين يصلحونها ..

تحياتي ..

[HaKeM]

ما في غير حل واحد

اسأل عن الإدارة العامة تبع وكالة العيسى وقدم شكوى رسميه بما حدث

طبعاً الإدارة العامة تكون منفصله عن معارض الوكاله لها مبنى خاص بها


وحاول واصر على انهم يغيروا السيارة لأنها من أول يوم وفيها مشاكل


الله يعينك

[Google]

الأنصاري

اها هنا وصلت للي ابيه لكن الشركة طنشت و رفضت انها تسمع لي أروح للإدارة العامة مثل ما ذكر لي الأخ HaKeM

اخوي Porsche GT2

السيارة قير عادي ومادري اخبر قد استئجارت كامري من مفتاح و كانت تطفي علي بعض الاحيان تتوقع انها ممكن تصير مشكلة كبيره ؟ و اتوقع اني باكلم الإدارة الاقلمية في دبي

اخوي HaKeM

جزاك الله الف خير و ياريت تقول لي مكانهم بالضبط في الرياض

و ألف شكر لك

أنتظر ردودكم على أحر من الجمر

[Eclipse]

السلام عليكم ورحمة الله وبركاته


اخوي جوجل ... واضح انك انسان طيب و على نياتك!

الكلام هذا ما ينفع ... خليك صارم وضارب عشان تاخذ حقوقك!

ادخل على هذا الرابط

http://www.gmarabia.com/action/csContactSectorAction?action=GM&NampltCd=999

قدم شكوى عن طريق تعبئة النموذج في الرابط او اتصل على الارقام المذكورة !


You can contact us through one of the following means

Mailing Address General Motors
Customer Communication Center
P.O. Box 26128, Dubai,
United Arab Emirates
Telephone (+971) 4 332 5023
Fax (+971) 4 332 5043
Email customerservice@gmarabia.com





مرة ثانية ... خليك صارم وان شاء الله ما يضيع حقك :mad:


يالله موفق ... اخوك اكلبس!

[mustang cobra]

قبل ما تتوجه الى الورشه توجه الى الله وصلي ركعتين واقراء على السياره من بخاسر شئ جربها ولك الاجر

[Eclipse]

ها جوجل ايش صار معك ؟

[Imaj]

رد مقتبس من Google
لا تحطمني ترى و الله شكلها حلو :)

و السوناتا موجودة لكني اعطيتها اخوي اللي أصغر مني

عموما مشكلة الكفرات عادية وممكن تصير و الا خلل في الاذرعه حقت السيارة ؟

و السيارة طفت علي من يوم ما اشتريتها ثلاث مرات تطفي و لكن اشغلها على طول و تشتغل دون مشاكل

أنتظر ردك يا S8 لانك خبره في السيارات وانتظر ردود الشباب

للضرورة يا شباب ردو علي عشان أعرف اشتكي على الصيانة و الا ما اشتكي ؟


شوف بالنسبة للحذف.. يمكن الكفرات ويمكن وزن الأذرعة!!

وعلى فكرة صدقني قد ما تصلح فيها ما تضبط.. لأن المطبات تلعن والدين الأذرعة وتخرب الوزنية..

لكن أول شيء تأكد من ضغط الكفرات إن كل الكفرات موزونة وبعدين الله يعينك ودها ميزان وأوزنها :)


وعلى اللي يحشون في الإبيكا أنا ما جربتها لكن مجربين دايو ليجانزا.. وما شاء الله السيارة ماشية معنا.. :) وبالنسبة للجودة دايو أفضل من كيا بشهادة JD Power :)

[Google]

الغااااااالي اكلبس Eclipse

أبشرك اسلتلمت سيارتي من الوكالة و المشكلة ما زالت فيها :anger: مع اني سالت الموظف هل حلت المشكلة جاوبني أنه حلها مع العلم انه ما كتب المشكلة في الفاتورة :anger:

اخوي mustang cobra و الله سويت اللي قلت لكني ما راح اوديها للورشة لاني اخاف يلعبون في السيارة و هي جديدة :)

Eclipse الاخبار الحين باقولها لكم

Imaj يالغالي انا مجرب السيارة و ما فيها الا العافية غير المشاكل اللي ذكرتها فوق و الوكيل السيء مادري وين خدمات ما بعد البيع عندهم


عموما يا اخواني اليوم الصباح اتصلت على جنرال متوتز في دبي و الحقيقة ما قصرو ابد أول ما قلت لهم انا من السعودية قال لي عشر دقايق و نتصل فيك مع العلم انه ما اخذ رقمي لكن اعتقد عندهم كاشف رقم

اتصل فيني بعد نصف ساعه و سالون عن مشاكل السيارة و قلت لهم بالتفصيل الملل لمدة عشر دقايق

و اليوم الظهر بعد تقريبا 9 ساعات جاني اتصال على جوالي من الوكيل العيسى لكني للاسف ما رديت عليه لاني كنت مشغول شوي :)

عموما انتظر رد الوكيل و نشوف :)

[HaKeM]

أخوي Google

ما أعرف مكان الشركة في الرياض لأني من مكة

جرب تتصل على 905 واطلب رقم الإدارة العامة للعيسى للسيارات


لأني حصل لي موقف شبيه بهذا الأمر وهوا وجود حذفه في سيارتي ودلني شخص على الإدارة العامة في جده وذهبت لهم واشتكيت لهم ماحصل في سيارتي وان معظم الصيانة لم تنفع في علاج الحذفه وكان جواب الشركه انهم سيعملون صيانة لها مراسلتهم لفرع الصيانة وانهم كانوا مستعدين لتغيير السيارة اذا كانت في ال1000 كيلو ولم تنفع صيانتها وانا ذهبت لهم وسيارتي ماشية 50 ألف كيلو الشركة هيا تويوتا


اعطينا خبر ايش صار معاك