متى رح يتغير الحمراني وكيل نسيان ؟؟

[Sunny2000]

السلام عليكم ورحمة الله وبركاته



كيفكم شباب ؟؟


بصراحة الموضوع طال و رفع ضغطي

قبل اكثر من اسبوعين طلبت تقريبا عشر قطع من وكيل نسيان في مدينتنا

والى الحين ما جابوا الا قطعة وحدة تقريبا و يمكن بعد مو القطعة اللي ابيها !!


مليت من كثرة ما دخلت الوكالة وطلعت .. اسألهم اذا القطع وصلت

لا وفي يوم قالوا لي وصلت بعضها .. والبقية راح توصل بكرة ان شا الله

ورحت دخلت سيارتي الورشة وقلت بخليهم يفكون القطع القديمة .. الين توصل القطع الباقية واشتريها كلها مرة وحده

ويوم رحت اليوم الثاني قالوا لا ما جا شي اصلا :blink:


واحد من الاداريين كنت ناوي اكلمه .. لكن قلت بعدين ..

ومره وانا طالع من الوكالة شافني وناداني .. لانه عارف مشكلتي


وجلس يشرح لي المشكلة وسببها .. وانهم ماخذين الوكالة من الحمراني وتورطوا !

يقول نطلب قطع ولا توصل .. الا بعد فترة طويلة .. والحمراني يقولون ماهيب متوفرة او انها في مدينة بعيدة .. والمفروض انهم يجيبونها على طول لكن مع هذا تتاخر كم اسبوع !

ومن اسباب المشكلة (الكلام للاداري) ان الشركة قامت ابعدت موظفي قطع الغيار اللي عندهم خبرة

واستبدلتهم بموظفين جدد مالهم الا خبرة بسيطة .. و اغلبهم من جنسية عربية كسولييييين .. تعرفونهم ... وحتى هم يبدو انهم ما يعرفون كيف يطلبون القطع من اليابان !


يقول لي الاداري .. لو ما اجلس على راس الموظف هذا .. اقول له خلص شغلك .. واتابعه في كل شي .. ما رح يسوي شي !

ويقول ان الاتفاقية بينهم وبين الحمراني انه يوفر قطع الغيار .. حتى انهم دافعين مبلغ كبير مقدما عشان تجيهم قطع الغيار .. ولكن !!! ؟!؟

وصاروا يجيبون القطع من موردين غير الحمراني !! يعني من محلات صغيرة !!! (وكالة وتجيب قطع من محلات غير الشركة ؟!؟!)

يقول حتى اننا نخسر لكن اهم شي نوفر للعملاء القطع اللي يبونها..

واحد من اللي في قطع الغيار هندي .. يشتكي لي يقول انهم يطلبون من الشركة اشياء المفروض تكون متوفرة في اي محل قطع غيار ... يقول حتى سيور للسيارات نطلبها ولا يوفرونها !!

اذا كان السيور ما يوفرونها كيف بالقطع اللي ما تتغير الا نادرا :confused:


سيارتي في الورشة من اكثر من اسبوعين ..

وكل يوم يوعدوني ... القطع جاية بكرة .. بعد بكرة .. اليوم !!!!!!!!


المشكلة سيارتي مو قديمة عشان الواحد يقول ما رح يوفرون لها قطع خلاص .. موديلها الفين



و قررت اني اصلحها كيف ما جت .. لانها ما تسوى القطع اللي كنت بشتريها

والله يعين



والله كرهوني في نيسان واللي جاب نيسان ..

لا ومن زود الفلاحة رفعوا اسعار القطع تقريبا قبل شهر اقل شي رفعوها 10 % !!

[cadyman]

االه يعينك وبالنسبه لرفع اسعار قطع الغيار فكل الوكالات رفعتها

[المثالي المنحرف]

صني 2000 لوك سنايدي كان اشتكيت الحمراني على القنصلية اليابانية و الشركة الأم وقلهم مشكلت القطع .


تمنيت يكون لنيسان وكيل زي الناس يعرف قدر نيسان بس شكل الحمراني معة لاندكروزر :blink:

[SKYLINE GTR]

والله حرام يقعد للحين وكيل لنيسان هالوكيل التعبان ، سيارات انفنيتي من اروع السيارات اليابانية لكن هالوكيل التعبان مخرب وضعها هنا

[الهاوي جروب]

صدقتوا ياشباب الوكيل تعبان جدا

[البدر888]

افشل وكاله في السعوديه :ranting:

[ALEXUS]

رغم النقد الكبير على وكالة الحمراني

إلا من انها ماضية في دربها

ايضا انا عانيت كم من مرة بالرغم من بساطة القطع الا كنت اريدها

لكن مع الوقت والأنتظار اتصلت وقلت لهم لاداعي لأحضارها

قبل اسبوع شايف في أحد فروعها

انها غيرت اللوحة القديمة الى الجديدة

بالرغم من الحمراني ومشاكله مع العملاء بقيت مثل ماهي

ان جاتلي فرصة بأصوره لكم

لو نعمل ايميل مشترك الى الشركة الأم حتقوم باللازم

وهذا الأمر لمصلحتها ولمصلحتنا كلنا

أخيرا كان الله في عونكم مع الحمراني

[علي عبدالله]

للاسف في سيارات كثيرة ناجحة ..لكنها فشلت في منطقتنا العربية والسبب هي الوكالات التعبانة
يعني وكيل مثل الحمراني عنده كل هذي المشاكل في توفير قطع الغيار
هذا شي ممكن يأثر على مبيعات الشركة بشكل سلبي كبير ..

على كل حال..الله يعينك

[افكر كثير]

المشكله كل الوكالات عندنا تعبانه بسبب الاحتكار . حتى الشركه اللي لها اكثر من وكاله تلاقي الوكلاء متفقين على قص ظهر الزبون .


نسئل الله ان ينتقم منهم .