سوالف للجميع

lt4_caprice ss

12-09-2005, 03:04 PM

السلام عليكم
اليوم حبيت أتكلم عن سياره كانت أن تنسى لول إن هناك عشاق إلى هذه السياره لكانت لا تذكر اليوم وهي IMPALA SS 96 المعروفه في دول الخليج تحت إسم CAPRICE SS وهي أقوى سيارة في فئة CAPRICE بدأت شكرة CHVEROLET في إنتاجها من سنه 1994 إلى سنه 1996

http://www.a2zhobbies.com/pictures/Rev6399.jpg

وبدايت caprice ss كانت من عام 94 إلى عام 1996م
ولقد قورنت هذه السياره من ناحيتين القوه والفخامه بالسياره المعروفه وهي BMW 740 في نفس الموديل.

والأن نأتي في ذكر مواصفات السياره من عدة نواحي :
الأول : المحرك
وهو محرك LT1 V8 350 وهو نفس المحرك الموجود في عدة سيارات وبخاصه الرياضيه من شفرليت مثلCORVETTE و CAMARO
ويأتي في الكابرس بقوة : bhp 260
عزم دوران المحرك: من 32000 إلى 5000 في السرعة القصوى

http://www.acars-mg.jp/img/2g.jpg

ثانياً : قير السياره وهو 4L60 المعروف بإسم (قير 700) ويمتاز هذا القير بقوته وتحمله الشديد . وهو عباره عن أربع سرعات إلكترونيه

http://www.sallee-chevrolet.com/ChevyTransmissions/images/8686960a.jpg

بعض مواصفات السيارة الأخرى:
السرعه النهائية للسياره : 260 كيلو متر في الساعه
تقطع من 0 إلى 100 كيلومتر : في 6.6 ثواني
تقطع الربع ميل : في 15 ثاني
وزن السياره : 4230 lbs .
وتأتي بثلاثة ألوان فقط : وهي الأسود والأخضر والعنابي
والآن مع بعض الصور:

http://images.google.com.sa/images?q=tbn:ub_IBICPqbgJ:http://www.fedrelandsvennen.no/amcar/inside/chevrolet/bilder/96impala_ss.jpg

http://www.cars-on-line.com/18200/96impala18299-C.JPG

وهذيه العلامة المميزه لهذيه الفئة:

http://www.regionofdoom.com/animated_impala.gif

http://www.rollinreview.com/298_96chev/ronnie2.jpg

ملاحظه:
عندي الإستعداد الكامل للإجابه عن أي سؤال يخص هذه السياره في أي مجال كان ميكانيكي أوغيره؟

وشكراً

جامح 998

12-09-2005, 03:18 PM

السلام عليكم

شكرا على الموضوع الرائع.

عندي سؤال

1-كم صرفيةالسيارة داخل المدينة وفي الخط السريع ؟

شكرا

Silver_VR

12-09-2005, 03:21 PM

مشكور اخوي على الموضوع

وعندي سؤال

هل القير بوكس الي على الأمبالا مثل الي على اللومينا SS الجديد ؟؟؟

sayedco

12-09-2005, 05:08 PM

إذا كان وزن السيارة 1918 كيلو جرام تحويلا من الوزن اللي خليته فوق بالرطل

فإن أقل وقت يمكن أن تأتي به السيارة من 0-100 هو 7.3 ثانية و بدون سائق بعد

لكن هي سيارة محترمة و الكابريس الجديد طبعاً فرق شاسع حيث قوته 340 حصان و فيه فخامة و جودة و ما يحتاج أزيد بعد :D

و شكراً على الموضوع ، بالنسبة للتسارع إذا عندك فيديو لا تبخل علينا ;)

grandv8

12-09-2005, 05:15 PM

السلام عليكم ورحمة الله وبركاته

شكرا لك اخوي على المعلومات وعلى السيارة الحلوة الي صاغ اسمها قبل ولين الحين.

شكرا لك
:banana: :knight:

Porsche GT2

12-09-2005, 11:57 PM

شخصياً أعتبر هذي السيارة من أفضل ما أنتجته شيفروليه ..

بالإضافة إلى انها نزلت من 94 - 96 فقط .. يعني بعد سنوات راح تعتبر سيارة نادرة ومميزة

B4_STI

13-09-2005, 04:35 AM

سيارة زي دي ماعتقد احد راح ينساها ....

lt4_caprice ss

13-09-2005, 08:48 AM

السلام عليكم

هل أخوي جامح 998 وردي على السؤال هوه إنه السياره على وزنها الثقيل وعلى قوة المكينه وحجمه الكبير فإنه صرفية البانزين تعتبر متوسطه فمثلاً أنا كنت أدرس في معهد الإداره في الدمام وأنا ساكن في مدينة سيهات وهي بين منطقة القطيف والدمام كنت أعبي السياره 50 ريال تكفين 5 أيام طبعاً مع المشاوير داخل البلد أما بالنسبه إلى صرفيتها في الخط فإذا تعبيها فول وهي 75 ريال راح إتكفيك إلى 600 كيلوا وهذا يعتمد كله على السرعه وأنا قاعد أتكلملك على السرعه المتوسطه.

هلا أخوي Silver_VR وأحب أقول إنه القير البوكس إلى على impala ss يختلف إختلاف كلي عن القير الي يتركب على للومينا اس اس . لأنه نفس القير الي مركب على الكماروا والكورفت اللهم تختلف فيه البرمجه .

هلا أخوي sayedco وحب أقول إنه الوزن مو كل شي في السياره لأنه مثل ماهوه معرفو عن هذي المكينه إنها قويه مره وبسبب القير الي تعاشيق تكون حاشره فيه وهذا المعروف عنه بإمكانه يجيب أقل من هذا الوقت وأنا عندي نفس السياره وكانت تجيب 6.5 ثانيه بس الحين لأنه قاعد أعدل في السياره ومع تركيب بعض القطع صارت السياره مستحيل تمسك لا في الأول ولا في الثاني من قوتها . وبنسبه إلى أنا أفضل هذا النوع من caprice على غيره من المديلات الجديده لأنه مع التعديلات البسيطه أقدر أشلع الكابرس الجديد وفيه واحد من أصحابي عنده كابرس اس اس موديل 95 شلع كابرس اس اس موديل 2002 والمسافه الي عطاها وياه مو هينه فلا تفكر إنه هذي السياره هينه ترى قوت القير أقوى من القير الي يركب على الكابرس الجديد وعلى الومينا

وشكراً لك أخي المشرف grand v8 وأخواني porsche gt2 وأخيb4_stl على المشاركه والمواضيع الجايه أحلا إنشاء الله

SmLo

13-09-2005, 08:57 AM

مشكور ع الموضوع

وأنا صاحب خالي عندو وحدة في جدة

lt4_caprice ss

13-09-2005, 02:55 PM

السلام عليكم
شكراً لك أخي SmLo على المشاركه ونتمنى أن نراك في مشاركات ومواضيع آخرى

وشكراً

bashar_255

13-09-2005, 03:08 PM

إذا كان وزن السيارة 1918 كيلو جرام تحويلا من الوزن اللي خليته فوق بالرطل

فإن أقل وقت يمكن أن تأتي به السيارة من 0-100 هو 7.3 ثانية و بدون سائق بعد

ايش خص بخص ؟

السالين الجديد S281 SC "05 يجيب من 0 الى مئة كيلو في 3 ثواني و حاجة و وزنه طنين :D

مؤيد اف1

13-09-2005, 03:13 PM

هذا الموتر الامريكي الصح :banana:

sayedco

13-09-2005, 03:49 PM

ايش خص بخص ؟

السالين الجديد S281 SC "05 يجيب من 0 الى مئة كيلو في 3 ثواني و حاجة و وزنه طنين

فهمت غلط يا بشار : آنا قصدي إذا قسمت وزن السيارة على قوتها 260 بيطلع 7.3 و هذا هو التسارع النظري بدون احتكاك الهوا و وزن السائق و القير و في الحياة العملية على الاقل إذا قلنا القير قوي و يساعد تجيب 8 ثواني

و بالنسبة للسالين فالوزن اللي خليته غلط ألا و هو 2950 رطل يعني 1338 كيلو
و إذا قسمنا ال 1338 كيلو على القوة و هي 750 يعطينا تسارع 1.8 ثانية شوف هاي الخفيف و اللي انسيابيته شبه معدومة التسارع الحقيقي يزيد ثانية و 2 بوينت عن النظري فيكون 3 ثواني ، فما بالك بالكابريس اللي إنسيابيته قليلة و وزنه كبير و تصميمه غير رياضي فتشوفه عادي يجيب أكثر من 8.2 ثانية (موديل الموضوع)

على قكرة : آنا من عشاق الكابريس SS الجديد :D

bashar_255

14-09-2005, 12:50 AM

ويش قاعد تقول انت !!!!!!!!!!!!!!!!!!!!!!!!!!!!!!!!!!!

اسمح لي بس مصادرك كلها غلط و معادلتك غلط

أولاً :

السالين الجديد وزنه بالضبط 3888 باوند و اللي وزنه هو مجلة mustang & fast ford'sو قوته 400 حصان

ثانياً :

الكابرس الـ SS تحديداً قوته 260 حصان و يجيب 7.1 ثانية من الصفر الى المئة كيلو أما بالنسبة للـ best time فأنا ما عندي فكرة بس الأخ حط رقم

المصدر : http://www.fast-autos.net/chevrolet/chevroletimpalass.html

ثالثاً :

بدون ما ارفق قوة المحرك و حط كارونة 4.30 كم تتوقع يصير بنفس المعادلة ؟

أكيد ما بيتغير

خذ القير و بدله الى قير الريتيو تبعه أكبر بتتغير القومة

بس بمعادلتك ما بيتغير شي

معادلتك بإختصار خاطئة لأنها ما تدل على شئ

عندك الزد 280 قوته 150 حصان و يمشي مع الموستنج في القومة لأن كارونته حاشرة و قيره حاشر

تقبل تحياتي ،،،

RED Chevy

14-09-2005, 01:11 AM

من افضل انتاجات شفروليه اذا ماكان افضلها وعشاقه لي يومك يموتون فيه وانا واحد منهم...

sayedco

14-09-2005, 01:52 AM

هاي مصدري لوزن السالين

http://autos.yahoo.com/newcars/saleen_s7_twinturbo_2005/16838/style_specs.html;_ylt=Aq.5JqEKry6OkvO2C1JNaq8W8cIF

**

بعدين بالنسبة للمعادلات آنا أتكلم عن سيارات ستوك و أغلب السيارات الستوك الراتيو تبع القير مالها هو المؤثر اللي على الأكثر يقلل 0.3 ثانية من التسارع النظري

و طبعاً يزيد ثانية و نص تقريباً

و كلامك :

الكابرس الـ SS تحديداً قوته 260 حصان و يجيب 7.1 ثانية من الصفر الى المئة كيلو

يثبت نظريتي حيث إنه نظرياً كان 7.3 و صار عندك في التجربة 7.1 قول 7.0 هاذي معقولة لكن أقل من 7.0 هاذي قوية الصراحة

بالنسبة للكارونه ما فهمت قصدك عن هالكلمة ما أعرف معناتها :(

و ترا آنا مو قصدي التعصب و لا التخلف و لا شي بس أبغا أفيد و أستفيد فقط :)

lt4_caprice ss

14-09-2005, 10:41 AM

السلام عليكم
شكراً لكم أخواني sayedco و bashar_255 وحبيت أقول إنه هذي المعادله لا تنطبق على كل السيارات لأنك حسبت الوزن والقوه الحصانيه ما ضفت إليه العزم و عدد دوران المحرك وهذي هم كلها أشياء تغير في السرعهز

شكراً لك أخي RED Chevy على الرد وأحب أقول إنه فيه مواضيع كثير بس محتاج الى التشجيع

وشكراً

مؤيد اف1

14-09-2005, 12:09 PM

العزم ونسب الجير والكارونه اهم الاشياء الي تحدد التسارع

bashar_255

14-09-2005, 12:42 PM

!!!

هذي سالين S7 تون تيربو ما لها علاقة بالـ S281 SC "05 !!

بعدين زي ما قال أخوي مؤيد العزم و نسب القير و الكارونة هي اللي تحدد التسارع

يعني شفت كت و مونفنتر زي الناس على نفس القير و بدون ما أغيره و بدون ما أعمل بالسيارة شي بتنزل تحت السبع ثواني فما بالك لما أجيب لها قير حاشر مثل قيور الترمك أو قير TH350 معدل مع كارونة حاشرة ؟

أقتنع بالموضوع المعادلة فاشلة

كرسيدا مديل حاجة و ثمانين شفتا بعيني مركب عليها مكينة موستنج مزودة مع قير موستنج لاكن حالتها لله التراكشن فيها صفر =0 يعني أجيب بيجو 307 و أطلع عليه

تقبل تحياتي ،،،

lumina

14-09-2005, 01:34 PM

شكرا اخوي على التقرير الجميل وبدايه حلوة منك إنك ذكرتنا بهذي السيارة العريقة وانا والله من اشوف هذي السيارة احترمها ...

sayedco

14-09-2005, 03:38 PM

أخوي بشار أولاً آنا أتكلم عن سيارات ستوك يعني من الوكالة و هالمعادلة طبقتها على أغلب السيارات الستوك و صارت صح

خلاص خلاص استسلمت (ما أبي تزيد السالفة لأني أدري ما وراه إلا الخصام) و أظن إنك زعلت بس أرجو إنك ما تعصب و لاشي آنا ترا غير متعصب و لا شي بل أحب هالسيارة و نص :D

و آنا لما أتكلم عن التسارع النظري فهو يقصد التماسك الحاد بين الإطار و الأرض و هو يعطي أقل وقت ممكن تجيبه السيارة من 0 إلى 100 (بدوووووووووووون تعديل)

بس خلاص صكوا السالفة أحسن و أبرك لنا :D

bashar_255

14-09-2005, 05:33 PM

تقبل تحياتي ،،،

هذي الكلمة تدل على اني مش زعلان :D

الإمبالا 96 أو الكابرس SS ما تقحص شد بلادها يعني فيه تراكشن هذي أول حاجة بعدين مش كل القيور ولا كل كارونة بنفس الأرقام .

يختلف الشركة تبي كم يكون التوب سبيد وكم يكون التسارع

تقبل تحياتي

sayedco

14-09-2005, 06:00 PM

و آنا بعد تقبل تحياتي :>

و شكراً على المعلومات

WRX

15-09-2005, 01:46 AM

السلام عليكم

عيوني موضوع راااااااااائع لسيارة اكثر من راااااااااااائعة

((مع اني معترض بقووة على على هرجة 6.6)) لاكن يبقى موضوع رائع,,,,

تحياتي لك وهذي السيارة الرائعة,,,,

lt4_caprice ss

15-09-2005, 12:27 PM

السلام عليكم

شكراً لك أخي مؤيد اف1 على الرد وعلى هدي المعلومات الي عادتاً بعض المواقع ماتحط المعادله الجيده لتستطيع إخراج الرقم الصحيح.

شكراً لك أخي bashar_255 وأخي sayedco على الأخلاق الرياضيه وحبيت أقول دائماً هذي الأشياء لازم يتم النقاش فيه حتى يتم معرفة أين الخطاء وأين الصواب .

شكراً لك أخي lumina على الرد وعلى التشجيع الجميل وبإذن الله المواضيع القادمه ستكون أجمل .

شكراً WRX على الرد وأحب أقول لازم تكون هناك مناقشه في أي موضوع من مواضيع السيارات حتى يستطيع باقي الأفراد أن يتعلموا الصواب من الخطاء

وشكراً

tt12tt

16-09-2005, 02:06 AM

فعلا كابريس ss 96 تحفه نادره بس اخوي الديلكو دايما يخرب فيها وشكرا الله يعطيك العافيه

WRX

16-09-2005, 04:23 AM

السلام عليكم

شكراً WRX على الرد وأحب أقول لازم تكون هناك مناقشه في أي موضوع من مواضيع السيارات حتى يستطيع باقي الأفراد أن يتعلموا الصواب من الخطاء
احب الروح الرياضية هذي بس انا قلت بلاش نتناقش سواء لأن الموضوع شكلة كان يحقلب بمضاربة فا قلت الطيب احسن ولا؟ :m:

بس سؤال انت باقي مصر على موضوع الـ6.6 ولا 7.1 زي ماهو مكتوب في فاست اوتوز؟
لان الصراحة الرقم الأخير هذا ما استغرفه على سيارة جبارة زي هذي..... :p

ويالله تحياتي لكم

TerroRx7

16-09-2005, 06:03 AM

!!!

يعني شفت كت و مونفنتر زي الناس على نفس القير و بدون ما أغيره و بدون ما أعمل بالسيارة شي بتنزل تحت السبع ثواني فما بالك لما أجيب لها قير حاشر مثل قيور الترمك أو قير TH350 معدل مع كارونة حاشرة ؟

لا اله الا الله

الاول 2.52
الثاني 1.52
الثالث 1
ابغا اعرف بس كيف th350 صار حاشر :D

http://www.2quicknovas.com/tranny.html

اجل قير SM465 نمرته الاولى فوق 6:1 وش تسميه :eek: :D

و كيف قير الاس اس قوي و تحمله شديد :D

lt4_caprice ss

16-09-2005, 10:51 AM

السلام عليكم
شكراً لك أخي tt12tt على المشاركه وأحب أقول إنه السياره إذا إعتنيت فيها ما راح يصيدها شي بس إذا تلعب فيها ولا تغير القطع الي تستبدل كل فتره راح تخرب السياره.

شكراً لك أخي WRX وأنا أقول لازم من التناقش + الروح الرياضيه و ما زلت على رأي لأنه دخلت على المنتديات الأمريكيه الخاصه بهذه السياره ولقيت أرقام أقل من خلال تجارب بعض الملاك و لا تنسى إنه الشركه الأم ماحط هده الأرقام من عنده الشركه راح إتحط هل الأرقام بعد قياسات وغيره .

شكراً لك أخي TerroRx7 على الرد وأقولك إيه نعم قير الكابرس أو impala حاشر وإذا تبغى تشيك عليه فهذا رقم القير 4L60E وراح تعرف إنه حاشر مره

وشكراً

TerroRx7

16-09-2005, 12:07 PM

انا ما قلت قير ال4l60e حاشر او مو حاشر
انت قلت تحمله شديد و انا اقول هذا القير من اضعف القيور و دائما ينتهي عمره بسرعه حتى ورا مكاين اليفه :D على كوابرس 92 و تحت ما فيها حتى 200 حصان
ما يخالف ادائه حلو بس تحمله خرطي

SLR55

16-09-2005, 12:26 PM

أنا بعد أحس القير إخرطي بس يمكن من الكنفورتر التعبان

يمكن لو حطيت كنفورتر زي الناس يمكن يكون أقوى

مجرد رأي ^_^

سلااااااااام

TerroRx7

16-09-2005, 02:44 PM

الكونفرتر ماله علاقه

خصوصا انا نتكلم عن سيارات ستوك ما تتعدى 200-300 حصان

و صفه التحمل الشديد تقدر تطلقها على
4l80e
بعدين th400
بعدين th350

مؤيد اف1

16-09-2005, 03:18 PM

ليش مايحطو 4l80-e ويفكونا :D

lt4_caprice ss

16-09-2005, 07:20 PM

السلام عليكم
ومين قال أخوي TerroRx7 إنه تحمل قير 4L60E مو جيد بلعكس هذا من أقوى القيور إلي صنعته الشفر ليت وإذا كنت مفكر إنه نفس القير الي يتركب على اللومينا اس اس والا الكابرس 2000 ورايح فإنت غلطان وسأل أي ميكانيكي خبير في السيارات الأمريكيه راح يقولك هذا من أقوى لقيور الي سوتها الشفر .
ومن خلال تجربتي لسياره ما أعتقد فيه أحد زي جرب في القير لين قال بس والقير نفسه بلاتزويد ولا شي ومعنه المكينه مزوده لاكن القير أثبت جدارته وإلى يومك السياره تمشي زي الحلاوه والقير تعشيقه حلو مره وألحين إلي أكثر من سنه والقير مارحمته ولا يوم خاصه في القومات ........عذراً على الإطاله
وشكراً لإخواني الأعزاء على المشاركه وعذراً إذا غلط على أحد ولا شي
وشكراً

TerroRx7

16-09-2005, 08:16 PM

قير ال700 كان من قبل مو الكتروني و اسمه 700 او 4l60
و لما صار الكتروني و يتحكم به الكمبيوتر صار اسمه 4l60e
و هو نفسه اللي يجي على الصابونه اس اس و اللومينا اس اس و الكابرس اس اس لكن طبعا في اختلافات بسيطه جدا

و جيب لي قير 700 معدل من الشركه اللي يحبها قلبك و اضمن لك انه يطب في ظرف اسبوع او اقل و ورا مكينه 305 شد بلد و لك اني ما انزل زيته ولا اعطيه باركنق ولا ريوس و هو يمشي :D و اذا تبغى نحط له مبرد زيت ما يخالف بعد

حبيبي هالقير و من تجارب الكثير ( محليا و في الخارج ) اثبت انه ما يتحمل مثل القيور الثانيه و كثير من الشركات تقول ان الـ 4l60e حقنا يتحمل حول 1000 حصان بس كلامهم كله خريط و 600 حصان وايد عليه

مؤيد اف1

16-09-2005, 08:32 PM

غريبه والله...اعرف واحد عنده لومينا وماشيه فوق ال90 الف وكله دعس وتفحيط والجير ماقال شي (ماشاء الله ) بس كل الي يسويه تشييكات في الوكاله

SLR55

16-09-2005, 10:19 PM

إلي بايع سيارته يمشيء بالسيارة على سرعة 100 و يحطها على R بنشوف إذا يتحمل و لا لاء ^_^

بخصوص القير في كورفيت لنجرفير ماعرف شو إسمه المهم

الكورفيت 1100 حصان عليه قير 4L60E و عليه طنجرة على ما أذكر 4400 إذا ما خاب ظني

فشو رايك ؟؟؟

سلااااااام

مؤيد اف1

16-09-2005, 10:20 PM

مابيسمح لك الكمبيوتر :p

واصلا بالحركه كل الجيور مابتتحمل :D

راح ينكسر منهم شي

lt4_caprice ss

17-09-2005, 10:31 AM

السلام عليكم
شكراً لك أخي TerroRx7 على المشاركه وأنا أحب أقولك إنه مو زي أنت فاكر القير راح يخترب بسرعه إلا إذا قاعده السياره تتمشى وأنت وديته على الباركنك إلي هوه p جيبلي قير راح يتحمل هذي الحركه وإذا أتحملها مره ماراح يتحملها مره ثاني وجيبلي أقوى لقيور في العالم وشوف مدى تحملها من ألماني إلى ياباني إلى أمريكي وزي ما قلتلك أخوي TerroRx7 إسئل أي ميكانيك خبير في السيارات الأمريكيه أو نفس شركة جنرالمتورز وراح تقولك نفس الكلام الي أنا قلته وإذا جيت بتعدل سياره أمريكيه فيها نفس الهذا القير راح يقولولك خبراء التعديل مهم حطيت في المكينه وغيرها من تعديل ما عليك إلا تركب شفتر على القير وإذا جيت بتغيره يقولك لا لا تغير القير لأنه هذا القير من أقوى لقيور إلي صنعتها الشفر وراح يعطيك قوه هائله . وأنا واحد من الناس الي قابل أكثر من معدل حق السيارات وهم نفس الكلام قالو إلي .
وشكراً لكم أخواني SLR55 وأخي مؤيد اف1 على المشاركه أتمنى نشوفكم في مواضيع ثانيه
وشكراً

TerroRx7

17-09-2005, 02:04 PM

حبيبي

هالقير اضعف بواجد من ال350 و 400 و البورقلايد
و نادرا ما تلاقيه يعيش زي الناس على سياره فوق 400 - 500 حصان
ما اقول لك ما يمكن يتعدل و يتحمل
لكن جيب لك 350 او 400 مع شويه تعديلات و فك حالك لان هالقير تعديله مكلف و في النهايه ما راح يتحمل

عموما و عشان لا يطول الكلام
روح منتديات الامبالا و شوف لك سيارات تجيب الربع ميل في 10 او 9 ثواني و شوف وش قيورها

mustang cobra

17-09-2005, 02:13 PM

قديمك نديمك..... هو طبعا افضل من سيارات الهولدن(الخروف الاسترالي)

lt4_caprice ss

17-09-2005, 04:20 PM

السلام عليكم
شكراً لك أخي TerroRx7 على المشاركه
شكراً لك أخي mustang cobra على المشاركه وفعلاً زي ماقلت الخروف الإسترالي لأأنه أنا بعد ماحب هذي السياره الإستراليه

bashar_255

19-09-2005, 08:11 PM

اجل قير SM465 نمرته الاولى فوق 6:1 وش تسميه
أحنا نزود ستريت مو تشوشني :knight:

قيور الـ 700 يحطوها على محركات الـ 305 عشان أنها تسحب على الخط لاكنه يحتاج الى تبديل " قير " كل كم شهر يعني ما منه فايدة :D

أقوى قيور الشفر اللي أنا قريت عنهم TH350 & TH400turbo <<<< فلسفة بالأسامي :D

و واحد من الشباب حاط له قير TH350 على موستنج 351 و اذا خلص ان شاء الله أكتب لكم فيه موضوع على السريع :-)

تقبل تحياتي ،،،

TerroRx7

19-09-2005, 09:24 PM

من اللي قال حق 305
اذا السالفه حق خطوط قير الth200-4r نسبته افضل للهايوي
يريح المكينه افضل و يقلل الصرفيه و لما يتعدل اقوى من ال700

ذكرتني بال305 :D
حط لها رديتر حديد صناعه سعوديه ولا يمنيه و اذا ما تبغى تحط رديتر على كيفك بعد
و شغل المكيف و السياره واقفه سنه و نص و لا ترفع حراره
و في البلد ما تصرف
و على الهايوي عطها حد ما عندك ما ترفع حراره :D
و احيانا تجيك 305 شد بلد اقوى من 454 شد بلد :D << مجربين :eek: