استفسار عن بريكات الـ VX-r موديل 98..

[loolicpolic]

الله يعطيكم العافية شباب المنتدى..

بس حبيت أسأل عن الشباب الي عندهم خبرة في الكروزر 8 سلندر ومشكلة البريك.. طبعا، خفيف شوي.. وفيه شغله كمان إنك تسمع بين فترة وفترة زي صوت طقة وتحس فيها في دعست البريك لما تكون واقف وداعس بيرك وتيجي تحرك السيارة.. يا ترى هاي الشفلة عاديه؟

الكروزر 8 سلندر و 6 سلندر تغير البريك الخلفي من درم إلى ديسك، هل ممكن الوحد يغير مال الـ 98 ويخليه نفس الجديد؟ وهل بيساعد في حل مشكلة البريك؟

يا ليت لو توب سيكريت والأنصاري يقترحوا علي بما إنهم عندهم كروزرات..

تحياتي..

[TOP-SECRET]

اخوي مشكلة الدرام ويلات في الكروزر والسفايف هي المشكله الوحيده بالنسبه لسيارتي

ويمكن كل الكروزرات

لكن غيرت الدرام ويلات وركبت حق 2006 والسفايف فيه نوع لونه ازرق هذا افضل من الي يبيعونه الوكاله لان الي يبيعونه الوكاله يحك بسرعه

انا انصحك تغير الدرام ويلات لموديل 2005-2006 وتستخدم السفايف الي لونها ازرق دايما استخدمها لكن اخر مره جيت بركبها قالو لي وقفوها ومايجيبونها بس بشكل عام تضبطت السياره حتى مع سفايف الوكاله

بالنسبه للطقه اول مره اسمع فيها لكن يمكن مش في البريك يمكن في القير؟؟

سيارتك عادي ولا اوتو

انا سيارتي عادي في هالنقطه للأسف ماقدر افيدك

بس الانصاري وراعي البيج مواترهم اوتو ويقدرون يفيدونك ان شاء الله

وأي سؤال في الشوفه

[loolicpolic]

هلا والله أخوي توب سيكرت..

كيف الصيام معاك؟ إن شاء الله بس مو متغلب.. :)

أنا أفكر أغير الدرمات، بس هلا أغير الأربعة " أمامي + خلفي" ولا خلفي بس؟ وكيف أسعارهم؟

بعدين أنا جير السيارة عندي أوتوماتيك، ويمكن الصوت من الجير.. إيش ممكن يكون؟ أنا بغير زيت الجير والفلتر بكرة وبشوف إذا الصوت بيروح ولا لأ.. أتذكر قبل فترة ما كان موجود، أو كان بس أخف وايد..

طيب، السفايف الزرق ما في غيرهم.. أو بديل؟ جربت سفايف اللكزس ولا ما تركب؟

الله يعطيك العافية..


تحياتي..

[TOP-SECRET]

ياهلا ومرحبا بك الغالي والله الصيام زي الفل 5 و20 دقيقه يأذن المغرب الوقت قصير

وبالنسبه للسياره بسألك يوم تكون مسرع شوي 120 او 130 وتضرب بريك تحس السياره ترجف ؟

بالنسبه للجير اوتو حق ال98 وايد شباب يشتكون من القير للأسف خبرتي ضعيفه بقير التويوتا اوتو بس انس عنده جي اكس اوتو والطقه تحس فيها وانت تسوق السياره ولا لين جيت بتبدل من نمره لنمره لان يمكن ربلات القير هذي تحتاج تبديل

بالنسبه لدرامات الكزس والله ماجربتها الغالي بس بشكل عام انا انصحك بدرامات الفكسار 2005 و 2006 جربتها وماعليها كلام

انا سيارتي 2000 على طول اروح كراج يبدل السفايف يقولي الدرامات تحتاج تورنه ويحكها ويرجع نفس الشي لكن لحد الحين بعد ماغيرتهم صارو تمام وماصارت لي مشاكل

[الأنصاري]

هلا شباب سوري توني اشوف الموضوع

بالنسبه للبريك انا عندي اوكي مو ذاك البريك الخارق بس ماوجهتني فيه مشاكل لأن دايما اغير السفايف في الشركه واسوي تورنه في الشركه

يقولون ان في 2006 عدلو نظام البريك وصار افضل مادري والله

انا انصحك تستفسر عن بريك 2006 هل يفرق ولا لا وانصحك تشتري السفايف من الشركة ولاتستعمل الموزعين

بالنسبه حق الطقة انا سمعت انها موجوده في فيالكسار القديم وهي عاديه ماتاثر

بالنسبة لل6 سلندر تسمع طقة لو غيرت الجير بدون بريك بس تكون وايد خفيفه

[loolicpolic]

ياهلا ومرحبا بك الغالي والله الصيام زي الفل 5 و20 دقيقه يأذن المغرب الوقت قصير

وبالنسبه للسياره بسألك يوم تكون مسرع شوي 120 او 130 وتضرب بريك تحس السياره ترجف ؟

بالنسبه للجير اوتو حق ال98 وايد شباب يشتكون من القير للأسف خبرتي ضعيفه بقير التويوتا اوتو بس انس عنده جي اكس اوتو والطقه تحس فيها وانت تسوق السياره ولا لين جيت بتبدل من نمره لنمره لان يمكن ربلات القير هذي تحتاج تبديل

بالنسبه لدرامات الكزس والله ماجربتها الغالي بس بشكل عام انا انصحك بدرامات الفكسار 2005 و 2006 جربتها وماعليها كلام

انا سيارتي 2000 على طول اروح كراج يبدل السفايف يقولي الدرامات تحتاج تورنه ويحكها ويرجع نفس الشي لكن لحد الحين بعد ماغيرتهم صارو تمام وماصارت لي مشاكل

الله يقويك يالغالي..

ما أدري والله إذا في رجفه ولا لأ على سرعة 120 أو 130.. بس إنت تقصد إني أدوس بريك فجأة ولا إني أكون مضطر إني أوقف بسرعة؟

طيب إيش الشكوى إلي تكون على جير الـ 98 الأوتو؟ ويا ترى متى انحلت "في أي موديل"؟ وهل ممكن أحلها في الوكالة أو عند ميكانيكي تخصص كروزر؟

الطقه مزعجة، وياليت لو ألاقيلها حل.. بشيك على موضوع الربلات..

الدرمات إن شاء الله بروح الوكاله وأسأل عن سعرها للـ 2006..

إنت كل ما تغير سفايف لازم تعمل تورنه؟ وبعدين أي كراج تتعامل وياه؟

وما قصرت..



تحياتي..

[loolicpolic]

هلا شباب سوري توني اشوف الموضوع

بالنسبه للبريك انا عندي اوكي مو ذاك البريك الخارق بس ماوجهتني فيه مشاكل لأن دايما اغير السفايف في الشركه واسوي تورنه في الشركه

يقولون ان في 2006 عدلو نظام البريك وصار افضل مادري والله

انا انصحك تستفسر عن بريك 2006 هل يفرق ولا لا وانصحك تشتري السفايف من الشركة ولاتستعمل الموزعين

بالنسبه حق الطقة انا سمعت انها موجوده في فيالكسار القديم وهي عاديه ماتاثر

بالنسبة لل6 سلندر تسمع طقة لو غيرت الجير بدون بريك بس تكون وايد خفيفه

ولا يهمك، عذرك معك :) ..

أكيد البريك مو خارق، بس ليش تسوي تورنه؟

يا ترى الواحد يقدر يركب نظام البريك مال الـ 2006 ولا ما يصير، ويكلف وايد ولا شلون؟

الطقه موجودة، وهي ما تأثر بس مشكلتها إتها تضايق :ranting: :bomb:

إنت تتعامل مع كراج الوكالة،ولا في كراج معين تنصح فيه!


تحياتي..

[TOP-SECRET]

لا اخوي مش كل مره اغير السفايف اعمل تورنه

بس اوقات انا اتكيسل موضوع تغيير السفايف يومين ثلاثه

وبعدها لين صرت اضرب بريك يحك بالدرامويلات لان السفايف انتهت

عشان جذي اضطر اني اسوي تورنه


(بس إنت تقصد إني أدوس بريك فجأة ولا إني أكون مضطر إني أوقف بسرعة؟)

شالفرق بينهم؟ :eek:

[loolicpolic]

لا اخوي مش كل مره اغير السفايف اعمل تورنه

بس اوقات انا اتكيسل موضوع تغيير السفايف يومين ثلاثه

وبعدها لين صرت اضرب بريك يحك بالدرامويلات لان السفايف انتهت

عشان جذي اضطر اني اسوي تورنه


(بس إنت تقصد إني أدوس بريك فجأة ولا إني أكون مضطر إني أوقف بسرعة؟)

شالفرق بينهم؟ :eek:

(بس إنت تقصد إني أدوس بريك فجأة ولا إني أكون مضطر إني أوقف بسرعة؟)

ما فيه فرق :D ..

أنا بروح التيسير اليوم عشان أغير السفايف الأمامية لأنها صارت تطلع صوت صفير لما أدوس بريك..

إيش رأيك في شغلهم؟

ومن وين أشتري السفايف؟


تحياتي..

[TOP-SECRET]

والله انا عن نفسي اخوي اتعامل مع كراجات الغرافه وحذاهم موزع لقطع تويوتا اصليه

طبعا السفايف بتحصل على كرتونهم ارقام الوكاله ولون القوطي احمر

بس التيسير والله مافيه مره رحت له بس الكل يمدح فيه

والسفايف ترى عمليه سهله عند اي شخص

بس لازم تحرص انه يغيرهم كلهم بالجدد بعضهم يشوفون راعي السياره مش موجود جنبها

يركبون سفايف مستعمليه والجديده يبيعونها على ناس ثانيين