فلفل بارد 2007
04-08-2007, 06:01 PM
:: ادرسوا الصرقعه زين ::
بسم الله الرحمن الرحيم
قد يتساءل أكثركم ... ما هو ما هو السبب وراء طرح هذا الماضوع ؟؟؟
و ما هو مضمون هذا الماااضوع ؟؟!! و هل للصرقعة دروس ؟؟!!
عدنها أستطيع و بملء فيٌ ( يعني فمي يا مال الشحم ) أن أقول .. وش كنت بقول ؟؟!!!
عالعموم كنت بأرد عالاسئلة بس والله نسيت ..
المهمااااات ..
الصرقعة لها دروسن واجد ... و سأقوم انا في هذا الماضوع ـ و أعوذ بالله من كلمة الماضوع ـ بالمرور علىبعض النقاط مرور الكرام .. مع الشرح لعل الله ينفع هذه الامة ... و يكون هذا الماضوع باباً و شباكاً و صينية ( مدري شدخلها بس يالله ) من أبواب الرقي إلى عالم الصرقعة ....
و على طاري عالم الصرقعة ... انتوا ما تدرون ان الصرقعة عالمن آخر يعيش فيه المتصرقعون صرقعتن لا مثيل لها ... فيتصرقع هذا و يتصرقع ذاك حتى يخرج الزبد من أفواههم ... هغ
المهماااات ..
ما ودي أطول عليكم و أعرف انكم في شوق لسماع هذه الدروس لكي تصبحوا اساتذة في الصرقعة ... و تريحوننا من هالمصالة التي أقض مضجع المتضجعين* ... ( والمضجع مأخوذة من ضجع يضجع ضجعن فهو يأكل الحليب ) ...
المهمااات ..
سيتضمن هذا الماضوع نواح عدة ... سأدرجها أولن كنقاط أو رؤوس أقلام أو ركائز أو سموها اللي تبون بس بسرعة ابوكم قاعد ينتظرنا بالسيارة ...
و النقاط هي كالتالي :
ـ كيف تصبح مصرقعن في حياتك اليومية ؟؟!!!
ـ كيف تصبح ردودك و ماضوعاتك مصرقعة في المنتدى ؟؟!!!
ـ كيف تتخلص من مصالتك يا ثقيل الدم ؟؟!!!
قبل ما أبدأ بالشرح ... أرجو من كل واحد يجيب ورقة و قلم لأني منيب عايد الشرح مرتن ثانية و الي قاعد يسجل الله يسامحه ... و اللي قاعد يصور بينفلق بينفلق ...
المهماااات ...
كيف تصبح مصرقعن في حياتك اليومية ؟؟!!!
كثيرن ما كان يشرفني في عيادتي أشخاص مصلاء يبثون عن اجابة لهذا السؤال و ما ان يخرج من عيادتي حتى يصبح هذا الرجل الماصل صرقوعة عصره ... و يومن بعد يوم ... علا اسمي و ارتفع شأني و سٌمع بخبري فتهافتت الاعلانات علي .. تتسابق على مشاركتي معها في اعلانها ... فأتت شكرة الكوكا كولا تريد أن تصور براطمي و أنا اشرب الكوكا بدلن من نانسي ... نظرن لجمال براطمي ( تقول تنسها براطم نياق ) ... و في المقابل جاءت شركة تويكس ...اسوي لهم دعاية
وسارع المغنون الواحد تلو الاخر ... كل منهم يريد ان يسوي دويتو معي .. فكانت دارين حدشيتي هي السباقة ... و لو مد لأم كلثوم في العمر لما وسعها إلا أن تفطس مرتن ثانية ...
المهمااات ...
احس اننا اسهبنا في الكلام من دون التطرق للجواب ..
و الجواب على هذا السوعال .. أريد أن أعرض على خششكم عدة وسائل علها تكون شافيتن كافيتن ..
الأسلوب الاول :
_ خلك راعي مقالب مع أخوياك :
و بالمثال يتضح المقال :
يعني إذا يوم من الايام بتطلع مع اخوياك للبر .. قل لهم كل شي علي .. علي العزبة و الغدا و العشا و الحطب و الرواق و عمود الخمية بعد ... بس انتو ما لكم الا تجون في المكان الفلاني ... و اذا طلعوا اسحب على امينهم .. و قل لهم انها جايتك وعكتن صحيه .. أو أمك تبيك توديها السوق ..
أكيد اخوياك في المقابل راح يدبرون وضعهم ... و يجيبون لهم خيمتن ثانية .. انت خلك ذيب و اطلع لهم تالي الليل و رح لطعسن قريبن منهم .. و قلد صوت الجن و سو لهم قلق عند الخيمة ...إلين ما ينحاشون ...
مقلبن ثاني :
إذا كنت بتروح مع واحد من اخوياك لناس ما تعرفهم سو نفسك ما تسمع و لا تتكلم .. و اول ما تدخل عليهم خل خويك يقول لهم عن حالتك ... طبعن بيتأزرون معك و يطبطبون عليك و بيسون لك فيها اخلاق ... و دام انك ما تسمع اكيد بيتكلمون كلامن علي على انك ما تسمع و يحشون فيك او يمدحون .. و خلك على طول كذا .. و كل شوي عط واحد منهم كف ... و خل وجهك حزين ... و اذا قالوا لك : وش الطاري !!! خل خويك يقول لهم انه يحسبكم سبيتوه ... و لا جيتوا تطلعون قل لهم : يالله يا شبيبات ما قصرتوا ... و سامحونا ان كان اخطينا عليكم ... طبعن بعدها يا تلحق تركب موترك يا ما تلحق ..
الاسلوب الثاني :
_ الصرقعة في الفصل ( لطلاب المدارس ) و في القاعة ( للجامعيين ) :
ـ إذا كنتوا راعين مدارس أهلية او حكومية و عندكم بروجكتر ... فأنصحكم تجلسون قدام البروجكتر ... و كل شوي ارفع راسك و خل ظل راسك يطلع عالسبورة .. و اذا نبهك المدرس او اذا نبهتس الخبلا سو نفسك ما دريت ... و كل شوي تمغط و خل يدينك تغطي عالبروجكتر الين ما تقفل مع المدرس و يغر مكانك ... اما اذا كان البروجكتر بعيد فما عليك سوا هوا ورا سرا <<< تحمس ...
ما عليك سوا أخذ قطعة من الورق و رميها على البروجكتر ... حتى تظهر لك على الشاشة صورة شبة الجزيرة العربية ... هغ
_ إذا كانت الحصة مملة مثل حصة التاريخ و الجغرافيا و الجيولوجيا و الكيمياء بالعربي كل الحصص ) ... خلك ساكت تطول الحصة ... و بعد فترتن من الزمن و اذا شفت الطلاب ساكتين ... قل للمدرس : اهااااااا .. اجل الدعوة كلها كذا !!!! ... طيب ورا ما تقول من زمان يا شيخ .. و انا أضمن لك بعدها تتحول للمدير سفري على طول ...
_ إذا كنت طالب جامعي و كان الدكتور يحضركم ... سو نفسك نايم ... و اذا جا رقمك .. و ناداك الدكتور .. قل :
هاه شتبي ؟؟!! .. و هاذي الطريقة مجربة .. و افلقني ان ما سجلك غياب .. هغ
الاسلوب الثالث :
_ كيف تسوي قلق لأهلك ؟؟؟
هناك عدة طرق للقلق اللي تسويه مع اهلك و اخوانك ... منها :
ـ اذا شفت اخوك الكبير نايم رح خذ لك قلم سبورة ( دبرها من اقرب مكتبة ) و ورنا ابداعاتك في خشته و ارسم اشجار و كل شي تبيه .. و لو تبي توقع خوذ راحتك ... و بعد ما تخلص رح و حط القلم عند اخوك او اختك الثاني .. و احرص انه يكون واضح ... و ابشر بالمضاربة اللي يحبها قلبك ...
ـ اذا كان عندك اخوان صغار ... فيه طرق عديدة عشان تسوي لهم قلق ... رح لأقرب بقالة و اشتر حلاوه وحدة و ارمها بينهم .. بعدها راح تكتشف ان توم و جيري موب فقش ابدن ..
ـ اما امك و ابوك حب على راسهم و رجلينهم و لا تستهبل معك ترا استهبالهم شين ... هغ ...
الاسلوب الاخير :
_ اللعب بالاصوات و الكلمات :
ـ اذا اتصل على جوالك واحد من العيال قلد صوت بنت و حاول تجره ... طبعن البعض صوته زي الحمير و انتو بكرامة لو يحاول الين ما يقول امين ما جاب خبر ...
ـ طريقة أخرى .. اذا اتصل عليك واحد من اخوياك سو نفسك كانك الرسالة الصوتية .. و قل له معليش الجوال خارج التغطية خل رسالة و بعدين اكلمك .. و بعدين اضغط على أي رقم و اسمع وش يقول ...
ـ اذا دق عليك واحد غلطان <<< لاحظ واحد ما قلت وحده .. يعني احترم نفسك ...
العن سلسبيله و قل له لا عاد تدق مرتن ثانية ... و كل ما جا يتكلم سكته و بعدين صك بوجهه ...
ـ كذلك في حركة اذا جيت تزور واحد .. و رد عليك عالباب و قال مين .. قل له قدر الله ان صار لي حادث و انا ابي اسافر ... و اذا قال لك الله يعطينا و يعطيك قل له شف تعطيني و الا والله لا اطب عليكم ... و بعدها خلك بعيد عن الباب لأنه اكيد راح يطلع بساطور او ما شابهه ..
ـ تستطيع ايضن اخي المتعلم ان تلعب بالكلمات ... فاذا جيت تبي تقول هرفي .. قل هورافي .. و اذا جيت تبي تقول كت كات .. قل كوتي كات .. و هكذا ....
هذه عدة دروس ارجو انها افادتكم كثيرن ...
و ان شاء الله في الماضوع التالي ارد على سوعال ..
كيف تصبح مواضيعك و ردودك في المنتدى مصرقعة ؟؟!!!
انتظرووووووني ...
و إذا كان احد عنده اضافه او تعليق تروا الوضع فري ...
و ارجو عدم التطرق للسوعالات التانية..
وسلامشن
بسم الله الرحمن الرحيم
قد يتساءل أكثركم ... ما هو ما هو السبب وراء طرح هذا الماضوع ؟؟؟
و ما هو مضمون هذا الماااضوع ؟؟!! و هل للصرقعة دروس ؟؟!!
عدنها أستطيع و بملء فيٌ ( يعني فمي يا مال الشحم ) أن أقول .. وش كنت بقول ؟؟!!!
عالعموم كنت بأرد عالاسئلة بس والله نسيت ..
المهمااااات ..
الصرقعة لها دروسن واجد ... و سأقوم انا في هذا الماضوع ـ و أعوذ بالله من كلمة الماضوع ـ بالمرور علىبعض النقاط مرور الكرام .. مع الشرح لعل الله ينفع هذه الامة ... و يكون هذا الماضوع باباً و شباكاً و صينية ( مدري شدخلها بس يالله ) من أبواب الرقي إلى عالم الصرقعة ....
و على طاري عالم الصرقعة ... انتوا ما تدرون ان الصرقعة عالمن آخر يعيش فيه المتصرقعون صرقعتن لا مثيل لها ... فيتصرقع هذا و يتصرقع ذاك حتى يخرج الزبد من أفواههم ... هغ
المهماااات ..
ما ودي أطول عليكم و أعرف انكم في شوق لسماع هذه الدروس لكي تصبحوا اساتذة في الصرقعة ... و تريحوننا من هالمصالة التي أقض مضجع المتضجعين* ... ( والمضجع مأخوذة من ضجع يضجع ضجعن فهو يأكل الحليب ) ...
المهمااات ..
سيتضمن هذا الماضوع نواح عدة ... سأدرجها أولن كنقاط أو رؤوس أقلام أو ركائز أو سموها اللي تبون بس بسرعة ابوكم قاعد ينتظرنا بالسيارة ...
و النقاط هي كالتالي :
ـ كيف تصبح مصرقعن في حياتك اليومية ؟؟!!!
ـ كيف تصبح ردودك و ماضوعاتك مصرقعة في المنتدى ؟؟!!!
ـ كيف تتخلص من مصالتك يا ثقيل الدم ؟؟!!!
قبل ما أبدأ بالشرح ... أرجو من كل واحد يجيب ورقة و قلم لأني منيب عايد الشرح مرتن ثانية و الي قاعد يسجل الله يسامحه ... و اللي قاعد يصور بينفلق بينفلق ...
المهماااات ...
كيف تصبح مصرقعن في حياتك اليومية ؟؟!!!
كثيرن ما كان يشرفني في عيادتي أشخاص مصلاء يبثون عن اجابة لهذا السؤال و ما ان يخرج من عيادتي حتى يصبح هذا الرجل الماصل صرقوعة عصره ... و يومن بعد يوم ... علا اسمي و ارتفع شأني و سٌمع بخبري فتهافتت الاعلانات علي .. تتسابق على مشاركتي معها في اعلانها ... فأتت شكرة الكوكا كولا تريد أن تصور براطمي و أنا اشرب الكوكا بدلن من نانسي ... نظرن لجمال براطمي ( تقول تنسها براطم نياق ) ... و في المقابل جاءت شركة تويكس ...اسوي لهم دعاية
وسارع المغنون الواحد تلو الاخر ... كل منهم يريد ان يسوي دويتو معي .. فكانت دارين حدشيتي هي السباقة ... و لو مد لأم كلثوم في العمر لما وسعها إلا أن تفطس مرتن ثانية ...
المهمااات ...
احس اننا اسهبنا في الكلام من دون التطرق للجواب ..
و الجواب على هذا السوعال .. أريد أن أعرض على خششكم عدة وسائل علها تكون شافيتن كافيتن ..
الأسلوب الاول :
_ خلك راعي مقالب مع أخوياك :
و بالمثال يتضح المقال :
يعني إذا يوم من الايام بتطلع مع اخوياك للبر .. قل لهم كل شي علي .. علي العزبة و الغدا و العشا و الحطب و الرواق و عمود الخمية بعد ... بس انتو ما لكم الا تجون في المكان الفلاني ... و اذا طلعوا اسحب على امينهم .. و قل لهم انها جايتك وعكتن صحيه .. أو أمك تبيك توديها السوق ..
أكيد اخوياك في المقابل راح يدبرون وضعهم ... و يجيبون لهم خيمتن ثانية .. انت خلك ذيب و اطلع لهم تالي الليل و رح لطعسن قريبن منهم .. و قلد صوت الجن و سو لهم قلق عند الخيمة ...إلين ما ينحاشون ...
مقلبن ثاني :
إذا كنت بتروح مع واحد من اخوياك لناس ما تعرفهم سو نفسك ما تسمع و لا تتكلم .. و اول ما تدخل عليهم خل خويك يقول لهم عن حالتك ... طبعن بيتأزرون معك و يطبطبون عليك و بيسون لك فيها اخلاق ... و دام انك ما تسمع اكيد بيتكلمون كلامن علي على انك ما تسمع و يحشون فيك او يمدحون .. و خلك على طول كذا .. و كل شوي عط واحد منهم كف ... و خل وجهك حزين ... و اذا قالوا لك : وش الطاري !!! خل خويك يقول لهم انه يحسبكم سبيتوه ... و لا جيتوا تطلعون قل لهم : يالله يا شبيبات ما قصرتوا ... و سامحونا ان كان اخطينا عليكم ... طبعن بعدها يا تلحق تركب موترك يا ما تلحق ..
الاسلوب الثاني :
_ الصرقعة في الفصل ( لطلاب المدارس ) و في القاعة ( للجامعيين ) :
ـ إذا كنتوا راعين مدارس أهلية او حكومية و عندكم بروجكتر ... فأنصحكم تجلسون قدام البروجكتر ... و كل شوي ارفع راسك و خل ظل راسك يطلع عالسبورة .. و اذا نبهك المدرس او اذا نبهتس الخبلا سو نفسك ما دريت ... و كل شوي تمغط و خل يدينك تغطي عالبروجكتر الين ما تقفل مع المدرس و يغر مكانك ... اما اذا كان البروجكتر بعيد فما عليك سوا هوا ورا سرا <<< تحمس ...
ما عليك سوا أخذ قطعة من الورق و رميها على البروجكتر ... حتى تظهر لك على الشاشة صورة شبة الجزيرة العربية ... هغ
_ إذا كانت الحصة مملة مثل حصة التاريخ و الجغرافيا و الجيولوجيا و الكيمياء بالعربي كل الحصص ) ... خلك ساكت تطول الحصة ... و بعد فترتن من الزمن و اذا شفت الطلاب ساكتين ... قل للمدرس : اهااااااا .. اجل الدعوة كلها كذا !!!! ... طيب ورا ما تقول من زمان يا شيخ .. و انا أضمن لك بعدها تتحول للمدير سفري على طول ...
_ إذا كنت طالب جامعي و كان الدكتور يحضركم ... سو نفسك نايم ... و اذا جا رقمك .. و ناداك الدكتور .. قل :
هاه شتبي ؟؟!! .. و هاذي الطريقة مجربة .. و افلقني ان ما سجلك غياب .. هغ
الاسلوب الثالث :
_ كيف تسوي قلق لأهلك ؟؟؟
هناك عدة طرق للقلق اللي تسويه مع اهلك و اخوانك ... منها :
ـ اذا شفت اخوك الكبير نايم رح خذ لك قلم سبورة ( دبرها من اقرب مكتبة ) و ورنا ابداعاتك في خشته و ارسم اشجار و كل شي تبيه .. و لو تبي توقع خوذ راحتك ... و بعد ما تخلص رح و حط القلم عند اخوك او اختك الثاني .. و احرص انه يكون واضح ... و ابشر بالمضاربة اللي يحبها قلبك ...
ـ اذا كان عندك اخوان صغار ... فيه طرق عديدة عشان تسوي لهم قلق ... رح لأقرب بقالة و اشتر حلاوه وحدة و ارمها بينهم .. بعدها راح تكتشف ان توم و جيري موب فقش ابدن ..
ـ اما امك و ابوك حب على راسهم و رجلينهم و لا تستهبل معك ترا استهبالهم شين ... هغ ...
الاسلوب الاخير :
_ اللعب بالاصوات و الكلمات :
ـ اذا اتصل على جوالك واحد من العيال قلد صوت بنت و حاول تجره ... طبعن البعض صوته زي الحمير و انتو بكرامة لو يحاول الين ما يقول امين ما جاب خبر ...
ـ طريقة أخرى .. اذا اتصل عليك واحد من اخوياك سو نفسك كانك الرسالة الصوتية .. و قل له معليش الجوال خارج التغطية خل رسالة و بعدين اكلمك .. و بعدين اضغط على أي رقم و اسمع وش يقول ...
ـ اذا دق عليك واحد غلطان <<< لاحظ واحد ما قلت وحده .. يعني احترم نفسك ...
العن سلسبيله و قل له لا عاد تدق مرتن ثانية ... و كل ما جا يتكلم سكته و بعدين صك بوجهه ...
ـ كذلك في حركة اذا جيت تزور واحد .. و رد عليك عالباب و قال مين .. قل له قدر الله ان صار لي حادث و انا ابي اسافر ... و اذا قال لك الله يعطينا و يعطيك قل له شف تعطيني و الا والله لا اطب عليكم ... و بعدها خلك بعيد عن الباب لأنه اكيد راح يطلع بساطور او ما شابهه ..
ـ تستطيع ايضن اخي المتعلم ان تلعب بالكلمات ... فاذا جيت تبي تقول هرفي .. قل هورافي .. و اذا جيت تبي تقول كت كات .. قل كوتي كات .. و هكذا ....
هذه عدة دروس ارجو انها افادتكم كثيرن ...
و ان شاء الله في الماضوع التالي ارد على سوعال ..
كيف تصبح مواضيعك و ردودك في المنتدى مصرقعة ؟؟!!!
انتظرووووووني ...
و إذا كان احد عنده اضافه او تعليق تروا الوضع فري ...
و ارجو عدم التطرق للسوعالات التانية..
وسلامشن