ماهي أفضل طريقة للتعامل مع السيارة الجديده خلال ال1000 كلم

[MAXIMA 020]

السلام عليكم ورحمة الله وبركاته
بسم الله الرحمن الرحيم

ارجوا من الاخوان افادتي بأحسن طريقه للتعامل مع السياره الجديده طبعا ان انشالله بعد العيد راح تطلع سيارتي التيما 2005 فئة 1 3.5 ولما بحثت في مواقع النت والمنتديات لقيت فيه كلام كثير عن التمرين وفي معضمه تناقض


- فاحدهم يقول : انت لازم بعد ال 1000 كلم تجيب طبلونها اكثر من مره ولا تحاول تبطي وانت ما مشيت فيها 1000 كلم

- والاخر يقول: المفترض من اول ما تشريها بس تكمل فيها 300 كلم وبعدين تكتم عليها ولا توديها للوكاله بعد الاف لانهم يغيرون في السياره شي في المكينه


والكلام بصراحه واجد وانا احترت وش اسوي فا ابي نصحكم في كيف اتعامل معها مع اعطاء السبب وهل من الافضل اني ما اوديها للوكالة بعد ال 1000 كلم

[abumhdi]

اهم شي في فترة الـ 1000 كلم السعرة ما تتعدى الـ 80كلم .. لأنها في فترة التمرين ..

وبعد مضي الـ 1000 كلم .. طبعاً راح توديها الوكالة .. تشييك كامل ..

وبعدها خذ راحتك بأي سرعة .. أو غيره .. طبعاً ( غيره ) يعني بالمحافظة ..

وحالياً اغلب السيارات تبدل الزيت كل 5000كلم ..

وبالتوفيق يا رب ،،

[أبو حسين]

أنا مع الأخ abumhdi

بس كمان لازم ماتفتح المكيف سمعت إنه يضر بالسيارة أثناء فترة التمرين..

والله عند صيانة الـ1000 كيلومتر والله يلعبون بالسيارة لاني وديتها هناك وأول ماإستلمتها سمعت أصوات طقطقة باليايات كل ماألف الطارة يمين أو يسار أو أدعس فرامل يطق أو لما أدخل على مطب صغير يطق ولما أروح على طريق غير مسفلت طقطقطقطقطقطققطقطقطقطقطقططق

[ZOOM _MPS]

اول شئ الله يعطيك خيرها ويكفيك شرها وتتربى في عزك :-)

ثاني شئ انا ما ادري على اية اساس الناس بتقول الكلام دا

يعني في ناس يقولك انا وديت السياره الشركه وبعد ماطلعتها بطلت تصفي الطبلون :blink:

والحمدلله انا سيارتي ماشيه فوق الميه الف واوديها الشركه كل فتره والسياره ماسار فيها شئ

يعني تمشي كانها جديده والحمد لله

شوف حبيبي انا عندي واحد من اعز اصحابي شغال في صيانه هوندا

الرجال يقولي انا دخلت الشركه وانا في راسي انو كلام الناس صح يعني انو السياره خلاص

ما تحتاج تمرين لانو هيا تجي ممرنه وجاهزه وانو الشركات يسوو شئ


فالرجال يقولي انا مسكت المهندس المسؤل وقعدت اتكلم معاه وسالتو نفس السؤال

طلع انو السياره صح ممرنه لاكن لاتنسى الجو اللي عندنا هادي حاجه

والشئ الثاني انو المكينه جوتها في براده حديد عشان لسه جديد

فا انت تشوف اللي يشتري السياره ويدعس فيها السياره تكون صح عزمها قوي لاكن تلقى

برضوا السياره سارت تصرف بنزين وعمرها ينقص وتلقى صوتها متغير شوي يعني اعلى تقريبا

والسبب براده الحديد لانو مع الاحتكاك وسعت المجرى حق البساتم

فعشان كده الشركه تقول لاتدعس الا بعد الاف كيلو وبعد ما تغير الزيت والفلتر عشان البراده هادي

وعلى فكره كل الشباب اللي اعرفهم دعسوا اول ما طلعو السياره وبعدين واجهتهم مشاكل بعد

كده

وعلى فكره ترا الشركه ما يحفى الشئ دا عليها لاكن بيمشوا الزبون


بس انت هدي اعصابك ولا تدعس لانو الدعس ملحوق عليه :banana:


انشاء تكون الفكره وضحت والله اعلم