على ماذا تعتمد صرفية البنزين؟

[سدرك]

وماهو اهم شي هل هو عدد السلندرات او حجم المكينه او العزم او عدد الاحصنة او الوزن؟؟
يعني مثلا عند اللومينا 6 سلندر تصرف اقل من المكسيما مع انها اكبر مكينه واكثر عزم :confused: :confused:
؟؟؟؟؟؟؟؟؟؟
وفي الخط 6سلندر يصرف اقل من 4 سلندر ليش؟؟؟؟؟؟؟؟؟؟؟؟

[EL_3grab]

سؤالك واااااايد شامل ..

وهذا أختصار شديد ..

..

القير .. الوزن .. الأنسيابية .. والتقنية ..

الصراحة مب عارف من وين ابدا .. :knight:

[سدرك]

سؤالك واااااايد شامل ..

وهذا أختصار شديد ..

..

القير .. الوزن .. الأنسيابية .. والتقنية ..

الصراحة مب عارف من وين ابدا ..
انتظر رد شاااااااااااااااااااااامل

[sayedco]

التقنية و بس :D

هو ليس التقنية و بس و لكن :

عدد السلندرات و السعة و كل شي و القير و ووووو

لكن كل هذا حتى إذا يكون أقل من سيارة معينة ، لكنه إذا لم تتوفر التقنية المناسبة للتقليل من الصرفية بيكون اكثر صرفية من مكاين أكبر منه و أكثر سلندرات منه

اكبر مثال مكينة كورفت سي 6 الجديد مقارنة بالبورش 3.6 و الهوندا 3.0 مالت NSX

[Prelude 4 Life]

التقنية و بس :D

هو ليس التقنية و بس و لكن :

عدد السلندرات و السعة و كل شي و القير و ووووو

لكن كل هذا حتى إذا يكون أقل من سيارة معينة ، لكنه إذا لم تتوفر التقنية المناسبة للتقليل من الصرفية بيكون اكثر صرفية من مكاين أكبر منه و أكثر سلندرات منه

اكبر مثال مكينة كورفت سي 6 الجديد مقارنة بالبورش 3.6 و الهوندا 3.0 مالت NSX




الحين مكينة الكورفت فيها تقنية اكثر من البورش وال NSX ؟؟ :lol:

الكورفت صرفيته اقل والسبب ممكن يكون اي شي الا التقنية :D

[سدرك]

وشي هذي التقنية؟؟؟؟

[VENOM 11]

يعني واحد شايب بو عيال... دايماً يمشي على خفيف ومايطوف الـ80 ومايدعس بقوة... = الصرفية بتكون قليلة... :banana:
--------------------
واحد ماخذ الرخصة من يومين ويطلع ويدور 26 ساعة في اليوم وكله يكابس واقل شي يمشي 160 لازم يصرف بترول ... :D

[كرمبع]

الريال كلامه صح 100% :D

يعني واحد شايب بو عيال... دايماً يمشي على خفيف ومايطوف الـ80 ومايدعس بقوة... = الصرفية بتكون قليلة... :banana:
--------------------
واحد ماخذ الرخصة من يومين ويطلع ويدور 26 ساعة في اليوم وكله يكابس واقل شي يمشي 160 لازم يصرف بترول ... :D


اوافق وبشده....


:knight:

[EL_3grab]

يعني تعتمد على فنك أولا ..

لاتحاول تطوف مثلا 2000 rpm .. كلما زاد الـrpm زادت الصرفيه ..

والقيور الأمريكيه تمشي 80 وأنته بعدك على 1300-1500 .. :banana: ..

..

الأنسيبابية .. يعني كل ما قلت مقاومتك للهواء .. قلت صرفية البترول .. فاهمني كيف ..

..

التقنية .. مثلا التقنية اليديدة بسيارات أودي الـFSI .. ضخ الوقود بشكل مباشر في السلندر مب في الأنتيك .. ينتج عنه أحتراق البترول كامل .. وأكبر مثال .. الكربيتر والأنجكتر ..

..

الوزن .. كلما قل .. قلت الصرفيه .. لأنه المكينة تبى بترول زيادة على شان تمشي الوزن ..

..

أنته ركز على ثاني جملة .. وكل شي بيكون تمام أن شاء الله ..

..

ونشوف الأخوان

:-)

[ERT]

والله عندي بعض النصايح المهمه جدا جدا لك


1- اذا الاشارة حمرا وتتنظر الخضرا . اشرب شاي حليب(كرك) و بند السياره <---- شوف حط الجير ع N :sss:

2- بدل المكيف و ركب بنكه (مروحه) صغيرة <---- مروحه كبيره مثل مروحه الكمبيوتر :smart:

3-خل سرعتك 60 <----- اذا 50 ببتلعوز :D

4- حط القير ع الخالي اذا كنت نازل من الجسر<----- اتحمل اتحط الجير ع الواحد :blink:

5-خلص أشغالك بمشوار واحد <---- اهم نقطه :)

6-حط انعالك تحت الريس(الدواسه) < ----- صندل بالمره ما ينفع :m:

[EL_3grab]

خخخخخخخخخخ .. حلوة عزيزي ..

في نقطة .. مهمة .. كل ما بتضرب بريك .. حطه بالخالي .. توفر بترول .. :D

[sayedco]

مشكورين شباب على النصائح في الإستخدام

لكن الرجال يبي العوامل اللي تقلل من الصرفية و ليس طريقة الإستخدام مثل المكينة و القير و الأجزاء الميكانيكية

______

Prelude 4 Life

في عامل ثاني يقدر يفسر الصرفية العجيبة لها ؟؟
الحجم أكبر
السلندرات أكثر
الإنسابية نفس الشي لأنك تقارن بالهوندا و البورش
و أحصنة أكثر و عزم أكبر بكثييييير

شنو بقى ؟؟ في غير التكنولوجيا ؟؟ <<

مشكورين على النقاش

[الماني]

السلام عليكم

1. طبعا الصرفية تعتمد اكثر شيء على الجير لان الجير هو الذي يتحكم في ضخ الوقود الى المحرك. وكلما زادت عدد السرعات في الجير كلما قلت صرفية الوقود، وطبعا عشان كذا نسمع ان الجير العادي يصرف اقل من الاوتوماتيك وذلك بسبب توفر بعض السيارات بـ 4 سرعات اتوماتيكية في حين بعض السيارات من نفس النوع تكون بـ 5 سرعات عادية. وطبعا تقنية السيارات في تطور فنلاحظ ان BMW M5 بها 7 سرعات تيب ترونك. وايضا بالنسبة لبعض طرازات مرسيدس. وسر السرعات انها كلما كانت السرعة في الوضع الاقل مثلا 1 كانت الصرفية اكثر، لان السرعة الاولى تحرك السيارة من موضع السكون فتحتاج الى طاقة اكثر وبالتالي وقود اكثر. ويفضل ان يكون تغيير السرعة في التروس او الجير الاوتوماتيكي سريع.

2. ايضا يعتمد استهلاك الوقود على الصيانة الدورية للسيارة. فالزيت القديم له تأثير كبير في سلاسة حركة الاسطوانات ودخول الوقود.

3. وايضا يفضل الا تطفيء المحرك اذا كنت تريد الوقوف لوقت قصير لانه (حسب ما قرأت) فأن تشغيل السيارة يستهلك الكثير من الوقود.

4. التكييف له دور كبير جدا في استهلاك الوقود وحركة السيارة.

5. كلما قل الدعس على البنزين كلما قلت الصرفية.

وتحياتي الخالصة لكم جميعا...

[Prelude 4 Life]

Prelude 4 Life

في عامل ثاني يقدر يفسر الصرفية العجيبة لها ؟؟
الحجم أكبر
السلندرات أكثر
الإنسابية نفس الشي لأنك تقارن بالهوندا و البورش
و أحصنة أكثر و عزم أكبر بكثييييير

شنو بقى ؟؟ في غير التكنولوجيا ؟؟ <<

مشكورين على النقاش


انا كنت اتكلم عن التقنية في المحرك يعني block + head

ومحرك الكورفت مافيه اي نوع من التكنولوجيا

وش اللي يخلي صرفيته اقل؟؟ ماأعرف :D

لكن في عوامل كثير تحكم الصرفية غير حجم المحرك وعدد الأحصنة والعزم الكلي

عندك نسب القير.. وال torque curve... نظام الكهرباء... نظام ضخ الوقود... الدفرنش ووووو

[أبو حسين]

من أهم عوامل توفير البنزين..بنظري..

1- المكينة وهدا أهم شي!! 4 سلندرات كامة وحدة أو كامتين بس الكامة الوحدة توفر أكثر وعزم أقل..

2-القير..كل مازاد عدد التعشيقات كل ماوفر البنزين أكثر خاصة بالخط..

3-خفة الوزن..يزيد من العزم والقوة وتوفير البنزين أيضا..

4-الإنسيابية ومقاومة الهواء..أحسن من الغير إنسيابية مما تضظر السيارة إلى دفع الهواء بشكل أكبر وبالتالي صرفية أكبر..

5-تانكي ومواصير البنزين وسعته ((على حسب))..

6-المكيف لان الكمبريسر مربوط بسير المحرك فبيستمد الطاقة من المحرك وهذا هو السبب الرئيسي في إرتفاع درجة الحرارة السائل وزيادة الصرفية عند تشغيل المكيف....

7-التورك والقوة الحصانية..لو التورك أقل ليعطي عزم أفضل لانه يريح المكينة ويدور ويحترق بسلالة فلا يصعب عليه المشي بالدورانات البطيئة بعكس التورك لما يكون أعلى من القوة الحصانية وعزم أقل لان المكينة مرغمة على إحراق دفعة كبيرة من البنزين عند الدورانات البطيئة ليحافظ على تشغيله!! فمثلا نجد أن البورش تصرف بنزين أكثر من الكورفيت مع الملاحظة أن المكينة البورش 6 سلندر والكورفيت 8 سلندر..لان الكورفيت التورك مناسب بعكس البورش تعاني من الـTurbo Lag بسبب صغر عدد اللترات وكثر القوة الحصانية..




وإذا غلطان في شي ياليت أحد يصحح لي معلوماتي :)

[مؤيد اف1]

انا كنت اتكلم عن التقنية في المحرك يعني block + head

ومحرك الكورفت مافيه اي نوع من التكنولوجيا

وش اللي يخلي صرفيته اقل؟؟ ماأعرف :D

لكن في عوامل كثير تحكم الصرفية غير حجم المحرك وعدد الأحصنة والعزم الكلي

عندك نسب القير.. وال torque curve... نظام الكهرباء... نظام ضخ الوقود... الدفرنش ووووو

مافيه تقنيه سلامات؟؟؟


حتى لو مافيه تقنيات شي من صالحه..صرفيه قليله وقوه وعزم عاليين صيانه مافي اسهل منها امكانية التزويد فوق ماتتصور..عمر طويييييل للمحرك واحتماله قوي جداً..


التقنيه تدخل حتى في هندسه المواد وتحملها وفعاليتها وخرط الهيد والبلوك وتصميم البساتن

ابي جواب لهالسؤال..؟


ليش المحركات اليابانيه 8 سلندر صرفيتها اكثر من المحركات الامريكيه 8 سلندر واقل قوه رغم انها اصغر في الحجم و كلها تقنيات حسب مانفهمه من كلامك..هذا بغض النظر عن ال 6 سلندر وصرفيته..


تدري ان فالفات الكورفت معبية صوديوم ؟ بس ليش ماادري..


هذي مواصفات ال6 لتر..طبعاً المواد بدون مااتطرق للتقنيات الكربائيه الي تدوخ الراس :sleep:
Block: cast aluminum
Cylinder head: cast aluminum
Intake manifold: composite
Exhaust manifold: cast nodular iron
Main bearing caps: powder metal
Crankshaft: cast iron with undercut and rolled fillets
Camshaft: hollow steel
Connecting rods: forged powder metal
extended life spark plugs
extended life coolant
oil level sensor
Oil Life System

وهذي مواد الZ06

Block: cast aluminum
Cylinder head: cast aluminum
Intake manifold: composite
Exhaust manifold: Stainless Steel
Main bearing caps: Forged steel
Crankshaft: Forged 4140 steel
Camshaft: hollow steel
Connecting rods: Forged Titanium
extended life spark plugs
Ti Intake Valve
extended life coolant
oil level sensor
Oil Life System


التقنيات مو بس هالاحرف VVT VTEC i-VTEC وهالطقات :D




------------------------------------------------------------------------------------


بالنسبه للموضوع..

الصرفيه تعتمد على تصميم المحرك..هل هو يعتمد على قوة حصانيه او اقتصاديه..واذا كان قوه على اي دورات تطلع هالقوه والى اي مدى المحرك كفائته وكم حصان يطلع بالنسبه للتر وطريقة الحقن والوزن و و و و واشياء كثيره جداً..يعني مانقدر نحصل الاسباب في نقاط..الهندسه وطريقتها واسلوبها هي الي توفق بين القوه والصرفيه..وهذا الي تتميز به المحركات الامريكيه صرفيه مناسبه للقوه والعزم الي يطلع من المحرك :cool:


انا لاحظت شي على لومينا 2005 و 2004

طبعاً في 2004 كان الثروتل ميكانيكي او مايسمى سلكي

وفي 2005 الثروتل الكتروني او مايسمى Drive by wire

في موديل 2005 حسيت الصرفيه فرقت واجد عن الموديل السابق وماابالغ اذا قلت الفرق يوصل بين 50 الى 100 كلم مسافه اكثر للتانكي عن الموديل السابق بنفس المكينه وهي 8 سلندر

السبب هنا

الكفائه والدقه في الحقن وخلط البنزين والهواء صارت اعلى..وماصار جزء من البنزين يضيع على الفاضي بدون مايراقب ويدقق ويحسب الكترونيا..


الالكترونيات انا اقول اكبر عامل في الاقتصاديه لانها تراقب كل شي ومن بين هالاشياء اسلوب سواقة السايق وتوفق بين متطلبات السايق والسياره ومشيها..


بس في عوامل كثيره مثل ماذكرت وماممكن حصرها :sleep:



تحياتي

[EL_3grab]

الزبدة .. التقنية .. أذا دخلت في شي .. سواء المكينة ولا القير .. ولا حتى التصميم .. لها دخل في التقليل ..

وهذا شي عاام .. كل ما دخلت التقنية في شي خلته أحسن ..

ولا شو رايكم ..

[سدرك]

طيب ليش في الخط الدفع الامامي يصرف اكثر من الدفع الخلفي؟؟؟؟؟


وفي الخط 6سلندر يصرف اقل من 4 سلندر ليش؟؟؟؟؟؟؟؟؟؟؟؟

[مؤيد اف1]

طريقة الدفع ماتأثر على الصرفيه واجد..رغم ان الدفع الامامي اخف واجد من الخلفي


بس اكثر سيارات الدفع الامامي محركاتها دوراتها عاليه وعلى الخط تصير الدورات مرتفعه والمحرك مطلع اكثر الي فيه من قوه (4 سلندر)..


عموماً ال4 سلندر نسب الجير فيه قصير بحكم ان المكينه ضعيفه نسبياً وهذا من احد الاسباب الي تخليه يصرف اكثر من 6 سلندر على الخط.


تحياتي

[سدرك]

ما شاء الله على الخبرة يا مؤيد تستاهل لقب أفضل خبير سيارات :D

[مؤيد اف1]

لاتبالغ :D

[أبو حسين]

ما شاء الله على الخبرة يا مؤيد تستاهل لقب أفضل خبير سيارات :D

سيم كلام :D

[abumhdi]

عدد السلندرات

التقنية الممتازة

خفة السيارة ..

[سدرك]

لاتبالغ :D
من جد والله أشوف أسئلة الاعضاء المعقده ما يقدر احد يرد عليها الا انت :-)

[Dark Shadow]

شوف الصرفية تعتمد على نوع الجزمة اللي لابسها السايق.

إذا كانت خفيفة تكون الصرفية خفيفة واذا كانت ثقيلة تكون الصرفية كبيرة :banana:

بكذا نعرف ان الشبشب احسن شيء الواحد يلبسه عشان الصرفية :cool:

بس الحافي ما تنفع معاه لان ماكو بترول يوصل للمكينة :ranting:

[EL_3grab]

شوف الصرفية تعتمد على نوع الجزمة اللي لابسها السايق.

إذا كانت خفيفة تكون الصرفية خفيفة واذا كانت ثقيلة تكون الصرفية كبيرة :banana:

بكذا نعرف ان الشبشب احسن شيء الواحد يلبسه عشان الصرفية :cool:

بس الحافي ما تنفع معاه لان ماكو بترول يوصل للمكينة :ranting:


حلوة .. خخخخخخخخخخخخخ .. :D