View Full Version : عضو قديم.....ارجو الترحيب
ra3y_v8
05-03-2006, 02:10 PM
السلام عليكم ورحمة الله وبركاته
العنوان اعرف انه غريب بعض الشي لكن كتبته للفت نظر المارين عليه.....
مثل ما اعتدتوا وياي نتناقش في بعض المواضيع عن امور مختلفه....
اليوم موضوعي هو....
كم برأيك تكون مده استخدام السياره ؟
وليش....
وشو رايك بتبديلها كل سنتين او سنه؟
وليش....
انا عن نفسي....
مده استخدامها تكون بين ال 3 الى 5 سنوات مده مب زايده واااااايد او قليييله.....وطبعا ما فيه عيب في زياده المده....
تبديلها كل سنتين او سنه اشوف انه ماعطيت السياره حقها وماطولت وياك....الله يهني الي بياخذها :D ......
:-) نشوف رااااااااايكم؟
أبو حسين
05-03-2006, 02:20 PM
حبيبي إللي عنده قريشات يستبدل السيارة كل سنتين أو ثلاث أو حتى 6 شهور..
لكن إللي حاله مستور وسيارته تقسيط يمكن يخلي سيارته لسنين طويلة..
والسبب الرئيسي إللي يخلي السيارة تستبدل كل سنتين أو ثلاث هو الضمان..
لانه لو خلص الضمان يبدأ مشوار الدفع حتى الإفلاس طبعا هذا إذا ماغير سيارته خصوصا إذا كانت أوروبي ;)
أما الياباني والأمريكي فعلى الأقل لهم عمر..
ra3y_v8
05-03-2006, 02:29 PM
مشكور اخوي .........
بس حبيت اذكرك انا سألت عن المده الي تشوفها مناسبه....
مب الاسباب الي تخلي السياره تطول او تنباع بعد 6 شهور :damp: ...! ! !
على العموم مشكور على مشاركتك :-)
أبو حسين
05-03-2006, 02:32 PM
والله أنا عن نفسي إذا أخذت مرسيدس أستبدل بكل شكل جديد..
لكن سيارات عملية مثل تويوتا ونيسان أخليهم بالبيت لين يتفرقعوا من الكرف..
أما أمريكية إذا قدر الله وشريتها أبيعها إذا إنتهى عليها الضمان أو أعطيها لسواق..
والعفو ;)
CL-Class
05-03-2006, 04:11 PM
حلو العنوان ....... :D :lol:
تصدق دخلت بغيت أرحب فيك ههههههههههههه
عزيز وغالي تستاهل اكثر والله
بصراحة السيارة اذا بعتها قبل ماتبدأ تطلب اعرف انك ماحللت امها ابدا ولاحتى حللت قريشات فيها
لكن كرررررررها وانا اخوك دام ان سعرها بيطيح بيطيح لين السيارة تبدأ تقرقع و تطلب
اذا طلبت..... خل وجه السيارة سلمك الله للشارع الرئيسي السيارة وضف اغراضك اللي فيها من الليل
واذا أصبحت الصبح بعد فنجال القهوة دق سلف ومن يوم تدخل المعارض ... اول واحد يأشرلك بيده اسسسسسسفط عنده ..... ترى كثر السوم يطيح قدر السيارة
وتوكل على الله وبعها
بس لاتنسى حركة تسويها......... خل مفاتيح السبير معك في البيت نذاله :D :lol:
sayedco
05-03-2006, 04:53 PM
آنا أقول على حسب السيارة و الإستخدام و الحاجة
في سيارات تدوم بدون مشاكل في البداية و لكن تبدأ المشاكل بعد 4 سنين أو أكثر
و اللي يبي السيارة لاستعمال عادي و ما يفتكر في الشكل و القوة ما يحتاج يغير السيارة كل فترة إلا أن تبدأ بمشاكل جسيمة :D ، يعني مشاكل يدري إنها يبي لها عوار راس
آنا حتى الآن ما اشتغل ، لكن لين اشتغلت بحاول أبدل السيارة كل 4-5 سنين
بس كل واحد و حاجته و مثلاً اللي ما يبي يبدل بسرعة ياخذ سيارة شكلها مميز و معروف إنه ما يتغير بسرعة مثل ال300سي و الجارجر سيارتين أحس بيبقون على نفس الشكل بتعديلات بسيطة لأكثر من 5 سنين << لأنه التصميم كلياً جديد وهالشركتين ما يغيرون تصاميمهم بسرعة
اهو إذا كتبت بعد ما بخلص بس أشوف كل واحد و احتياجاته
موضوع حلو ... وسؤال ذكي
أولاً اسمحلي بهذه المقدمة
في رأيي أن السيارات القديمة تعمر أكثر من السيارات الجديدة .. وذلك بسبب:
تدني جودة التصنيع
إكثار المصنعين من حركات الفهلوة في سياراتهم بغرض التوفير أو تقليل الوزن إلخ ..
حدة المنافسة بين الشركات وسرعة نزول السيارات الجديدة كل 6-8 أشهر ( تلفونات نوكيا مب سيايير)
الكثير من الشركات قامت تجمع سياراتها فقط! فأصيح هناك مصنع واحد أو اثنين للمواد والديكورات الداخلية وآخر للجير .. الخ .. ومعظم شركات السيارات تتعامل معهم.. حتى بالنسبة للإختراعات والمميزات التقنية تكون من شركة واحدة أو اثنتين .. ولذلك تجد العديد من المفارقات واوجه الشبه بين بعض السيارات الحديثة.
والكثير من الأسباب الأخرى التي يجب الأخذ بها في عين الاعتبار. لو تلاحظ أن السيارات الجديدة تبدأ مشاكلها (سواءاً كانت مشاكل صغيرة أو كبيرة ) أحياناً في الشهر الأول!
هذا بالنسبة للاعتمادية
ولو أضفت مشكلة سرعة تغير أشكال الموديلات من سنة لأخرى وما يسبب للمشتري (من الوكالة) قلق كبير
فأعتقد أن عمر السيارات الجديدة (تقريباً) 3-4 سنوات وبعدين انته راح تغيرها حتى لو كنت حاط في بالك استخدامها 10 سنوات!
أما بالنسبة للسيارات القديمة ... فالأمر مختلف ... كانت أي شركة تحاول اثبات اسمها وسمعتها في السوق فتجد سياراتها جودتها أفضل وتعمر فترات أكبر بمراحل والأمثلة كثيرة وواضحة وقد تعيش السيارة معك أكثر من 10 سنوات
أما الآن فالمعايير أصبحت واضحة وثابته لشريحة كبيرة من الناس فمثلاً لا داعي لشركة تويوتا أن تثبت أن سياراتها الجديدة اعتماديتها عالية وذلك لأن الناس باتت تعرف اسم تويوتا جيداً ( طبعاً هذا مثال لا أقصد فيه التقليل من تويوتا ولكن تعلمون ما أعني)
ومرسيدس وBMW بالمثل .. وغيرهم الكثير
الخلاصة :
عمر السيارات الجديدة = غصب عنك بتبيع بعد الثالثة أو الرابعة :D
عمر السيارات القديمة = انته وشطارتك :rolleyes:
عذراً على الإطالة وشكراً للموضوع المفيد
sayedco
05-03-2006, 07:04 PM
OD
آنا مب معاك في هالشي
السيارات الجديدة كل شي فيها جديد و يستخدمون التقنيات و مواد أفضل عشان تدوم أكثر ، آنا الصراحة أخاف أروح الجامعة في السيارات القديمة و كل مرة رحت فيهم الجامعة ترتفع الحرارة ، أو مع الدعس و الكرف تصير فيها مشاكل
فأعتقد أن عمر السيارات الجديدة (تقريباً) 3-4 سنوات وبعدين انته راح تغيرها حتى لو كنت حاط في بالك استخدامها 10 سنوات!
هذا بعد آنا مب وياك
آنا أقول السيارة الجديدة تدوم معاك عادة سنتين إلى 3-4 عادة بدون مشاكل إلا أشياء صغيرة ، حسب الجودة
لكن بعد 5 سنين أو أكثر ، أكيد السيارة تحتاج صيانة مكثفة و في أشياء في السيارة لها عمر قصير مثل الراديتر و أنابيب التبريد لأنه الحرارة في الخليج ما شاء الله تخرب هالربلات و الألمنيوم المصنوع منه الراديتر
بس آنا في رأيي و من تجربتي كل ما سقت سيارة قديمة أحس إن السيارة تسوقني على كيفها مب على كيفي و عادة ما أحصل مشاكل كبيرة بمجرد أن أدوس فيها شوي << بدون تصييح و لا شي بس مجرد أدوس كامل
و كل واحد يتعلم من تجربته شي ، آنا شفت من القديم البلاوي و من الجديد مرتاح و أشوف إذا واحد ما يبي مشاكل أبداً يبدل السيارة حسب نوعها ، من 3-5 سنين بالكثير لكن ما يمنع إنه واحد يكون عنده سيارة جديدة تدوم معاه 10 سنين
و بعدين ممكن تحدد السيارات "الجديدة" من أي موديل قصدك ؟ عشان نحدد بالضبط
تحياتي
saymyname
05-03-2006, 08:03 PM
صحيح من اقدم عضو مشارك بقسم السيارات ولازال يشارك لحد الان؟؟؟؟؟ :43:
الأخ الفاضل sayedco
قد تستغرب من ردي هذا ولكني أوافقك الرأي تماماً .. وخصوصاً عندما ذكرت:
و كل واحد يتعلم من تجربته شي ، آنا شفت من القديم البلاوي و من الجديد مرتاح و أشوف إذا واحد ما يبي مشاكل أبداً يبدل السيارة حسب نوعها ، من 3-5 سنين بالكثير لكن ما يمنع إنه واحد يكون عنده سيارة جديدة تدوم معاه 10 سنين
طبعاً أنا لم أقصد أن جميع أنواع السيارات القديمة أفضل ..
وبالنسبة للسيارات الجديدة أقصد من موديلات 2003 ... أتذكر جيداً العديد من أصدقائي ومعارفي من الذين أخذوا سياراتهم بين 2002 و 2003 أنهم حلفوا أغلظ الأيمان بأن تبقى هذه السيارات لديهم على الأقل 6 - 7 سنوات .. ومنهم من أخذ مرسيدس C class و بي إم 3 series وحتى اللاندكروزر المعروف بصلابته ... وطبعاً تشييكاتهم كلها وكالة ولا يعترفون بشيء اسمه كراج ...
وقبل أن ندخل عام 2006 .. بالتحديد في منتصف 2005 كانوا :cry: من الأعطال والمشاكل والمبالغ التي خسروها وكل واحد منهم كان قد بدأ بإجراءات البيع!
وبالطبع ما ذكرته أنا سابقاً يعتبر رأي شخصي وقد تكون لدي من خلال عدة تجارب قديمة وحديثة لي ولأصدقائي ومع الأهل أيضاً ... ولي قناعة تامة أن هناك عملية "ضحك على الذقون" وأن كثير من هذه السيارات الجديدة "ما تستاهل قيمتها"
طبعاً قد يأتي شخص مر بتجارب شبيهه لتجاربي فيوافقني الرأي وقد يأتي من مر بتجاربك ويوافقك أنت الرأي
وهذا لايمنع أن أكون انا على خطأ في بعض أو كل ما ذكرت
ويبقى تجمع هذه الآراء وإثراء الموضوع هو الأهم لفائدة الجميع :good:
شكراً أخي
cruiser2000
06-03-2006, 09:13 AM
انا اعرف واحد خلال سنتين استخدم
حدود ال 8 سيارات
ومع الأسف كل ما يطلع سيارة ما تكمل عنده فترة بسيطة الا وباعها او استبدلها
طبعاً من العيوب وسوء الاختيار و غلاء القطع او عدم توفرها
مع ان ضمن هالسيارات
اكس 5 =( قطع الغيار )
بي ام 740 = ( ارتفاع الحرارة طبعاً )
رنج فوق = ( الاكسل اليمين دايم خربان وقام يسرب زيت )
فتك 2003 = ( اخترب مادري كيف )
اوبل = ( قطع غيار فقط )
مكسيما = ( ما اعجبته )
والحين عنده فتك 05 والحمدلله ماسوا فيه شي اللهم غيمه وبس
وهو الريال مرتاح من السيارة ولا يفكر يبيعها :)
عن نفسي:
كانت عندي دايو ماتيز موديل 2000
قعدت عندي حدود ال 3 سنوات طلعن عيوب منها لكن كان بسبب اهمالي فقط
وما كنت افكر ابيعها
لكن القدر ان اخوي باعها واشترى لي الكيا
الحين الكيا موديل 2004
ومازالت موجودة
والحمدلله السيارة ما افكر ابيعها الحين :) يمكن بعد ما اكمل معاها ال 200 ألف
لاني كملت ربع المسافة الحين :D
أبو حسين
06-03-2006, 04:25 PM
أخوي كروزر 2000
ممكن أعرف وش سيارة الفتك؟؟؟؟ :confused: لاني ماعرفتها الصراحة..
والبيئم ترتفع الحرارة؟؟؟ السيارة وكالة ولا مستعملة؟؟
وشكرا..
sayedco
06-03-2006, 05:56 PM
الفتك = نيسان باترول الموديلات الجديدة من 2002 أظن و فوق
_______
أخوي OD
طبعاً قد يأتي شخص مر بتجارب شبيهه لتجاربي فيوافقني الرأي وقد يأتي من مر بتجاربك ويوافقك أنت الرأي
هذه الزبدة :D
آنا ما أقول إنك غلطان بالعكس ، كل واحد يمر بتجارب تعلمه أشياء معينة
آنا صارتلي تجارب عكس ما قلته إنت تماماً يعني أصدقاء و العائلة أيضاً ، القديمة عندهم تهلك لكن سيارات ثانية جديدة نسبياً تبقى حتى الآن
وهذا لايمنع أن أكون انا على خطأ في بعض أو كل ما ذكرت
ويبقى تجمع هذه الآراء وإثراء الموضوع هو الأهم لفائدة الجميع
آنا ما قلت إنك على خطأ :D ، قلت آنا رأيي شي ثاني
و مثل ما قلت إنت الآراء تختلف
:good:
ويبقى تجمع هذه الآراء وإثراء الموضوع هو الأهم لفائدة الجميع
:good:
مشكور أخي
توربو
08-03-2006, 04:10 PM
شف اخوي انا كنت اشتري السياره بناءا على توجهات الناس وشعبية السيارة ..
بس بعد ما اشتري السيارة بفتره .. تبدى الفكره وتروح لسكره .. يعني ماعاد تروق لي
ولاكن إذا كانت السيارع تلبي طموحي وتملى عيني تصدق ماراح اغيرها وتصير مع الوقت
علاقة عاطفية :38: