View Full Version : همر H3 هل من مجرب؟؟؟
THE PATRIOT
02-04-2006, 02:53 AM
السلام عليكم ورحمة الله وبركاته
يا اخوان ما صدقت اسجل معكم
كنت متابع لكم من سنتين تقريبا
المهم نخش في الموضوع
هل فيه احد جرب H3 في الطعوس؟؟
كيف ادائه؟؟
وشكرا
البدر888
02-04-2006, 09:49 AM
قوي جدآ
وثابت مريح
والحرارة فوق البعض يطلع فيه تنسيم في الفتحه
السعر 119 الى 147 الف فل
cruiser2000
02-04-2006, 10:08 AM
الحلو فيه انه يتوفر بناقل سرعات عادي ذو 5 سرعات
ومحرك قوة 220 حصان
لاتنسى حجمه اصغر من النيسان بشوي مرة واكبر من المورانو
يعني بينهم تقريبا
اللي ماعجبني فيه
المرايا اشوفهن كنهن صغار شوي
مؤيد اف1
02-04-2006, 10:11 AM
هذا الموديل مصمم للطعوس..واحط مستواه مثل مستوى الرانجلر او قريب منه :knight:
تحياتي
boahmed4ever
02-04-2006, 10:13 AM
السلام عليكم
مثل ماقال اخوي البدر888 لكن انك تضرب طعوس نفس النيسان او اللاندكروزر ,,, صعبة شوي لاتنسى 5 سلندر و220 حصان لكن اروح فيه في الرمل كل مكان حتى الداعبة(الخط اللي يدخل على البر اللي كله ماي لين حد الباب) اتمشى فيها عادي . على سعره موتر طيب
نديم الطيف
03-04-2006, 12:50 PM
لاتنسى 5 سلندر و220 حصان
5 سلندر؟؟؟؟؟ :blink: :blink: :blink: مو 8 ؟؟؟؟؟؟؟؟ :confused:
بعدين سؤال ياجماعة الخير.....كيف صرفيته للبنزين داخل المدن؟؟؟ لكل 100كلم :confused:
مؤيد اف1
03-04-2006, 01:02 PM
http://www.edmunds.com/new/2006/hummer/h3/100512301/researchlanding.html
يمشيك داخل المدينه حدود 600 كيلو
والخطوط السريعه 730 كيلو
التانكي 23 جالون يعني قول 88 لتر
اعتقد ممتازه صرفيته
uae speed
03-04-2006, 01:23 PM
بالنسبه لي ما جربته ، لكن أنا أشوف سوقه ماشي وما فيه مشاكل :)
يمكن أدائه في البر ما يكون ممتاز .. تقدر تقول أدائه متوسط :)
والموتر فنان بشكل عام و يصلح للكشخه أكثر شي :)
اخوي السيارة متوفره في الوكالة للتجربة ...
لكن قوتة و صرفيته سيئه جداً مقارنه بحجم محركه
ra3y_v8
03-04-2006, 02:59 PM
الصراحه بعد تجربته.....
في البر او التطعيس ماعليه كلام....ومجربينه في الامارات في اماكن معروفه مثل البداير او العذبه....الصراحه....قويه جدا على محركه الي هوه 5 سلندر.....
من داخل ضيق شويه من ورا.....
البدي قوي قوي جدا وصار لنا كم حادث والموتر بالمره ماتضرر.....
في الشارع يمشي اكثر من اللاند كروزر لكن ماعرف عنه مع النيسان باترول....
ارجع اقولك في البر تمشي وانته مأمن بالمره وماتحاتي مووول
مؤيد اف1
03-04-2006, 03:04 PM
اخوي السيارة متوفره في الوكالة للتجربة ...
لكن قوتة و صرفيته سيئه جداً مقارنه بحجم محركه
سياره كبيره وثقيله بمحرك 5 سلندر مابتصير مثل كامري 6 سلندر
قوتها 220 حصان من 5 سلندر اقوى من بعض السيارات 6 سلندر :knight:
والسعه عاطتنها عزم 6 سلندر :cool:
وشوف تجربة ra3y_v8 الي تقول عكس كلامك.. :D
انت جربت السياره بالاول؟
:sleep:
ra3y_v8
03-04-2006, 03:24 PM
مشكووور اخوي
sayedco
03-04-2006, 04:24 PM
اخوي السيارة متوفره في الوكالة للتجربة ...
لكن قوتة و صرفيته سيئه جداً مقارنه بحجم محركه
بالعكس
قوته أقوى من اللاند الكروزر اللي مستانسين فيه إنه قوي
و صرفيته أقل من اللاند أيضاً يصرف أقل يعني
THE PATRIOT
03-04-2006, 06:40 PM
مشكووووووووووورين يالحبايب
حمستوني لتجربته
فيه محل ياجره في الرياض؟؟
البدر888
03-04-2006, 10:17 PM
الوكاله الجميح فقط :knight:
TOP-SECRET
03-04-2006, 11:52 PM
قوتها 220 حصان من 5 سلندر اقوى من بعض السيارات 6 سلندر :knight:
:sleep:
مثل اي سيارات 6 سلندر؟
وفي ايش تفوقت عليها :D
اذا تقصد اللاند كروزر 6 سلندر في الشارع من سابع المستحيلات يكون اقوى
وفي الطعوس من تاسعها :D مع ان اللاند كروزر
في اكثر من موقع ان وزنه مقارب لوزن السوبر بان
وتدري ان اللاند كروزر 6 سلندر من 0-100 يجيبها في 8 ثواني
هذا وهو GX-R يعني لو G بيطلع في السبع ثواني وكسور :-)
لكن اذا تقصد سياره ثانيه 6 سلندر غير الكروزر هذا شي ثاني :p
يقولون راح ينزل بمحرك من 8 اسطوانات بس متى الله اعلم
هدية : http://www.h3arabia.com/
مؤيد اف1
04-04-2006, 01:11 AM
مثل اي سيارات 6 سلندر؟
وفي ايش تفوقت عليها :D
اذا تقصد اللاند كروزر 6 سلندر في الشارع من سابع المستحيلات يكون اقوى
وفي الطعوس من تاسعها :D مع ان اللاند كروزر
في اكثر من موقع ان وزنه مقارب لوزن السوبر بان
وتدري ان اللاند كروزر 6 سلندر من 0-100 يجيبها في 8 ثواني
هذا وهو GX-R يعني لو G بيطلع في السبع ثواني وكسور :-)
لكن اذا تقصد سياره ثانيه 6 سلندر غير الكروزر هذا شي ثاني :p
انا ماحددت بس يزبط اللاند كمثال :knight:
هذا الشباب الي ذكروه مو انا
NisFan
04-04-2006, 01:30 AM
في مقارنه في مجله امريكيه مع نيسان اكستير وتويوتا FJ كروزر والقراند شوروكي
اخذ المركز الاخير :shy:
خذ نيسان باترول مصنوع خصيصا للتطعيس
عزم جبار وتعليقه مريح جدا في المطبات والتنطيط الي يصاحب التطعيس :D
TOP-SECRET
04-04-2006, 01:51 AM
انا ماحددت بس يزبط اللاند كمثال :knight:
هذا الشباب الي ذكروه مو انا
ماعتقد يزبط واسئل مجرب في الـ"شارع"
لكن في الطعس ماعندي علم بس من كلام الاخ راعي في 8
ان مشي الكروزر في الشارع اقوى من الاتش 3 وبفرق من بعد ما ارسلت له
مقطع سيارتي من 0-100
بس هذا مايعني ان الهامر مش قوي واكيد قوي
ويفرق العزم من سياره لسياره :-)
مؤيد اف1
04-04-2006, 01:54 AM
واكيد السايق له دور..مثل لومينا تعطي لومينا 3 عواميد وهم نفس المكينه :D
وعلى العموم الهمر 5 سلندر..اقل من الكل ومنافس :knight:
TOP-SECRET
04-04-2006, 02:08 AM
بالنسبه لتجربتي في الشارع مش منافس :D
سياره كبيره وثقيله بمحرك 5 سلندر مابتصير مثل كامري 6 سلندر
قوتها 220 حصان من 5 سلندر اقوى من بعض السيارات 6 سلندر :knight:
والسعه عاطتنها عزم 6 سلندر :cool:
وشوف تجربة ra3y_v8 الي تقول عكس كلامك.. :D
انت جربت السياره بالاول؟
:sleep:
كلامك فيه شي من الصحة ... انه اقوى من بعض سيارات ال v6 و اضعف من سيارات كثير .. خصوصاً الي قريبين من سعته .. لكن على سيارة بحجمه .. و مخصصه للطرق الوعرة .. لا اظن
وثنياً الصرفية ... وهي قريبة او مثل صرفية كاين تون تربو 4.5 v8 !!!
ثالثاً... سعتة من الخلف ضيقة جداً.. وغير مريحة .. خصوصاً للعوائل ابداً...
اما اذا كنت عزابي ولا راح تشيل احد معاك .. فهو ممتاز
قوته أقوى من اللاند الكروزر اللي مستانسين فيه إنه قوي
و صرفيته أقل من اللاند أيضاً يصرف أقل يعني
ما اظنه اقوى ...
وممكن الصرفية اكثر .. اذا كنت تقارنه ب v8 4.7 !!!!!!!!!!!!!!
ب 5 سلندر 3.5 !!!!
في مقارنه في مجله امريكيه مع نيسان اكستير وتويوتا FJ كروزر والقراند شوروكي
اخذ المركز الاخير
خذ نيسان باترول مصنوع خصيصا للتطعيس
عزم جبار وتعليقه مريح جدا في المطبات والتنطيط الي يصاحب التطعيس
جميل جداً... اعتقد اخذ المركز الي يستحق <<<< على حسب كلام المجلة :D
لكن الصراحه تنقال ... شكلة وسعرة مغريين...
حتى اخوي كان بيشتريه ... لكن لما شافه من الداخل وشاف معلومات عنه و صرفيته و قوته ... حقد عليه :D
مؤيد اف1
04-04-2006, 02:52 AM
المشكله تصدقو كلام مجلات متحيزه ولا تصدقو الواقع..زين والله :D
المشكله تصدقو كلام مجلات متحيزه ولا تصدقو الواقع..زين والله :D
طيب عطنا اسماء المجلات الغير متحيزة :D
وانا معاك ان فيه مجلات متحيزة ...
لكن لاتظهر تحيزها بقووووة ..
مثل وضع H3 في المركز الاخير :D
نديم الطيف
04-04-2006, 05:51 AM
المركز الأخير بوشو؟؟؟؟؟ :blink:
مؤيد اف1
04-04-2006, 02:07 PM
طيب عطنا اسماء المجلات الغير متحيزة :D
وانا معاك ان فيه مجلات متحيزة ...
لكن لاتظهر تحيزها بقووووة ..
مثل وضع H3 في المركز الاخير :D
الواقع يفرض نفسه مو المجلات :sleep:
TOP-SECRET
04-04-2006, 02:31 PM
اذا قلنا كلام من الواقع تجيب لنا مواقع ومجلات
واذا جبنا مواقع ومجلات تقول لنا ماتشوفون الواقع :D
في كل الحالتين الواقع مر :D
مؤيد اف1
04-04-2006, 02:33 PM
مر على ويش؟
احنا كل الي قريناه كلام من الاعضاء
في النهايه الهمر ارخص من اللاند بفرق كبييييييير..وادائه يمكن احسن في البر لان الاند في البر مايمشي ابد..
والH3 مصمم للبر ويتغلب على الH2 بالراحه
مؤيد اف1
04-04-2006, 02:35 PM
واذا تبغى كلام مجلات
روح موقع Edmunds وشوف كيف مدحه في الطعوس :knight:
Pros
Rugged enough to take on the tough off-road trails, smooth highway ride, stable handling, quality interior with simple controls, comfortable seats.
وهذي سلبياته
Cons Underpowered five-cylinder engine, low tow rating, lousy visibility for shorter drivers, below-average cargo space
وهذا بمكينه متواضعه :sleep:
560SEL
04-04-2006, 11:55 PM
السلام عليكم ورحمة الله وبركاته
انا ما عندي علم بالسياره و لكن أشوف العالم طاحوا بها يعني انتشترت بشكل فضيع في الرياض مع انه ما صار لها وقت نازله :D
TOP-SECRET
05-04-2006, 02:39 PM
في النهايه الهمر ارخص من اللاند بفرق كبييييييير..وادائه يمكن احسن في البر لان الاند في البر مايمشي ابد..
والH3 مصمم للبر ويتغلب على الH2 بالراحه
اول نقطه
اللاند كروزر سعره يبدأ من 119 الف ريال والهامر يبدأ سعره من 135 الف
"الاثنين ستاندرد"
وهذا سعر وكيل تويوتا عبدالله عبدالغني وسعر وكيل الهامر المناعي :-)
ثاني نقطه على اي اساس بنيت رايك ان اللاند كروزر مايمشي في البر :-)
المنافسه في الطعوس كانت ولا زالت بين سيارتين بس
النيسان باترول واللاند كروزر مع احترامي لك :D
وهذا راي عضو من الاعضاء :D
560SEL
05-04-2006, 03:02 PM
اول نقطه
اللاند كروزر سعره يبدأ من 119 الف ريال والهامر يبدأ سعره من 135 الف
"الاثنين ستاندرد"
وهذا سعر وكيل تويوتا عبدالله عبدالغني وسعر وكيل الهامر المناعي :-)
ثاني نقطه على اي اساس بنيت رايك ان اللاند كروزر مايمشي في البر :-)
المنافسه في الطعوس كانت ولا زالت بين سيارتين بس
النيسان باترول واللاند كروزر مع احترامي لك :D
وهذا راي عضو من الاعضاء :D
الشروكي و الباثفايندير أحسن منهم :think:
و اللاند كروزر مشكلته وجهه نازل شوي و هذا يخرب عليه كثير :m:
مؤيد اف1
05-04-2006, 03:14 PM
لا اجل اسعاركم تختلف عنا ومعروفه قطر باللاندكروزر وشعبيته عندكم
وبالنسبه للطعوس دايم اشوف باترول الي يطعس صح اما اللاند يامغرز او يكون صاحبه من الجمهور :D
والجيوب واليوكون عد واغلط وكلهم ماغرزو :banana:
الهامر انا شفت له فيديوهات اختبارات في موقعهم وانت روح وشوفهم :D
اذا هم موجودين الحين من زمان شايفهم
وهذا راي عضو بعد :D
مؤيد اف1
05-04-2006, 03:18 PM
وهذي اسعار السيارات
الهامر $26,620
اللاند 49,188
وهذي اقل مواصفات..
الهامر بنص السعر تقريبا
ra3y_v8
05-04-2006, 03:30 PM
يا اخوان الهمر يبدأ من 115 والي هوه الجير العادي....ستاندرد يكون...
اللاند كروزر مايتقارن فيه لانه فئه اكبر منه....
560SEL
05-04-2006, 03:32 PM
لا اجل اسعاركم تختلف عنا ومعروفه قطر باللاندكروزر وشعبيته عندكم
وبالنسبه للطعوس دايم اشوف باترول الي يطعس صح اما اللاند يامغرز او يكون صاحبه من الجمهور :D
وهذا راي عضو بعد :D
ما يغرز و انت الصادق انما ما أصحابه يواجهون صعوبه في طلوع الطعوس ذات الارتفاع الحاد لان حصلت كثير يجيك واحد طاير و أخرتها وجه الموتر يدقر في الطعس
560SEL
05-04-2006, 03:39 PM
و انا بعد اذنكم مضطر أستأذن من النقاش هذا
لا الجو عندنا الان ما يتفوت ما شاء الله تبارك الله :D :D :D أمطار و هوا و خير من رب العالمين
مؤيد اف1
05-04-2006, 03:43 PM
ايه هذا قصدي ماينفع لطعوس :D
sayedco
05-04-2006, 04:10 PM
آنا أشوف الباترول متفوق على اللاند كروزر
في القوة و في البر
خاصة إن تصميم الواجهة و الصدام مسوينه بطريقة ممتازة حق البر
<<<<<< وايد طلعت بره الموضوع :D
بالنسبة للهمر و الله آنا بنفسي مو مجرب ، بس سمعت واحد مجرب مع واحد باللاند و الهمر طاف خط
و الله العالم يمكن اللاند يطوف ، ما أقدر أحكم من تجربة سيارتين مرة وحدة بس
بس الصراحة الصراحة أشوف اللي يبي سيارة حق بر ، يعني سيارة يبي يكرفها و يطلع حرته فيها و ياخذ حريته فيها ، ياخذ شي مستعمل باترول أو أي شي مستعمل شوي قديم و قير عادي :knight: و يعدل فيه هدرز و شوي تعديلات في الصدام ، و يتوكل على الله في البر بيستانس وايد :D
EL_3grab
05-04-2006, 04:16 PM
لا تقولون اللند كروزر ما يطعس ولا والله لا .. :ranting:
:D
المهم .. من تجربتي المتواضعه ..
اللند ما يمشي مثل النيسان بالبر ..
الأسباب يقولون الوزن الثقيل .. ماظني ..
أهم شي في البر الخيال قبل الخيل ..
مثلا انا قبل أزيغ أدش البر بسيارة وحدة بس ..
وعقب عرفت أثر التنسيم على المشي في البر ..
والله أثر محد يقدر يتصوره ..
فرق السما والأرض .. أذا داش منسم ولا لأ ..
البر يباله فلوتيشن .. يعني تطفي فوق الرمال .. بدال ما تحفر .. وخصه للرمل الناعم ..
يعني قبل لا أدش البر نسم على 10 ولا 12 .. وشوف .. السيارة تتغير 180 درجه والله .. الطعس اللي كنت ما ترومله .. جرب مره ثانيه وشوف ..
والمشي عاادي جدا .. حتى الـ2 ويل ..
الزبدة .. عليكم بالتنسيم ..
..
الأستيشن يدق من جدام .. صدقت فهالنقطه .. في بار مال ضد الصدمات .. مره نازل آخر البمبر .. وهذا اللي دووم يخليك تدق الطعوس قبل لا تضربها ..
الحل .. شله .. ما تباه ..
اول ركبلك مدعميه صب ..
..
ومن الأشياء اللي تخليك تغرز بالأستيشن .. التاير الأحتياطي اللي يجيك تحت البدي ..
هذا والله .. ياما علقت بسببه .. وأنصح الكل انهم يشلونه .. ويحولون للتاير على الباب .. وهذا اللي أنا سويته ..
..
وبعد الدفلوك .. أهم شي أذا علقت (ما غرزت) .. علقت ويكون ما عندك تراكشن للتواير .. يعني مثل تاير ضارب بالبودي والثاني يحفر .. والأثنين جدام يحفرون .. هذا بعد أخس شي .. عليكم بالدفلوك ورى .. من الضروريات .. وعندك شركة ARB.. وجدام تقدرون تحطون بس أهميته أقل عن الخلفي ..
..
اللندكروزر والله سياره ماشاء الله عليها .. تماام .. بس مثل حال الدنيا .. ماشي شي كامل .. وأذا عدلت من هالأغلاط البسيطه اللي فيها .. بتحس بسيارة ثانيه كلش غيييييييير .. :-)
..
وتحياتي
TOP-SECRET
06-04-2006, 02:27 AM
لا اجل اسعاركم تختلف عنا ومعروفه قطر باللاندكروزر وشعبيته عندكم
وبالنسبه للطعوس دايم اشوف باترول الي يطعس صح اما اللاند يامغرز او يكون صاحبه من الجمهور :D
والجيوب واليوكون عد واغلط وكلهم ماغرزو :banana:
الهامر انا شفت له فيديوهات اختبارات في موقعهم وانت روح وشوفهم :D
اذا هم موجودين الحين من زمان شايفهم
وهذا راي عضو بعد :D
اخوي مؤيد اعتقد كلامي واضح ولا عليه غبار
انا قلت اسعار السيارتين ستاندرد في وكالتنا وطبعا استبعد انك تكذبني هالشي بعيد عنك طبعا
الاند كروزر في قطر ينزل اقل نوع باسم G اعتقد هذا النوع حتى الامارات مافيها
وغانم بيأكد معلومتي اذا هي صح او خطا لاني مش متاكد
والستاندرد يجي من غير مواصفات اللهم نوافذ اوتو طبعا قبضات الايد كروم :D
وسعره يبدأ من 119 الف ريال :-)
بالنسبه للطعوس ياخوي يا مؤيد مع احترامي لك لاتكلم في شي مالك علم فيه
مادري انت تعرف تشغل الفورويل في اللاند كروزر او لا لانه مش ازرار على شكل القير :D امزح معاك
يعني تجي وتقول اللاند كروزر يغرس او من الجمهور يعني اذا الـ"بعض" من الي يشترون اللاند
مايعرفون يسوقونه وكيف يطلعون قوته هذي مشكلتهم مش مشكلة السياره
واذا جات عالتطعيس :D مشكلتك كلمة قطري عنده مجلد كامل طعوس لاند كروزر :-)
اتمنى تستمتع بالصور:
http://www.swalif.net/sforum1/upload/23464_1002787527.jpg
http://www.swalif.net/sforum1/upload/23464_893550526.jpg
http://www.swalif.net/sforum1/upload/23464_109210662.jpg
http://www.swalif.net/sforum1/upload/23464_437641904.jpg
شوف شلون ثقيل وعنده صعوبه في ركوب الطعس لدرجة انه كان يفكر ينزل في الـ"قص" نحاس :D
تصدق ماشوف ولا كروزر يطعس اما مغرزين او يتفرجون :D :D :D
http://www.swalif.net/sforum1/upload/23464_51257418.jpg
عالعموم انا اشوف الموضوع مايستاهل التفريع الي صار له
لكن الي يعرف الكروزر وشلون يسوقه ويدرول فيه ماراح تصير له اي مشاكل في الطعوس
وبالعكس ممكن يصير الكنق يومها في التطعيس لكن اذا الي انت تقول عنهم مايعرفون
يطعسون هذي مش مشكلتي ولا مشكلة السياره مشكلة صاحبها :cool:
تحياتي
الرشيق
06-04-2006, 02:45 AM
انا الصراحه معه اخوي توب سيكريت...اشدعوه اتقارن الهامر بالكروزر ... وبعدين اذا انت اتشوف الكروزرات اتغرز ومشيها تعبان... تعال عندنا الدوحه وانراويك اشلون سواقة الكروزرات في السيلين بتغير رايك :D واسمحولي على الاطاله
مؤيد اف1
06-04-2006, 02:59 AM
ويش اسوي في الصور انا :D
ابي شي قدامي ولا ابغى حتى فيديو :p
لاتقولي تعال قطر مابجي عشان سياره
على العموم لكل شخص وجهة نظره انا مابغيرها ولا انتون بتغيروها فخلاص.
بس على فكره طعوسنا اقوى من كدا :D
الرشيق
06-04-2006, 03:07 AM
والله معه احترامي لك اخ مؤيد شكلك ماتعرف في هالسوالف او انه الطعوس عندكم تلال امسوينها يهال صغار :D على العموم رايك وكل واحد حر سلااااام
TOP-SECRET
06-04-2006, 03:13 AM
لووووول
يعطيك العافيه جاسم عالاضافه ولاهنت الغالي
عيل يقول هامر ها :D يركبونه على تريب رمل ياريال لوول
--------
ياخوي تقول ماتبي فيديو لانك تدري المقاطع متوفره ومستعد اخلي الصفحه فل افلام :D
المهم حتى لو انك ماراح تغير وجهة نظرك عرفت من الصور ان اللاند كروزر مايصعب عليه شي
لكن اذا جا واحد مايعرف يضرب طعس هذي مشكلة السايق مو السياره :cool:
تبغي تشوف قدامك شكلك ماتروح الهافمون
ولا شفتوا سريع الهاجري يضرب الهافمون سيده :cool:
ياخوي خل عنك بس :D
مؤيد اف1
06-04-2006, 03:32 AM
الحركه الي في الصور معروفه وماحبيت اعلق عليها
تجي مهتد وتركب الطعس زي سلام عليكم :D
ايه همر :banana:
الرشيق
06-04-2006, 03:40 AM
خخخ والله الهمر لو فيه خير جان في الفيديو اللي انحط من فتره مانكسر الشفت كامل عنده لما بغى يصعد على صخره خخخخخ والله مسخره الهمر اسم على الطل خخخخ :D
مؤيد اف1
06-04-2006, 03:41 AM
خلاص خلي الحكومات يستخدمو اللاند بدل الهمفي :knight:
الرشيق
06-04-2006, 03:46 AM
لا تدري خل يستخدمون الهمر حق الدوريات خخ والله حاله الهمر هاي اللي تتكلم عنه يستخدمونه في الجيش الامريكي احنه نتكلم عن الهمر المسخره اش 3 اش 2 ههه خلك في صلب الموضوع لا تسحب الموضوع للهمر اللي يستخدمونه في الجيوش لانه هالسيار مب حق الاستخدام الشخصي :knight:
سنـاري
06-04-2006, 04:07 AM
حتى الكروزر ما سبتوه في حاله :headshak:
سنـاري
06-04-2006, 04:13 AM
اذا قلنا كلام من الواقع تجيب لنا مواقع ومجلات
واذا جبنا مواقع ومجلات تقول لنا ماتشوفون الواقع :D
في كل الحالتين الواقع مر :D
هذا طال عمرك يسموه الجدال من غير هدف و تلاقي تعريفه في توقيعي :45:
مؤيد اف1
06-04-2006, 04:19 AM
لا تدري خل يستخدمون الهمر حق الدوريات خخ والله حاله الهمر هاي اللي تتكلم عنه يستخدمونه في الجيش الامريكي احنه نتكلم عن الهمر المسخره اش 3 اش 2 ههه خلك في صلب الموضوع لا تسحب الموضوع للهمر اللي يستخدمونه في الجيوش لانه هالسيار مب حق الاستخدام الشخصي :knight:
فيه H1 اذا تبغى :knight:
تراك ماجربت H3 روح جربه اول..وعلى سالفة الفيديو ويش ضمنك ان اللاند مايصير له هالشي :knight: مجرب؟
على العموم اذا تسمي الي في الصور تطعيس انا اقولك نقدر نسويها بسياره عائليه دفع امامي بعد :knight: اطلق حدك وبتركب الطعس..بس يبي لك سياره ثقيه عشان لاتقلب عليك السياره وفي الصور اللاند كان عليه شعره ويقلب
احنا تطعيسنا بقوة السياره ككل شاصي ومحرك وجير ودفرنس مو تهور مثلكم :eek:
سناري
ترا في رد لي من مجله :knight:
الرشيق
06-04-2006, 05:39 AM
لا تدري تعال علم اهل قطر التطعيس خخخخ على العموم الاش 1 حبيبي يستخدمونها حق الجيش ياخي لما تعرف الانواع كلها في شنو تستخدم بعدين تعال حاورني خخخ وبعدين الاش 3 لا مكينته فيها قوه ولا شكل الموتر عدل خخخ انا لما ادعس وياه ابموتري ادوس نص ريس عشان يستانس انه ماسك معاي خخخ يا رجال خلها على الله سلااام
مؤيد اف1
06-04-2006, 05:57 AM
من قال حبيبي ان الH1 حق جيش؟؟؟؟
الي حق الجيش اسمه Humvee
تبي تتاكد روح هنا
http://www.edmunds.com/new/2006/hummer/h1alpha/index.html
انت ماتدري عن الH3 ويش مخبي
انا اعرف اللاند ويش عنده وخلاص عندنا وبطريقة تطعيسنا مايمديه يسوي شي عندكم ممكن
سلام
TOP-SECRET
06-04-2006, 03:05 PM
كفيت ووفيت جاسم :D
ومع احترامي لك يا مؤيد انت تقول الكروزر يمكن تصير له نفس مشكلة الهامر
هذا دليل اخوي انك ماجربت الكروزر حتى ماشفته يضرب طعس
انا سيارتي موديل 2000 وصار لي يمكن 4 سنوات او 5 وكل خميس وجمعه
اروح العديد واضرب اكبر طعس وارجع :D كيفي عندي كروزر محد يوقفني :D
ياخوي وين تقارن الهامر اتش 3 بالكروزر حرام عليك :D
وعجبتني كلمة الهامر اتش 3 ويش مخبي
شنو الي مخبيه يعني ياخوي ادخل موقع هامر فورمس
كلهم يقولون صوته يفشل حتى مع اقزوز فلوماستر وبورلا :D
واحد يقول يبي يكتم الصوت كامل لو يقدر :eek: بس مابليد حيله :-)
وياحبيبي شكلك ماعرفت طعوس قطر والله لو تجي في هامر اتش 3 يوصل الربع وينزل
وبعدين شلون تحكم على الطعوس من الاساس والصور من فوق الطعس مصوره
هههههههه اول مره اشوف شخص يحكم على حجم طعس والصور من فوق :eek:
:p
---------
حياك الله اخوي سناري :D شفت شلون ياخوي :eek: بس لا يزعل علينا الاخ مؤيد
هو في النهايه حوار ونقاش ومو راضي يقتنع ان الكروزر والنيسان كنق الفورويل :D
تحياتي لك وللجميع
مؤيد اف1
06-04-2006, 08:18 PM
خلاص ولا يهمكم شله كروزر..الكروزر يحلق فوق الطعوس ويطير زي العصافير بعد :D
الهمر من تدقه سلف يغرز :knight:
خلاص بس قفلو السالفه
ترا مو من قلبي الكلام بس ماحب اطولها :cool:
مؤيد اف1
06-04-2006, 08:19 PM
حياك الله اخوي سناري :D شفت شلون ياخوي :eek: بس لا يزعل علينا الاخ مؤيد
هو في النهايه حوار ونقاش ومو راضي يقتنع ان الكروزر والنيسان كنق الفورويل :D
تحياتي لك وللجميع
انت طول عمرك تطلع كلام
هذا اسلوبك في النقاش :knight: اذا شفت روحك منت قادر تقنع تطلع كلام
النيسان كنج الفورويل بس الكروزر يحلق :D
مؤيد اف1
06-04-2006, 08:33 PM
ومع احترامي لك يا مؤيد انت تقول الكروزر يمكن تصير له نفس مشكلة الهامر
هذا دليل اخوي انك ماجربت الكروزر حتى ماشفته يضرب طعس
ايه انت بعد ماجربته على حصى وحجاره كبيره :banana:
sayedco
06-04-2006, 08:54 PM
لا كروزر و لا همر
احسن شي حق التطعيس سوزكي 4X4
:D
سنـاري
06-04-2006, 08:59 PM
لا كروزر و لا همر
احسن شي حق التطعيس سوزكي 4X4
:D
باجيرو 94 قير اوتوماتيك :D
TOP-SECRET
07-04-2006, 01:44 AM
انت طول عمرك تطلع كلام
هذا اسلوبك في النقاش :knight: اذا شفت روحك منت قادر تقنع تطلع كلام
النيسان كنج الفورويل بس الكروزر يحلق :D
ياريت تفهمني شنو معنى جملة (انت طول عمرك تطلع كلام)
لاني احب اكون فاهم كل كلام يتوجه لي:D
ثاني شي اسلوبي في النقاش ماعتقد فيه غلط على حد وهو عاجبني
واعتقد انا حر فيه محد قالك ناقشني كنت تقدر تسكت من اول رد لي عليك وينتهي الموضوع
وانا ما اتكلم في الموضوع عشان اقنع احد في اللاند كروزر هو بنفسه يقنع الناس
والنيسان مايحتاج شهاده كنق بكل ماتحمله الكلمه من معنى
والكروزر!! مثل ماقلت يحلــــــــــــــق فوووووق :-)
TOP-SECRET
07-04-2006, 01:46 AM
ايه انت بعد ماجربته على حصى وحجاره كبيره :banana:
عندي 6 سنوات كيف عرفت اني ماجربته؟ :knight:
TOP-SECRET
07-04-2006, 01:48 AM
خلاص ولا يهمكم شله كروزر..الكروزر يحلق فوق الطعوس ويطير زي العصافير بعد :D
الهمر من تدقه سلف يغرز :knight:
خلاص بس قفلو السالفه
ترا مو من قلبي الكلام بس ماحب اطولها :cool:
قفلوا الموضوع وتقتبس ردود وترد عليها شنو هالتناقض ياخوي :D
الهامر بالعكس اعرف شباب جربوه ويقولون قوي
بس بعد يقولون مايوصل قوة الكروزر :D
مؤيد اف1
07-04-2006, 02:23 AM
تناقضي عشان نرضيك مو عشان نقنعك لاني لاانا ولا انت بنقتنع ولا في امل :D
TOP-SECRET
07-04-2006, 02:39 AM
تناقض نفسك عشان ترضي شخص يناقشك هذا تناقض فوق تناقض :D
انا عندي قناعتي الشخصيه وسيارتي لاند كروزر وهي الي تخليني اقتنع بقوتها
واعرف مستواها وحدودها ,,,
وانت طبعا عندك اشياء تخليك تقتنع :-)
نفس يوم تقول (ويش يخفي الهامر) هذا انت عندك اسبابك :D
تحياتي
sayedco
07-04-2006, 02:45 AM
خلاص شباب أشوف الموضوع وايد طلع من الأصل
السالفة كانت همر و دخلتوا اللاند و طريقة التطعيس و أماكنه و طرقه و أنواعه و كل شي :D
أشوف كفاية نقاش بدون فايدة ، إذا في معلومات عن الهمر قولوا
مؤيد اف1
07-04-2006, 03:16 AM
مو انا الي مطولنها :D
انا عندي اسبابي بس لو قلتها بتزيد الهدره بس على العموم الايام كفيله بهالشي :banana:
نخلي الفيديوات تتكلم
http://www.lynchhummer.com/videos/h3video.index.html
انا للحين مانزلتهم على فكره :D
EL_3grab
07-04-2006, 03:40 AM
شباب ماشي أمل تقنعون GM Defender :D
قلق و رجه
07-04-2006, 01:37 PM
وسعتوا صدري الله يوسع صدركم
يا مؤيد انت تنفخ في قربة مفتوحة :D
لا تتعب عمرك
يا ما تكلمنا
واذا على الصور فيه كثييييييييييييييير صور حلوه :D
والحين صار اللاند قوي
والله هالزمن فيه عجايب كثيره :)
560SEL
07-04-2006, 02:17 PM
وسعتوا صدري الله يوسع صدركم
يا مؤيد انت تنفخ في قربة مفتوحة :D
لا تتعب عمرك
يا ما تكلمنا
واذا على الصور فيه كثييييييييييييييير صور حلوه :D
والحين صار اللاند قوي
والله هالزمن فيه عجايب كثيره :)
هههههههههههههههههههههههههه
و الله من جد زمن عجايب و الرجال فعلا قاعد ينفخ في قربه مشقوقه :D :D
و يجيك واحد يقول عطه سواق صح
السواق الصح لو تعطيه كابرس تسعاوي طعس به أحسن من كل الجيوب :D
TOP-SECRET
07-04-2006, 02:36 PM
العقل نعمه
سنـاري
07-04-2006, 02:44 PM
خلاص يا اخوان
منتو شايفين انكم زودتوها
المشرفين يعاملوكم باحترام خليكم قد هذا التعامل
صاحب الموضوع حصل على اجابته و نسي موضوعه و انتو تستخفوا دمكم واحد يقول قربة مشقوقة و الثاني يقول كابرس تسعاوي يطعس
عضو واحد وصلت ردوده في الموضوع عشرين رد
قلبتوها شات اشوف
قلق و رجه
07-04-2006, 02:50 PM
يا اخوي يا سناري
انت تقرى كل هالردود وعارف منهو اللي طولها
اذا الكلام بيدخل العقل بنناقش صح
بس اذا كلام عادي وبدون اي ادله وسواليف بنسولف معهم
TOP-SECRET
07-04-2006, 02:58 PM
بنسولف معهم؟
ياخوي عاد بتسولف مع من
مب حلوه ماتذكر اسم الي تسولف معاه
ترا كلنا عيال عرب ونعرف العيب
ترا انت ماتسولف مع آسيوي ولا غيره عشان تقول "معهم"
قلق و رجه
07-04-2006, 03:02 PM
توب سيكرت
يا اخي هد اعصابك ولا تفهم الامور غلط
يا اخي معهم تعني الكل ولا تعني شي ثاني
ومب انت اللي ترد بس
يعني فيه اكثر من واحد
TOP-SECRET
07-04-2006, 03:02 PM
بعدين يا قلق انت والاخ 560
ماعتقد غلطت على احد انا عشان تجيبون امثله
واحد يقول جربه مفتوحه وواحد مشقوقه
اذا تقصدوني بكلامكم انا اترفع من الرد عليكم :-)
TOP-SECRET
07-04-2006, 03:08 PM
بالعكس اخوي قلق انا مهدي اعصابي بالعكس
وماعندي مشاكل اتكلم بالشي الي اشوفه
والله لو موتري مايدق سلف في البر قلت ولا عندي مشاكل
لاني متعصب ولا افكر في الموضوع من الاساس
انا اكبر من اني اكون متعصب على حديد
السياره الي بتعجبني بقول تعجبني والي ماتعجبني بقول ماتعجبني
ولا عندي مشاكل اصلا
ومع احترامي لك انت والاخ 560
الموضوع كان بيتسكر لولا ردودكم رديتوا بردود مالها داعي
الي يقول جربه مفتوحه والي يقول مشقوقه وانتوا تدرون من الاساس
ان هالكلام ماله داعي ولو اني ما اقتنعت هذي وجهة نظري
واكيد عندي اسبابي الي تخليني اكون متمسك بردي
لكن انتو رديتو بردود تفتح مواضيع ثانيه انت والاخ 560
وبعدين تقولون هد اعصابك , انا اعصابي هاديه وبالعكس ماصار الا كل خير :-)
قلق و رجه
07-04-2006, 03:15 PM
والله يا اخوي ما قلنا هالكلام الا من اللي نقراه
وحدث العاقل بما لا يليق فان صدق فلا عقل له
يعني حنا عندنا عقول نقدر نقارن ونفكر فيها
بس فيه كلام هنا تستخف بعقول الناس
وفيه معلومات قلتوها والله من جد شي غريب
وانا الحمدلله ما اقدر احكم على سيارة والا مجربها واذا ما اعرفها ما اقدر احكم عليها
ولذالك ما تكلمت عن الهمر لاني الى الان ما اعرفه
لكن الاندكروزر عارفينه وباصمينه بصم
وعارفين قدراته
بس بالحب صار افضل سيارة في العالم
وانا ما استهين فيه بس لا تعطونه اكثر من حقه
اجل بالله عليك الاند كروزر الجي يجيب المية في السبع ثواني
يعني اللي ابي اوصله النقاش اذا قايم على كلام يدخل العقل ويحترمه بيكون مضبوط مب حب وبس
واللي اشوفه من ردك الاخير انك شايل كثير علينا
وياليت تسامحنا اذا حسيت ان حنا غلطنا بس ترى ما كنت اقصد شي مب زين
TOP-SECRET
07-04-2006, 03:26 PM
والله يا اخوي ما قلنا هالكلام الا من اللي نقراه
وحدث العاقل بما لا يليق فان صدق فلا عقل له
يعني حنا عندنا عقول نقدر نقارن ونفكر فيها
اوكي يعني انا مثلا ماعندي عقل هذا الي افهمه من كلامك؟
والكلام الي قريتوه تقدرون تعقبون عليه باسلوب مناسب مش بمثل هذي الامثله
لان ماعتقد انك تحب احد يشبهك بالجربه المفتوحه؟
اذا انت ترضى على نفسك غيرك مايرضى
بس فيه كلام هنا تستخف بعقول الناس
وفيه معلومات قلتوها والله من جد شي غريب
عطني الكلام الي يستخف بعقول الناس ياريت لو تقتبسه وراح اكلم اكثر من شخص
عنده كروزر واكثر من عضو اخليه يثبت كلامي
وياريت تقتبس لي المعلومات الي قلناها الغريبه على كلامك
وانا الحمدلله ما اقدر احكم على سيارة والا مجربها واذا ما اعرفها ما اقدر احكم عليها
ولذالك ما تكلمت عن الهمر لاني الى الان ما اعرفه
لكن الاندكروزر عارفينه وباصمينه بصم
وعارفين قدراته
الهامر تمت تجربته في اكثر من مره في الشارع معاي وكنت قداااااااام واقولها بدل المره عشر مرات
واذا مانت مصدق مش مجبور انك تصدق ولاني مجبور اني اقنعك بالقصب
ومن كلامي اني ماجربته في الطعس من اولى ردودي , واللاند كروزر اذا انت جربته
انا عندي بدال السنه 6 سنوات واعرفه واعرف قدراته
بس بالحب صار افضل سيارة في العالم
وانا ما استهين فيه بس لا تعطونه اكثر من حقه
اجل بالله عليك الاند كروزر الجي يجيب المية في السبع ثواني
يعني اللي ابي اوصله النقاش اذا قايم على كلام يدخل العقل ويحترمه بيكون مضبوط مب حب وبس
وين الي قال ان اللاند كروزر يجيب الميه في 7 ثواني؟؟
اقتبس لي رده اذا ممكن
واللي اشوفه من ردك الاخير انك شايل كثير علينا
وياليت تسامحنا اذا حسيت ان حنا غلطنا بس ترى ما كنت اقصد شي مب زين
انا مش شايل عليك بس انت تقول اذا نقاش يدخل العقل
ومن اساليب النقاش انك تقول جربه مشقوقه والاخ الثاني يأيد كلامك
يعني ترا ماغلطنا على احد عشان مثل هالكلام وهذا الاسلوب
وبالعكس الي في قلبي اقوله اخوي قلق لو اني حسيت ان احد زعلني بكلامه بقوله
لاتحاتي اخوي عزيز وغالي :-)
قلق و رجه
07-04-2006, 03:43 PM
اوكي يعني انا مثلا ماعندي عقل هذا الي افهمه من كلامك؟
لا حول ولا قوة الا بالله وراك اليوم علي
من قال ان ما عندك عقل
وبعدين قلت لك اني اسف اذا حسيت انت اني غلطان عليك
وبعدين ولا ممكن احكم على سيارة واقول انها زينه في البر بالصور
لاني اقدر اجيب مليون صوره تنفي هالكلام
وانت اللي قايل انه سبع ثواني وكسور
مثل اي سيارات 6 سلندر؟
وفي ايش تفوقت عليها :D
اذا تقصد اللاند كروزر 6 سلندر في الشارع من سابع المستحيلات يكون اقوى
وفي الطعوس من تاسعها :D مع ان اللاند كروزر
في اكثر من موقع ان وزنه مقارب لوزن السوبر بان
وتدري ان اللاند كروزر 6 سلندر من 0-100 يجيبها في 8 ثواني
هذا وهو GX-R يعني لو G بيطلع في السبع ثواني وكسور :-)
لكن اذا تقصد سياره ثانيه 6 سلندر غير الكروزر هذا شي ثاني :p
يعني ربيعي معه لاند كروزر 2003 قير عادي (باعه الحين)
والله ياما طلعنا معه البر وياما تقاومنا معه
والله السيارة يالله تجيب الميه في 9 ثواني اذا نشيطه
وياليت ما تكبر الامر وهو صغير
ويعطيك العافية
TOP-SECRET
07-04-2006, 03:47 PM
سيارتي جابتها في 8 ثواني والقير ماركب عندي مرتين من 1-2
لو انه راكب يمكن جبته في 7.9 او 7.8 لو شبكت القير صح نفس يوم اشبكه من 2-3
ولو بغيت الفيديو تقدر تضيفني وبرسله لك :-)
وللحين قد كلامي لو كان G بيجيبه في 7 ثواني وكسور ممكن يكون في 7.7
لان فرق بين الـGX-R والـG في الوزن فوق الـ 300 كيلو :-)
والهدد يجي خفيف وكهربته قليله
ومثل ماقلت لك لو بغيت المقطع ضيفني وبرسله لك
قلق و رجه
07-04-2006, 03:58 PM
وين الي قال ان اللاند كروزر يجيب الميه في 7 ثواني؟؟
والحين
وللحين قد كلامي لو كان G بيجيبه في 7 ثواني وكسور ممكن يكون في 7.7
طيب مب مشكله تقدر تضيفه هنا للجميع بالمرفقات
وانا من معرفتي للاند ما يجيبها الا اذا مزود
وانا دايم في العين اقاومهم والله ما فيه مقارنه(السته سلندر)
وخاصة ان سيارتي جابت 7.7 تقريبا او اقل
وهذا الفديو (http://www.cars-club.com/qalaq555/Yoken0-100.wmv)
TOP-SECRET
07-04-2006, 04:07 PM
انا قلت سبع ثواني وكسور وفيه فرق بينها وبين السبع ثواني بس :-)
انت رجال تروح حلبة الامارات وتعرف الكسور كيف تفرق :-)
وسيارتي وكاله مو مزوده
وادري لو نزلت المقطع هني بتطلع لي بموضوع ثاني ان سيارتك يا حمد مزوده
يعني ماراح نخلص لكن ماعندي مشاكل اضيف المقطع :-)
وعلى فكره اخوي المقطع بيشتغل قبل لا احرك السياره وبتكون واقفه
اول ما تخلص ثانيه بالضبط راح ادعس وتقدر تشوف هالشي بنفسك في المقطع :-)
و 6 سلندر سيارتي :-)
وشي ثاني رحت على المرفقات وجاني امتداد جميع الملفات باستثناء ال3 جي بي
ياخوي لو بغيته برسله لك حجمه 102 اعتقد
ماراح يطول ولو مابغيت اكون في الليست سو بلوك وديليت :-)
وبعدين تقدر تنزله في الموضوع لو بغيت او تسوي موضوع جديد عليه
فضيحه لاند كروزر يجيب الميه في 8 ثواني :D
qatary-kash5ah@hotmail.com
بس لو بغيت المقطع ياريت لو تستعجل لان العصر أذن عندنا :-)
قلق و رجه
07-04-2006, 04:11 PM
والله يشرفني معرفتك
لكن فيه طريقة سهله ومعروفه
حطه في ملف مضغوط وينرفع بسرعه
وخاصه انه صغير زي ما قلت
TOP-SECRET
07-04-2006, 04:16 PM
هههه ماعرف في هالامور
عالعموم المقطع عند عبدالله "يو إي أي سبيد"
بكلمه لي دخل في الليل وبقوله ينزله في الموضوع ماعندي مشاكل انا
وانا يزيدني شرف :-)