هل في حل لمشكلة الإسطبات؟؟

[sayedco]

السلام عليكم

آنا من كم شهر و الإسطبات الأمامية (الأنوار) صايرة عليها طبقة خشنة تقريباً و لونها أصفر و صايرة مع أكثر من واحد ، و جربت عليها أغلب أنواع البوليش و ما في فايدة ، و هو مؤثر كثير في مظهر السيارة ، قال لي واحد يشتغل عند الوكيل إنه في محلول يرش عليه في نفس الوقت يصير كأنه جديد ، جربت منتج يتكون من ثلاث أكياس بعد ما فيه فايدة فهل في أحد صايدته هالمشكلة ؟؟

و المشكلة بعد إنها لا يمكن تغييرها ،، و إذا ما حصلت حل بحط عليها رايبون أسود عشان أغطي العيب .

و هاذي بعض الصور ، ترا الأنوار منظفة بس تبين كدا كأنها سنة ما غسلتها و هاي المشكلة بالضبط

http://www.3rbvoice.com/upload/pic/Dsc01895.jpg
http://www.3rbvoice.com/upload/pic/Dsc01893.jpg
http://www.3rbvoice.com/upload/pic/Dsc01892.jpg

و السموحة على الإطالة و إن شاء الله أحصل أحد يفيدني

[SmLo]

والله ما أدري............

لكن الواحد لا جا يمسك خط..........يحطلها فيري قدام ويسيبو ينشف يقوم يسوي زي الطبقة عالنور.....

ولا يشتريلها غططى.....(( برقع :: عند أهل الرياض ))


دا اللي أعرفو........

[Prelude 4 Life]

في محلات في الدمام متخصصة في هالشغلات

ينظف لك النور ويرجعه جديد ب 50 ريال

لكن انت من البحرين صح؟؟ :think:

[TOP-SECRET]

فيه محلات متخصصه في ازالة هذي الطبقه من السياره

ومن فتره طويله عرض واحد من الشباب موضوع يبيع فيه هاذا المحلول الي يزيل هذي الطبقه

بس يمكن من سنتين عرض الموضوع لول

والله يعينك اكيد بالبحرين محلات تشيلها

[sayedco]

مشكورين شباب على المساعدة

أخوي عصام ... هو مو بسبب الخط لأني صديقي ما سافر قط و عنده نفس المشكلة أظن لأنه بلاستيك يصير جذي

أخوي برليود ... آنا من البحرين

مشكور أخوي توب سيكرت و بدور على هالمحلات (مع إني دورت كثير )

و المشكلة السيارة بعض الأوقات الوالدة تستخدمها ،لولا ... جان من زمان حطيت على الأنوار رايبون أسود

إخواني الباقيين ما عندكم حل؟؟

[mini s]

akoy jareb te7ot zeet hag al akel wastana dagega w amsa7 b mnshafa w shof eash yeser m3ak

[ح ب ي 300]

عندنا في السعودية ملمع يباع في محلات الزينة والسعر مسجل الكرتون من المصنع سعرة 50 ريال انا مجربة على سيارتي اللكزس في البداية كنت لا أرى أي شي في النور من شدة تغير اللون حتى في الكشافات وعندما أستخدمت هذا المملع مرتيين صار النور جديد كأني شاري واحد جديد
الملمع يحتوي علي الآتي:
- 3 ورق صنفرة.
- 6 عبوات مزيل الخدوش الصعبة.
- ملمع بودي ولاكن جاى في 2 غلاف.
- 2 ملمع نهائي.
- قطتعتي قماش.
--------------
وأهم شي في كرتون الملمع هو
مزيل الخدوش الصعبة
ورق صنفرة
أما الملمع فتستخدم ملمع البودي لانه يفي بالغرض.

[bahrainlove]

هلا خوي .........

انا كان عندي نفس المشكلة في الهوندا سي آر في وصار شكلها يفشل ... فسألت شباب سوالف وما قصروا دلوني على مكان في الدمام اسمه (أرمز) بالقرب من الحياة بلازا وكان شغله مضبوط ورجعهم تقريباً 90% الى حالتهم الأصلية وما اعتقد انك بتحصل في البحرين محل بديل وأي خدمه احنا حاضرين....

http://www.w6w.net/users/09-06-2005/w6w_2005060901045387776c058e62.jpg

[sayedco]

ميني إس ... مشكور على الرد و الطريقة

***

ح ب ي 300 ... بادور على هذا المنتج و سمعت إنه مفيد جداً بس المشكلة في البحرين مو موجود يمكن أدوره في الدمام أو خبر

شكلي تعبتك كل هالرد الطويل كأنه مقادير مالت طبخة :D
مشكور على الرد

***
بحرين لوف ... مشكور على الرد و عدل كلامك البحرين ما فيها شي لازم نروح السعودية

[الأنصاري]

يالله اخوي اشتري المنتج وخلي نشوف الفرق

[sayedco]

اخوي اشتري المنتج وخلي نشوف الفرق


لو السالفة بهالبساطة كان شريته من زمان بس مو موجود في البحرين أدور كل مكان ما أحصل
بس إن شاء بعد هالأبوع عندي امتحانات بشوف من السعودية