فراري F50 للـ بيع بـ أقل من نصف سعرها الحقيقي!!! فرصة العمر

[MAFIA]

افرض مثلاً مثلاً انه.....
ملحوظه: الموضوع مش اعلان

السلام عليكم

اذا فرضاً جاك شخص و عرض عليك انه يبيعك سيارته الفراري F50.. و بـ نصف قيمتها الحقيقيه.. يعني يطلع بـ حوالي مليون و خمسة آلاف ريال سعودي..
و الا أقول لكم.. غيّر رأيه و نزل لكم السعر الى نصف مليون :m: من أصل مليونين (اللي هو سعرها الحقيقي)..

و قال لك انه مستعد انه يعطيك ضمان مع توقيعه على انه مستعد انه:
1. يرجع لك فلوسك اللي دفعتها + تحتفظ بـ السياره! اذا طلع فيه مشكله في ماكينة السياره!
2. يرجع لك فلوسك اللي دفعتها + تحتفظ بـ السياره! اذا طلع فيه شي في بودي السياره! (يعني انه السياره ما قد عمل فيها أي حادث و لو صغير)

لكنه شرط عليك:
1. انك ما تشوف الماكينه الا بعد ما تنهي عملية الشراء!! (يعني بس تعاين السياره من الخارج و الداخل فقط!!! أما الماكينه فـ لاع)
2. و لا حتى تقدر تاخذ فيها جوله تختبر فيها السياره!!

مساعده مني:
السياره ماكينتها مافيها أية مشاكل اطلاقاً.. و لا حتى قد سوى فيها أي حادث و لو بسيط جداً اطلاقاً.. <--- اللحين انتم أكيد ضعتم :oops:

ملاحظات:
- هذا الموضوع مجرّد اختبار لكم.. و تحدي لـ خبراء السيارات أيضاً ;) يعني افرض انك تملك المبلغ هذا لـ شراء السياره..
- الموضوع ناقص حوالي عدد مية صوره أخرى.. راح أقوم بـ ارفاقها تحت موضوع جديد لاحقاً.. بعد ما نشوف نتايجكم :smart:
- انا ما راح أشارك معاكم في هذا الاختبار.. لأنه أولاً انا أعرف الجواب.. و ثانياً و هو الأهم انه راح يفقد الموضوع طعمه..
- الجواب أو السر في هذا العرض راح أقوله لكم لاحقاً ان شاء الله :)

و هذي صور للـ سياره من الخارج:

http://www.w6w.net/upload/28-08-2005/w6w_20050828165134c46e37f7.jpg

http://www.w6w.net/upload/28-08-2005/w6w_200508281652160bc2cbe0.jpg

http://www.w6w.net/upload/28-08-2005/w6w_20050828165235783efcca.jpg

http://www.w6w.net/upload/28-08-2005/w6w_20050828165259cb94aa59.jpg

يعني الشروط اللي هو وضعها تجعلك تشك في السياره!! هل هي مسروقه!!!
- هل هو صادق!!!
- هل هو مضطر و محتاج مثلاً للـ مبلغ!!!
- هل هو كبر في العمر و استخف!!!
- أو ايش!!!

و أكيد انه السبب ما راح يكون في الماكينه و لا في البودي تبع السياره.. و هذا من الضمانات اللي وضعها على نفسه..


و اللحين.. لو صاحب السياره كان عرض عليك هذا انت.. ايش راح يكون تصرفك و قرارك؟

أ. تتوكل على الله و تشتري السياره؟

ب. أو تعتذر عن قبول عرضه؟

تذكـّر انه مثل هذي الفرص ما تجي الا مره وحده في العمر.. و انه ما راح يكون عندك وقت للـ تفكير.. يعني لازم تعطيه الجواب قبل لا تفارقه..



اللي ما فهم شي؟ :confused: يرجع يقرأ الموضوع كاملاً :)

[MAFIA]

رجــاء:

أضف فقط جوابك بـ اما:
أ. تتوكل على الله و تشتري السياره؟

أو بـ:
ب. تعتذر عن قبول عرضه؟

مع ذكر السبب لـ اختيارك :)

[Corvette_Stingray]

أرفض تدري ليش .. :headshak:

لأني خبير في شؤوون السيارات .. :smart:

هذا البودي لسيارة NSX هوندا .. محول إلى فيراري F50 :cool:

حتى المكينه هوندا .. :sss:

[سياف]

ما أوافق ... لأن السياره اللي في الصور عباره عن هوندا NSX مع تعديلات بشكل F50 .. ما تستاهل حتى 200 ألف :knight:

[sayedco]

بقولكم الصراحة كنت بقول (أ) إني أوافق

لكن بعد ما شفت رد كورفيت لاحظت الخلل تصدقون !! :D

بس طبعاً حتى لو بمكنية هوندا الشكل يهم بعد و لكن الهوندا كاملة بهالسعر ما تجي

[300C]

ارفض
لانها باين من الخلفية انها مو فيراري
وزي ما قال اخوي كورفيت

[MuGeN]

في البداية قلت أوافق ليش لا :D




أما عندكم قوة ملاحظة :D


أنا لاحظت إن شكلها فيه تغييرات بس قلت يمكن الشكل القديم ؟؟


موضوع جميل أخوي :) ....

[uae speed]

طبعاً غير موافق على شراء السيارة !
مثل ما قالوا الشباب هذا بودي NSX محول لفراري !

على فكرة ، في شركات تصنع لك بودي سيارة سوبر سبورت بمحركات اخرى مثل ls1 ..
وكان في موضوع من زمان انطرح في سوالف وفيه مواتر مصنوعه بودي بس مثل المورشيلاجو والفراري وغيرها !!

بس ترى في ناس اغبياء تشتري بدون ما تفكر ، هذيله تستفيد منهم شوية $$$ :D
وتضرب ضربتك صح :D

شكرا لك عزيزي :)

[لون الليل]

NSX


بس توليف البدي غلط × غلط
:D

[Corvette_Stingray]

والشغل كامل صاير في اليابان والبودي كله فيبر تقريبا ..

والله االيابانيين طلعوا مو سهلين .. :lol:

[1100R]

شريطي ياباني نصاب

[grandv8]

السلام عليكم ورحمة الله وبركاته

حلوة طريق البيع ا لغير مباشر لنوع سيارة ثانية :D

شكرا لك اخوي
:banana:

[MAFIA]

الإجابة الصحيحه

ما شاء الله.. جبتوها و في وقت سريع! :)

فعلاً.. السياره الحقيقيه المتخفيه وراء ثوب الفراري F50 هي acura NSX.. و العمليه تكلف حوالي 200 و عشرين ألف ريال سعودي (حسب تقييم صديق العائله.. صاحب أحد القراجات هنا في بريطانيا)

يعني نقول..
ما بين 100 ألف الى 334 ألف ريال سعودي (سعر الـacura NSX من المستعمله الى الجديده) + حوالي 200 و عشرين ألف ريال سعودي = ما بين 320 ألف الى حوالي 554 ألف ريال سعودي (يعتمد على السياره اذا كانت مستعمله أو جديده)

اما بـ النسبه للـ شغل.. فـ بـ اعتقادي انه كان جيد جداً.. و لـ درجة أن بعض خبراء السيارات انخدعو بينها و بين الفراري F50 الحقيقيه! ليس فقط الخبراء هنا.. انما في المنتديات العربية الأخرى و الاجنبية أيضاً!!

و اللون كذلك.. كان اختيار جداً موفق.. لأنه اللون الأسود سـ يقوم بـ اخفاء بعض العيوب الصغيره التي قد تكشف حقيقة السياره..

اقتراحي:
راح يكون أضمن و أفضل لو تم وضع بودي الفراري F50 GT.. و من جنوطها و جناحها.. لأنه حينها راح يكون البودي جداً مناسب و سـ يصعب ايجاد العيوب البسيطه الخارجيه!!! حتى و ان كان اللون هو الأحمر و ليس الأسود..
مثل هذه:
http://www.w6w.net/upload/29-08-2005/w6w_2005082911135393dec69c.jpg

[MAFIA]

صورة الـacura NSX (قبل العمليه):

http://www.w6w.net/upload/29-08-2005/w6w_20050829111438dde9d90b.jpg

http://www.w6w.net/upload/29-08-2005/w6w_20050829111458c414093e.jpg

أما بقية الصور.. فـ سـ أقوم لاحقاً ان شاء الله بـ ارفقها تحت موضوع جديد..

[MAFIA]

أما بـ النسبه لـ اللي قامو بـ اعطاء الجواب الخاطئ.. و كذلك اللي قامو بـ تعديل ردهم؟ ;) فـ نقول لهم هارد لك http://www.tasjeel.com/images/smiles/icon_razz.gif

[الماني]

التغيير روعة! بس الخلفية شوي يبيلها!

وشكرا اخوي...

[BLACK-ICE]

مسكين والله MAFIA تعبت وحطيت اسمك على الصور ورفعتها بموقع

بس عرفوها الشباب بسرعه

اذكر انا مره قبل اكثر من سنه تقريبا نزلت هذا الموضوع عن نفس السياره وكان عنوانه تقريبا تحويل هوندا NSX الى فيراري F50 وحطيت كل الصور

[MAFIA]

و هذه هي بقية جميع الصور اضغط هـنـا (http://www.swalif.net/sforum1/showthread.php?t=201819)

[cruiser2000]

صحيح اني متأخر

لكن بقول اخوي جوابي

انا برفض وبشدة تدري ليش؟

ويكون لعلمك ما قريت موضوعك كامل بمجرد اني وصلت للخيارات

قررت اني ارفض العرض

الاسباب:

1- صيانتها تعور الراس ولازم اروح لدبي اذا كنت اريد اوديها الوكالة
2- ماشي جراجات او قطع غيار للسياره في العين
3- السيارة غير مناسبة في العين :(



شفت! ! ! ! :)

[cruiser2000]

صحيح اني متأخر

لكن بقول اخوي جوابي

انا برفض وبشدة تدري ليش؟

ويكون لعلمك ما قريت موضوعك كامل بمجرد اني وصلت للخيارات

قررت اني ارفض العرض

الاسباب:

1- صيانتها تعور الراس ولازم اروح لدبي اذا كنت اريد اوديها الوكالة
2- ماشي جراجات او قطع غيار للسياره في العين
3- السيارة غير مناسبة في العين :(



شفت! ! ! ! :)