View Full Version : استفسار عن اللكزس 400
Vampire
08-03-2006, 04:44 PM
السلام عليكم
انا ابي اخذ لي لكزس مستعملة , طبعا حجم 300 بس لاني ماحصلتة في السوق او لندرتة ,كل اللي اشوفة حجم ال اس 400 .. فقلت نجرب ال 400 .. بس ماعندي خبرة فية .
فحبيت أسئل عن هالحجم من موديلات 95 الى 2000 عن مدى أدائها , وصيانتها , ,,, وهل تستاهل ..؟
اذا حد عندة من هالموديلات او يعرف حد يخبرنا عن مشاكلة اذا فية ولكم تحياتي ..
Ascari
08-03-2006, 04:57 PM
لكزس من ناحية مشاكل ارقد وامن
والله لو انها مستعمله من اكثر من واحد ومفحط فيها ومصدومه 5 مرات...
ماشالله مشاكل مافيها
بالنسبه لل 400 .... موديلات 97 وتحت مو ذاك المواصفات ... بس شكلها من 98 تحسن كثير ومواصفاتها صارت احلى...
بس قبل لا تاخذها تأكد وافحصها زين زين... لأن قطعها غاليه شوي
يعطيك خيرها ويكفيك شرها مقدما
Vampire
08-03-2006, 07:25 PM
يعطيك العافية اخوي على ردك ..
أبو حسين
08-03-2006, 07:55 PM
السلام عليكم..
أخوي بكتب لك رد طويييل لكن الحين مستعجل وبرد عليك بعدين..
سلام ;)
Vampire
08-03-2006, 08:33 PM
ماشي ..
بنتظر ردك يابوحسين :)
نديم الطيف
09-03-2006, 03:08 AM
Vampire صباح الخير
بالنسبة للـ 400 ترا فخم وقوي واستخدامه مريح
بعدين قوي ترا وماتحس بالمطبات ابد لانه لكزس اولاً وثانياً جنوطه مقاس 16 وحجم الكفر اكبر عشان كذا تريحك مع المطبات
بالنسبة لموديلات اللكزس من 96 وتحت استخدامها حلو بس ماهي ذيك الفخامة الي بالك....الوجهية مو حلوة والخلفية بعد (اقصد الشمعات الامامية والاصطبات الخلفية) لكن ترا فيها ميزة غريبة :D الا وهي انه تركب عليها بعض قطع الكامري مثل الفحمات :D وبعدين رخيصة من جد واسعاها ماتتجاوز 35 (النظيفة) لكن اذا تبي فخامة ورسمية (مع انه السيارة راح موديلها ورزتها) خذ لك من 97 وطالع الى 2000 هذي تلقا الوجهية جديدة وانوارها زينون والخلفيه مختلفة هذا من الشكل الخارجي
وترا اللكزس صيانتها زينة خصوصاً انها تويوتا بس ترا قطع غيارها نااااااااااااااااااااااااااااااااااار :damp:
بس ترا الشريطية يرفعون قيمتها ويطلعونها للسماء وهي قديمة ومستخدمة :damp: يعني لو فرضنا انه 400 قيمتها 80 الف مثلاً...ليه ماتستبدلها بـ GS300 موديل 2001 او 2002 أنظف وأحدث موديل؟؟؟ والخيار لك
وحاول قد ماتقدر انه ماتشتري اللكزس الا بعد ماتفحصها عند محل عنده كمبيوتر للكزس ولنفس الفئة الي انت بتشتريها عشان ماتطلع لك الخرابات بعد ماتتورط بالسيارة :anger:
أتمنى اكون أفدتك لمعلوماتي المتواضعة اخوي وسامحني على القصور
مبروك مقدماً والله يعطيك من خيرها ويكفيك شرها :-)
مع التحية،،،