والله عيييييييييييييييب

[B.M.W X5]

بسم الله الرحمن الرحيم

السلام عليكم ورحمة الله وبركاته

تحية لإعضاء هذا المنتدى الشرفاء الذين أذا وعدوا أوفوا

فمن شيم المسلم العربي أنه أذا وعد أوفى ومن صفة المنافق أنه أذا وعد أخلف لقول الرسول صلى الله عليه وسلم ثلاثة فيهم خصلة من خصال النفاق وذكر منهم الشخص الذي أذا وعد أخلف

بالأمس كان التجمع المزعوم في البحرين ......... طبعاً أنا ذهبت إلى هناك على أمل اللقاء بالشباب :think:

أنتظرنا أنا والأخ SEYDCO إلى الساعة ال 8 مساءاً ولم يحضر أحد :bomb: وطبعا كان معانا على الأتصال الأخ العزيز والغالي السعودي C6 (محمد ) من مكة وصديقه الأخ فيصل حمدان الصراحة شباب روووووووووعة لنا الشرف بمعرفتهم :eek:

وهذا الصراحة كان أحلى ما في التجمع معرفتنا بهالشباب الطيبة واللي تعرف شلون تحترم مواعيدها حتى لو كانت بدولة ثانية مع العلم أن الأخ محمد كانت سيارته في التصليح بس لأنه أعطى كلمة وكان فعلاً قد كلمته أصر أنه يجي البحرين في سيارة خوية ويحضر التجمع :banana:

أحب أقول كلمة صغيرة للشباب اللي قالوا بيحضورن وما حضروا

الحق مو عليكم ......... الحق علينا اللي تعبنا نفسنا وجينا نتلاقى معاكم لأنكم الصراحة ما تستحقون الواحد يضيع وقته علشانكم :glasses2:

أذا الواحد فيكم مشغول ولا شي يتصل ويقول أنا مشغول وبنعذره بس أنه يسفه وما يحضر فهذي قلة حياء .

على العموم أنا عرفت الحين سبب تدني مستوى منتدى سوالف والسبب راجع لبعض النوعية من هالأعضاء الأطفال الصراحة




تحياتي لكل شخص يحترم مواعيده :)

وانا من اليوم وطالع راح تقل مشاركاتي ويمكن ما أشارك بعد :mad1:


تحيات الزعيم :glasses2:

[kaser annassr]

بسم الله الرحمن الرحيم

السلام عليكم ورحمة الله وبركاته

مشكور اخوي الكريم BMW X5 على روحك الرياضية وعلى تمسكك بالتجمع والتزامك بالوعد وما نقول إلا الله يعطيك العافية ويمكن الشباب عذرهم معاهم

الغايب عذره معه اخوي


واجرك عند الله سبحانه وتعالى إن شاء الله

المهم ما تخلي هالقصة تضعف معنوياتك



هدي اعصابك اخوي خبري بيك اكبر مصرقع مو اكبر معصب


مشكور والله يعطيك العافية وصراحة انت وربعك ما قصرتوا

[saymyname]

السلام عليكم

والله الصراحة ان زعلان كثييير علشانكم، موضوع التجمع صارله تقريبا شهر والكل سار يدري عنه، والمشرفين الله يجزاهم خير ثبتوه لكم....وماشالله على كلامكم الاخوان من السعودية حضروا على الرغم من وجود بعض المشاكل، يعني اش سبب فشل التجمع بعد كل هذا التحضير والتذكير، ياليت لو تعطينا اسماء الاعضاء الي اتفقت معهم عشان يحضرون اللقاء وماحضروا، لان بصراحة مالهم عذر انهم مايحضرون، واذا كان عندهم اعذار يقدروا يقدموها لنا.....

والله يقدم مافيه الخير...

[الشبابي]

اخوي الحميدي ... هدي اعصابك يا رجال ترى الدنيا ما تسوى ....
ومرة ثانية ولا يهمك اذا صار تجمع انا اجيك من جدة .. :D









اخوكم الشبابي

[عاشق التضبيط]

انا عن نفسي وبالنيابه عن اخوي راعي الكابرس نعتذر اشد الاعتذار عن عدم حظورنا

وبصراحه انا كنت متحمس احظر التجمع وكنت حاسبها صح لان كان فيه تجمع ثاني لمنتدى آخر وهو منتديات مملكة البحرين وكان موعدهم الساعه 5 يعني كنت مواعدهم وكنت بقعد معاهم ساعتين بعدين اجيكم بس للاسف صار لي ظرف طاريء وماقدرت احظر لاتجمعهم ولاتجمعكم


وعلى فكره انا قلت (احتمال نحظر) اذا سمحت لنا الظروف

بس للاسف تجري الرياح بما لاتشتهي السفن

[red_RPM]

المسامح كريم يا إخوان
والجايات أكثر وأبرك
إنشاءالله
وكلكم إرجال وكل واحد عند كلمته والشباب يمكن لهم ظروفهم يا X5

الله إيبارك فيكم

[grandv8]

السلام عليكم ورحمة الله وبركاته

B.M.W X5
هلا اخوي الحميدي

بالنسبة الي ماحضر التجمع يمكن له عذر وانه ماقدر يتصل او يجي وان كثير من الاعضاء مسافرين بالصيف واكيد كل واحد مشغول صاير.________________________________________________
أحب أقول كلمة صغيرة للشباب اللي قالوا بيحضورن وما حضروا
الحق مو عليكم ......... الحق علينا اللي تعبنا نفسنا وجينا نتلاقى معاكم لأنكم الصراحة ما تستحقون الواحد يضيع وقته علشانكم

اخوي كل مكان يصير هالمشكلة وقت التجمع قليل الي يوصل او يعتذر حتى التجمع الي يصير بالامارات تحصل قليل من الاعضاء يجي ._______________________________________________

أذا الواحد فيكم مشغول ولا شي يتصل ويقول أنا مشغول وبنعذره بس أنه يسفه وما يحضر فهذي قلة حياء .

اخي الكريم مب شرط الي مايجي انه قليل الحياء بالعكس يمكن صار له ظرف الله يعلم بحاله كيف صار له وكيف انه بمشكله كبيرة._______________________________________________
على العموم أنا عرفت الحين سبب تدني مستوى منتدى سوالف والسبب راجع لبعض النوعية من هالأعضاء الأطفال الصراحة

اخوي المنتدى به ناس ورجال محترمين ،والله اخوي لو مكان عندي شغل لكان جيت انا البرحين او واحد وانا اعذرك على تخلف كثير من الاعضاء الي لم يحضر التجمع ،يعني مب شرط انك تترك المنتدى ياما صار مشاكل وعدم حضور كثير من الاعضاء بالتجمعات مازعلنا وكل واحد وظرفه وحتى تقدر تسأل اي واحد بالمنتدى_________________________________________________
انا اعرف حرصك الشديد وعاتب على كل لم يحضر او له عذر مقبول او ظرف طارئ

اخوك
محمد

[TOP-SECRET]

افااا شلون يا اعضاء سوالف ليش جذي

لالا الصراحه مو حلوه في حقكم

انتمنى كل شخص شارك في الموضوع المثبت عن التجمع الي بيصير في البحرين وقال انه بيحظر

يكتب رد على هاذا الموضوع ويكتب سبب عدم حضوره والله عيب فعلا ومالوم الريال يوم انه متنرفز جذي

وهو كاتب الموضوع متعب نفسه وحاط تاريخ للتجمع و اخذ كلامكم بشكل جدي وجذي تسوون فيه

مو حلوه الصراحه وانتو ماخيبتوا ظنه بس حتى احنا كا اعضاء كنا ننتظر منكم تجمع مميز لكن للأسف خيبتو الضن فيكم

[رفجة عرب]

ماصار الا الخير ياخوي ..

وخيرها في غيرها ..

وكل واحد وظروفه ...

وبالتوفيق للجميع ان شاءالله ..

[علي عبدالله]

حصل خير ..حصل خير
وان شالله مايكررونها مرة ثانية :D

ثم انتو تعرفتوا على شباب من مكه ..وهذا بحد ذاته فائدة ... يعني استفدت شي وهذا المهم :)
واللي ماحضروا ان شالله يحضرون في مناسبات ثانية :)

[B.M.W X5]

السلام عليكم :shy:

يا جماعة العذر والسموحة على الموضوع اللي نزلته وكنت معصب جداً :D

بس يا جماعة شي يقهر الصراحة يعني الواحد جاي ومتعني ومغسل سيارته ومعدل شكله :D وآخر شي محد يحضر :bomb:

الله يعين الشباب اللي جو من السعودية وما حصلوا شي وين نودي وجهنا من الفشيلة يا أهل البحرين :shy: فضحتونا :ranting:

kaser annassr
هلا أخوي وشاكر لك ردك

saymyname
يا هلا بك أخوي وبالفعل الشباب اللي قالوا بيحضرون وما حضروا مالهم عذر بس شنو نقول :headshak:

الشبابي
تسلم يالغالي كلك ذوق وأنا مهدي أعصابي ما تعرفني زعيم الصرقعة :D

عاشق التضبيط
:( أنت قلت أحتمال أنك تحضر يعني ما عليك عتب :) )

red_RPM
أنا خلاص سامحتهم أخوي :D

grandv8
هلا والله بشرفنا محمد
أنا اللي قهرني ال 15 عضو اللي أكدوا أنهم جايين وخلاص أحنا أعتمدنا وبالأخير ما يجون :mad:
أما اللي قال يمكن أجي وما جا هذا ما عليه عتب :sss:

راعي البيج

بالفعل أخوي والله كان أحسن شي أن أحنا تعرفنا على الشباب الطيبين من السعودية وهم تعرفوا علينا بعد :glasses2: :D


TOP-SECRET
والله أنت فاهمني الغالي تقبل تحياتي :eek:


رفجة عرب
إن شالله ما يكررونها مرة ثانية!!!!!!!!!!!!!!!!!!!!!!! :think:
أنا مرة ثانية مب رايح تجمعات :D
خلاص تووووووووووووووووووبة :D
ألف شكر لك أخوي :)



وبالنسبة لقصة أنسحابي فأنا أقول :glasses2:








كان كلام واحد معصب بس خلاص هونت وقاعد على قلوبكم :D

واللي مو عاجبه :bomb:








يطق راسه بأحسن طوفه :knight:

أمزح أمزح :D




تحيات زعيم الصرقعة :glasses2:

[B.M.W X5]

عجيييييييييييييييييييييب أذا الواحد يعصب والناس تقوم تهدي فيه :lol:

يحس نفسه مهم :D

بس خلاص كل يوم راح أعصب :bomb:


تحيات زعيم الصرقعة :glasses2:

[KING OF THE DARK]

مرحبااااااااااااااا


افا ما هقيتها من اهل البحرين


لكن اول ما ارد البحرين سنه الجايه


سو انت التجمع و احسبني انا اول وااااااااااااااااحد وياااااااااااك وحتى لو ما راح يجي

احد نسوي انا وانت تجمع















^_^

[bahrainlove]

اما واحد من اللي ما حضروا بس عندي عذري وهو ان قبل وقت التجمع بقليل كنت مع صديقي ورايحين للمكان ومجهزين سيارته مازدا 6 الأصفر والا واحد من الشباب الطايش صدمنا عند الدوار (دوار القدم) وهو دائما مزدحم في هالوقت وبعدين اتصلنا لشرطة المرور و قالور لنا انه لازم نعمل محضر في مركز البديع (مركز البريد) وطبعا على ما انتهينا من كل هذا ضاع الوقت وتعكر المزاج وتغير البرنامج .......... وأرجوا ان تسمحوا لنا هالمره وان شاء الله المره الجايه انا بقوم بترتيب تجمع في شهر ديسمبر او يناير وبيكون ناجح باذن الله