سوالف للجميع - أرمادا ولا يوكون ؟

UAEnos

24-01-2006, 02:18 PM

السلام عليكم ورحمة الله وبركاته

إخواني الكرام .. واحد من الإخوان يبا يشتري سيارة عائلية .. وهو محتار بين سيارتين .. النيسان أرمادا .. والجمس يوكون .. السيارتين آخر موديل طبعا ..

الي جرب السيارتين يا ليت يقول لنا عن تجربته .. وبانتظار نصايحكم :-)

BoSaLem

24-01-2006, 02:22 PM

أرشح الأرمادا لأنه اليوكن شكل بيتغير ..

M Power

24-01-2006, 02:28 PM

بصراحة أنا ما جربت اليوكون... لكن بالطبع هي سياره قديمة و ذات سمعة جيده في فئتها.... و أظن أن سعرها مناسب... و طبعا الكل يعرف الراحة المعهوده في الشاحنات الأمريكيه... :banana:

بالنسبة للأرمادا... سياره جديده العهد في السوق... لكنها أثبتت جدارتها بسرعة عجيبة على منافسه أقرانها الأكبر منها عمرا و خبره.... و بصراحة (من تجربتي لها) أنها مريحه ، هادئه و قويه.... :knight:

بصراحة هذه معلوماتي عنهم... و القرار الأخير لصاحب الأختيار... :smart:

و مبروووك مقدما... :p

Salaaaamz

قلق و رجه

24-01-2006, 02:34 PM

والله بالنسبة لتجربتي لليوكون

السيارة ما عليها كلام من كل النواحي

بعد 130الف كيلو من الاستعمال

اعطالها نادرة ومريحة وصرفيتها ممتازة جدا وسعر السيارة رخيص بالنسبة لقيمتها الحقيقيه

عيبها انها راح تتغير

اذا بيصبر احسن

او اذا الرجال ما همه خله يتوكل على الله

واذا اي سؤال انا حاضر

غريب السيف

24-01-2006, 03:05 PM

الارمادا سيارة رائعه وسعرها جيد جدا وانتشرت بشكل فظيع في الفترة الاخيرة ومحركها قوي جدا ومريحه وعندنا في العائلة اربع سيارات ارمادا

واليوكون ايضا لاغبار عليها ولكن لو رغب فيها عليه ان ينتظر نهاية الصيف لما تنزل خصوصا انها تطورت كثيرا

اما لو ما عنده صبر يتوكل وياخذ الارماردا

EL_3grab

24-01-2006, 03:06 PM

قوله خله يلحق على يوكن 2005 .. سعره واصل 109 .. وسعر 2006 138 .. والمواصفات ما فرقت .. :D

الأرمادا سعره فوق 145 على ما أعتقد ..

خله على اليوكن ..

أبو حسين

24-01-2006, 03:29 PM

إنتظر اليوكون الجديد رزة بمعنى الكلمة :D

وإذا الرجال مستعجل خله ياخذ الأرمادا..

أما اليوكون الحالي لاتقربه مع إنه عملي ورخيص ((إلا إذا أبو عيال ومايهمه الرزة..يتوكل على الله ومابيندم))

Dark Shadow

24-01-2006, 04:30 PM

السيارتين حلوين ، وبارك الله في الزواج الجماعي.

محب دبي

24-01-2006, 05:34 PM

اليوكون أفضل

sayedco

24-01-2006, 05:52 PM

اليوكون أفضل خاصة حق السفر ، السيارة تمشي 190 و هي مريحة المكينة على 3

و أعطالها قليلة و عملية

الأرمادا أيضاً سيارة ممتازة لكنها أغلى ،

و إذا يبي شكل جديد خل ياخذ الأرمادا أو ينتظر اليوكن الجديد

أو يعدل فيه يسويه دينالي و بيصير كشخة :cool:

أنصحه باليوكن

G 55

24-01-2006, 08:10 PM

ARMADA

G 55

مؤيد اف1

24-01-2006, 08:53 PM

اليوكون ارخص واعطاله اقل بحسب كلام جي دي بور..وماعمري شفت احد يشتكي من اليوكن دايما مدح فيه :banana:

بس مشكلته صار قديم وقريب بتغير...وكلها كم شهر وهو نازل الجديد.. ياخذ الي يريحه سواء في السعر او الشكل والتصميم

اذا مستعجل ياخذ ارمادا رغم اني ماارتاح له :D

واذا بيصبر ياخذ يوكون احسن له :p

تحياتي

الشبابي

24-01-2006, 10:13 PM

انتظر كم شهر وخذ اليوكون الجديد اما اذا كنت تبي شئ رخيص ممكن تاخذ اليوكون الحالي واسعاره رخيصة جدا جدا وعليه عروض ما قدر صارت واحنا اخذنا سوبربان 1500 ب 108 الاف ريال من الجميح موديل 2006 قبل شهر ....
واليوكون ارخص من السوبربان واتوقع تلاقيه بالمعارض حول 95 الف ريال وارخص بعد ..
اما اذا كنت تبي شئ واسع وقوي فخذ الارمادا فالان صار يجي فل كامل وسعره معقول ..

اخوكم الشبابي

B4_STI

24-01-2006, 11:21 PM

بالنسبه لي اليوكون اما ان بتتغير فمالك الا تصبر الا ان كنت مستعجل ؟؟؟

UAEnos

25-01-2006, 12:49 AM

بيض الله وجوهكم ما قصرتوا يا اخوان .. والأخ قرأ كلامكم والقرار متروك له :-)

بو طحنون

25-01-2006, 01:14 AM

السلام عليكم ..

اسمحولي اخوان على المداخله ..

والله اخوي انا انصح بالأرمادا .. لانها اصلن امريكيه بس ياباني .. يعني راحة امريكيه .. بمواصفات يبانيه .. وسعرها معقول .. و صرفيتها حلوه .. و مشاكلها لين الحين ما شىء .. و اكبر دليل انها انتشرت وايد .. وصارت تكسي .. لانها حلوه و مريحه .. ولا تنسى اي وقت يبا يبيع بتييب سعر لانها ياباني .. و بعد قطع غيار متوفر و رخيص .. يعني بالأخير انا اتوكل مع الأرمادا .. واسمحلي اخوي على المداخله مره ثانيه

mustang cobra

25-01-2006, 01:29 AM

إنتظر اليوكون الجديد رزة بمعنى الكلمة :D
))
صحيح

رفجة عرب

25-01-2006, 01:53 AM

الأرمادا وحتى لو اليوكن الجديد نزل !!

HaKeM

25-01-2006, 02:08 AM

ترى السوبربان يمسك سعره أكثر من النيسان في السعودية

اذا رجال كبير ومايهمه الشكل ياخذ الحالي

مع اني انصحه ياخذ الجديد بعد كم شهر

:-)

ح ب ي 300

25-01-2006, 04:57 AM

أرمادا أكبر حجماً من اليوكون
أيضاً أعتقد أن الارمادا أفخم من اليوكون كذلك أن اليوكون والسيارات الامريكية بشكل عام تدخل الروائح من الخارج عند تشغيل المكيف.

ميكانيكي

25-01-2006, 05:13 AM

ياخذ اليوكن طبعا
سيارة عريقة واثبتت جودتها بكلى معنى الكلمة
احنا عندنا تاهو موديل 2000 والى اليوم ماغيرنا فيه غير الزيوت
بصراحة سيارة ممتازة
بس لو ينتظر الشكل الجديد يكون افضل له :)

سدرك

25-01-2006, 06:34 AM

يصبر وياخذ اليوكن الجديد

الزرعوني

25-01-2006, 11:48 AM

غريب السيف

25-01-2006, 12:12 PM

الارمادا : ياباني .. سعره فيه .. قطع غياره رخيصه .. و يعيش عندك ..

اليوكون : ( امريكي .. يعني 3 سنوات و فره بحر ) .. سعره دااااااون ... قطع غياره اغلى .. و ما يعيش وايد ..

و انا اقولك ان الارمادا اقوى من اليوكن في الشارع و في الرمل ( احنه امجربين ) .. و صرفية البترول مثل العسل ..

حراااااااااااااام عليك الزرعوني FBI :D الارمادا صحيح اقوي من اليوكن بالتجربة

لكن اليوكن يعيش وقطع غيار اسعارها عادية تخيل عدد الجموس القديمة اللى تمشي في السعودية واحنا عندنا في العزبة سوبربان (نفس اليوكن ) موديل قدييم جدا ما بتصدق موديل 1979
وموجود في العزبة حاليا من عشر سنوات نستخدمه لنقل الاغراض والسيارة سافرت صلاله اربع مرات ومرة راحت الكويت والسعودية
وتم تبديل الجير والمكينة مرة واحده خلال حياة هذي السيارة ...صدق هالسيارة طلعت روحها من الكرف :D وحتى مرة اشتركنا في مسابقة اقدم سوبربان في الخليج بس فاز فيها شخص من السعودية

تشااااااااااااو

cadyman

25-01-2006, 01:32 PM

كلهم حلوين بس اليوكون راح يتغير عام 2007 فحرام تشتري يوكون

CL-Class

25-01-2006, 07:21 PM

انا من رأيي اذا صاحبك يهمه الحجم والمساحة الداخلية ....... فأنا اقوله ان اليوكون القادم راح يكون أصغر من الحالي .....

وبالنسبة للعملانية فالجميع ماعليهم خلاف ........ لكن تبقى المساحة الداخلية هي العامل الابرز في اتخاذ القرار ..... والجميع اسعارهم متقاربة في حالة اعادة البيع أو الصيانة

قلق و رجه

25-01-2006, 08:06 PM

ياخي ما شي وجه مقارنه ...

الارمادا : ياباني .. سعره فيه .. قطع غياره رخيصه .. و يعيش عندك ..

اليوكون : ( امريكي .. يعني 3 سنوات و فره بحر ) .. سعره دااااااون ... قطع غياره اغلى .. و ما يعيش وايد ..

و انا اقولك ان الارمادا اقوى من اليوكن في الشارع و في الرمل ( احنه امجربين ) .. و صرفية البترول مثل العسل ..

انا اقولك .. اتوكل على الله .. و صل الاستخارة .. بس برأيي انا .. ارمادا على طول بدون تفكير

والله يا اخوي غريب كلامك شوي

اذا اليوكون امريكي فهذا يعني انه يتحمل اكثر

يا اخوي الحين عندنا يوكون من اكثر من سنتين ورايح الاردن خمس مرات وغير مكة والرياض

ومع الوالد واستعمال زفت

والحين ماشي فوق ال130 الف ولا اشتكينا منه

السيارة سواقتها ما تغيرت من يوم شريناها من كل النواحي

وفي المرفقات مقارنه في الجوده من جي دي بور

انا من رأيي اذا صاحبك يهمه الحجم والمساحة الداخلية ....... فأنا اقوله ان اليوكون القادم راح يكون أصغر من الحالي .....

وبالنسبة للعملانية فالجميع ماعليهم خلاف ........ لكن تبقى المساحة الداخلية هي العامل الابرز في اتخاذ القرار ..... والجميع اسعارهم متقاربة في حالة اعادة البيع أو الصيانة

بالعكس اخوي انا راكب التاهو الجديد في معرض دبي للسيارات

افضل واوسع بكثير من الاول

وحتى ركوبه افضل وخاصه في الخلف

560SEL

25-01-2006, 09:05 PM

والله يا اخوي غريب كلامك شوي

اذا اليوكون امريكي فهذا يعني انه يتحمل اكثر

يا اخوي الحين عندنا يوكون من اكثر من سنتين ورايح الاردن خمس مرات وغير مكة والرياض

ومع الوالد واستعمال زفت

والحين ماشي فوق ال130 الف ولا اشتكينا منه

السيارة سواقتها ما تغيرت من يوم شريناها من كل النواحي

وفي المرفقات مقارنه في الجوده من جي دي بور

بالعكس اخوي انا راكب التاهو الجديد في معرض دبي للسيارات

افضل واوسع بكثير من الاول

وحتى ركوبه افضل وخاصه في الخلف

أخوي انا ما أقصد شئ ... و لكن يا ليت الكلام يكون من تجارب يعني ما لنا أي علاقه ب JD Power أو غيره :)

انا أقول :D

لو خويك هذا مستعجل فخله يا خذ الارمادا

و انا من رأيي انه يصبر شوي الين ينزل اليوكون الجديد لأن اليوكون غني عن التعريف و معروف في كل أوساط الشعب و مرغوب مقارنة بالنيسان عموما

و استخر الله قبل كل شئ

RED Chevy

26-01-2006, 02:15 AM

الأرمادا حالياً أفضل بس خله ينتظر شوي مافرق على شهر 6 او 7 بالكثير اليوكن والتاهو اليداد نازلين بالخليج...

اللي يشيل اليوكن الحاي ان سعره ببلاش وايد رخيص.. :black: