View Full Version : سعر الجراند شيروكي الجديد !!!!!!!!! هنا
غريب السيف
07-06-2005, 02:24 PM
السلام عليكم
قبل شوي كنت اتكلم بالهاتف مع مسؤول المبيعات في وكالة الجيب في دبي على اساس اني طالب تجربة للسيارة
وحصلت على اسعار السيارة الحالية
وهي
- ليمتد بمحرك 4,7 لتر ب 145 الف كامل المواصفات
- ليمتد بمحرك 5,7 لتر هيمي وقوته اقل من المحركات اللى على موديلات دودج وتبلغ 327 حصان
ب 163 الف فل اوبشن ولكنه يحتوي على نظام فصل الاسطوانات لتقليل صرف الوقود
ولكن لاتحتوي السيارة بنظام ملاحه
-اما اقل نوع وهو لاريدو بمحرك 3,7 لتر V6 اعتقد انه 126 الف (ما اذكر كم قالي)ولايوجد به فتحه سقف او جلد وبعض التجهيزات اللى في موديل الليمتد
وحاليا لاتتوفر اي للتجربة الا بعد اسبوع وقد وعد بالاتصال بي للتجربة واكيد اخوى GRANDE V8 هو
الشخص اللى بيرافقني -هذا طبعا اذا ماكان عنده مانع ووقته يسمح له- ونبغي بعد مصور محترف
يلتقط صور حلوة ...
اخيرا شبااااااااااااااااااااااااااااااااب شو رايكم في الاسعار
وخصوصا ابغى راي GRANDE V8 لانه خبير فيها
وشكرا
uae speed
07-06-2005, 03:20 PM
والله بما انه شكل جديد ، فالاسعار مناسبة الى حد ما ،
لكن محرك هيمي خيب ظني ، كنت متوقع انه يكون أقوى و 327 حصان أشوفها غير كافية !
يعطيك العافية أخوي ، وننتظر التجربة منكم ان شاء الله :)
TOP-SECRET
07-06-2005, 03:40 PM
انا اشوف الاسعار مناسبه او مرتفعه شوي بالنسبه لسياره امريكيه وفوق هاذا فورويل
بالنسبه لمحرك الهيمي لاتنسون شباب انه على سياره بنفسحجم الكروزر ويمكن وزنها اقل و330 حصان
مب سهله بشغلات خفيفه بتصير 400 حصان
بس اخوي غريب السيف هو نزل رسميا عندكم ولا شلون؟؟
ومحرك الهيمي ينزل عليه جير عادي ولا كله اوتو؟
وبانتضار التجربه :>
الأنصاري
07-06-2005, 03:45 PM
اشوف الأسعار معقوله نوعا ما ومحرك الكبير قوي بالنسبه لسياره بحجم ووزن الجيب
ونتمنى نشوف موضوع كامل عن تجربه القياده
grandv8
07-06-2005, 05:08 PM
السلام عليكم ورحمة الله وبركاته
غريب السيف
هلا اخوي
نفس الاسعار الي خبرني مندوب المبيعات.
السعر حلو وخاصة 4.7 الجديد ومافي فرق بين الموديل القديم 130 الف درهم يعني 7 الاف درهم ازيد.
اما محرك الهيمي سعر مناسب للمواصفات الي فيه ،انا اليوم ساير لوكالة المشروعات التجارية واجوف صاحبنا هناك وكيف الوضع.
اما على التجربة انا حاضر اخوي واي وقت والكاميرة جاهزة بالتمام.
انت خبرني وارسل على ايميلي.
اخوي حمد نظام القير تبترونك من 5 غيارات.
فرق القير الهيمي عن قير 4.7 بتعديلات احسن من قبل.
شكرا لك
:D
غريب السيف
07-06-2005, 09:00 PM
هلا شباب
uae speed: انا تفاجئت بعد بالقوة الاقل عن الهيمي المتعاد ولكن التسارع جبار ويبلغ 6.9 ثانية اي والعزم رهيب ويتفوق على كايين اي واكس فايف ورنج سبورت اللى بدون سوبر تشارجر
TOP-SECRET:الاسعار شوي مرتفعه عن الامريكية بس قوة السيارة الجبارة واداءها والمواصفات يخليك تقتنع بالسعر ...
والسيارة ...نعم نزلت رسميا وبدأ تسليمها للزبائن ..والمحرك ما يجي الا ب أوتو فقط بخمس سرعات تيبترونيك
الأنصاري: انشالله انسوى التجربة مع الاخوان لما تتوفر السيارة في اقرب فرصة
grandv8: مشالله انا كان من المفروض اروح الوكالة بس لان ما فيه سيارة للتجربة قلت انتظر لين توصل وانسوي تجربة لها ....والله زمان ماشفنا تجارب للسيارات
وانشالله يعطونا السيارة ونجربها معاكم على مختلف التضاريس
وعن الاسعار الزوينة اعتقد في حال نزول موديل SRT-8 بيكون تقريبا 190 الى 200 الف والله اعلم
grandv8
07-06-2005, 10:07 PM
grandv8: مشالله انا كان من المفروض اروح الوكالة بس لان ما فيه سيارة للتجربة قلت انتظر لين توصل وانسوي تجربة لها ....والله زمان ماشفنا تجارب للسيارات
وانشالله يعطونا السيارة ونجربها معاكم على مختلف التضاريس
وعن الاسعار الزوينة اعتقد في حال نزول موديل SRT-8 بيكون تقريبا 190 الى 200 الف والله اعلم
انا رحت الوكالة اليوم وقال المندوب السيارات بتكون جاهزة على الاسبوع الجاي ان شاء الله ،لاني كنت بورشة جيب بالراشدية جفت حوالي 5 غراند شيروكي مكينة هيمي كان مسوين عليه تجارب بجبل على ،وقال انه بعدين مسوين تجارب للوكالات الي يبغي يجرب.
ان شاء الله بيتصل عليه وانجوف كيف الوضع، والله من زمان على التجارب بس مافي تشجيع من الاخوان بالمنتدى.
شكرا لك
TOP-SECRET
08-06-2005, 01:38 AM
مشكور عاتوضيح يابوحسن
والي بمحرك هيمي نزل بعد ولا للحين؟؟
grandv8
08-06-2005, 04:15 PM
السلام عليكم ورحمة الله وبركاته
اخوي حمد نزل محرك الهيمي بدبي وسعره 163 الف درهم
وان شاء الله قريب نجربها
:banana:
TOP-SECRET
09-06-2005, 12:57 AM
تمام والله محرك هيمي وسعره كبدايه ممتاز اتوقع بينخفض والسبب يعود على انه امريكي وقلة الاقبال تنزل من سعر السياره وبنشوف السياره سعرها ممتاز وبتكون في قائمة السيارات الثانيه
والـ4.7 ينزل جير عادي.؟