اقول يالاطبا شوفولي حل بديت اصلع

[الشرقاوي]

بصراحه ماكنت اتوقع اني راح اصلع مع العلم ان ابوي اصلع بس الاان بديت الاحظ ان الشعر بمقدمة الراس صار خفييييف :D

يعني شوي شوي ويختفي الكلام اللي ابغى اعرفه هل اني اذا حاولت اعالج الصلع الاان في بدايته راح الحق على نفسي وماراح اصلع :sleep:

والا ماتفرق والصلع جاي جاي واستسلم للامر الواقع :sss:

بصراحه انا ماتفرق معاي كثير بس ابغى اعرف اذا يمديني الحين يليت تنصحوني اروح وين او ايش اسوي وهل حلاقة الراس موس تفيد الشعر والا لا؟؟؟؟؟؟؟

[نظرة]

الله يكون في عونك

:):) بس لا تزعل

ترى بعض الصلع يعطي جاذبية

[Supra_Rider]

السلام عليكم

انا مب طبيب انا خريج تجارة و لكني محب للقرائة و بحاول افيدك على حسب معلوماتي المتواضعة
اولا اخوي هون على نفسك و لا تفكر كثير في الموضوع واعرف الدنيا تطورت و اغلب المشاكل صار لها حل
ثانيا انصحك انك ما تصدق الخرافات مثل سالفة حلاقة الراس موس او استخدام زيت خروع او بصل و ما شابه و بعد لا تستخدم الادوية التجارية اللي يعلن عنها التجار في المحطات الفضائية و اهم شيء انك ما تقع ضحية للنصابين اللي مسمين انفسهم عطارين و لا تستخدم ادويتهم العشبية المزيفة <--- تبغي الصراحة بعض الادوية العشبية ممكن تفيد لان اغلبها يحتوي على الفيتامينات و تنفع للناس اللي عندهم تساقط بسبب نقص الفيتامينات اما في حالتك انت اخوي فاسمحلي انت التساقط اللي عندك وراثي يعني مالك امل :D :blink:
ثالثا لازم تعرف انه ما فيه أدوية في العالم مفيدة للصلع الوراثي غير دوائين فقط اللي اعترفت بهم وكالة الدواء و الغذاء الامريكية يعني خضعوا لتجارب مكثفة و مشددة لذلك اذا فكرت تستخدم دوا للتساقط فما لك الا هيفا .. عفوا :shy: اقصد مالك الا هالدوائين:
الدواء الاول عبارة عن حبوب اسمها بروبيشيا و لكني ما انصحك تستخدمها ابدا لان لانها لها اعراض جانبية و من اهم اعراضها الجانبية هو الضعف الجنسي :shock2: مما ينتج عنه من سهر و احتراف غناء الاغنية الشهيرة: يا ليل ما اطولك :11: :19:

اما الدواء الثاني وهو المهم و انصحك تجربه هو بخاخ مينوكسيديل Minoxidil بتركيز %2 أو %5 على حسب احتياجك و ينباع في الصيدليات وهو فاد ناس كثار و بامكانك تعمل بحث عنه في جوجل او تسأل عنه الاطباء

يعني باختصار ما يفيد للتساقط الوراثي غير استخدام بخاخ مينوكسيديل أو عمل عملية نقل أو زراعة شعر


تحياتي :)

[ali mohmed ali]

لايهم شكل الانسان ابدا فالجوهر يطغى على الشكل
اذا جوهر الانسان اهم من شكله

[الشرقاوي]

جزاكم الله خير ما\قصرتوا :D :D :D

اخت نظره انا والله ماجبت طاري الصلع وبيني وبينك احس انه اوفر لاني ماحب اروح للحلاق :D :D :D بس اقول اذا الموضوع يستاهل حاولنا واذا مايمدي عاد رب ضاره نافعه :D

اشوف اغلب الردود الناس تواسيني شسالفه ترى الصلع عااااادي جدا جدا وانا شخصيا ابوي اصلع واحس فعلا ان عنده جاذبيه(اي جاذبيه الله يرحم والديك :D )

ننتظر الاطبا ووش يقولون :think:

[ديجتال]

تفضل موضوع كامل متكامل :
http://en.wikipedia.org/wiki/Baldness_treatments

[FuLL MoOoN]

هلا اخوي الشرقاوي تصدق انا بعد زيك ومع اني بصير طبيب بعد سنتين انشالله بس ترى الى اللحظه هذي مافيه حل الا زراعه الشعر ومانصح فيه ترى الحين انتظر لما تصلع صح يعني اذا بتخربها خربها على شي يسوى :D
وبالعكس الصلع من علامات الرجوله والفحوله ومن اقوى اسباب الصلع الوراثه طبعا وزيادة هرمون الرجوله :glasses2: سوي مثلي فلها وربك يحلها لا تهتم والطب ترى بتطور مستمر ويمكن يطلع علاج قوي للصلع وانا جربت على فكره البخاخ اللي تكلم عنه الاخ المينوكسيديل ماعندك احد اذا وراثه ولا مايسويلك شي تراه :sleep:

[الشرقاوي]

:D

يعني خلاص اودع الشعر :D والله عطيتني معنويه يا فول موووون وحتى انا ابصير ضابط بعد 4 شهور (شكلي ماني بفاصخ الكاب من راسي :D :D :D ) لا والله بالعكس خل الراس يتهوى :D

اخوي ديجتل احس كانك تغلط علي :D ويييييييييين معطيني موضوع انجليزي :shy:

بس ماقصرت

[سيف ذي يزن]

أخوي هناك علاج جديد للصلع موجود حالياً في المملكة وقد جربه أشخاص صلع تماماً وأصبح شعرهم 100% والعلاج طبيعي ونتائجه مضمونه الا أن سعره مرتفع وحسب علمي ان مكتشف العلاج هو دكتور سوداني .

هنا تجد تفاصيل أكثر

http://www.albayan.co.ae/albayan/2003/03/20/tar/9.htm

[درجة ثانية]

والله ياخوي تراني مثلك ماخذها أبا عن جد

وانا مصلع وبان علي الصلع من يوم كنت في ثاني ثانوي سنة 1999 وكان عمري ايامها 18 سنة

والان الحمدلله شاقة راسي شق من بداية الجبهه لين مأخرتها ( كبوريا بالمقلوب :D )

ولعلمك تراني اكشخ بها :D

المشكلة ان العلماء الطب لم يجدوا للصلع الوراثي اي دواء ...

وهو المرض المنتشر الاكثر حول العالم

[عطارد]

ادلكه بالثوم