View Full Version : التجربة الاولى لـ شيفروليه تاهو 2007 ...
الشبابي
27-01-2006, 05:09 PM
السلام عليكم ورحمة الله وبركاته
هذه هي التجربة الاولى للشيفروليه تاهو الجديد ذا المحرك 5.3 لتر والذي يعمل بتقنية active fuel managment المقتضية بعمل 4 سلندر عند عدم الحاجة للاخريات ، وينطلق هذا المحرك المتصل بجير 4 سرعات اوتو من صفر الى 100 خلال 8.6 ثواني وهو تسارع ممتاز بالنسبة لهذه السيارة ذات الدفع الرباعي ...
http://a332.g.akamai.net/f/332/936/12h/www.edmunds.com/media/roadtests/roadtest/07.chevrolet.tahoe.lt/07.chevrolet.tahoe.act.1.500.jpg
جدير بالذكر ان المحرك تم تطويره لينتج 320 حصان ( 295 سابقا ) بعد ان زيد ضغط المحرك من 9.5 :1 الى 9.9 :1 ... وهو يعمل على الاوكتان 91 ويستهلك 15 ميل للجالون في المدينة و 21 في الخط ... كما ان قدرة السيارة على السحب ارتفعت الى 7700 باوند ...
http://a332.g.akamai.net/f/332/936/12h/www.edmunds.com/media/roadtests/roadtest/07.chevrolet.tahoe.lt/07.chevrolet.tahoe.f34.2.500.jpg
السيارة عموما زاد طولها العام من 196.9 انش الى 202 انش بمقدار 5 انشات تقريبا والعرض من 78.9 الى 79 انش والارتفاع من 76.6 الى 77 انش ، كما ان جودة المواد الداخلية تطورت كثيرا والخشب المستعمل داخليا ممتاز واثنى عليه الموقع ...
http://a332.g.akamai.net/f/332/936/12h/www.edmunds.com/media/roadtests/roadtest/07.chevrolet.tahoe.lt/07.chevrolet.tahoe.int.500.jpg
من ناحية نظام التعليق تحظى التاهو بنظام تعليق مستقل مثل المستعمل في لكنون نافيجيتور والاكسبديشن وهو مستقل بخمس وصلات تؤمن ثبات وراحة ممتازين رغم التمايل الكبير عند الانحراف على السرعات المتوسطة والعالية ...
http://a332.g.akamai.net/f/332/936/12h/www.edmunds.com/media/roadtests/roadtest/07.chevrolet.tahoe.lt/07.chevrolet.tahoe.cc.500.jpg
زود النوع LT وهو الاعلى بشاشة تحتوي نافيجيشن وايضا شاشة خلفية ترفيهية للركاب الخلفيين مع امكانية اضافة كاميرا خلفية كتجيزات اختيارية ، كما ان جميع انواع هذه السيارة سيزود بنظام ستابلتي تراك للثبات كتجهيز قياسي ، وسينزل في فترة لاحقة المحرك الاصغر 4.8 لتر والذي طور لينتج 290 حصان وسيتوفر بالدفع الخلفي فقط ...
الجدير بالذكر بأن سعر السيارة ارتفع كثير فالفل كامل ناقص بعض التجهيزات الاختيارية البسيطة وصل الى 48622 دولار اي تقريبا حدود 183 الف ريال ، ومن ابرز العيوب في السيارة ان ازرار التحكم بالزجاج لايتوفر اتوماتيكيا ...
اخوكم الشبابي
bohusni
27-01-2006, 05:33 PM
حلوة السيارة و 10 على 10
بس ياخي 182000 و زجاج عادي :think:
بتخلي الواحد ما يطلع للسيارة او احتى يفكر فيها
مؤيد اف1
27-01-2006, 07:41 PM
حلوة السيارة و 10 على 10
بس ياخي 182000 و زجاج عادي :think:
بتخلي الواحد ما يطلع للسيارة او احتى يفكر فيها
المقصود ان الزجاج مايرتفع لحاله او ينزل بدعسه وحده
RED Chevy
27-01-2006, 08:26 PM
وايد حلو بس سعر السيارة وايد ارتفع صحيح انه مقابل التجهيزات معقول لكن فرق كبير عن الحالي...
مؤيد اف1
27-01-2006, 08:28 PM
ولا في سياره توفر هالاشياء (كلها) بالسعر نفسه او اقل منه :p
مشكور خيو الشبابي على التجربه
تحياتي
الشبابي
27-01-2006, 08:43 PM
شكرا لمروركم جميعا ...
مؤيداف 1 ...
قد يكون هناك بعض
الشبابي
27-01-2006, 08:45 PM
شكرا لمروركم جميعا ...
مؤيداف 1 ...
قد يكون هناك بعض السيارة باسعار مقاربة ومشابه بها نفس المواصفات وافضل بعد لكننا تعودنا ان الامريكي يكون ارخص من الباقي .. واللي زعلني ان السيارة لاتتوفر بالجير ل 6 سرعات الجديد ....
اخوكم الشبابي
الهاوي جروب
27-01-2006, 08:54 PM
رائعه لكن غاليه جدا
مؤيد اف1
27-01-2006, 08:55 PM
متوفر جير 6 سرعات فقط على ال6 لتر..
بالنسبه للسيارات المشابهه..مااعتقد فيه بنفس السعر والمواصفات و (الجودة)..
عندك اقرب مثال الانفينيتي الكبيره..نسيت اسمها..
لكن مافي احد مدحها ورغم هالشي اغلى من التاهو :p
تحياتي
الشبابي
27-01-2006, 09:07 PM
الانفينيتي ب 180 الف ريال اخر مرة زرت الوكالة يعني تقريبا اول ما نزل ..
لاتنسى فرق الحجم الكبير ... ( اللي ما مدحه موقع واحد مشكوك في امره ) لكن الى الان الواقع لم يعطينا اي فكرة عنه ...
اخوكم الشبابي
مؤيد اف1
27-01-2006, 09:11 PM
انا ماشوف عنه الا ريبورتات سب في جودته ومشاكله :D
CORVETTE^C5
27-01-2006, 10:18 PM
تسلم ايديك اخوي الشبابي
و الله السياره تطورت كثير
و اذا هذا التاهو مواصفاته حلوه جذي عيل اليوكن شنو مواصفاته ؟ اكيد شي عجيب بس اكيد سعره بيرتفع وايد
مؤيد اف1
27-01-2006, 10:21 PM
في شي راح عن بالي..تتوقعو كل المواصفات تجينا؟
خصوصاً المواصفات الاختياريه :think:
انا ماتوقع :D
grandv8
27-01-2006, 11:29 PM
السلام عليكم ورحمة الله وبركاته
شكرا لك اخوي ماجد
احسن شي انه مسوين نظام (هذه هي التجربة الاولى للشيفروليه تاهو الجديد ذا المحرك 5.3 لتر والذي يعمل بتقنية active fuel managment المقتضية بعمل 4 سلندر عند عدم الحاجة للاخريات)
وانا جفت بمعرض دبي للسيارات الدولي، السيارة ماشاء الله اختلفت 180 درجة عن القديمة واتغيرت كل شي من الداخل وتحس انها فخمة اكثر من سابقتها بكثير.
:banana:
ميكانيكي
28-01-2006, 01:00 AM
جميلة جدا كما قلنا سابقا وديكورها الداخلي اكثر من رائع
بس فعلا
صدمنا موضوع السعر ..فرق كبير بين سعره وبين سعر الموديل الحالي :cool:
جميلة جداً...و مواصفات حلوه
وارتفاع السعر نتيجة لارتفاع الجودة .. :banana:
RamAir
28-01-2006, 03:56 AM
اشوف ان سعرها مقارنه بالمواصفات الموجوده عادي جدا ومعقول مرة صح انه غريب بالنسبه لسيارة امريكية لكن المواصفات الي في السيارة موب بسيطة موصفات عالية مرة :banana:
ولا تنسون سعر الاندكروزر 215 الف ولو قارنتو المواصفات بين السياراتين راح يكون الفرق شاسع :black:
sayedco
28-01-2006, 02:11 PM
توقعت مواصفات و قوة أكثر ، الفورد اكبديشن من صفر إلى 100 في 7.7 ثانية (مجرب)
و نظام التعليق هايدروليك بعد :knight: ، يتغير ارتفاع السيارة حسب الظروف و السرعة ، و لما السيارة توقف تنزل السيارة << هاذي ما فيها
و المقارنة مع اللاند كروزر و الباترول و المماثلات شي غلط :D
السيارة حجمها أكبر من الهمر H3 ، مو مجرب أوقف يم همر اتش 2 عشان أحكم :D
و سعر الفورد 135 ألف فل أوبشن
الشكل صار أحلى بكثير و من الداخل فرررررق كبييييييييير من السابق و الصرفية أفضل أيضاً
قلق و رجه
28-01-2006, 02:25 PM
يا شباب فيه اغلاط بسيطة ابصلحها لكم (بعد اذن صاحب الموضوع)
اول شي سعر السيارة 150 الف مع كامل التجهيزات ومن ضمنها الشاشة
انا قعدت اسولف مع الامريكي اللي في معرض دبي للسيارات عن التاهو
يقول بيكون سعرها 150 الف
قلت لها مع نفس الموصفات قالي مع كامل المواصفات ومن ضمنها الباب الخلفي يفتح اوتوماتيك والكراسي اللي ورى تنطوي اوتوماتيك وفيه كمره خلفية وحساسات....
ومع باقي المواصفات
وبالنسبة للزجاج فهو يفتح اوتو لاكن ما يسكر اوتو وطبعا هذا عشان قانون في امريكا
يمكن خايفين على الاطفال او ماشابه
وبالنسبة للتسارع فما ظنيت يكون بنفس الرقم اكيد اقل بكثير
لاني قبل يومين مجرب التسارع (يوكون2004) وصل معي لل 100 في 7.9
يعني هذا على الاقل 7.2 هذا اذا ما كان اقل
ويعطيكم العافية
CL-Class
28-01-2006, 02:28 PM
اذا هذا سعرها ...... فصدقوني سوق الارامادا و الاكسبديشن راح ينتعش :D
توربو
28-01-2006, 02:32 PM
إذا كان 150 الف ريال .. الله يخلف على تويوتا والألماني
الأنصاري
28-01-2006, 02:40 PM
حلوه ماشاء الله :)
استفدنا من تغير الشكل لأن نزلو سعر التاهو القديم
خذينا الفول ابشن بفرق تقريبا 70 الف عن الشكل الجديد
sayedco
28-01-2006, 02:41 PM
وبالنسبة للزجاج فهو يفتح اوتو لاكن ما يسكر اوتو وطبعا هذا عشان قانون في امريكا
شي عادي موجود في أغلب السيارات الأمريكية و لا أعتبره شي ، عادي جداً
__
السعر ما فرق وايد عن قبل ، أتذكر قبل شهرين اليوكن في البحرين فل أوبشن كان 145 ألف ريال ، يعني الحمد لله ما بيبالغون في السعر حسب كلام أخوي قلق و رجه
__
التسارع أتوقع إذا يكون فورويل 8 ثواني و إذا كان 2 ويل 7.5 ، لأنه وزنه زاد كثير عن السابق
و هذا التسارع جبار مقارنة باللاندكروزر اللي أخف ، و الباترول و الأرمادا أيضاً حيث أن تسارع الأرمادا 8 ثواني
الشبابي
28-01-2006, 04:45 PM
شكرا لمرور الجميع ..
اخوي قلق ورجه ...
السيارة الان نزلت والسعر ب 48 الف دولار حسب كلام الموقع وجرب احسب كم تطلع بالريال ولا الدرهم ...
اخوكم الشبابي
ميكانيكي
28-01-2006, 05:31 PM
شكرا للاخ قلق ورجه على التصحيح
وهي فعلا انا ايضا تاكدت وسعرها لن يتجاوز ال 150 الف ريال
بالتالي اسحب كلامي السابق
سعرها جميل جدا مثل جمال شكلها وديكورها :D
وهكذا تتميز عن الباقي :)
قلق و رجه
28-01-2006, 06:06 PM
شكرا لمرور الجميع ..
اخوي قلق ورجه ...
السيارة الان نزلت والسعر ب 48 الف دولار حسب كلام الموقع وجرب احسب كم تطلع بالريال ولا الدرهم ...
اخوكم الشبابي
ووالله يا اخوي ما ادري عن الموقع لكن انا كلمت واحد من جي ام في المعرض حتى ماله دخل في الوكيل هنا
وقالي ما بيتعدى هالمبلغ
وانا كررت علية وقلت له بنفس المواصفات قال بنفس المواصفات
واللي كان موجود رنجاته 20
وهاذي صور السيارة اللي شفتها
http://members.lycos.co.uk/hadi12/v%20(63).jpg
http://members.lycos.co.uk/hadi12/v%20(16).jpg
http://members.lycos.co.uk/hadi12/v%20(18).jpg
http://members.lycos.co.uk/hadi12/v%20(15).jpg
للاسف ما جابوا اللون الداخلي بيج في المعرض
وترى هالسعر عادي جدا على مواصفاته وحنا شارين الموتر سنة 2004 بهالسعر (رقم واحد )
الشبابي
28-01-2006, 06:08 PM
الشكل ما يحتاج حلو ...
لكن بالنسبة للسعر تعرف ان السيارة قبل ما تنزل ما يكون السعر محدد ولكن يعطونك السعر التقريبي ويبدو ان سعر تكلفة السيارة اصبح اغلى ...
اخوكم الشبابي
فديت الامارات
28-01-2006, 06:47 PM
مشكور مواصفات حلوه :D
CL-Class
28-01-2006, 11:44 PM
بصراحة لازم يتم النظر في السعر بأسرع وقت لاسيما ان شركة جي ام على أعتاب الافلاس ...........
لازم الاسعار تكون تشجيعية لتحفيز الشراء
مؤيد اف1
28-01-2006, 11:49 PM
انا اعتقد سعر السياره مثل ماقال اخوي العزيز طارق( قلق و رجه)..
وهذا لنك يبين اسعار التاهو..اقل مواصفات واعلاها..
اكثر شي وصل عندي 142 الف ريال..
http://www.edmunds.com/new/2007/chevrolet/tahoe/index.html
الشبابي
29-01-2006, 01:01 AM
غريب ........
في التجربة في موقع ادمدنز كاتبين 48 الف دولار الى الان موجودة ...
اخوكم الشبابي
Mr_CoRvEtTe
29-01-2006, 03:18 AM
السياره ما عليها كلام
أبوالزين
29-01-2006, 10:27 PM
حلوة
و راح يمشي سوقها
غريب السيف
29-01-2006, 10:33 PM
انا اايد اخوي قلق ورجه في كلامه وانا شخصيا كلمت الامريكي في معرض دبي
وقالي سعرها بين 145 الف الى 152 الف درهم بالمواصفات المعروضة اللى هي الشاشة ونظام الملاحه والكاميرا الخلفية
وعند نزولها اتوقع اتصير مناطحات بينها وبين الارمادا
وخلو اللاند كروزر بعيد سعره 222 الف درهم ومواصفات عادية ومكينه مب قد المنافسة
اتوقع للتاهو قيادة سيارات الدفع الرباعي بهالمواصفات والسعر واستهلاك الوقود المنخفض
وبتصير تكسي مثل الارمادا
B4_STI
30-01-2006, 01:40 AM
والله انا اشوف ان السعر ممتاز بالنسبه لسيارة بالمواصفات ذي..
560SEL
30-01-2006, 02:44 AM
سياره ممتازه جدا و التقنيات المستخدمه فيها رائعه
و أكثر تقنية أعجبتني هي :
يعمل بتقنية active fuel managment المقتضية بعمل 4 سلندر عند عدم الحاجة للاخريات
:D :D :D :banana: :banana: :banana: