View Full Version : هل نستطيع ضم فورد؟وداعاً يوكون! وداعاً سوبربان ! احراج كبير لتويوتا !!
114 الف ريال سعر اليوكون و128 الف ريال سعر السوبربان ...وفي النهاية ؟!!!
بالفعل فمشاكل السيارات الأمريكية يشيب لها رأس الوليد الرضيع !!!
تباً لها من سيارات نتنه
لقد كتب لها ولأصحابها الشقاء من أول أيامها الى يومنا هذا
الى غد وبعد غد ....
لكن لكل هذا الغثاء كله لن يستمر ابداً
فمهما حاول الصانع الأمريكي الفاشل الضحك على ذقوننا بخردته
الا ان له يوماً أسوداً يتقطع له قلب كل طماع محتال
اي نعم
لا يخفى عليكم حجم مبيعات هذه السيارتين بالذات !!!
وان كانت كلها نفس الشي ولكن مع شاصي طويل
فمن أيام الثمانينيات والكل يعاني من كثرة مشاكل هذه النتانة ووجع الراس
وازدادت المشاكل في منتصف او اواخر الثمانينيات عندما توفر الخردة بحاقن وقودي بدل (الكربوريتور التقليدي)...
فلقد ازدادت مع اعطال طرمبة البنزين وباستمرار وتكرر
حتى اصبح اعتيادياً على سيارة كتلك
ولكن المصيبة الأعظم
وبحكم ان أسرنا وأهلنا مترابطون ولله الحمد
فانه لا غنى لنا عنها مهما كان
لا لاندكروزر ولا باترول ولا باجيرو ولا برادو ولا ولا ولا اي شي من هذه السيارات يغطي احتياجاتنا الأسرية وخاصة ايام المناسبات السعيدة او الحزينة على حد سواء
فاتساعها الداخلي حقق لها مبيعات خيالية قد لا توصف
وتصميمها الجميل كان اهم اسباب نجاحها ورواجها لدينا
وكما قلت سابقاً واقول ايضا ((أن الزين لا يكمل حلاه )) ...
في القريب وقد فترة بسيطة فاجأتنا نيسان بأسطولها العملاق الجديد الذي ضم عدة سيار ات للإستخدام المتعدد
وكان من ضمن هذه التحف الرائعة تلك القنبلة الموقوتة التي ضرب الامريكيات في عقر دارهم
انها ((نيسان ارمادا))
ذلك الوحش الذي لم يفك اسره الا وقد ملء القلوب رعباً بجبروته وقوته
فلقد غطا بل وسحق كل المنافسات الأمريكية بكل ما أوتي من قوة
لم يمض على وصوله الرسمي لدينا بضعه أشهر الا انه ولله الشهادة قد انتشر انتشاراً فضيعاً وقوياً وسريعا
وقد وضع شركة تويوتا في وضع محرج تحسد عليه
هل هي مستعدة للتخلي عن اللاندكروزر والدخول في منافسة شرسة مع نيسان في هذه الفئة؟
هل ستنجح سيارة من تويوتا بهذا الحجم اذا ماعلمنا ان سعر الارمادا جدا منافس؟ 114 الف ريال فقط؟
هل جشع ابو جميل وشركة تويوتا سيستمر ام انه سيرضخ للأمر الواقع
الأمر جدا صعيب على شركة تويوتا وكان الله في عونها
فالاسعار الخيالية للاندكروزر يضعها في وضع حرج وفي زاوية ضيقة مكتوفة الايدي امام المنافس الشرعي لها....
والان لنرجع للوراء والتخلف وننظر ماهو حال الأمريكيات التعيسات ...أمثال
اليوكون كان سعره 114 الف ريال سعودي لموديل 2005
السوبربان كان سعره 128 الف ريال سعودي لموديل 2005
الفورد اكسيبيديشن كان سعره 113 الف ريال سعودي لموديل 2005
الذي حصل هو التالي :
بعد ان حصل ماحصل جراء نزول الارمادا الى اسواقنا وبعد انتشاره الفضيع جدا وبعد سقوط مبيعات المثيلات الأمريكيات قرر وكلائها تخفيض أسعارها الى أقصى حد ممكن ...
فالذي حصل التالي :
اليوكون أصبح سعره 96 الف ريال بعد ان كان 114 الف ريال
السوبربان وصل سعره 108الاف ريال بعد ان كان 128 الف ريال
الفورد اكسيبيديشن وصل سعره الى 99 الف ريال بعد ان كان 113 الف ريال
هذا والارمادا لم يمض عليه اكثر من بضعه اشهر
اذا المسألة مسألة وصول منافس فقط لا أكثر !!!
اذا بعد سنه واحد او لنقل منصفين ونقول سنتين
فماهو حال العفانة الأمريكية ؟
سؤال وجيه ياترى هل يستطيع أحد وكلاء هالخرد الاجابة عليه ؟
لننتظر ونرى ففي الغد امل كبير ....
لعل وعسى ان يصنع السوبربان في ألماينا
تحياتي
**
الشرقاوي
04-07-2005, 11:50 PM
اله يهديك ياماجد :D :D :D
ماتخلي اسلوبك اللي يذكرني بـــــــــــــــ :think: :think: :think: :think:
انت تقرا المجلات البريطانيه كثير صح :confused:
foxdie8
05-07-2005, 01:08 AM
كلامك صحيح وواقع الارمادا شد وتيرة المنافسة أمام شيفروليه وفورد
مع ان مواصفاته تعتبر عاليه نسبيه في كل شيئ مقارنة بهما
لدي ملحوظه مع احترامي لك
أسلوبك نوع ما منفر وفيه جزء من التعصب
أرجو أن لا تسيئ فهمي
وشكرا جزيلا على الموضوع
الأنصاري
05-07-2005, 01:15 AM
والله اخوي ماجد ممكن اتفق معاك في الفكره الرئيسيه ان الضغط الياباني اصبح يلزم المنافس الأمريكي ان يخفض اسعاره
ولكن يعني السيارات الأمريكيه الي ذكرتها ممكن ماتعجبني ولكن اشوفها جيده ومنتشره ومو تعبانه لهذة الدرجه
bohusni
05-07-2005, 01:20 AM
ياراجل التريل بلايزر عارف كم سعرها
73000 ريال قطري :shock2: :shock2:
اول ما نزلت نيسان ارمادا اتصلت بخالي اللي بأمريكا بعد مانزلت بأسبوع قلتله عن السيارة
حكالي انا شريتها خلاص :blink:
انتا عارف الأمريكان بحبوا السيارات الكبيرة
فعلاً نيسان ارمادا سيارة ما اقدر اوصفها
linkin park
05-07-2005, 01:24 AM
شباب
الامريكي يضل امريكي
والياباني يضل ياباني
والالماني يضل ألماني
شباب تكلموا صراحه
الواحد لما يشتري سياره امريكيه بعد 10 سنين من الاستخدام كيف بتكون حالتها
ولما تشتري ياباني كيف تكون حالتها بعد 10 سنوات
شباب بصراحه صحيح صار الارمادا منافس قوي للأمريكي بس ما اظن انه بيكون مثل صلابه محركات الامريكي
والحق ينقال
uae speed
05-07-2005, 01:28 AM
مراحب ..
من ناحية الارمادا فكلامك صحيح وما عليه غبار ! فعلاً هالسيارة تحقق مبيعات ممتازة بسبب المميزات اللي ذكرتها ..
يمكن في السعودية منتشر عندكم الامريكي وايد ، بسبب توفر قطع الغيار ..
أما عندنا في الامارات ، فانتشار السيارات الامريكية ضعيف نسبياً مقارنة بالسيارات الالمانية واليابانية ..
والسبب قطع الغيار طبعاً ..
بس ياخوي أتمنى انك تنتقد بأسلوب راقي شوي ، وتبتعد عن الألفاظ غير المقبوله !
لأنك شخص محترم وانسان فاهم ، فحاول ترتقي شوي وتبتعد عن هالأسلوب :)
في النهاية ترى كلها سيارات حديد لا أكثر ولا أقل .. :)
تحياتي لك :)
TOP-SECRET
05-07-2005, 02:14 AM
اوافقك الرأي بأنا الارمادا سياره ممتازه وقويه ومنافسه للسيارات العائليه الكبيره
صحيح انتشر الارمادا عند الكل لكن يوم تشوف لك رجال كبير قوله لو عندك عايله كبيره شنو السياره الي
في بالك بيقولك سوبر بان جمس او شفر
صحيح صارت منافسه لكن مو ان خلاص انتهى موضوع السيارات الثانيه وترى الفرق في السعر طفيف جدا
ولا يذكر ...
وترى انا دخلت الارمادا مع احترامي لك شكلها الخارجي مميز لكن من الداخل تعبان تصميمها وطبلونها تصميمه تعبان
وحتى مافيه تخشيب او فورمياك فاضي
السوبر بان عندنا من سنة 2000 لين اليوم ولا صارت لنا مشاكل فيه والكل يعرف اني افضل الياباني عالامريكي
لكن الحقيقه تقال يمكن فيه ناس ماتستخدم سيارتها صح وتصير لها مشاكل
لكن احنا الحين 5 سنوات مع السوبر بان وهو ممتاز جدا
وترى تنزيل في سعر السياره مب شرط يكون عيب فيها يمكن تكون عمليه تسويقيه ان هذي السياره من نيسان
طرحت وجديده ويتوقعون انها بتكون منافس قوي لهم نزلوا في الاسعار لجذب المستهلك
SLR55
05-07-2005, 02:27 AM
ماعندي غير كلمة الله يهديك
وعندي طلب ياريت ما تكتب كلمات ما تنكتب في منتدى محترم
و ثاني شيء تتكلم عن سيارة كأنها إنسان
هذا إلي أقدر أقوله
دكتور / مجنون
05-07-2005, 02:50 AM
اذا اليوكون نزل سعر من 114 الف الى 96 الف !! يعني يدل على نصب الوكالات على الزباين
يعني شوف فرق المكسب .. اكثر من 10 الاف ريال
و نفس الشئ لعبداللطيف جميل اللكزس ES300 سعرها بحدود 130 - 128 الف .. اللي صار ان الناس اللي حجزوا افالون و ماجات سيارتهم .. عرض عليهم اللكزس بـ 120 الف ريال فقط !! يعني مكسب اضافي قدره 10 الاف ريال بيد الوكيل !!
انا اعتقد ان هذا الشئ اللي اشوفه بعيني نصب و شجع و استغلال واضح من الوكالات !!
اخر شئ .. اودي A4 بمواصفات مفقعه و مكينه 1.8T (دفع امامي) بـ 124 الف ريال
سعرها بامريكا بمواصفات (شبه فل اوبشن) و لكن مكينه 2.0T (دفع رباعي) سعرها بحدود 128 الف ريال فقط !!
فرق واضح بالاسعار
مفتاح عشرة
05-07-2005, 03:07 AM
انا اقول صحيح جذبني الأرماد بشكله الجميل ولاكن نحن لم نرى جودته في التحمل فإذا كنا نريد المقارنة فعلينا الأنتظار لأني لا أتوقع ان تظهر عيوب السيارة في اقل من سنة واحنا عندنا سوبر موديله 98 على يد الوالد من الوكالة والحمد لله ماعمره دخل ورشه تصليح ماغير اشياء لاتذكر كتغير الفحمات والزيت وبس
وإدري اني طولت عليكم ولاكن استحملوني
تحياتي مفتاح عشرة :knight:
رفجة عرب
05-07-2005, 03:40 AM
اخوي اسلوبك في الطرح شوي غلط وحاول انك تكون حكيم في انتقاء الالفاظ ...واسمحلي على هالكلام !!
أما بالنسبة للموضوع انا أشوف ان الارمادا حقق المبيعات المطلوبه ويمكن أكثر وكرأي شخصي يستاهل أكثر...
وبعدين انت تشتكي من سعر التويوتا لاندكروزر .. طيب ليش ما سألت نفسك عن النيسان سوبر سفاري , سعره 178
ألف ومع هذا السعر انا على استعداد اشتري تويوتا VXR وأفضل منه بمراحل من جميع النواحي رغم ان الــ GXR أفضل وسعره أقل بحوالي 30 او 35 ألف ...
صدقني هذا مايعتبر (طمع) السيارة بالفعل ممتازة وتستاهل سعرها ويكفي انها يابانية ...
وعلى فكرة الارمادا مب المنافس للاندكروزر , المنافس هو النيسان الباترول ...
وكل سيارة ولها استخدام يعني انا راح اشتري ارمادا للعائلة لكن الاندكروزر احسها افضل للشباب وكان من الممكن انك تقول التويوتا وضعها حرج لان ما عندها فئة منافسة للأرمادا (في أسواقنا طبعا) .. :)
فـهـد
05-07-2005, 03:50 AM
نيسان ارمادا سيارة امريكية
AnGlOpHiL
05-07-2005, 05:05 AM
نيسان ارمادا سيارة امريكية
و اعتقد انها تستعمل شاصي فـــــــــــــــــــــــورد :p ..... :D و فوق هذا مسوين القزوز على جنب يعني حده تقليد للجيوب الامريكيه
Lorinser300E
05-07-2005, 09:55 AM
Nice
مؤيد اف1
05-07-2005, 10:37 AM
و اعتقد انها تستعمل شاصي فـــــــــــــــــــــــورد :p ..... :D و فوق هذا مسوين القزوز على جنب يعني حده تقليد للجيوب الامريكيه
ومن كم يوم سامع صوته احسه صوت سوبر بان :eek:
أبوالزين
05-07-2005, 11:38 AM
أنا بصراحه برد عليك بنفس طريقة كتابة الموضوع
النيسان أرمادا ما حلوة, والكروزر و كل السيارات اليابانيه كلها بايخه , وغاليه, وما تسوى قدام الأمريكي شئ
الأمريكي مثل اليوكون , والسوبربان سيارات مريحه, وقويه , وبصراحه للعائله ما في غير الأمريكي
الياباني تحت الأمريكي وما بيوصل للعراقه الأمريكيه
و بصراحه ما كان ودي أرد كذا, بس أسلوبك خلاني أكتب بهذي الطريقه
و بظل مقتنع طول العمر إنه اليوكون أحسن من الأرمادا و من غيرها من السيارات اليابانيه
والسموحه من الجميع
غريب السيف
05-07-2005, 11:51 AM
السلام عليكم اخوى ماجد ..حاول اتكون اقل حده في انتقادك وانا عاذرك الصراحه من البلاوي
اللى شفتها ترى صارت لى مع سيارة امريكية وكرهت الماركة ولازلت اكرها ..
لكن بالنسبة للارمادا تراها سيارة والنعم واشوفها شبابية وعائلية في نفس الوقت لكن
السيارة تصنع في امريكا وتم تصميمها ايضا في امريكا وتجميعها على ايادي امريكية فقط
الاسم ياباني والباقي امريكي ....وهذا سبب من اسباب سعرها المناسب
واتفق معاك في انها سرقت مبيعات الامريكيات وسببت لهم جلطة دماغية وعلى تويوتا
ان تدخل الساحه في منطقتنا بطراز سيكويا اللى ينباع في امريكا ..لكن قبل هذا لازم يعيدون تصميم السيارة من الصفر ويزودونها بمحرك محترم وسعر مقنع وغير مبالغ في كعادتها
على فكرة ..الارمادا في الامارات ارتفع سعره بسبب الاقبال الكبير وعدم قدرة الوكيل على تلبية الطلبات الا بعد شهور من الحجز ووصل الفل اوبشن الى 151 الف درهم ويباع في
المعارض ب 158 و 160 الف درهم
طالب جكر
05-07-2005, 12:53 PM
:think: :think: :think: :think: :think: :think: :think: :m: :m: :m: :m: :think: :think: :think: :headshak: :headshak: :headshak: :headshak: :damp: :damp: :damp:
مؤيد اف1
05-07-2005, 01:10 PM
لكن بالنسبة للارمادا تراها سيارة والنعم واشوفها شبابية وعائلية في نفس الوقت لكن
السيارة تصنع في امريكا وتم تصميمها ايضا في امريكا وتجميعها على ايادي امريكية فقط
الاسم ياباني والباقي امريكي ....وهذا سبب من اسباب سعرها المناسب
اصلا ولا شي فيها يدل على انها يابانيه غير علامتها :D
هذا ان دل فإنه يدل على ان اليابانيين ماهم كفو يسوو هالنوع من السيارات
اليابانيين شاطرين في سيارات صغيره واقتصاديه بس
غريب السيف
05-07-2005, 02:00 PM
ابشرك الكروزر المستقبلي بمحرك 5,4 لتر وحجم اكبر من السابق
shift_LOOSEMOUNTS (http://www.nissantitan.info/forum_posts.asp?TID=1808&PN=1)
shift_BRAKEPROBLEMS (http://www.nissantitan.info/forum_posts.asp?TID=1625&PN=1)
shift_FAULTYSEATBELTS (http://www.nissantitan.info/forum_posts.asp?TID=790&PN=1)
shift_SQUEEKS, (http://www.nissantitan.info/forum_posts.asp?TID=1649&PN=1)
shift_RATTLES, (http://www.nissantitan.info/forum_posts.asp?TID=1835&PN=1)
shift_&CLICKS (http://www.nissantitan.info/forum_posts.asp?TID=1704&PN=1)
shift_BADFUELGAUGE (http://www.nissantitan.info/forum_posts.asp?TID=1175&PN=1)
shift_BADIGNITIONSWITCH (http://www.nissantitan.info/forum_posts.asp?TID=1402&PN=2)
shift_BADCRUISECONTROL (http://www.nissantitan.info/forum_posts.asp?TID=1775&PN=2)
shift_SLIPPINGTRANSMISSIONS (http://www.nissantitan.info/forum_posts.asp?TID=1725&PN=2)
shift_LEAKYREARAXLESEALS (http://www.nissantitan.info/forum_posts.asp?TID=1700&PN=2)
shift_LOOSEWINDOWS (http://www.titantalk.com/forums/showthread.php?t=24769)
shift_KNOWNISSUES (http://www.titantalk.com/forums/showthread.php?t=22871)
في هذه الروابط وهي من منتدى متخصص في التايتان بك أب شقيقة الأرمادا، شكاوي من ناس يملكون السياره فعلياً حول أنظمة الفرامل وأحزمة الأمان والديكور والعدادات والمحاور الخلفيه، إلخ..
انا محب للنيسان ... لكن للأسف الامريكان دخلوا في الموضوع ..لازم تلقى مشاكل :think:
عمرTarga
05-07-2005, 03:03 PM
في قصة صغيرة
وهي ان في واحد كان قاعد يفكر
وكان عنده أكثر من سيارة حوالي أربع سيارات
وكان يفكر كيف يسوي شكل جديد لسياره
فراح وأخذ خشه(دعامية)سيارته الاولى
وأخذ أبواب سيارته الثانية
ومدقر الثالثة
وخلفية الرابعة
وجمعهم وطلع شكل جديد
وهي الأرمادا
الله يخليكم من شاف شكل الأرمادا يقدر يقارنه باليوكن ولا بالسوبربان
سيارة مرقعة مع خالص احتراماتي لكل محبين الارمادا :)
mits_stiggy
05-07-2005, 03:04 PM
اااخخخ
اتمنى يجي ذاك اليوم اللي ما اشوف فيه اي نتانه امريكيه على الشارع
mits_stiggy
05-07-2005, 03:06 PM
اااخخخ
اتمنى يجي ذاك اليوم اللي ما اشوف فيه اي نتانه امريكيه على الشارع
SKYLINE GTR
05-07-2005, 03:23 PM
انا محب للنيسان ... لكن للأسف الامريكان دخلوا في الموضوع ..لازم تلقى مشاكل :think:
طيب اذا كان التيتان بالمشاكل هذي كلها تقدر تفسر لي ليه هو اكثر سيارات نيسان في المبيع بامريكا ؟ في الستة شهور الاولى وصلت مبيعاته الى 44 الف سيارة
طيب اذا كان التيتان بالمشاكل هذي كلها تقدر تفسر لي ليه هو اكثر سيارات نيسان في المبيع بامريكا ؟ في الستة شهور الاولى وصلت مبيعاته الى 44 الف سيارة
هو صحيح بمشاكل .. لكن افضل من غيره كثييييييير ...
مؤيد اف1
05-07-2005, 05:38 PM
وين راح قسم مراقبة الجودة :sss:
الفجر mtr البعيد
05-07-2005, 05:54 PM
تباً لها من سيارات نتنه
لقد كتب لها ولأصحابها الشقاء من أول أيامها الى يومنا هذا
الى غد وبعد غد ....
لكن لكل هذا الغثاء كله لن يستمر ابداً
فمهما حاول الصانع الأمريكي الفاشل الضحك على ذقوننا بخردته
الا ان له يوماً أسوداً يتقطع له قلب كل طماع محتال
اي نعم
لا يخفى عليكم حجم مبيعات هذه السيارتين بالذات !!!
وان كانت كلها نفس الشي ولكن مع شاصي طويل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كأني اشوف مسلسل تاريخي :)
اخوي ماجد اسلوبك لايدل على انتقادك للسياره بحد ذاتها بل على العكس يدل على كراهية فقط وطبعاًمثل ما احنا عارفين ان هذا الاسلوب ماينفع احد يعني لما تكون انت مجرب السياره وشفت فيها هذي العيوب المفروض تقول فيها هذي المشكلة وهذي وهذي مو تروح تعمم مشاكل وما ادري ايش يعني كلامك تحس فيه حقد مو نقد
وطبعاً الحقد مانبييييييييييييه
HaKeM
05-07-2005, 07:31 PM
الأرمادا سيارة امريكية بإسم ياباني
الذي يميز الأرمادا عن الجيوب الأخرى كبر حجمه لكنه لم يصل لراحة السوبربان والدليل الصف الثالث في المقاعد ارضيته مرتفعه مثل باقي الجيوب وغير مريح للأشخاص الكبار وشكل الأرمادا قبيح بالنسبة لسوبربان والمحرك الأمريكي في نظري اكثر عمراً من الياباني والسعر الحالي لصالح السوبربان وقطع غياره ارخص من الأرمادا ومتوفره في كل مكان
والمشاكل في السوبربان كانت في موديلات محددة مثل 2000 وبعض الموديلات في بداية التسعينات اما 2004 و2005 من أفضل ماتكون ومواصفاتها جميله و3 انواع من المحركات غير فئة الدينالي
انا ارى السوبربان في الشوراع اكثر من الأرمادا المشكلة ليست في تاثير الأرمادا على مبيعات الأرمادا على السوبربان انما تأثير الأرمادا على الباترول الذي قلت مبيعاته والوكيل منزل عرض من بداية الصيف التقسيط بسعر الكاش للباترول
bashar_255
05-07-2005, 10:43 PM
ماجد انا ابيك تشتري مكسيما لو مرسديس الله لا يهينك علشان تطيح سوق المرسديس ها و تطيح سوق المكسيما بمنتدى السيارات :D
لون الليل
05-07-2005, 11:04 PM
السلااام عليكم
اعذروني .. لكن لازم ارد .. لأنه الموضوع هذا فيه تعصب أعمى :headshak:
انتوا الحين ما عرفنا شو موضوعكم ...
ما يعجبكم شي :D وخاصة الأخ ماجد ( S8 )
انا اشوف المقارنة بين سيارة عمرها سنتين وسيارة عمرها اكثر من 4 سنين !!
يعني مافي وجه للمقاااارنه :headshak:
:::::::::::::::::::انطباعات وردود على بعض الاعضااء :::::::::::::::::::::
@ السوبربان اكثر انتشارا ......لازم لأنه قديم :o
@ الارمادا فيه عيوب ... السوبربان أول ما نزل كان فيه عيوب
( فليش نحكم على الارمادا بالموت من الحين ... عطوها فرصه )
@ الارمادا تجميع امريكي ... السوبربان امريكي ... وكلكم عارفين الامريكي
( قليل من يمدح الامريكي )
@ الارمادا رخيص ... سعر منافس ومن حق الوكيل طرح السعر المناسب :o
@ السوبربان شكله حلو ! ... ما تغير من سنين (الناس اذواق )
@ الارمادا شكله حلو ! ....... طبعا لأنه نازل جديد ( الناس اذواق )
@ السوبربان فخم .... والارمادا مب فخم ... الارمادا شبابي ورياضي
والسوبربان ينفع للشوواب والعائلات ... يعني نادرا ما تشوف شاب راكب سوبربان ! :headshak:
لكن شفنا شباب راكبين ارمادا :o
:bomb: ---------------فاصل إعلاني --------------- :bomb:
وفي شي ...
في واحد يقارن بين اللاندكروز والارمادا !!!! :confused:
مافي وجه للمقارنه اصلا :o
المقارنه والمنافسه بين تيوتا
لاندكروزر = سفاري :D
كرولا = صني :D
هايلكس = ددسن :D
:ranting:
RamAir
06-07-2005, 01:38 AM
اول شي الاسعار حقت السيارات الامريكية غلط اتحداك اذا اليوكن اقل من 115الف ثاني شي وش جاب الارمادا للسوبربان فيه فروق كثيره ومن ابرزها المساحة لصالح السوبربان بفرق كبير، الارمادا مع اليوكن المقاسات تقريباً قريبة من بعض .
والله مرة من المرات واقف عند اشارة وقدامي بفرق ثلاث او اربع سيارات نيسان ارمادا وفي الليل واقول لخويي شف الددسن مضبط احسبه ددسن دفرنسين حاط غطاء على الصندوق وجنوط :)
"اذا المسألة مسألة وصول منافس فقط لا أكثر !!! "
هذا مايحتاجه الصانعون الأمريكيون
اتكلم عن جنرال موتور.... يستغلون الاسم والسمعه لاكبر درجه ممكنه
يتغير الامر فور وصول منافس...
اعتقد الشركات الامريكيه لاينقصها الامكانيات
كل مايحتاجونه هو وجود منافسه مباشره لاحد منتجاتهم
هدفهم الاول .... اعلى الارباح في اقل مده ممكنه.. ويضحون بنواحي كثيره في سبيل ذلك
تحيه كبيره لماجد... ومواضيعه :)
TOP-SECRET
06-07-2005, 07:53 AM
للي يقول انه صوت سوبر بان!! لووووول والله ضحكني
المكينه يابانيه من صنع شركة نيسان خخخخخخخخخخخخخ والله مشكله !!
عيل يوم انهم خذو شاصي سياره امريكيه ومكينة سياره امريكيه ليش يحطون علامة نيسان؟لووووووووول
بس مع هاذا نعترف انه في الشكل الخارجي روعه واجمل من فورد نفسها حتى لو استخدم نفس الشاصي
بس من الداخل مو ذاك الزود
والمكينه حطت الامريكان على جنب خخخخخخ
®Lumina ss 2002
06-07-2005, 04:23 PM
ما اقوله غير انه يتجنب مثل هاي الفاظ البذيئه اللي ما تناسب كاتب الموضوع وتستغرب لما تشاهد كاتب انه عضو قديم في المنتدى وله عده مشاركات اي انه يعرف كيف يكتب موضوع ويبتعد عن الكلمات الي ماتناسب واحد بمثله قديم في منتدى.. ونحن نكتب في منتدى علشان نجذب زوار لقراءه موضوع لا لكرههم للموضوع بعد قراءته وهذا اسلوبك في كتابه مواضيعك يا ماجد اللي ما ليه اي معنى غير انك تكرر اسلوبك في كل مره في كل مواضيعك وتدور لك اي سبب علشان تكتب والمفهوم من مواضيعك هو انك تكره سيارات امريكيه وتمدح في الياباني وان الي اشترو سيارات امريكيه هم ليس غير اغبياء وما عندهم الذوق و و و و و و و و الخ..... اوكي عرفنا وبعد.... عندك شي جديد يمكن تفيد به غيرك غير هالمواضيع مكرره عن سيارات امريكيه واصحابها الاغبياء ( عفوا ) ...... وانا بقولك في مختصر مفيد انت اسلوبك وايد ماصخ و وايدين يتشكون من اسلوبك اذا يا انك تغير اسلوبك وترتقي في الكتابه او انك تدور لك اي منتدى ثاني اللي يعجبهم اسلوبك
مؤيد اف1
06-07-2005, 05:13 PM
للي يقول انه صوت سوبر بان!! لووووول والله ضحكني
المكينه يابانيه من صنع شركة نيسان خخخخخخخخخخخخخ والله مشكله !!
عيل يوم انهم خذو شاصي سياره امريكيه ومكينة سياره امريكيه ليش يحطون علامة نيسان؟لووووووووول
بس مع هاذا نعترف انه في الشكل الخارجي روعه واجمل من فورد نفسها حتى لو استخدم نفس الشاصي
بس من الداخل مو ذاك الزود
والمكينه حطت الامريكان على جنب خخخخخخ
هذي حقيقه ومسخرتك يالمسخره مابتغير شي..المقصود ان هندستها امريكيه بحته يالعبقري
احفظ ماي وجهك احسن لول :D
سكتنا عنك احتراما لغيرك ومصختها
Maranello
06-07-2005, 08:46 PM
معليش هدوا اللعب يا شباب ,
دام الاداره والمشرفين شافوا الموضوع وقالوا ان مافيه الفاظ بذيئه , فياليت اللي عنده تعقيب على الموضوع يحطه
حتى لو ماعجبكم رأي اخوكم على الأقل احترموا رأيه . . واللي عنده اضافه مفيده يحطها واللي ماعنده ترى المواضيع كثيره في المنتدى . .
يعطيك العافيه اخوي S8 :) واستمر بالطرح وماعليك من احد
مارانيلووو