View Full Version : "أدنوك" لا تعتزم إطلاقاً زيادة أسعار البنزين مستقبلاً ؟؟!!
grandv8
19-09-2005, 08:40 AM
السلام عليكم ورحمة الله وبركاته
"أدنوك" لا تعتزم إطلاقاً زيادة أسعار البنزين مستقبلاً
صرح مصدر مسؤول في شركة بترول أبوظبي الوطنية للتوزيع بأن الشركة لا تنوي القيام بزيادة أسعار بنزين السيارات على الإطلاق في المستقبل.
وقال المصدر في تصريح لوكالة أنباء الإمارات إن شركة أدنوك للتوزيع تعلن للجمهور أنها لا تعتزم إطلاقاً زيادة أسعار بنزين السيارات في المستقبل بأية صورة من الصور. (وام)
من جريدة الخليج اليوم 19 سبتمبر 2005
قلق و رجه
19-09-2005, 09:13 AM
والله رهيييييييب
على الاقل ما نرتفع اكثر وبيصير احتمال النقصان وارد
تعجبني ادنوك دائما في كل شي
يعطيك العافية والله يبشرك بالخير
HAMANN.de
19-09-2005, 09:32 AM
انا جيت ادنوك يوم جبت الافليوشن من دبي صراحه محطه مافي عقبها من كثر ماعجبتني ماكنت بارجع قطر :D
thanks grand
lumina
19-09-2005, 11:02 AM
الله يعز أبوظبي ..
الله يعز أبوظبي ..
الله يعز أبوظبي ..
الله يعز أبوظبي ..
ادنوك عطت الشعب كلمه و إن شاء الله غير راجعه فيها .. الحمدلله خبر يفرح:banana:
grandv8
19-09-2005, 11:43 AM
السلام عليكم ورحمة الله وبركاته
قلق ورجه
الله يعافيك اخوي طارق واكيد اهم شي القيمة ماتتحرك
HAMANN.de
محطات ادنوك راقية ماشاء الله واكيد جلست وقاموا يسحبونك من داخل عشان تروح :D
lumina
آمين اخوي ويعز الجميع ان شاء الله
شكرا لكم اخواني
:banana:
لون الليل
19-09-2005, 01:21 PM
أحلى خبر من أدنوك ^_^
مشكوور مشرفنا عالبشاره الحلوة
الله يطول عمر الشيوخ خليفة بن زايد و محمد بن زايد
خلنا نشوف ايبكو و اينوك شو بيسوون :knight:
الحين عندكم محطه غاليه ومحطه رخيصه ولا وشلون؟؟؟؟؟؟؟؟؟؟؟؟ :confused: :confused:
SLR55
19-09-2005, 03:20 PM
ياله الحمد الله على كل حال
وإن شاء الله بعد ينزلون الأسعار بعد ^_^
بس هل بتنزل الأسعار ولا بتم على حالتها :think:
على الاقل شلوا هم من همومنا وبنتم نعبي التانكي ب 90 درهم :knight:
سلااااااااااام
كرمبع
19-09-2005, 03:33 PM
عقب هالموضوع... الكل راح يتجه لادنوك... مع اني كنت اعبي فالامارات وبس..
والصراحة اليوم عبيت في ادنوك...
اعتقد عقب هالشي الكل راح يسير عند ادنوك وباقي الشركات بتراجع حساباتها لان الكل ماراح يتراود عليهم وخصوصا اذا رفعوا الاسعار ...
grandv8
19-09-2005, 06:27 PM
السلام عليكم ورحمة الله وبركاته
Nas1
آمين يارب العالمين
لون الليل
حياك الله اخوي :D
Nas1
بنجوف ان شاء الله شو بيسون المحطتين واكيد الاحتجاج جاهز
سدرك
لا اخوي المحطات الي عندنا كلها نفس السعر،ولان هناك نية بعد شهرين يبغون يزدون بالاسعار بدرهم واحد على السعر الحالي من 6.25 الى 7.25 ومحطة ادنوك محطة محلية تابعه للحكومة وهي ومحطة الامارات اما ايبكو واينوك شركة خاصة.
SLR55
مااظن الاسعار بتنزل اخوي ولاينزلون شوي على الاقل بيكون احسن اكيد والله يعين الجميع.
كرمبع
اصلا الناس اكثرية تروح للمحطتين وخدمتهم من احسن الخدمات محطة ادنوك والامارات ،مع الناس بمحطات اينوك وايبكو خدماتهم تعبانه ، واكثرية الي تسير تعبي هناك الهنود حسبي الله عليهم.
شكرا لكم اخواني
كرمبع
19-09-2005, 07:10 PM
اخوي جراند:) صح كلامك... وانا احس ان شركه اينوك وايبكو بالعافيه تبغي تثبت وجودها رغم انها شركتين نفس الشي وفاشلات من اول مافتحوا ومحد يصب عندهم الا اليدد يعني الهنود والوافدين اكثر شي...
محطات الامارات معروفه من زمان المكاين بوتيل الحمر هههههه يوم اتصب تتحرك الكور داخل راح زمانها والله...
بس انا ملتزم مع الامارات اكثر من اي محطه اخرى.. فهل هناك نيه ان الامارات سترفع اسعارها بمثل ايبكو واينوك؟؟؟
بس صدقني محد بياكلها وبيلعبها صح غير ادنوك:) ويستاهلون والله .. هذي نتيجه جشع ايبكون واينوك.. واللي كسبتها ادنوك:) اسم ومدح والكل بيتجه لها... بس عيبها شي واحد انا محطاتها بالشارجه محدوده ...
UAEnos
19-09-2005, 10:15 PM
هذا أول خبر قريته في جريدة الخليج اليوم .. وبصراحة انفتحت نفسي عشان أقرأ باقي الأخبار بعد ما قريت هذا الخبر :D ..
أدنوك وضعها قوي جدا وما ينخاف عليها .. والي كان يعاني من الخسائر هي الشركات الخاصة ..
وربما وافقت أدنوك على رفع السعر مجبرة مع الشركات الأخرى لكن يكفينا ردهم الحين وبإذن الله ما يرفعونه مرة ثانية ..
تسلم على الخبر وما قصرت :)
grandv8
19-09-2005, 10:59 PM
السلام عليكم ورحمة الله وبركاته
كرمبع
اخوي صدقت بكلامك والهنود عندهم كل شي عداي ،الامارات ماله نية نفس ادنوك وهي شركة حكومية واصلا هم زادو مع بعض وان شاء الله ينزلون الاسعار ونقتك من المحتطتين.
UAEnos
حياك الله اخوي واكيد ادنوك ماشاء الله شركة كبيرة ومعروفة وهي والامارات مالهم خوف وان شاء الله نلاقي كل شي احسن واحسن وللامام دووم ان شاء الله
شكرا لكم
:)