View Full Version : ربيعي محتار بين الكاديلاك والبورش والجاكوار ... أبغي شوركم ؟؟؟
الرمحي
22-05-2006, 11:32 AM
السلام عليكم الغالين ...
صراحة من شهر أنا وربيعي يالسين نفكر ...
يبي يشتري سيارة جديدة ومحتارين ...
هو يبغي سيارة كششششششششخة وغالية ....
وأنا قلتله مب لازم تكون وايد غالية عسب تكون كشخة ...
فكرنا وفكرنا وفكرنا ...
وفي الآخر وبعد تصفية كل السيارات واختيار الأنسب والأقرب للميزانية ...
وأهم شي تتماشى مع المواصفات المطلوبة واللي هي :
1 - كششششخة ...
2 - كشف (خطين تحت كشف) ...
3 - رياضية ...
انحصر الاختيار في السيارات التالية :
1. جاكوار XKR كشف 2006...
http://www.rsportscars.com/foto/01/xkconv07_01.jpg
2. بورشه كاريرا اس كشف 2006 ...
http://www.rsportscars.com/foto/06/carreraconv05_03.jpg
3. كاديلاك اكس ال آر في 2006 ... XLR-V
http://www.rsportscars.com/foto/02/xlrv06_01.jpg
4. (انتظر اقتراحاتكم بشرط ان تتماشى مع الميزانية والمواصفات المذكورة في الأعلى) ...
أنا حاب الجاكوار ...
الشكل جدييييييد وهذي أول سنة له ...
حلوة وقوية ورياضية وكششششخة وكشف ...
لكن الأذواق تختلف ...
اتريى تفاعلكم ...
وأعرفكم ما بتقصروا ...
وحياااااااااااااكم ....
SALEEN_KSA
22-05-2006, 11:38 AM
انا ما جربت الكادلاك xlr بس جربت sts وكانت السياره روعه والمحرك جبار والسياره ما ودك تنزل منها اجل كيف راح تكون ال xlr ؟؟؟ انا رايي مع الكادلاك يكفي انها امريكيه :cool:
ra3y_v8
22-05-2006, 12:49 PM
شوف اخوي ببسطلك المعلومات عن كل سياره :D ..
الجاكور ..فخامه ..
البورش قوه...
الاكس ال ار ..جمال الشكل من الخارج .. وفخمه نوعا ما ..
انا انصح بالبورش في النهايه ..
قوه + شكل مميز + جمال خارجي :-)
Dreams_Maker
22-05-2006, 01:06 PM
خليه يشوف البورش كايمان اس...
أحلى من الكريرا وأرخص وتسارع جبار
تحياتي
R32 HPA
22-05-2006, 02:58 PM
خليه يشوف البورش كايمان اس...
أحلى من الكريرا وأرخص وتسارع جبار
تحياتي
شكلك نسيت الخطين اللي قالها الرجال :D يبغى كشف والكايمان تجي كوبيه
أنا من رأيي اذا يبغى القوة اكثر من الفخامة نسبيا ياخذ البورش وبدون تفكير هذا مويعني ان مافيها فخامة بالعكس شكل وتصميم حلو من برا ومن جوا إضافة للقوة المعهودة من بورش لأنها رياضية بحتة :black:
أما شكل وفخامة ولفت أنظار الجاكور :black:
الله يوفقك
MoHaMaD_Q8
22-05-2006, 04:03 PM
انا برأيي البورش لأنها افضل سياره فيهم
قوه فخامه شهره ثبات وامان..
وبالاخير اسمها بورش
تحياااااتي
cadyman
22-05-2006, 04:19 PM
xlr xlr xlr xlr
البدر888
22-05-2006, 04:56 PM
بورش :banana:
BLACK-ICE
22-05-2006, 05:37 PM
اذا يبغى سياره تلفت النظر بقوة فهي الكاديلاك
البورش شكلها يشبه باقي البورشات وهي ماشيه ماتلفت نظر كثير بين هذول الثلاثه
Ascari
22-05-2006, 05:44 PM
حط في بالك ان البورش والجاكوار تجي كشف قماش
والكاديلاك تجي كشف هارد توب..
من ناحية فخامه... بورش
من ناحية اسم... بورش
من ناحية قوه اتوقع الكاديلاك..
من ناحية حلاوة الشكل انا اشوف الجاكوار... لكنها جديده وياخوفك من مشاكل الجاكوار اول سنه... لا وقطع الغيار دايما غير متوفره
ومشكلة البورش كثرتها في الشوارع... صارت عند كثيرييييين الحين
اذا تبي شي يعيش معك... خذ يا بورش يا كادي... الجاكوار ما يعيش
XKR بدون منازع
السيارة جداً رائعه وجاكوار ماعليها كلام من ناحية توفير القطع ولكن في سعر قطع الغيار بالسعودية مرتفع.
:black:
http://www.autoweek.com/files/specials/2005_frankfurt/xk/images/IMG_0242.jpg
Dreams_Maker
22-05-2006, 11:52 PM
أووه نسيت سالفة الكشف...
أجل مالك الا الجاكور ... :banana:
bohusni
23-05-2006, 12:22 AM
اختيار محير صراحة :D
صلي استخارة
الهاوي جروب
23-05-2006, 01:31 AM
بورش قوه وجمال وشهره وكشخه وكشف وثبات وسعر وقطع :D
HummerBoi
23-05-2006, 03:05 AM
ابعد عن الكاديلك مررره ...خليك في البورش والجاكور
وانا اشوف بورش احسن اختيار.......مافي زي الالماني ....مرضي بشكل كبير...
رأي شخصي
TOP-SECRET
23-05-2006, 05:29 AM
اذا يبي سياره اعطالها قليله وسبور بحت ولها هيبتها واسمها في الشارع
عليه بالبورش كاريرا والصراحه بالنسبه لي اشوف ظلم مقارنة البورشه مع السيارتين الثانيين
يكفي اسمها بورش :-)
الرمحي
23-05-2006, 09:01 AM
السلام عليكم أخواني ...
الصراحة حيرتوني أكثر ...
طبعت الردود كلها وشافها ربيعي وقالي الحين احترنا أكثر ...
بس الملاحظ أنه البورش هي أكثر سيارة اختاروها الشباب ...
وبعدها الجاكوار وبعدين الكاديلاك ...
هو أمس سوى Test Drive للبورش مال واحد من الربع ...
بس مب كشف ...
قالي انه في حياته ما ساق شي مثل هاذا ...
قوة وتسارع وثبات وصوت ...
بس قالي عيبها الوحيد واللي مخوفه الوكيل ...
الجاكوار وكيلها بريمير موتورز في أبوظبي ...
والحمدلله ربيعي شغال هناك ...
رحتله أمس وخذني لفة في قسم الجاكوار ...
بصراحة يوم شفت الـ XK على الطبيعة ...
ما شاااااااااااااااااااااااااء الله ...
السيارة فعلا فخخخخخخخخخخمة وتلفت النظر ...
وهذي العادية ...
عيل كيف الـ R ؟؟؟ والكشف ؟؟؟
الشي الوحيد اللي ما عيبني فيها السعر ...
غااااااااااالية ...
375 ألف ... :cry1:
طبعا الـ R بتكون أغلى بوايد ...
بس انشالله باقي ربيعي في الوكالة يرتبلنا Test Drive ...
وانشالله بحاول أصور وأنزل الصور في المنتدى ..
ومشكووووووووووور على التفاعل والردود ...
وحياكم ...
big block
23-05-2006, 03:24 PM
الكدلك وارفع يدك!!!!!!!!!!! :banana: :banana: :banana: :banana:
SVT-COBRA
23-05-2006, 03:45 PM
بسم الله الرحمن الرحيم
السلام عليكم ورحمة الله وبركاته
كاديلاك XLR-V وفيها حيره ؟ :sleep:
ثبات وقوه وراحه وفخامه وهدوووووووء...اتوقع الكاديلاك اريح سياره بينهم كلهم واقواهم وارخصهم(المفروض) :sleep:
وسلامتكم :sleep:
رامي الزهراني
23-05-2006, 03:45 PM
انا شخصيا انصحك بالكديلاك XLR-V لعدة اسباب
http://www.cadillacarabia.com/content_data/LAAM/ME/en/GBPME/006/G1/images/xlr_photoInt1_med.jpg
1- نادر (فئة ال V قليلة ومحدودة).
2- مزيج من القوة و الفخامة شكل خارجي رياضي - (الديكور الخشبي في الداخل).
3- تقنية النايت فيجن (نظام الرؤية الليلية)... وهذة لا توجد في الجاغوار و البورشه.
4- ضمان 4 سنوات يشمل جميع اعمال الصيانة و قطع الغيار بالمجان.
SVT-COBRA
23-05-2006, 03:46 PM
انا شخصيا انصحك بالكديلاك XLR-V لعدة اسباب
http://www.cadillacarabia.com/content_data/LAAM/ME/en/GBPME/006/G1/images/xlr_photoInt1_med.jpg
1- نادر (فئة ال V قليلة ومحدودة).
2- مزيج من القوة و الفخامة (شكل خارجي رياضي - (الديكور الخشبي في الداخل).
3- تقنية النايت فيجن (نظام الرؤية الليلية)... وهذة لا توجد في الجاغوار و البورشه.
4- ضمان 4 سنوات يشمل جميع اعمال الصيانة و قطع الغيار بالمجان.
ونظام التعليق المغناطيسي :sleep:
cadyman
23-05-2006, 03:51 PM
Xlr-v بقوة 470 حصان
Crower
23-05-2006, 06:30 PM
ن كان يبا شي عملي و استخدام يومي البورش... و ياخذها من النابودة و ينسى علي و اولاده... الجاكوار سعر اعادة البيع ضعيف جدا... البورش يقدر يوم يبغي يغير مع سيارة اخرى في الوكالة و سعر اعادة البيع ممتاز فيها...
TUPAC
23-05-2006, 09:54 PM
hala o5oooy tbee ne9ee7a
ana 3vdee sc430 lexus , wallah el 36'eem ra7aaaaah . kafef om el seyyarah ew marrah mray7atnee . 300 hp 7leewa ew kashf ew camera ew shashah ew shakl 7lw ew eb 260000
. wallah buy this car marrah tray7ek el lexus
اخوي
الXKR لسه ما نزل في الاسواق بشكله الجديد
المتوفر الان الXK العادي وليس السبورت
الافضل من الاختيارات هي الكادي XLR-V :black:
mustang cobra
24-05-2006, 12:08 AM
بورش
جاكوار
كديلاك
saymyname
24-05-2006, 12:17 AM
اخوي
الXKR لسه ما نزل في الاسواق بشكله الجديد
المتوفر الان الXK العادي وليس السبورت
الافضل من الاختيارات هي الكادي XLR-V :black:
الXKR
نزل عبدالله شايف واحد لونه ازرق سماوي بالخبر من شهر تقريبا، شفته خلف الوكالة وبلوحاته بعد :cool:
saymyname
24-05-2006, 12:20 AM
الجاغوار بدون تردد ، الي يشوفه على الطبيعة بيعرف ليش :D
الي مايعرفه بيقول هذا اوستن مارتن :smart:
سنـاري
24-05-2006, 03:04 AM
انا سقت الكادلاك كله
ابعد عنه
اما الجاكوار فهي بجد مميزة و طالما انه شغال في وكالة جاكوار ممتاز
اما البورش فهي السيارة المتكاملة من كل الجهات
Ascari
24-05-2006, 05:11 AM
يااااااااااااااااا شباب
الكاديلاك XLR-V مافيها رؤيه ليليه ولا تعليق مغناطيسي
الرؤية الليليه شالوها من سياراتهم مره وحده
والتعليق المغناطيسي على ال XLR العاديه مو ال XLR-V
XLR-V عليها تعليق ثاني احسن منه
ما عليك ٌلا بالبورش <<<< :banana: :banana:
الرمحي
24-05-2006, 03:04 PM
مشكوووووور اخواني على التواصل ...
بصراحة ما قصرتوا ...
أخوي TUPAC ...
فكرنا باللكزس ورحنا شفناها من زمان ....
حلوة السيارة بس مب ذيك الكشخة اللي يباها ...
بعدين سعرها غاااااااالي ...
260 ألف والله حرام ...
والحين الحبيب حد لاعبله براسه بسيارة جديدة ...
مازيراتي غرانسبورت ...
ما جد شفتها من قبل ...
فاللي عنده معلومات عن السيارة ما يبخل علينا ...
حاليا الحبيب بعد ما جرب الجاكوار اقتنع فيها ...
بس مو XKR ... تراها غااااااااااالية موت ...
بياخذ XK كشف لونها أزرق لؤلؤي مع فرش بيج معرق بالأزرق ...
ويبي يطلب التخشيبة الداخلية بلون سماوي بس متريين يسوولنا عليه خصم ...
وانشالله بتكونوا أول العارفين ...
ومشكووووووووووووووووووور على التواصل ...
والله تبيضون الويه ...
عافاكم ...
رامي الزهراني
24-05-2006, 04:01 PM
الرؤية الليليه شالوها من سياراتهم مره وحده
من جد شالوه؟ :confused: ومرة وحدة؟ غريبة ليش؟
Ascari
24-05-2006, 07:56 PM
من جد شالوه؟ :confused: ومرة وحدة؟ غريبة ليش؟
اكتشفوا انهم يصرفون عليه أكثر من اللي يطلبونه الناس
الطلب عليه قليييييييييييييل... فقالوا كنسلوووووووه
البعض ماهمهم
والبعض يسبهم
لكن هذا اللي صار... بس اتوقع يرجعونها بعدين...
abumhdi
24-05-2006, 09:29 PM
البورش ..
بس هم XKR عجيب :think:
أبوالزين
25-05-2006, 03:21 PM
تبي الصراحه الجاغوار سيارات هيبه, وما كل من يسوقها في الشارع
يسوقونها بس أصحاب الذوق الرفيع, والمختلف
أحنا مرت علينا سيارتين جاكوار
بصراحه ما عليهم كلام
http://www.cathouse-fcc.org/images/twilight04.jpg
و طبعاً هذا رأي شخصي