View Full Version : ابغي سيارة ماتزيد عن قيمة 60.000 الف درهم؟
مرحبا شباب..
بس بغيت استشيركم في سيارة ماتزيد عن 60.000 الف درهم اماراتي او بالكثير 65.000 وتكون عمليه وحق المشاوير يعني والمهمات الصعبة..
يعني مابغي سيارة حق كشخه وفشخره ... ابغي اقتصادية والشكل مقبوول ومش كبيرة..
طبعا حددت المبلغ لانه المسموح به كبدل سنوي للوظيفة اللي انا فيها...
ارجوا المساعده....
sayedco
30-05-2005, 10:48 PM
Toyota Corolla 1.8
قوية اقتصادية و الشكل مقبول و المبلغ في حدود اللي تبيه
أو
Mazda 3 بس المقاعد الخلفية صغيرة و ضيقة جداً
نتسان صني مشكلتها تصرف أكثر بكثير من السيارات الإقتصادية الأخرى )1.8)
بس نصيحتي لك الكورولا ، الكل مجربينها و قوتها ممتازة و اقتصادية و الحجم جيد
RamAir
30-05-2005, 11:12 PM
سوناتا فل اوبشن وراح تدعيلي ;)
SeSo2003
30-05-2005, 11:49 PM
corolla 1.8
TOP-SECRET
31-05-2005, 12:20 AM
ماجنا اليديده
هوندا اكورد 4 سلندر
bahrainlove
31-05-2005, 12:20 AM
مازدا 6 - Grade A
محرك 4 سيلندر
اقتصادية وشكل حلو
وسعرها في البحرين 5500 دينار يعني في الامارات أرخص وبفرق السعر تقدر تضيف السيدي وبعض الاكسسوارات
اش رايك في الفكرة؟؟؟
الهاوي جروب
31-05-2005, 12:38 AM
اذا الدعوه مهمات صعبه هايلوكس غمارتين فل ابشن
Maxima_2001
31-05-2005, 02:07 AM
ماكسيما أقل درجة
الشبابي
31-05-2005, 02:42 AM
اخوي SLR ...
خلال بحثي الدائم فأغلب سيارات ال 4 سلندر استهلاكها عالي ماعدا تويوتا ... ثم هوندا فنيسان ...
وانصحك انتبه من الزووم ترى استهلاكها عالي ...
اذكر في هوندا صغيرة ما ادري كم قيمتها لكن اذكر ان جيرها cvt وهذي استهلاكها قليل واتوقع سعرها زين ..او سيفيك ...
ولو تقدر تشتري تويوتا بايرس الهايبرد بتستانس معاها كثير لأن استهلاكها ممتاز وعزمها مقبول ... واذكر انها تبدا من 16 الف دولار ..
اخوكم الشبابي
black scorpion
31-05-2005, 03:41 AM
فورد منديو او فوكس
فولكس واجن بورا او بولو او جولف
760IL
31-05-2005, 03:42 AM
مازدا 6
SL 65
31-05-2005, 08:14 AM
كورولا و أنت مغمظ :D
عندك الكامري والكورولا !! :D
الامير الاحمر
31-05-2005, 10:45 AM
هونــــــــــدا سيفــك ..
:-)
R32 HPA
31-05-2005, 12:16 PM
سوناتا فل اوبشن وراح تدعيلي ;)
خذها 6سلندر قوة فخامة شكل بسعر منافس :banana:
اتوكل على الله :p
Crackjas
31-05-2005, 12:23 PM
نيسان التيما اقل درجة
كيب رينج
4 سلندر
واقتصادية بعد
عندنا ب5400 دينار
abumhdi
31-05-2005, 12:56 PM
Toyota Corolla 1.8
وبس ..
sayedco
31-05-2005, 01:37 PM
الكورولا ما بتعاني منها أبد
لأن الكل مجربنها و الكل يعرفها
إذا تبي تغير شوي ما أنصحك بالكوري ، كانت عندنا سوناتا كل يوم فيها شي (طبعاً بعد 3 سنوات)
و الإستعمال كان خفيف (الوالدة دايماً تسوق على عدال)
بس ذكرني الاخ بالفورد مونديو ترة مصنعة في ألمانيا و الجودة ممتازة
لكن بعد الكورولا أكثر عملية و أقل صرفية
bohusni
31-05-2005, 01:52 PM
شوف
اذا بدك السيارات الأمريكية ما بنفع معاها الا ثمانية سلندر
الكوري بعض سياراته خرابها كثير ولو انها اقتصادية و قطع غيارها رخيصة
بالنسبة للياباني احسن اختيار
بس المشكلة في النيسان صني انو كل اشي على الاكس ( او المحور يعني )
فاحسن اختيار كورولا 1.8 مثل ما قالو الشباب
او هوندا سيفيك الجديدة ( افضل سيارة يابانية لعام 2001 )
cadyman
31-05-2005, 01:54 PM
رينو لاجونا او ميجان
افضل من الياباني بمراحل
سوبارو ليجاسي.....
بصراحة سيارة وااااو
شكل وقوة ودفع جماعي.....
لكن صرفيتها مدري
بس الشكل القديم منها مع صاحبي وصرفيتو معقولة....
غريب السيف
31-05-2005, 02:09 PM
هلا عزيزي اس ال ار
- عندك الفورد فوكوس الشكل الجديد سيارة حلوة حقت مشاوير وزحمه واعتقد ان سعر الفل ابشن 44 الف درهم
- وعندك تويوتا اكس ايه 1,5 لتر بس ما تسوى 57 الف
-وعندك البيجو 307 بمحرك 2.0 لتر جلد فتحه سي دي ب58 الف درهم
- البولو اقتصادية جدا 1,4 لتر والاسعار من 44 الى 58 الف
- نسيان التيما اقل نوع بس فل اوتو ب 62 الف
- وفيه ديهاتسو سيريون الجديدة سيارة حجمها صغير وشكل يشبه الميني ورخيصه جدا اعتقد انها ب 38 الف
- هوندا جاز 1,5 لتر بسعر 42 الف
- او كورولا 1.8 بس سعر الفل اوبشن 63 الف درهم بدون فتحه
اخيرا اذا السيارة للدوام انا انصحك بالهاتشباك ..تقدر اتبركنها اي مكان وما تستهلك بترول
الامير الاحمر
31-05-2005, 02:13 PM
مرحبا .. اسف عـ الازعاج
:-) :-)
ااكد عليك انه مالك غير الهوندا سيفك الجديدة ..
وأخوي اشترى قبل كمشهر هوندا سيفك الجديدة ..
اعتقد انه السيارة هي الافظــل .. وبـلا منازع في فئتهــ ـ ـ ـــــــــــا
:banana: :banana: :banana:
:banana: :banana:
ليجاسي...
http://www.fast-autos.net/subaru/legacy.jpg
http://www.fast-autos.net/subaru/legacy3.jpg
http://www.fast-autos.net/subaru/legacy4.jpg
ذي صورها العامة....
غريب السيف
31-05-2005, 02:41 PM
SM_0_SM
الله يهداك هذي غالية وفوق الميزانية اللى حاطحها الريال ....
وبعدين اتصدق ان السيارة غير موجودة عند الوكيل لانه بعده ما نزل هالشكل اللي هو موجود في اسواق الخليج كلها من سنه 2004 واتصدق تراه لين الحين ايبيع الشكل القديم على انه موديل السنه ........انا قبل ثلاث شهور كنت في الوكالة وما كانت السيارة هذي موجوده ولم سألت عنها قالوا ماندرى متى تنزل بس بيكون سعرها 95الف للفل اوشن
الوكيل تراه نايم وملتهي بتجارته في اشياء ثانية
Dark Shadow
31-05-2005, 07:17 PM
طبعا حددت المبلغ لانه المسموح به كبدل سنوي للوظيفة اللي انا فيها...
أخوي ، هي المسألة مش حسد ولا شيء بس ،،،،،،
أنت تشتغل رئيس دولة؟
Toyota Corolla 1.8
قوية اقتصادية و الشكل مقبول و المبلغ في حدود اللي تبيه
أو
Mazda 3 بس المقاعد الخلفية صغيرة و ضيقة جداً
نتسان صني مشكلتها تصرف أكثر بكثير من السيارات الإقتصادية الأخرى )1.8)
بس نصيحتي لك الكورولا ، الكل مجربينها و قوتها ممتازة و اقتصادية و الحجم جيد
مشكووور اخوي عالراي:) والكورولا بصراحة لايعلى عليها...
بس تبا الصراحة صحيح انها عمليه في في سيارات بنفس المستوى ولكن ارقى شويه يعني اشوف السيفيك احلى كشكل يعني اقتصادية ورسمية ,, وجهة نظر:)
RamAir :)
اشكرك بس الله يخلييك لاتقولي كوري... تره مستواه مايودي عندنا يعني حدة سنتين وخلاص... مش تجربة ولكن سمعتها كذا...
TOP-SECRET
مشكوور اخوي والهوندا اشوفها حلوة بس بيوصل لك القرار الاخير في اخر رد لي ان شاء الله:)
bahrainlove
مشكووور اخووي :) المازدا حلوة بس احس اني اجرتها مرة وكانت تصرف بترول مقارنة مع السيارات الاخرى اللي في نفس الكلاس...
محمدالعلي:)
انا فمدينه مش في بر :D
Maxima_2001
مشكوور اخوي بس الماكسيما احسها مالجيش والعسكريه يعني كانك طالع الجمعه عالدوام ومعلق ثيابك عالجامه الخلفيه... مع انها لايعلى عليها بس فيها مشاكل من ناحية التأمين ...
الشبابي
ماقصرت اخوووي وبصراحة المازدا حلوة بس اخاف الناس يقولون رابحنها في عصير افتح واربع والله الناس ماترحم على اقل شي يطلعون عليك :)...
black scorpion
خيارات حلوة امريكيه والمانية بحت:) بس مع ذلك لاتنسى قطع الغيار ...
760IL
نفس رد الشبابي:)
ERT و SL 65
مشكووورين اخواني واكيد اشوف الكامري تودي:) بس الرد والقرار النهائي في اخر رد ..
Crackjas
مشكووور اخوووي وبصراحة رايك هو القرار النهااائي وان شاء الله... بس بزيد من عندي جمن الف..
sayedco و Abumhdi
مشكوورين شباب وانا على علم تام ان الكورولا شيخت السيارات الاقتصادية يعني مثل يحتذى بها.. بس ميولي انا لسيارة غيرها اشوف...
bohusni
مشكووور اخوووي عالاقتراح... بس اكيد الامريكي ببتعد عنه في هالنوع من القرار .. واشوف السيفيك انسب...
cadyman:)
تبا توديني فداهية اخووي عاده رينو..؟؟؟!!!!! شو بيقولون عني الناس....
السوق عندنا يختلف يعني هالسيارة كئيبه بالنسبة للبيئة اللي حوالينا....
SM_0_SM
لا اخووي مستحييل والله السوبارو... يعني ماعرف شو اقولك بس مشكووور ترى اقتراحك في محله بس مافكر بهالنوعية من السيارات...
غريب السيف
مشكوور اخوي وماقصرت .. ترى انته حطيت كل الخيارات تقريبا اللي تفضلوا بها الشباب ..
وعن الالتيما ترى هذا قراري ان شاء الله وبالفعل بـ62 الف يعني ال60 عليه والباقي عالدواام...
Dark Shadow
رئيس دوله!!!
انته وين عايش اخوي؟؟؟ وواضح من ردك انها مسألة حسد وقلتها وكتبتها لانها عبالك....
بس اطمن لاني مابرد عليك...
ومشكوورين شباب وماقصرتوا...
وقراري الاخير وعسى الله يوفق هو نيسان التيما ولون اسود بعد:)
SLR
رفجة عرب
31-05-2005, 10:19 PM
اختيارك ماشالله حلوووو ..
ومبروك مقدما ..يعطيك خيرها ويكفيك شرها..
العمده
31-05-2005, 10:57 PM
ما شاااااااااااااااااااء الله مرررررررررررررررة حلوة
الله يعطيك خيرها ويكفيك شرهااااااااااا
TOP-SECRET
01-06-2005, 12:37 AM
اختيار موفق الصراحه
والله يعطيك خيرها ويكفيك شرها ان شاء الله
Maxima_2001
01-06-2005, 02:08 AM
الله يعطيك خيرها ويكفيك شرها
كافي انها نيسان ياباني أصلي