View Full Version : للمره المليون السماح بالتظليل في السعودية
ابو دانه
27-06-2005, 07:29 PM
السلام عليكم
اليوم صدر قرار للمره المليون بالسماح بالتظليل وبكرا اكيد ينزل القرار مليون وواحد يلغي القرار ويمنع التظليل :D
بشفافية تصل إلى 70٪
الموافقة على تظليل زجاج السيارات
الرياض - نايف الوعيل:
صدرت موافقة صاحب السمو الملكي الأمير محمد بن نايف بن عبدالعزيز مساعد وزير الداخلية للشؤون الأمنية، لأصحاب الجهات المعنية على تظليل الزجاج الأمامي والخلفي وزجاج البابين الأماميين على جانبي مقعد السائق.
وتضمنت موافقة سمو مساعد وزير الداخلية للشؤون الأمنية بشأن تنظيم عملية درجة تظليل زجاج السيارات المسموح به أن تكون شفافية التظليل حتى نسبة 70٪ طبقاً للمواصفات العالمية وذلك للزجاج الأمامي والخلفي وزجاج البابين الأماميين، أما بقية الزجاج فيمكن أن تكون نسبة شفافيته حتى 50٪ كما هو وارد في المواصفة القياسية السعودية للسيارات والتي تأتي تحت الرقم 1438/2003.
http://www.alriyadh.com/2005/06/27/article75568.html
Prelude 4 Life
27-06-2005, 07:57 PM
بعد فترة بتشوف كيف الشباب اللي قاعدين يشيلوا التظليل عند كل نقطة تفتيش :headshak:
Mishal
27-06-2005, 08:34 PM
وعليكم السلام
وش معنى ((بشفافية تصل إلى 70%)) ؟؟؟ هل المقصود يعني تظليل اقرب للتظيل القوي؟ اللي محد يقدر يشوف سايق السياره او كيف؟
انا اذكر اني اخر مره يوم كنت في الرياض ايامها كان مصرح بالتظليل
* للزجاج اللي للابواب اللي ورا قوي والا مو قوي
* و تظليل الزجاج الخلفي تظيل خفيف
* اما زجاج ابواب السايق او الامامي ممنوع
وفي لندن عندنا التظليل مسموح
* للزجاج اللي للابواب اللي ورا تظليل قوي والا خفيف
* تظليل الزجاج الخلفي تظيل خفيف
* و تظليل الزجاج اللي جنب السايق تظليل خفيف
* اما اللي قدام ممنوع
مع اني اشوف الشباب العرب و الاجانب يظللون كل ابو السياره تظليل قوي ما عدا اللي قدام والشرطه ما تقول لهم شي :confused:
Mishal
27-06-2005, 08:40 PM
الا عندي سؤال, فيه نوع من الزجاج طلبيه يجي مظلل تظليل قوي و تركبه بدل الزجاج الحالي حق السياره, وش موقف الشرطه في السعوديه منه؟ يعني لو مسكوني هل راح يطلبون مني اني اكسر الزجاج او افكها :D او كيف؟
السلام عليكم
الا عندي سؤال, فيه نوع من الزجاج طلبيه يجي مظلل تظليل قوي و تركبه بدل الزجاج الحالي حق السياره, وش موقف الشرطه في السعوديه منه؟ يعني لو مسكوني هل راح يطلبون مني اني اكسر الزجاج او افكها او كيف؟
بالضبط!
لا والله من جد الي اعرفه ان السيارة تنحجز الين ما يتغير القزاز!!!
TOP-SECRET
28-06-2005, 12:32 AM
لول شباب
الشفافيه هذا تظليل يكون بلاستيك ويتركب نفس التظليل الزق العادي بس لونه يكون نفس لون قزاز السياره
بس يكون اغمق شوووووي من قزاز السياره
لكن يحمي الركاب من الشمس لكن كمنظر ماراح يغير من شكل السياره الا قليل جدا ..
يعني بيكون لونه رصاصي فاتح تقريبا..
وعالعموم هو اغلا من التظليل العادي لول
يمكن صرحوا فيه لان يعرفون محد بيدفع على القزاز كامل للسياره تقريبا 700 ريال (من ورى وقدام وكل مكان)
وللقزازتين 200 ريال هاذا في قطر سعره بهالطريقه اول مانزل كان ب1500 كامل والحين اسمع الشباب يقولون كامل
من 500-700 على حسب السياره
ويالله بالتوفيق ان شاء الله
الهاوي جروب
28-06-2005, 02:21 AM
عجييييييييييب سمحوا الله يستر مايلغوه ثاني ان شاء الله تكون اخر مره
دكتور / مجنون
28-06-2005, 02:29 AM
يوم قالوا شفافيه 70%
يعني التظليل يكون 30% (هذا بالنسبه للحراري)
اما للتظليل ابو دله (يعني حق السوق) يعني 00
STS4ever
28-06-2005, 04:32 AM
معقووول يسمحون بتضليل قزاز السائق والراكب الامامي ؟
هي حاجه حلوه ومافيها اي ضرر ومنافعها اكثر من مضارها بس معقووول الشي هذا ؟
مبروكين شباب السعوديــــــــــــة :)
DDesigns
28-06-2005, 11:42 AM
والله هذا شكله تمهيد حق سواقه البنات ... لوووووووووووووول .
abumhdi
28-06-2005, 12:16 PM
ايه ولله صدقت .. بعد يومين يصدر قرار مخالف لهذا القرار بالمرررررة .. !!!
والمواطنين هم اللي .. ذايقينها ..
مانقدر نقول غير .. الله المعين ..
uae speed
28-06-2005, 12:59 PM
احنا في الامارات مسموح للجميع 30 % نسبة المخفي !
حتى بعض الشاحنات مركبين مخفي ! :D
وأعتقد مب متأكد ، اذا بغيت تركب نسبة مخفي أكبر ، لازم تدفع مبلغ معين ..
وسمعت ان نسبة 100 % اللي نسميه عاكس شامل (اللون الفضي) لازم تدفع 10 الاف درهم ..
لكن الشباب عندنا نادر ما يركبون 30 % ... كل واحد مكتم موتره فوق الـ 70 % :D :D
TOP-SECRET
28-06-2005, 03:42 PM
احنا سمحوا لنا السنه الي راحت وكل الشباب تظليل عاكس
بس بعدها ادارة المرور قالت قرار بالالغاء لان على كلامهم زادت الحوادث لول
الشبابي
28-06-2005, 04:20 PM
هو شكل الخبر أكيد ...
لكن صدقوني في اول الايام ستجدون ان بعض العسكر يستهبلون ويقولون ما جانا امر ولاجانا خبر ويكذب ويفك التظاليل وبعد ما يشيع الخبر وينتشر يظطر يطبقه ....
الاخ حمد ...
قصدك التظاليل العازلة للحرارة ؟؟؟ زين انه ب 700 عندكم ... انا مركب عند ارخص شركة وهي جونسون ب 1440 ريال للون الشفاف ومع الحرارة ما يحتاج ...
واذا كان على اللون فيوجد لون مشابه في المحلات التجارية ورخيص وشكله على السيارة ايضا حلو ولو تم تظليل السيارة بالكامل من جميع الجهات بيعزل كمية من الحرارة حلوة ...
اخوي DDesigns ...
هي فعلا شكلها بداية سواقة الحريم ....
اخوكم الشبابي
TOP-SECRET
28-06-2005, 04:36 PM
ايه نعم عليك نور بوحميد التظليل الحراري سألت واحد من الشباب ركب كامل على يوكن 2004 من قدام وورى
وقال انهم خذوا عليه 550 ريال كامل
ومرتاح منه كثير
grandv8
28-06-2005, 06:38 PM
السلام عليكم ورحمة الله وبركاته
الله يعينكم اخوانا بالسعودية على القرارات بالنسبة للتلوين،
اسعار التلوين تتفاوت انا مركب تلوين ضد الحرارة للسيارتي من نوع تياوني بس ماشاء الله حلو بسعر 100 درهم ويخفف اشعة الشمس من الداخل ويبقى السيارة على الاقل حرارة خافضة من الداخل.
والله حرام اركب تلوين من 500 او 700 او 1000 او 1500 وبهدين يجي قرار وافك التلوين كله.
:)
70% يعني زيرو ون؟؟؟؟؟؟؟؟؟؟؟؟
الشبابي
29-06-2005, 04:20 AM
اخوي محمد ...
انا ركبته وكان رخيص .. في ناس كثير ركبت من v cool وسعر التركيب 3200 ريال للسيارات الصغيرة و حدود 4000 للسيارات الكبيرة ....
اخوكم الشبابي
STS4ever
14-07-2005, 07:25 AM
انا ضللت وفكو التضليل ابشركم بحجه انه ماوصلنا القرار !
هههههههههههه احسن ادارة مرور في العالم عندنا
دكتور / مجنون
14-07-2005, 11:30 AM
السلام عليكم ورحمة الله وبركاته
الله يعينكم اخوانا بالسعودية على القرارات بالنسبة للتلوين،
اسعار التلوين تتفاوت انا مركب تلوين ضد الحرارة للسيارتي من نوع تياوني بس ماشاء الله حلو بسعر 100 درهم ويخفف اشعة الشمس من الداخل ويبقى السيارة على الاقل حرارة خافضة من الداخل.
والله حرام اركب تلوين من 500 او 700 او 1000 او 1500 وبهدين يجي قرار وافك التلوين كله.
:)
أنا ظللت السياره تظليل كوري (حراري) بـ 100 ريال !!
التظليل شبه ممتاز و الحراره نص و نص !! يعني مقبوله :)
ايميل مغبر
14-07-2005, 11:15 PM
وبمناسبة هالقرار الحلو
ظللت السيارة كلها زيرو 2