View Full Version : شو رأيكم في برنامج السيارات CARZ الي يعرض على قناة دبي؟
الماني
16-08-2005, 02:06 AM
انا اليوم اول مرة اتابع برنامج كارز الي يعرض على قناة دبي واعتقد انه برنامج فاشل!
اول شيء المذيعيين غير مؤهلين للوظيفة لانهم ما يعرفون شي.
وكانت حلقة اليوم الاثنين 15/8/2005 فيها مقارنة بين الكامري والاكورد والالتيما وكانت ليست في محلها لان الكامري والاكورد يقارنوا بالماكسيما.
وبالنسبة للاوستن مارتن فانكويش يقول المذيع ان بلاستيك الداش بورد ليش ذو جودة جيدة! معقولة يقول على اوستن شذي؟ وهو اشلون عرف :ranting:
هؤلاء المذيعيين من وين جايبينهم؟ اكيد كان يلعبوا البلاي ستيشن نييد فور اسبيد وقالوا خلاص الحين نحنا خبراء.
حتى ما ذكروا نقطة السلامة اثناء المقارنات.
صراحة قناة دبي اكبر من انها تعمل كذا.
ولا انتوا شو رأيكم؟ اريد اسمع ارائكم.
وشكرا
http://alzadjali.jeeran.com/alzadjali.gif
والله أنا ما قد شفت البرنامج
ممكن تقولي متى يجي.....وأحاول أشوفو بنفسي
الماني
16-08-2005, 02:46 AM
والله أنا ما قد شفت البرنامج
ممكن تقولي متى يجي.....وأحاول أشوفو بنفسي
كل اثنين الساعة
8:00 مساءا بتوقيت عمان/الامارات
4:00 مساءا بتوقيت GMT
يعاد يوم الخميس الساعة
2:00 مساءا بتوقيت عمان/الامارات
10:00 صباحا بتوقيت GMT
الحلقة القادمة فيها مقارنة بين البي ام دبليوا الفئة الخامسة والمرسيدس إي كلاس
وشكرا
http://alzadjali.jeeran.com/alzadjali.gif
طب إن شاء الله أشوفو.........مشكووور
السلام عليكم
الصراحة انا شفت الحلقة اليوم الساعة 7 ومعاك في موضوع المذيعن...
مالهم دااااااااااااعي
حتى كل الي عندهم انا شايف كذا .....والثاني يرد عليه انا متفق معاك في نفس النقطة!
وبالنسبة للمقارنة انا شايف انها مضبوووطة ومافيها اي شئ كلهم من فئة وحدة....
وبالنسبة للبلاستك كمان يعني لمن ادفع مبلغ يزيد عن الـمليون ريال ما ابغى سيارة يكون فيها بلاستيك!
ولا حتى ريحته...ولا؟؟؟
وتحياتي لك
صح أنا أشوف المقارنة بين الكامر والألتيما والأكورد والمكسيما ودي كلها من نفس النوع عادي
الماني
16-08-2005, 04:04 AM
السلام عليكم
الصراحة انا شفت الحلقة اليوم الساعة 7 ومعاك في موضوع المذيعن...
مالهم دااااااااااااعي
حتى كل الي عندهم انا شايف كذا .....والثاني يرد عليه انا متفق معاك في نفس النقطة!
وبالنسبة للمقارنة انا شايف انها مضبوووطة ومافيها اي شئ كلهم من فئة وحدة....
وبالنسبة للبلاستك كمان يعني لمن ادفع مبلغ يزيد عن الـمليون ريال ما ابغى سيارة يكون فيها بلاستيك!
ولا حتى ريحته...ولا؟؟؟
وتحياتي لك
شكرا اخوي على الرد
بس بلاستك عن بلاستك يفرق وحتى الفراري فيها بلاستك بعدين السيارة اسبورت ولازم يستخدموا البلاستك بشكل كبير حتى يحصلوا على اقل وزن ممكن للسيارة وبعدين هو اشلون عرف جودة البلاستك !؟ ليش جاعد يصنعه معاهم؟
السلام عليكم
عيوني الألماني يا هلا فيك مرة ثانية...
عيوني انا الصراحة اشوف ان في سيارة زي الأستون مارراتن الي ابغى اصحح حاجة
وهي انها تصنف من السبور الفخم مو زي ما قال المذيع سوبر سبوور
يعني السيارة هذي ماتصنفها مع كل انواع الفراري و اللمبرجيني
لا
هذي تصنفها مع البنتلي يعني سيارة فخممممممممممة ولاكن بمحرك قووووووي...
هذ الي اعرفه عن الأستون مارتن....ولا ليش سيارة بالمبلغ هذا يا دوب تجيب المية في 4.5 ثانية!
وعلى فكرة ترى البلاستيك ممكن تعرف مدى جودته من شكلة خليني اعطيك مثال
مثلاًُ شوف في الجموس من 92 الى 99 كيف البلاستيك فيها وكيف هو بعد الـ2000؟
ويالله مشكوور عيوني على موضوعك هذا وياليت نشوووف مواضيع كمان زي كذا....:-)
cadyman
16-08-2005, 03:51 PM
عزيزي غير Top Gear وجيرمي كلاركسون لاتدور اصلاً متى فلح العرب في شي
MAYBACH 53
16-08-2005, 08:25 PM
هــلا أخ ألـمـاني.
البـرنامج من ناحيـة التجارب، فهو يُجرِّب أروع السيارات، صراحةً.
أما من ناحيـة المقدميـن، فأنا أتفق معـاك أنهم مازالوا ينقصهم المعرفة الكاملة في عالم السيـارات.
وبالنسبة عن كلامهم عن الآستون مارتن، فهذا شيء روتيني، في أغلب البرامج منها برنامج Top Gear السيد جيرمي ينتقد أفضل السيارات.
تحياتي لك ألماني.
lumina
17-08-2005, 05:09 AM
لحظة لحظة .. اخوي ألماني .. مافي أي شي يبدأ يكون PERFECT او مكتمل .. يعني .. البرنامج جديد صح .. ؟ صح .
والمذيعين جدد و ماعندهم خبره صح .؟ صح .. اوكي ننتظر عليهم شوي ! لا ننتقد بسرعه الأمور ! والبرنامج توه ما صار له سنه على الشاشه .. فياريت اخوي نعطي الناس فرصه .. والتطور ليس من الخطوه الأولى بل على خطوات وبعدين الشباب سوف يثبتون جدارتهم و يعرفون الأخطاء المدرجه عندهم ... وانا شفت البرنامج وشفته حلو كأول برنامج إماراتي و أظني عربي في نفس الوقت يعرض بهذه الطريقة التي نراها .. و إن شاء الله يصيرون احسن TOP GEAR .. يعني TOP GEAR شوفيه أحسن . فقط المذيعين والخبره لدى العمال والأشخاص القائمين على هذه النوعيه من البرامج .. وهذا رأيي و أشكرك على الموضوع ..
red_RPM
17-08-2005, 01:57 PM
السلام عليكم
عطوهم فرصه شباب وإنشاء الله للأحسن
وترا التوب قير في بدايته شكله إيضحك تقول مسلسل درب الزلق وجيرمي إتقول حسينوه
وشوفو الحين التوب قير الحين كيف تغير
والله أنا متفاءل فيهم مع إني شفت أخر البرنامج بس
والصراحه البلاستك بجميع أنواعه القديم والجديد الغالي والرخيص كله موشي
تحياتي
cadyman
17-08-2005, 02:31 PM
top gear is the best[/I][/B][I]