سوالف للجميع - المصرقعين الأربعة و قطااار الموووت...!!!"مشارك"

View Full Version : المصرقعين الأربعة و قطااار الموووت...!!!"مشارك"

al7'aleejia

15-01-2005, 10:38 PM

في يوم من الأيام كان الجو باردا و الفراش دافئا فإذا بجرس الباب يدق طن طن...طنطنطنننننننن(مشير)ههههه و إذا بماتشليس ينط من الفراش متوجها الى البوابة الرئيسية و هو يتراعد من البرررد
ماتشليس----->من؟؟؟

أبو الفياصل----->بسرررعه إفتح..الدنيا برررد!!

ماتشليس----->خرعتني الله ياخذ إبليسك!!شفيك جاي بدري؟؟؟

أبو الفياصل----->أووووووووف(مب عاجبه الوضع في البرد)انته افتح و بعدين اعلمك!!

ماتشليس----->بس البس النعال و انا ياي

أبو الفياصل----->ممممممممماتشليس خخخخخخ بيجامتك وايد حلوه(عليها ميكي ماوس)

ماتشليس----->هاا هااا أحين أبدل و انا نازل،بس ما قلت لي وين بنروح مو من عوايدك تعزمني(الأخ عباله بيتفطر برع)

أبو الفياصل----->اي فطووور و اي بطيخ!!!شكلك ناسي الموعد

ماتشليس----->اي موعد؟؟مافي دوام اليوم

أبو الفياصل----->اييييييييي اليوم موعدنا مع المدينة الترفيهية!!عطلتنا ياخي نواف و العميد بياكلونه

ماتشليس----->ييييس دقايق البس و اجيك حبيبي(اكيد حبيبه قال له بشارة)و دقايق ثانية عشان آخذ كيمرة الوالد..

أبو الفياصل----->طيب،،ناطرك في الهامر بس بسررررعه
ينزل ماتشليس و يذهب الى الهامر و بينما الصديقان في الطريق يدور بينهما هذا الحوار

ماتشليس----->بوفيصل جوف حبيب البي تكفى لا تقول لي آركب قطار الموووت تراك عارفني (يخاااف مسكين)

أبو الفياصل----->لا يا بوغادة مايصير هلون بتفشلنا جدام نواف بن احمد و العميد..
بيحطووون علينا طول عمرنا

ماتشليس----->لا تشيل هم أنا رجال قدها و قدود!!

أبو الفياصل-----> (متشقق الأخ)أفهم من كلامك انك خلاص بتررركب مع الجماعة؟؟؟؟؟؟يا سلالالام عليك صج قدها..

ماتشليس----->ههه ههه ههه ...فهمتني غلط ياخي

أبو الفياصل----->ممكن توضح؟؟

ماتشليس----->انا افهمك الموضوع زين انت و نواف و العميد تركبون و انا اسوي نفسي متحمس و الود ودي و لكن تقول لي(بوغادة لا تركب ،شرايك تصورنا)خخخخخ

أبو الفياصل----->تم..تم مع اني مب مقتنع بس مالي مفررر منك

ماتشليس----->بوفيصل..صل على النبي،خلاص إحنا جربنا نوصل

أبو الفياصل----->أكو نواف و العميد ناطرين عند البوابة(مالهم صبر )

ماتشليس----->جفت اخواننا اصيلين ما ينسونه
ينزل كل من الصديقان من السياره(الهامر2006) متجهين نحو بوابة(مدينة سوالف الترفيهية)

أبو الفياصل و ماتشليس----->هلالالا الربع شخباار؟؟

نواف بن أحمد و العميد----->تماام (مكيفيين)

العميد----->حيا الله بوغادة نورت الترفيهية(منافق):D تفضل جدامنا(متفقين هو و نواف)

ماتشليس----->لالا اليمين قبل

طبعا العميد و نواف جدموا و كلهم حسراات(للأن التذاكر بتصير عليهم) هههفشلت خطتهم المصرقعية

ابو الفياصل و ماتشليس----->يرسمون إبتسامة عريضة على وجوههم الحسناء
و يدور هذا الحوار بين المصرقعين الأربعة

نواف بن أحمد----->شبااب تبون قطار الموت احين ولا في طلعتنا(بروحهم مصرقعين..بعد قطار المووت..بيصرقعهم اكثر)

ماتشليس----->مممم و الله انا برايي نروح احين يكون احسن للأن اذا ظلمت مب شي (مسوي نفسه شجاع)

أبو الفياصل----->شفيك انت راز ويهك!!انت ناسي انك تخاف و ما بتركب...........اووووبس قصدي انت ناسي انك مصورنا!!لووول

العميد----->شالسالفة شباب؟احد يفهمني

ماتشليس----->لا و الله مافي احد مب راكب ..بس كل مافي الموضوع انه بوفيصل يبيني اصوركم ولا بيكفخني(الأخ ناوي ينشرهم في المنتدى عباله رايحيين ديزني)
و يتوجه اخواننا الى القطااار و ما ادراك ما القطااار..!!!طبعا الموضوع جرب يصير صججج

نواف بن أحمد----->يا جماعة انا رايح اشتري ماي..في احد يبي؟؟بوفيصل و العميد جدموا و انا وراكم

الثلاثي---->خلاص صار عاد بسرعة قبل الزحمة

نواف بن أحمد----->اوكككي
الجماعة ما زالوا في ارتقاب اخيهم نواااااف(ما صار ماي)

الهندي"راعي القطار"----->يللااا بابا انا في شوغل:anger: وين هذي صديق مال انته؟؟؟؟

الثلاثي---->زييين زييين ..احنا احين في شوف وين هذي نفر
الهندي"راعي القطار"----->يللااا بابا انا في شوغل (لووووووووول)
و يتمتم اخونا راعي القطار بكلمات غير مفهمومة(شكلة يسب)
و يأتي اخواننا بنواف ممسكين به كالفريسة(مسكييين نواااف)

العميد و أبو الفياصل----->نوااااااااااااااااااااااااااااااااااااااااف! ياالله جدامنا و التذاكر عليك يا ماتشليس

ماتشليس----->نحن في خدمة الشغب اوبس قصدي الشعب(اهم شي ما يجبرونه على الركوب)انتوا ركبوا و انا اصوركم

نواف----->أييييي انتوا ركبوا و انا و ماتشليس بنصوركم تحت

العميد و أبو الفياصل-----> شنو؟؟؟طيب امرنا لله و حسابنا وياك بعدين

نواف----->ماتشليس ..شرايك تروح مع الجماعة و تخليني مع الكايمره و انا اتولى المهمة؟؟

ماتشليس----->لالالالا تكفلا انا اللي باصور(عشانها كيمرة الوالد و خايف ينطق)

نواف----->اوكككككي خلاص انت تصور و انا اسليك

العميد و أبو الفياصل----->خلصوا من اللفة(راسهم داير مساكين)
و ينزلان و يأخذان ماتشليس و نواف الخواف الى قسم مكتوب عليه(قسم ألعاب الأطفال)خخخخخخخ

مسامحة طولت عليكم بس اتمنى انكم إستمتعتوا..
طبعا بدون زعل (ماتشليس و ابو الفياصل و نواف بن احمد و العميد)للأن القصة كاملة خراااطة للمرح و
التسلية فقط:D

تحياااتي للجمبع
الخليجية

shahnaz

16-01-2005, 01:56 AM

http://www.dubaieyes.net/images/feasal/f25.gif

بسم الله الرحمن الرحيم

السلام عليكم ورحمة الله وبركاته

مصافحة أولى لكتاباتك .. al7'aleejia ... :)

سرد قصصي ممتع .. :banana:

.. نطمع دوما بالمزيد .. :)

http://www.dubaieyes.net/images/feasal/f25.gif

shahnaz

16-01-2005, 03:11 AM

بسم الله الرحمن الرحيم

السلام عليكم ورحمة الله وبركاته

صورة لقطار الموت بقصتك ..

http://www.swalif.net/sforum1/showthread.php?s=&postid=1636968&t=6977#post1636968

:D

:p

العمــ^_^ـــيد

16-01-2005, 10:02 AM

ماشاء الله كنا نفكرك سكرتيرة بس لكن طلعتي كاتبة من ورانا :D

موضوع جميل وانا متأكد انك كتبته على عجلة وفي وقت قصير وبالرغم من هذا طلع الموضوع رائع :eek:

اتمنى لك التوفيق وشكرا على المشاركة :rolleyes:

تحياتي

16-01-2005, 11:09 AM

بعدي نوااااف ,,

طلعت راعيها :sleep: !!

حلوووه القصه خليجيه ,, يعطيك العافيه :)

al7'aleejia

16-01-2005, 04:19 PM

shahnaz
وعليكم السلام ورحمة الله وبركاته
كلج ذوق حبيبتي و تسلمي على الرد عنوني :cool:
ان شاءالله :p نحن في صدد إنتاج المزيد :think:
و اتمنى تواصلج الدايم ويانا..
يسلموو على الصورة
:rolleyes:

العمــ^_^ـــيد
ماشاء الله كنا نفكرك سكرتيرة بس لكن طلعتي كاتبة من ورانا :damp: :damp: :damp:
إحم إإحم طبعا لسبب واحد امس كان عندي امتحاان و اففففف افتكيت اليوم خلصت و ابتديت الأجازة:eek:
يسلموو خيي على الرد و التواصل الرائع
ايي طبعا في عجلللللة و امي كل شوي تشاغبني تدخل الحجرة و تسألني ها شخبار الدرااسة؟! :think: و انا اقولها يا يمة قطعتي حبل افكاري(افكار القصة مو الدراسة):laugh:
العفو اخوي و اتمنى ان تكون بداية جيدة

© MATCHLESS
خخخخخخ انت و نواف راعييناها :eek:
و سامحونا..
كلك ذوق اخوي و يعطيك العافية
انت الأحلى و تشكر على الرد

al7'aleejia

16-01-2005, 11:20 PM

السلام عليكم ورحمة الله وبركاته
أختي الغالية shahnaz
بس حبيت أشكرج على الصور و الكلام المؤثر في
****************
أتبـكــين ؟؟!

****************
شيء مؤثر في قلب كل مسلم يحب نصرة دينه..
الله يعينكم و يصبركم و يعينا و ياكم على نصرة دينه و تحرير فلسطين ان شاءالله..
يارب تكون عون للأخوانا في فلسطين و تنصرهم و تعلي رايتهم..آميييين
إصبري و صابري و ثقي بالله و ان شاالله تتحقق الأماني بفضله..

تحياااتي القلبية لج
الخليجية

shahnaz

17-01-2005, 01:18 AM

رد مقتبس من al7'aleejia
السلام عليكم ورحمة الله وبركاته
أختي الغالية shahnaz
بس حبيت أشكرج على الصور و الكلام المؤثر في
****************
أتبـكــين ؟؟!

****************
شيء مؤثر في قلب كل مسلم يحب نصرة دينه..
الله يعينكم و يصبركم و يعينا و ياكم على نصرة دينه و تحرير فلسطين ان شاءالله..
يارب تكون عون للأخوانا في فلسطين و تنصرهم و تعلي رايتهم..آميييين
إصبري و صابري و ثقي بالله و ان شاالله تتحقق الأماني بفضله..

تحياااتي القلبية لج
الخليجية

:

السلام عليكم ورحمة الله وبركاته

أسعد الله أوقاتك بكل الخير أختي الغالية .. al7'aleejia .. :)

.. بورك فيك وجزاك الله كل الخير .. اللهم آمين ..

.. دمتِ بخير سعادة ..

al7'aleejia

17-01-2005, 01:40 PM

وعليكم السلام ورحمة الله وبركاته
و جزاك كل الخير يا الغالية..
الله يجمعنا في المسجد الأقصى ان شاءالله و يرزقنا الصلاة فيه...

تحياااتي
الخليجية

بو علاء

17-01-2005, 03:48 PM

تمااااام يالخلييييجيييه :D

بس وين بو علاء ماشفناه :eek:

عموما قصه روعه وتمام التمام :rolleyes: وللامام :p << يواد يشاعر

واتمنى لك مزيد من القصص الي زي ذي :banana:

al7'aleejia

17-01-2005, 04:48 PM

حيا الله بو علاء
شرفتنا بهالطلة :cool:
من ذوقك..
إن شاء الله في الجزء الثاني بخليك البطل :laugh: !!

كـيـمـو

19-01-2005, 05:55 AM

كان الجو باردا و الفراش دافئا فإذا بجرس الباب يدق طن طن...طنطنطنننننننن(مشير)ههههه

يلعن ام الإزعاج اللي مع الجو هذا اللي جوه بارد والفراش دافي :damp:

ماتشليس----->بوفيصل جوف حبيب البي تكفى لا تقول لي آركب قطار الموووت تراك عارفني (يخاااف مسكين)

قلنالك اشرب ببسي وقوي ظهرك

ماتشليس----->انا افهمك الموضوع زين انت و نواف و العميد تركبون و انا اسوي نفسي متحمس و الود ودي و لكن تقول لي(بوغادة لا تركب ،شرايك تصورنا)خخخخخ

ههههههههههههه حلوه تصريفه الأطفال هذي

نواف----->أييييي انتوا ركبوا و انا و ماتشليس بنصوركم تحت

افا يانواف طلعت كمأه وانا احسبك رجالن شقردي

و ينزلان و يأخذان ماتشليس و نواف الخواف الى قسم مكتوب عليه(قسم ألعاب الأطفال)خخخخخخخ

ههههههههههههه نعم هذا هو المكان الفعلي لمثل هؤلاء

======================

سلم من كتب وسطر سطوره هذه القصه

al7'aleejia

19-01-2005, 03:17 PM

السلام عليكم ورحمة الله وبركاته
هلا كيمو ..
:D
الله يسلمك أخوي .. وشكرا على المشاركة و الطلة الحلوة :)
افا يانواف طلعت كمأه وانا احسبك رجالن شقردي
:damp: يعني شنو كمأه؟و شقردي :confused: ؟؟

تحيااتي
الخليجية

كـيـمـو

19-01-2005, 06:07 PM

وعليكم السلام ورحمة الله وبركاته

اهلين

معاني المفردات

كمأه : نوع من انواع النباتات الفطرية ( درسناها في الاحياء ليش انتوا مادرستوا والا نسيتوا ) .

شقردي : أي راعي فزعات ورجالن نشمي ولا يكاد يخلو من علوم المرجله والعلوم القبيليه الطبيعية .

إنتهى

al7'aleejia

19-01-2005, 07:39 PM

معاني المفردات :damp: -------> حلوة ذي :D "ذكرتني بإمتحان العربي ايام الثانوية"
علعموم مشكور على التوضيح :)

espio

20-01-2005, 08:16 PM

:D :laugh: :D :laugh: :D :laugh: :D :laugh: :D :laugh: :D :laugh: :D :laugh:

al7'aleejia

21-01-2005, 10:32 PM

السلام عليكم ورحمة الله وبركاته
شكرا على المرور :) :) :)

ثابت الجنان

22-01-2005, 02:13 AM

السلام عليكم ورحمة الله وبركاته

قصة حلوه كتير

يسلموا أخي الكريمة الخليجية

al7'aleejia

23-01-2005, 04:00 PM

ثابت الجنان
وعليكم السلام ورحمة الله وبركاته
الله يسلمك و الف شكر على الرد و المروور...