كيف نحكم على جودة السيارة ؟؟ (نقاش)

[sayedco]

السلام عليكم

لاحظت في كثييييييير من الإستفسارات لما واحد يسأل عن سيارة معينة ، يقوله المواد الداخلية تعبانة ، جودتها سيئة

السؤال هو ، كيف تحكم على جودة السيارة ؟

هل لما تشوف حلقات توب قير العريقة :D و يتكلمون عن الجودة إنت تتبعهم ؟

أو هل تختبر بنفسك الجودة ؟ و كيف ؟ هل تضرب عليه جم ضربه و تشوف شلون الصوت ؟؟ :D

أيييييييي شي يحكم على الجودة الرجاء من الكل التعليق و الرد

و مشكورين و مسامحة على الإطالة :D

[الرشيق]

انا في رايي انه الجوده تعتم على كل شي داخل السياره من الجلد للخشب وحتى لما تمشي في السياره بعض السيارات يكون فيها اصوات على خفيف فهاي يبين انه جودت مودها الداخليه مب لين هناك ..هممم بس هاي اللي في بالي وانشوف اراء الاخرين :smart:

[ra3y_v8]

عن نفسي...

في السرعات العاليه....
في البر او في الرجات القويه....
بعد وقت طويل تلاحظ هل ظلت نفس الشي ولا لا.....
ومن صوتها وملمسها

[EL_3grab]

الجودة معروفه ولو انها شي نسبي بين الناس ..

يمكن يقولك اللي يعمر .. يعني جودته مرتفعه ..

ويمكن يقولك مستخدم مواد فخمه .. يعني جودته عاليه ..

بس اللي لافت نظري الجودة بين السيايير اللي تنصنع بأمريكا سيئة مقارنه لو كانت تنصنع في أستراليا .. :ranting:

أشوف الجودة في فولكس واجن وأودي .. :banana: ..

[uae speed]

الجودة معروفه ولو انها شي نسبي بين الناس ..

يمكن يقولك اللي يعمر .. يعني جودته مرتفعه ..

ويمكن يقولك مستخدم مواد فخمه .. يعني جودته عاليه ..

بس اللي لافت نظري الجودة بين السيايير اللي تنصنع بأمريكا سيئة مقارنه لو كانت تنصنع في أستراليا .. :ranting:

أشوف الجودة في فولكس واجن وأودي .. :banana: ..

رايي من راي أخوي العقرب :)

[أبو حسين]

الواحد قبل كذا يعطي إنطباعات أولية إذا السيارة مشيت فقط 5 آلاف أو 10 آلاف كيلو..

لكن تخكم صح إذا مشيت السيارة 60 ألف أو 100 ألف كيلو أو حتى 200 ألف كيلو وقتها تعرف إنطباعاتك عن سيارتك..

وقتها نحكم عليها حكم نهائي..

لكن ركب السيارة مرة وحدة وخلاص هاذي ماتعتبر تجربة إلا بالركوب والراحة والفخامة فقط..

وسلامتكم...

[قلق و رجه]

الجوده هي برايي

مقدار ما تتحمله القطعه مع الزمن والكرف وكثرة الاستعمال

وبالنسبه للسياره

يعني لو السيارة مشت فوق ال60 او 70 الف وتحس ان السياره تقريبا زي ما شريتها او احساس انها جديده مع استعمال طبيعي نقدر نقول عنها جيدة الجوده

مثلا تجربتي مع اليوكون بعد 130 الف

اشوف السيارة ما تغيرت ابدا من كل النواحي

متماسكه ومتحمله وقوية زي ما كانت مع استعمال سيء

يعني اقدر احكم على جودتها بانها فوق الممتاز بمراحل

وترى هالموضوع يبيله صفحات وصفحات :m:

[bujassim]

عدة عوامل

الراحة و الهدوء الداخلي (هذا اللي يخلي التويوتا اجود من باقي السيارات)
الاصوات اللي في داخل السيارة (الطقطقة، الصرير)
استمرارية حالة السيارة بعد استعمال 60الف+ كيلو متر
نوع الازرار و المواد المستخدمة

الداشبورد او الطبلون و المواد المصنوعة من، هل هي بلاستك او مواد شبيهة بالفلين (لين او قاسي) بالنسبة لي اذا كان لين يعني انه اجود لان صريره او الاصوات اللي يصدرها بتكون شبه معدومة
المشية في السيارة
الخرابات كلما كانت اقل كلما كانت افضل

[مؤيد اف1]

انا عندي الجوده الميكانيكيه هي الي تحدد جودة السياره اكثر من المواد الداخليه..


لان الجودة الميكانيكيه تعكس مفهوم السياره لدى السايق..وطريقة تأدية السياره وظيفتها الرسميه والغرض منها..


واذا شفنا سياره جودتها في مكان وبقيه الاشياء مافيها جوده كافيه


فوقتها تقدر تقول الشركه وين ركزت في السياره بسعرها وجودتها :p


تحياتي

[SVT-COBRA]

بسم الله الرحمن الرحيم
السلام عليكم ورحمة الله وبركاته

الجوده هي باختصار نسبة السعر الى عدد الاعطال :headshak: :knight: :banana: و مدى طول عمر السياره :knight:



و سلامتكم :sleep:

[الشبابي]

انا عندي الجوده الميكانيكيه هي الي تحدد جودة السياره اكثر من المواد الداخليه..


لان الجودة الميكانيكيه تعكس مفهوم السياره لدى السايق..وطريقة تأدية السياره وظيفتها الرسميه والغرض منها..


واذا شفنا سياره جودتها في مكان وبقيه الاشياء مافيها جوده كافيه


فوقتها تقدر تقول الشركه وين ركزت في السياره بسعرها وجودتها :p


تحياتي

ركزت على الجودة الميكانيكية لأن السيارات الامريكية عالية فيها ... :D


بالنسبة لي فجودة السيارة تعتمد على الكثير من العوامل فمنها ملمس المواد الداخلية ومدى قوة تحملها و ملمس الازرار وهل تختفي الكتابات التي عليها مع الوقت ام لأ ؟؟؟
كذلك الاعطال التي تصيب السيارة والاصوات مع الوقت التي تظهر .......













اخوكم الشبابي

[MR.FERRARI]

أنا احكم على جودة السيارة بمدى الأعطال اللي فيها

شوف أنا قبل ما أشتر الجولف كان الناس تقول إنها تعبانة وما تعمر وخرباتها كثير
ولاكن بعد تجربتي لها 4 سنوات وبعد 180 ألف كيلو متر وبعد كرف وإستعمال قاسي جداً

إكتشفت إن ................ الفولكس واجن سيارات قمة قمة في الإعتمادية والجودة بغض النظر عن المواد الداخلية لاكن الجزاء الميكانيكية فيها والكهربائية ما عمري أشتكيت منها إلا في الحالات الطارئة (( إنتهاء العمر الأفتراضي لقطة ما ))

يعني أنا كلامي من كلام أخوي مؤيد ف 1 إن الجودة الميكانيكية هي الاهم لأن الجولف عندي صارت سيئة من الداخل القطة البلاستيكية كلها تقشرت بفعل الشمس والعوامل الأخرى


مشكور أخوي على الموضوع الرائع

[غريب السيف]

انا استخدمت تويوتا وشيفروليه وفولكس واجون ورنج روفر

واكثر سيارة اعتمادية وذات جودة وقلة مشاكل وهدوء داخلي

هي الفولكس واجون من جميع النواحي

التويوتا عيبها الازعاج

الشفر المشاكل الميكانيكة

الرنج المشاكل الميكانيكه والكهربائية

[أبو حسين]

انا استخدمت تويوتا وشيفروليه وفولكس واجون ورنج روفر

واكثر سيارة اعتمادية وذات جودة وقلة مشاكل وهدوء داخلي

هي الفولكس واجون من جميع النواحي

التويوتا عيبها الازعاج

الشفر المشاكل الميكانيكة

الرنج المشاكل الميكانيكه والكهربائية

للحظة أنا كنت متخوف من الفلكس والأودي لكن شجعتني عليهم :D

[EL_3grab]

أنا ما امدح الفولكس .. بس أجلس فيها وبأقل موديل تقدر تحصله بالوكاله .. :D

تجربتي مع التويوتا هي الأستيشن .. بكمل 220 .. واستخدام السيارة كانها لعبه .. الحمدالله للحين ولا شي .. ولا اظن شي بيستوي .. والله كرف ما تتصورونه .. للمكينه والقير التماتيك ..

تجربتي مع الشفر كابريس رويال كملت 52 .. اخوي خرب الغيار الأول والثاني .. لعب طبعا .. كل ما أدش الوكاله اغراض تتبدل بـ3000 وفوق .. ليت الأير باق .. ليت المكينه واايد يولع .. وليت القير بعد ..

تجربتي مع النيسان باترول .. ماشيه 62 .. والله كانت فوق الأستيشن .. بس من سقتها .. طاحت كلش من عيني .. الجامبيل يناقع .. السكان يناقع .. كمبيوتر السيارة بالكامل لازم يتبدل وجيمته 12 .. بعناها بخساره .. الله يبعدكم عنها ..


الجمس تونا ماخذينه .. بس باين جودته السيئه جدا جدا فالداخل مقارنه بالكابرس ..