View Full Version : @@@@@@ مــشــكـلـة فــــي المــــخ @@@@@@
بوعبداللطيف
08-03-2006, 02:28 AM
السلام عليكم ..
مساكم الله بالخير ياشباب .. عندي مشكلة بسيطة وحابب استفيد منكم :)
طلعت مشكلة في سيارة واحد من الاهل واهي E500 موديل 2003 .. والمشكلة هي ان السيارة تفتر ( تفتف ) لما يكون الضغط
( RPM ) مابين 1 و 2 وديناها لمحل قالو لنا ان مخ القير فيه مشكلة !!!!
بصراحة انا ماني عارف شنهو مخ القير هذا وودي لو احد يفيدنا اكثر :)
see you soon :)
mustang cobra
08-03-2006, 02:35 AM
القير فيه داخلة كمبيوتر وحساسات يمكن هو الي مخترب الله يعينكم
CL-Class
08-03-2006, 06:21 AM
يبدو انك ماقد دخلتها صيانة ابداً........ على العموم الاجراء القادم
مبدئياً اعمل تصفية للمكينة ........ يعني :
تغيير بواجي مع اسلاك ( المتوقع منها 90% انه منها التفتفه )
اذا استمر الوضع معك ......
تغيير ديلكو
طرمبة بنزين وصفاية
وبإذن الله راح ترجع السيارة لحالتها الطبيعية ......
ودامك انك موقفها موقفها في الورشة ...... روح جيب علب زيت قير مع الفلتر وخلهم يغرونه لك لان شكلك ماسويتها من زمان
أما سالفة مخ القير هذي مستبعده كليا وليس له علاقه بالتفتفه أبداً
تحياتي...
BMW M8
08-03-2006, 07:48 AM
E 500 وفي داخل الورشة اخي وديها الوكالة وريح راسك وخليهم يفحصوها وهم بيعطوك الجواب الكافي الوافي وصلح عندهم لانها E500 مو اي كلام....
تحياتي
نديم الطيف
08-03-2006, 11:08 AM
مرحبا أخوي
مثل ماتفضلوا الاخوان ابتدي بالاشياء الاسهل وصلحها عشان التكلفة وماشاء الله المرسيدس قطع غيارة رخيصة مرررررررة :D
شيك على البواجي وخصوصاً اذا كانوا من الوكالة ماغيرتهم واذا كنت تترك تانكي البنزين ينزل تحت الربع الله يعينك يمكن البخاخات دخلهم وصخ :damp: او صفاية البنزين
بالنسبة للبواجي مدري اذا سيارتك بواجي او عضمات :help: بس اتوقع البواجي تخلي السيارة تقطع دايم مو بس على سرعة او نسبة ضغط معينة
ولعلمك ترا ممكن يكون بالسيارة تنسيم هواء مثلاً منظم الهواء ضعيف او الثلاجة حقت المكيف ماهي طابقة صح وفيها تنسيم
كلتشات القير ممكن تسوي كذا بس ماتوقع لان الموتر جديد ماشاء الله
اتوقعها شغلة بسيطة منتبهين لها الميكانيكية من اول مافحصوها بس مايبون يفوتونك عشان كذا يعطونك مسميات غريبة ومخ القير ومدري وشو عشان تخاف وتصلحها عندهم وهم يجون ويصلحون لك فلتر مثلاً او صفاية ماتكلفهم شي ويقصون ظهرك بمبالغ جامدة على انهم مصلحين مخ القير :damp:
الوكالة ياحلووووووووو وريح راسك ;) على الاقل اذا ضحكوا عليك يضحكون عليك ناس يستاهلون :D
أبو حسين
08-03-2006, 01:06 PM
يمكن يقصد الكمبيوتر تبع القير :aoh:
بس نصيحة المرسيدس لاتوديها إلا الوكالة فقط لان المحلات إذا شافوا معاك مرسيدس يحسبوك بنك متنقل وتعطي ريال كل من هب ودب وياخذوا منك 1000 ريال عشان تغيير بواجي فقط..لذلك فالحذر مطلوب ;)
من حظك فيه ورش مرسيدس جنبنا نشوف بسأللك عن مخ القير :rolleyes:
بوعبداللطيف
22-03-2006, 03:15 AM
صبحكم الله بالخير :)
انا اسف ياجماعة تعبتكم معاي بس والله اخوي صاحب السيارة تعب نفسيا شوي :cry1: :cry1:
رحنا لاكثر من كراج .. طبعا فحصوها بالكمبيوتر وطلع الكمبيوتر يقول مافيها مشكلة السيارة !!
قالوا لنا لازم نفك القير عشان نشوف المشكلة .. قلنا توكل على الله ..
واحد يقولنا مخ القير ..
واحد يقولنا كارير القير ..
واحد يقول درام القير ..
منهم من جرب صلح القطعة تقعد معانا السيارة يومين 3 ايام بالكثير عال العال .. بعدها زين الحاااااالة :cry1:
ياجماعة والله تعبنا وماحنا عارفين الحل ..
على فكرة عشان اقرب صور العطل اكثر ( هي مثل لما تكون راكب سيارة قير عادي وتردها نمرة تلقى السيارة تناقز معاك )
نفس الصورة هي المشكلة عندنا .. اتمنى من كل قلبي احد يسااااااااااااااااااااااااااااااااااعدنا :cry1: :cry1:
واسف على الازعاج :shy:
TOP-SECRET
22-03-2006, 03:26 AM
اخوي الله يهديك عندك مرسدس وتاخذه كراجات يديرونها هنود شفهمهم
اخوي السياره طالعه بالملبلغ الفلاني حرام تحطها تحت ايد كراجات عامه
خذ السياره وكالتها واكيد بتنحل المشكله بإذن الله
في 90% من مثل هذي المشكله
اما يكون السبب بلكات السياره تحتاج تغيير
او السبب من البخاخات
بس ماعتقد الموضوع متعلق بالقير
كنصيحه خذ السياره الوكاله ولا تتعب نفسك وتزيد من مشاكل السياره في الكراجات
وبالتوفيق
بوعبداللطيف
22-03-2006, 03:47 AM
مادري بس اخوي على فكرة عندنا بالكويت .. كراجات فيها معلمين سوريين ولبنانيين والمتعارف عليه ماشاء فهمانين بالشغلة .. بس تتوقع المشكلة مو من القير :think: :think:
KING OF THE DARK
23-03-2006, 04:21 PM
ههههههههههههه
مخ القير حلوه
اعطوها بندوووول :D
نديم الطيف
23-03-2006, 05:00 PM
مادري بس اخوي على فكرة عندنا بالكويت .. كراجات فيها معلمين سوريين ولبنانيين والمتعارف عليه ماشاء فهمانين بالشغلة .. بس تتوقع المشكلة مو من القير :think: :think:
سوريين ولبنانيين فاهمين النصب والله :D :D
كانك خليت السيارة عندهم ورحت ترا امداهم مشلحين منها الحين الي يبون :D انتبه منهم تراهم حرميه ... بكرا يصلحونها لك تصليح اي كلام عشان ترجع وياكلون منك مرة ثانية ويجيبون كل القطع المستعملة الي عندهم ومطابقة لقطع سيارتك عشان يبدلونها مع قطع سيارتك :ranting:
اليوم مخ القير ... بكرا نخاع الدفرنس :D
رح الوكالة الله يهديك وريح راسك :)
بوعبداللطيف
24-03-2006, 06:08 AM
مشكورين يا جماعة :)
واللي فاهم بالشغلة اكثر وعنده خبر ياليت يفيدني :(:(:(
مؤيد اف1
24-03-2006, 06:45 AM
يمكن حساسات الجير فيها مشكله..الكيابل الي توصل له..اي شي ممكن لكن المشكله احسها الكترونيه :think:
SLR55
24-03-2006, 12:22 PM
بدل سنسر الهوا يمكن تتصلح المشكلة
وأعتقد إن عندك سنسرين مب واحد ..... بتحصلهم بعد الفلتر
أعتقد ها المشكلة و الله يعينك على السيارة
وإلي ما يعرف مخ القير ........ هو الفالف بادي .... Valve Body تكون فيه مسارات الزيت و هي إلي تعطي الأوامر بتحويل القير من من رقم لين رقم و فيه السوتشات موجودة على الجنب مرت تكون شغالة فيها كهرباء بس ما يطلع الأمر
ومرات تكون الوساخة في امخ القير فتأثر على القير
بس إن شاء الله تطلع مشكلة سنسر ^_^
سلااااااااااام :smart:
بوعبداللطيف
25-03-2006, 05:22 PM
مشكوووورين يا الربع ماقصرتوا :)