View Full Version : جي ستاندر موديل 2003
الجرناس
29-01-2005, 04:12 PM
السلام عليكم
عندي لاندكروزر جي ستاندر موديل 2003 , هل يمكن تغير الجير الي اتوماتيك ؟ لاني مليت من العادي مع التلفون :(
ارجوا الافاده :)
EL_3grab
29-01-2005, 08:13 PM
ههههههههه ..
وأنا أبا أجلب التماتيك للعادي ..
بس ياخي يش مليت منه .. العادي مشاي وأسمع نصيحه مجرب ..
التماتيك ما بيعطيك مشي الا اذا لعبت فيه عدل .. لو تبا تترايس تبدى من L وعقب دزه 2 .. ولازم تعرف متى تبند Over drive .. وها كله علشان يعطيك مشي تستانس فيه ..
أنا كل ما أسوقه دوووم مبند الأوفر درايف .. صح يصرف أكثر .. بس الأر بي أم ما ينزل بسرعه .. فيوم ترد تدوس يعطيك هبه ..
..
وعن سوالك تروم .. بس حرام ..
بس سوال .. كيف مليت منه .. هل في عيوب ولا كيف ..
ونتريا ردك ..
سلامي
uae speed
30-01-2005, 12:12 AM
مرحبا ..
أكيد اخوي تقدر تحوله تماتيك .. بس حرام ياخي .. عندك G ستاندر وتباه اوتو ؟
وحياتك قير عادي ويا تواير التسعميه والهدرز تحتك ياااا ويلي ... عن تخترش بس :D
صدقني أخوي فكر فيها .. ناس يتمنون يسوقون استيشن قير عادي وخاصةً الستاندر ..
والشور تراه شورك ... تحياتي :)
TOP-SECRET
30-01-2005, 02:26 AM
افاااااا
عندك ستاااااااندر وتبي تقلبه قير تماااااتيك؟؟
حرااااااااااااااااااااااااااااااااااااااام عليك
عندي كروزر قير تماتيك موديل 2000 تبادل راس براس؟
علي عبدالله
30-01-2005, 06:33 AM
اخوي ليش ماجربت تستشير الورش المتخصصة ..اكيد راح تلاقي عندهم حل
او ممكن تبدلها وتاخذ وحده موديلها اقدم شوي بس تكون اوتوماتيك
وبيني وبينك الزحام الشديد هذي الايام يخلي الجير العادي عذاااب فعلا
...... والله يوفقك :)
او جرب تبدل مع توب سيكرت .
خله يبتلش بالجير العادي شوي :D
الجرناس
30-01-2005, 12:26 PM
مشكوريين يا اخوان ,
من صغري وانا اسوق سيارات دفع رباعي جير عادي , بس الحين احس اني كبرت وسار عندي عيال احس العادي يشغلك خاصه في المدينه واستخدام الجوال . اما الممشى فأنا ما ادور عن العزم للسباق و الاستعراض :knight:
اعتقد ان شريت السياره الغلط , ولو ابيع ابخسر فيها مبلغ محترم :bomb:
وش الحل :think:
TOP-SECRET
30-01-2005, 03:02 PM
راعي البيج :-)الجكسار مالي قير عادي ترى انا اقصد جكسار واحد يقرب لي خخخخخ
بعدين موتري مايسوى الحين:(
اخوي الجرناس اذا انت مب راعي دعس وسباق وريس مالك الا عسل العويد شدخل خخخخخ
لا اقول مالك غير انك تاخذ موترك وتحطه في معرض وتشوف له شراي وتاخذ بقيمته جكسار 2002 تماتيك
او حتى فكسار ... او انك تشوف لك واحد يبدل معاك راس براس
وموترك ماخذه كاش ولا عليه اقساط؟
اذا عليه اقساط مشكله لان بتخسر وايد
واذا كاش ان شاء الله بيجيب لك سعر زين يعني بيقط لك 80 الف او 85
على حسب العداد والحاله
وبالتوووفيق
الجرناس
30-01-2005, 03:35 PM
موتري خذته اقساط :(
وباقي عليه شوي , بس شكلي بصبر عليه :cool:
العادي حلو لكن من جد في الزحمة يتعب>>> أنا التوماتيك يتعبني في الزحمة :D
مثل ما شاروا عليك الشباب شوف لك ورشة متخصصة.. :)
الجرناس
10-02-2005, 02:30 PM
سلام يا شباب , عندي رحلة لدبي بالطائرة لمدة اسبوع , واحد قال لي رح بالسياره وفي الشارقة بتلاقي جيرات نظيفة ورخيصة (نزل العادي وركب الاوتوماتيك) . شرايكم مابي اغامر وما حصل شي يسوى :(
خصوصا اني بقطع حوالي 600 كيلو لدبي :banana:
TOP-SECRET
10-02-2005, 03:00 PM
الغالي خل قير سيارتك شد وكاله ولاتحوله قير تماتيك والله نصيحه وموترك لو تبي بيعه بأقساطه وخذ لك مبلغ منه
وخلها دفعه اولى حق نيسان فتك 2005 قيرين او انك تاخذ GX قير تماتيك
تعطيهم دفعه اولى والباقي تحوله اقساط على 60 او 72 شهر لكن تحوله مانصحك ابد..
اذا انت مب راغب في القير عادي سو اعلان صغير في الوسيط او اي ملحق للسيارات
واكتب للمبادله مع GX موديل 2002 قير تماتيك وان شاء الله بتحصل لك واااااايد لان التماتيك مب مرغوب
والكل يبي يبيع عشان يشتري قير عادي
تحياتي
الجرناس
10-02-2005, 03:24 PM
مشكور اخوي توب , المشكله ان موتري نظيف بشكل اني مب عايز افرط فيه او ابيعه برخص :headshak: .
TOP-SECRET
10-02-2005, 03:38 PM
العفو اخوي وحاظرين لك
والله اخوي شاقولك اذا موترك نظيف خله على حاله وترى القير عادي زين مب شين
والحين هو المرغوب في الجيات
والله اعرف شباب يبيعون GX موديل 2002 في الخمسينات والسبب القير تماتيك
مب مرغوب القير تماتيك ياريال
ولو ناوي عالتماتيك ومافي اذنك ماي انصحك ترجعه الوكاله وتستبدله بـGX موديل 2005 تماتيك
لكن تحول القير مانصحك في الموضوع مول
يعني لو سيارتك الحين بتجيب لك مثلا 70 ولا 80 الف عقب ماتحوله اذا جاب لك 50 نعمه
HAMANN.de
10-02-2005, 03:45 PM
[QUOTE=TOP-SECRET]راعي البيج :-)الجكسار مالي قير عادي ترى انا اقصد جكسار واحد يقرب لي خخخخخ
بعدين موتري مايسوى الحين:(
اخوي الجرناس اذا انت مب راعي دعس وسباق وريس مالك الا عسل العويد شدخل خخخخخ
:D :D :D
والله انك مخلص اشدخل العسل لا بعد قول عطورا المرشود عنده عود طيب
:D :D
TOP-SECRET
11-02-2005, 05:05 AM
ههههههههههههههه مادري ياخوك يات في بالي دعايتهم وانا اكتب الرد
dbooor
11-02-2005, 07:42 AM
ولو ناوي عالتماتيك ومافي اذنك ماي انصحك ترجعه الوكاله وتستبدله بـGX موديل 2005 تماتيك
لكن تحول القير مانصحك في الموضوع مول
يعني لو سيارتك الحين بتجيب لك مثلا 70 ولا 80 الف عقب ماتحوله اذا جاب لك 50 نعمه
أنا معاه في الراي