سوالف للجميع - اعادة برمجة ال AMG

الصقر الوحيد

03-04-2006, 01:01 PM

سؤال لمن لديه الخبرة في ال AMG :
عندي E55 موديل 2005 قدم لي عرض في السعودية باعادة برمجة لوحةالكمبيوتر للرفع من قدرة المحرك (ربما الى 510 حصان) والغاء تحديد السرعة.

والامر يتطلب فك لوحة الكمبيوتر وتظل السيارة واقفة الى ان ترسل اللوحة الى AMG في المانيا فتبرمج هناك ثم ترسل الي في السعودية.

وهذا الامر يكلف اكثر من 10500 ريال سعودي ولكن يحافظ على ضمان السيارة عند الوكالة.

هل من احد جرب اعدة البرمجة. وما تأثيرها على السيارة وكم التكلفة و اين و..... اي معلومة قد تفيد؟

TOP-SECRET

03-04-2006, 03:37 PM

من اي بلد اخوي انت :-)

بالنسبه للبروقرام والله في السيارات العاديه مثل الكروزر والنيسان

ماشوفه يأثر من ناحية الخراب بس يطلع قوة السياره تقدر تقول 90%

يفتح العدادات ويزيد في ضخ البنزين

red_RPM

03-04-2006, 04:24 PM

أي تعديل علي الكمبيوتر لو يدري الوكيل راح يلغي كفالتك
إلا اللهم إنا التعديل تم في المرسيدس أو الأيمجي في ألمانيا
أما إن الوكيل قد لايعلم أو ماراح يطيح عليك فإنت وحظك مخاطره كبيره
عملية فتح العداد هذي سهله ومراح يعرف الوكيل والله أعلم

وبالتوفيق

الصقر الوحيد

03-04-2006, 04:48 PM

اخ ريد :التعديل الي رايح يعملونه ال AMG هو اكثر من مجرد فتح العداد. وهي تتم عن طريق الوكيل. كنت ابغى حد جرب علشان اعرف رايه. مشكور

انا من السعوديه طال عمرك يا اخ توب

boos_2005

03-04-2006, 04:59 PM

اخوي السعر عشرة الف وخمس مائه ولله انا غلطان ماعرف اقراء ؟؟ :think:

صراحه السعر مبالغ فيه بنسبه الى بجرام :m:

sayedco

03-04-2006, 05:13 PM

السعر مبالغ فيه ، و بالنسبة للبرمجة تعطيك قوة أكبر مع الضمان طبعاً من الوكالة

بس بالنسبة للسعر تأكد لأنه أشوفه واااااااااايد فوق

CL-Class

03-04-2006, 05:18 PM

عنديلك عدة نقاط أبغاك تحطها في بالك اخوي الكريم ...

- اعادة البرمجة ستتم خارج الوكالة وخارج المصنع ......... ولاحد يلعب عليك ويقولك ان الوكالة يبرمجون ويفكون العدادات لو كذا كان من الاساس ماقفلوه ...... والرجال اللي قدملك العرض ( المبالغ فيه ) فقط حاب يجيب راسك بكلمة ( المصنع )

- البرمجه اللي موجوده بالسيارة محدده من المصنع كحد آمن أقصى للمحرك ولعملانيته ..... والزيادة اللي في الاحصنة اللي انت ذكرتها ماتستاهل كل الزحمه هذي لانها زيادة في المحرك بمقدار بالكثير 30 حصان بين القوة الاصلية المستخرجة والمتوقعه ... ولاراح اصلا تبين لان المحرك في الاساس قوي قوي ....

- انتبه كمبيوتر الـ AMG لحاله يكلف 90 ألف ....... وأي عملية نصب او احتيال راح يروح عليك ..... واقترح عليك بتسوي برمجة كسر تحديد السرعه انك تسويها محليا او في الخليج وانت واقف وعينك على السيارة ....... كلن يسويه ماعندك مشكله فيه وبأقل من كذا بواجد

- اذا وصلت للسعر اللي الرجال يقولك ......الأفضل انك تستخدم كمبيوتر جاهز من احد الشركات سواء BRABUS أو KLEEMANN
وتاخذه جاهز مبرمج أفضل ( منها كمبيوترك الاصلي تكون انت حاطه على جنب في الحفظ والصون في حالة خرب المستخدم تستخدم حقك كغيار له )

sayedco

03-04-2006, 05:20 PM

واقترح عليك بتسوي برمجة كسر تحديد السرعه انك تسويها محليا او في الخليج وانت واقف وعينك على السيارة .......

محد يعرف الطريقة ؟

هل هي الكترونية يعني برمجة ؟ أم لعب في الوايرات ؟

:think:

MoHaMaD_Q8

03-04-2006, 05:33 PM

اخوي الله يخليلك سيارتك لاتلعب فيها حرام

تحياااتي

ghanim79

03-04-2006, 06:20 PM

نصيحه لوجه الله ياخوي لاتلعب في كمبيوتر سيارتك اولاً موديلها جديد وحرام

ثانياً اي غلط الله يعوظ عليك

ويازين الموتر اللي يجي وكاله يريحك نفسياً

red_RPM

03-04-2006, 08:10 PM

بالنسبه لفتح العداد عند الوكيل ترا غالي جدا وراح يطلب منك مبلغ خيالي أنا أنصحك تروح مكان إيدلونك عليه شباب السعوديه اللي في المنتدي ويتم فتح العداد من 255 إلي مالانهايه :)
وإنت واقف مثل ماقال الأخ CL
وبمبلغ رخيص جدا
وشغلة إنك ترسل الكمبيوتر ألمانيا مادري والله وش راح يرجعون لك نفس الكمبيوتر ولاواحد ثاني مظروب
الله إيوفقك

بو فهد

03-04-2006, 08:25 PM

أخوي الصقر الوحيد،،،،،
أنا من زمان وانا منقطع عن المنتدى ولكن اتابعه بشكل يومي والصراحة ما خلاني ارد عليك الا اني ما احب النصب والنصابين، الشاهد ان الي قالك الكلام واحد من اثنين يا انه عليمي سيارات او انه نصاب، عشان كذا اقولك لا تثق فيه، وانت من وين أخوي بالضبط في السعودية، اذا قريب من البحرين بامكانك تشرفنا في بلدك الثاني وراح ادلك على الوكيل (( الحداد)) هو وكيل المرسيدس وفي نفس الوقت وكيل لشركات تعديل عالميه مثل برابوس وكليمان وهو يقدر يبرمجلك الكمبيوتر عن طريق احد المعدلين الي ذكرتهم لك. يعني في تصوري كلها شغلت يوم واحد اذا جبت السيارة من الصباح.

واي شي تحتاجه حاظرين لك يالغالي.

ملاحظة: ما انصح بكليمان على الرغم من القوه والجودة الي تحصلها منه لسبب واحد وهو انها شركة دنيماركية.

boos_2005

03-04-2006, 08:37 PM

انا من راي توديه الداينو في الرياض اتوقع عدهم برمجه الى المرسيدس وراح يطلعو كل قوه المكينه على الكفر

سلام

Dreams_Maker

03-04-2006, 10:35 PM

إذا كان هالكلام من الوكالة وأعطوك ضمان...

فليش لأ؟؟... انت بتسوي شي مضمون ومن قسم AMG..وهذا بحد ذاته كافي...
انت ماراح تسوي البرمجه عند شخص عادي...راح تسويها عند AMG وهي أدرى بسياراتها

وبعدين الداينو يسووا تيون لهذه النوع من السيارات؟؟... الكمبيوتر مو محمي؟

تحياتي

نديم الطيف

03-04-2006, 10:42 PM

محد يعرف الطريقة ؟

هل هي الكترونية يعني برمجة ؟ أم لعب في الوايرات ؟

:think:

الطريقة الكترونية 100% يشبك كمبيوتر الورشة على كمبيوتر السيارة ويفتح له Options كثيييير فيها تصفير مشاكل السيارة ومسحها وتتحكم بالبورد حق السيارة مثلاً التي في يطفي اذا مشيت (لسلامتك) تقدر تخليه شغال على طول والسرعة الكترونية 250 تقدر تفتحها...عااااااااادي

والكلام هذا تراني مجربة على البي ام حقتي مو على مرسيديس...بس انا اعرف انه السيارتين نفس الطريقة

بس انا من وجهة نظري ان الي قال لاخونا باودي الكمبيوتر لالمانيا نصااااااب ومشلوعه عينه بعد :D بيوقفونها عندهم اسبوعين ويشلحون منها الي يبون ويفتحون له العداد ويرجعونها له ويكسبون قطع اصلية من سيارته ومبلغ وقدره ويخلونه يطلع مسوي كذا :eek: من الوناسة

انتبه من الحراميه :D والله يا اني اقعد عندهم الين تنفقع كبودهم :blink: يقولون رح نوديك لبيتك على سيارة الورشة وارجع لنا نهاية الدوام واقول لا :D

Crower

03-04-2006, 10:48 PM

كمبيوتر ام كي بي في وكالة الامارات ويبقى الضمان و انته مرتاح السعر اعتقد حوالي 8000 درهم و تحصل حوالي 520 حصان... باكج ام كي بي كامل من الوكالة 630-640 حصان قيمته 65000 درهم شامل الفلاتر, الاقزوز, الهيدرز, الكمبيوتر, كامات, بوالي السوبر, و بورتنغ و بولش للهيد من ام كي بي

1100R

04-04-2006, 01:59 AM

الطريقة الكترونية 100% يشبك كمبيوتر الورشة على كمبيوتر السيارة ويفتح له Options كثيييير فيها تصفير مشاكل السيارة ومسحها وتتحكم بالبورد حق السيارة مثلاً التي في يطفي اذا مشيت (لسلامتك) تقدر تخليه شغال على طول والسرعة الكترونية 250 تقدر تفتحها...عااااااااادي

والكلام هذا تراني مجربة على البي ام حقتي مو على مرسيديس...بس انا اعرف انه السيارتين نفس الطريقة

:D

ممكن تقلي انت من فين؟؟وكيف عملت فصل لنظام الحماية حق الtv للبي ام؟؟؟

لاني ابغى افلصة وماني ملاقي واحد..يرتاح لة قلبي :D

نديم الطيف

04-04-2006, 06:20 AM

ممكن تقلي انت من فين؟؟وكيف عملت فصل لنظام الحماية حق الtv للبي ام؟؟؟

لاني ابغى افلصة وماني ملاقي واحد..يرتاح لة قلبي :D

انا من اهل الرياض اخوي

تشليح المدشل بالصناعية القديمة...هو نفسه الي (لاقدر الله) اذا صدمت تجيب منه تقدير القطع حقت السيارة :D يفصلها لك وانت واقف ماتاخذ الشغلة 10 دقايق...بس كم موديل سيارتك؟؟ انا موديلات التسعينات :D

الصقر الوحيد

04-04-2006, 11:20 AM

اخواني شكرا علي المشاركة
[
""- اعادة البرمجة ستتم خارج الوكالة وخارج المصنع ......... ولاحد يلعب عليك ويقولك ان الوكالة يبرمجون ويفكون العدادات لو كذا كان من الاساس ماقفلوه ...... والرجال اللي قدملك العرض ( المبالغ فيه ) فقط حاب يجيب راسك بكلمة ( المصنع )""

اخي CL-Class العرض الذي ذكرت هو عن طريق الوكالة في الدمام.

- "اذا وصلت للسعر اللي الرجال يقولك ......الأفضل انك تستخدم كمبيوتر جاهز من احد الشركات سواء BRABUS أو KLEEMANN
QUOTE]"

هل يوجد وكيل لهم في المملكة او البحرين

الصقر الوحيد

04-04-2006, 11:25 AM

انا من راي توديه الداينو في الرياض اتوقع عدهم برمجه الى المرسيدس وراح يطلعو كل قوه المكينه على الكفر

سلام

مشكور يا boos_2005
ويش عنوانهم في الرياض

الصقر الوحيد

04-04-2006, 11:30 AM

أخوي الصقر الوحيد،،،،،
وانت من وين أخوي بالضبط في السعودية، اذا قريب من البحرين بامكانك تشرفنا في بلدك الثاني وراح ادلك على الوكيل (( الحداد)) هو وكيل المرسيدس وفي نفس الوقت وكيل لشركات تعديل عالميه مثل برابوس وكليمان وهو يقدر يبرمجلك الكمبيوتر عن طريق احد المعدلين الي ذكرتهم لك. يعني في تصوري كلها شغلت يوم واحد اذا جبت السيارة من الصباح.

واي شي تحتاجه حاظرين لك يالغالي.

ملاحظة: ما انصح بكليمان على الرغم من القوه والجودة الي تحصلها منه لسبب واحد وهو انها شركة دنيماركية.

تسلم يا ابو فهد. ساحاول الحصول علي تليفون الحداد والاتصال بهم

بو فهد

04-04-2006, 12:09 PM

تفضل الرقم تبع الحداد

17785454

والفتح طبعا 00973

اسأل عن هاني الشكر أو وسيم الحداد.

أي خدمة حاظرين لك

1100R

04-04-2006, 05:16 PM

انا من اهل الرياض اخوي

تشليح المدشل بالصناعية القديمة...هو نفسه الي (لاقدر الله) اذا صدمت تجيب منه تقدير القطع حقت السيارة :D يفصلها لك وانت واقف ماتاخذ الشغلة 10 دقايق...بس كم موديل سيارتك؟؟ انا موديلات التسعينات :D

هلا
تسلم على ردك

موديل سيارتي 2002 530i

بس انا من جدة :sss:

اذا جاتني فرصة وزرت الرياض بروح اسنتر عندهم هناك...

نديم الطيف

05-04-2006, 12:45 AM

ليه اذا زرت الرياض؟؟ ياخي عندكم فروع اكيد لورشة الراجحي بجدة واكيد فيه كمبيوترات حقت بي ام دبليو هناك

مو معقولة جدة بكبرها مافيها :blink:

الصقر الوحيد

05-04-2006, 10:12 AM

أخوي الصقر الوحيد،،،،،
... اذا قريب من البحرين بامكانك تشرفنا في بلدك الثاني وراح ادلك على الوكيل (( الحداد)) هو وكيل المرسيدس وفي نفس الوقت وكيل لشركات تعديل عالميه مثل برابوس وكليمان وهو يقدر يبرمجلك الكمبيوتر عن طريق احد المعدلين الي ذكرتهم لك. يعني في تصوري كلها شغلت يوم واحد اذا جبت السيارة من الصباح.....

.

اخي ابو فهد. اتصلت بجماعة الحداد. قا لو انهم ممكن يعملون اعادة البرمجة عن طريق BRABUS ولكنهم لا يعملونها الا مع تغير البو لي و سير الماكينة. والموضوع يكلف 1800 دينار بحريني ويبغاله اسبوع مع زيادة 20 حصان.

طبعا رفضت العرض لانه اغلى من عرض الوكالة في الدمام.

مشكور و ماقصرت يا ابو فهد

sayedco

05-04-2006, 01:26 PM

بو فهد

05-04-2006, 05:24 PM

اخي ابو فهد. اتصلت بجماعة الحداد. قا لو انهم ممكن يعملون اعادة البرمجة عن طريق BRABUS ولكنهم لا يعملونها الا مع تغير البو لي و سير الماكينة. والموضوع يكلف 1800 دينار بحريني ويبغاله اسبوع مع زيادة 20 حصان.

طبعا رفضت العرض لانه اغلى من عرض الوكالة في الدمام.

مشكور و ماقصرت يا ابو فهد

والله يا خوي الصقر الوحيد بالنسبة للسعر صراحه ما عندي عنه اي خلفية، اما بالنسبة ان الزيادة فقط 20 حصان كيف يكون بس 20 حصان الموقع الرسمي ل brabus مافيه الا برنامج واحد لتعديل ال E55 وهو k8 tuning ويخلي السيارة تقريبا 530 حصان يعني الزيادة 54 حصان لأنه الستوك 476 حصان وبحسبة بسيطة الي اهي السعر قسمة الزيادة في عدد الأحصنة يطلع الناتج ان الحصان الواحد يكلفك 33,33 دينار أي 330 ريال وهو طبيعي بالنسبة لتعديل الألماني.

وهذا الموقع: http://www.brabus.com/homee.htm طبعا أختار tuning بعدين for mercedes E class ( w/s 211
ولا شكر على واجب اخوي الصقر :shy:

الصقر الوحيد

08-04-2006, 09:10 AM

والله يا خوي الصقر الوحيد بالنسبة للسعر صراحه ما عندي عنه اي خلفية، اما بالنسبة ان الزيادة فقط 20 حصان كيف يكون بس 20 حصان الموقع الرسمي ل brabus مافيه الا برنامج واحد لتعديل ال E55 وهو k8 tuning ويخلي السيارة تقريبا 530 حصان يعني الزيادة 54 حصان لأنه الستوك 476 حصان وبحسبة بسيطة الي اهي السعر قسمة الزيادة في عدد الأحصنة يطلع الناتج ان الحصان الواحد يكلفك 33,33 دينار أي 330 ريال وهو طبيعي بالنسبة لتعديل الألماني.

وهذا الموقع: http://www.brabus.com/homee.htm طبعا أختار tuning بعدين for mercedes E class ( w/s 211
ولا شكر على واجب اخوي الصقر :shy:

كلامك صحيح بس هم قالوا انه اقل نوع من التعديل وهو k1