معليش....بس تستاهلين :(

[wildorchid]

عزيزتي تستاهلين كل اللي يصير لك..

1- لأنه لما خانك للمرة الأولى ادعيتي انك ماعرفتي
ومشيتي الموضوع عادي..فلا تزعلين لما يخونك للمرة المليون..

2- لأنه لماأهملك وصار يسافر لوحده ومع أصحابه طول الوقت
وحتى ان كان موجود سهرات لحد الفجر..لا تزعلين لما تحتاجينه
في نص الليل ومايكون موجود..

3- لأنه لما مّد يده عليك سكتي له واستمر على نفس المنوال
وماابديتي اي اعتراض..لاتزعلين لما يصير فيك عاهه مستديمه

أرجوك..
لا تتحسرين على نفسك...
انتي السبب............................

[عسل]

رقم 1) انسانه عاقلة جدا ...حافظي على بيتك وعلى عيالك يوم من الايام ...راح يرجع ...ويعرف مقدارك ...اكيد بيعرف ..
رقم 2)الله يخلي الجوال ...تحصليه وين ما كان....وابو طبيع ...مايغير طبعه ...وانتي السبب ... تحملي والفرج قريب ..
رقم 3)ليش مد يده اول ....وبعدين نتفاهم ....
-------
عســـــــــ وش فيني متحمس ـــــــل

[مشكله]

أوركيد هدي شويه طيب :) :) :)

[wildorchid]

اهلين عسل
الحمدلله على السلامه :)

1- عاقله؟
ايه مو انت لازم تقول كذا...
لكن خليني اسألك..لو هي خانته كان ممكن يسامحها؟
لا تقول لي رجل ولا امرأه..كلهم في الخيانه واحد
كيف ممكن اثق في انسان باعني عشان نزوة..
حتى لو رجع..ماراح ارجع مثل أول ابدا
شك وحيره وعذاب..
غيرة شديده وقلق ماله داعي..
اكيد راح أذله فيها طول عمره :) وماراح انساها له ابدا


2- ياسلام؟
جوال؟؟؟
ابو طبيع غصب عنه يغير طبيــــــــعه..عجبه والا
الموضوع له تكمله..
تخيل ان زوجتك يوميا حفلات..وسهرات وعزايم..
ليش تتضايق؟ماعندها جوال تقدر تتطمن به عليها.
وهل تعتقد ان الحياة الزوجيه يكون لها طعم اذا كان الواحد فيهم
عايش حياته بالطوال والعرض بعيدا عن الثاني؟
حياتين منفصلتين تماما؟
من غير اي اهتمامات مشتركه ولا حتى دردشه خفيفه وتخفيف عن الهموم؟
اذا شكت مالقت احد يسمعها واذا بكى مالقى صدر حنون يضمه..
وشي ذي من حياة؟

3- ماعاش ولا كان..
مهما كان السبب الا انه ماهو مبرر انه يمد يده..
حيوانيته هذي يحتفظ فيها لنفسه وللمعقدين امثاله..
مايفرغه في بنات الناس..
يده لو مدها اكسرها له..عادي احنا في زمن المعجزات :)


عســـــــــ أفا ـــــــــــل

[wildorchid]

أبو غازي :)

هـــــــدينا :) :)

[الحفار]

مرحبا اوركيد

انا اعتبرها ست عاقله

محافظة على بيتها

واكيد انه راح يقدر لها موقفها

وتكبر بعينه ولا يمكن يخونها مره ثانيه

[عسل]

اوركيد ...
1) ليش خانها ؟؟؟؟؟؟؟؟؟؟؟؟؟
2)لا... تخيلي انها في العمل (وش رايك) ..وتخيلي ..ان المرأة ..هي المخلوق الوحيد القادر على كبح جماح ذلك المجهول....(الرجل)
3)اقول ابو غازي ....من السنه هل فيه حديث ..يثبت تحريم ضرب المرأه ...او قصة من ايام الرسول ...تبين لنا انه كان في توصية على طريقة ضرب النساء ؟؟!! مدري ...بس اعتقد الرسول ...احكم مننا كلنا :)
--------
عســــــ افف الواحد ما يتزوج وحدة تلعب كراتييه ـــــــــل

[شجون المحبه]

كيف تكون مراه عاقله ؟؟؟!!!!!

انها تتحمل هوان زوجها وذله وخيانته ليش ؟؟؟
اش جابرها على هذا كله ...والله بيت اهلها اكرملها

اعيش بيت اهلي مكرمه ولا في احد احسن منى ..واطلع منه على زوج يضربني ؟؟

ليش انشاءالله ؟؟!!..اذا انا في بيت اهلي محد مد ايده علي اروح عند زوجي انضرب ؟؟
لا عفوا ...هذا اسمه قلة احترام وانا ارفض اعيش مع انسان ما يحترمني..

عسل .... اسمحلي ....بس ما سمعت انه الرسول ضرب احد من زوجاته
اذا كان يقول في تربيه الاولاد ضرب تاديبي ..يعني خفيف ولما يكبر خاويه
وانته تقولي ضرب زوجات الله يسامحك بس ... :(


------------------
شجـــــــــون

[wildorchid]

هلا وغلا الحفار..
أسفرت وأنورت :)

عاقله برضه؟
بس ماجاوبتني هل زوجها بيسامحها لو هي اللي
خانته؟
كيف قدر؟
وعشان ايش؟
اذا هو راح يندم ويعتذر ليه خانها من البدايه؟
كيف طاوعه قلبه؟كيف قدر ضميره ينام؟
صدقني حتى لو سامحت..جرح الخيانه اقوى من أي شيء
أعنف من أي شيء......لا يمكن كلمة آسف تداويه..
بس ماتدري..يمكن يكون حبها له فوق كل شيء
وتجبره انه يصير احسن من أول...أقول ..يمكن!!

عســـــــل
1- ليش خانها؟
ا- اما لأنها اهملته
ب- اما لانها ماهي ماليه عينه ولا تناسبه من اي ناحيه
من النواحي
ج- اما لأنه انسان عينه "طويله" و"فارغه" و"طمّاع"


2- ااااااااااممممم
طيب وبعدين؟
الحكايه ماهي من يكبح جماح مين..
الموضوع ومافيه كيف يكونوا جزء واحد..حب واحد
كيف ان الواحد منهم يقدر يكون الأخ والحبيب والصديق
والزوج....

3- أعرف الحديث بس ناسيته..
الرسول صلى الله عليه وسلم قال "برفق ولين" مو ......

[القط الوردي]

أوركـــــــيد....
-1 خيــانة :(

-2 سفــر مع شباب وسهــر للصباح خارج البيت :(

-3 يمد يده ويـضــربــها :(

يعمي هذي من وين جايبه هالرجال هذا نوعية
لابـــد أن تختــفي من المجتـــمع , وترى ما في شي يجبرها
على البقاء حتى الاولاد ,طـــز يطلعون مثلهم مثل غيرهم
لكن ان بقيت راح تظل طول عمرها بدون كرامــة. :(

------------------
مشـكـلتي انــي ما أفهــم

[wildorchid]

وأخيرا جا أحد يفكني من هذولي :)

أهلين شجون :)

شايفه؟
بالضبط..
وش يجبرني؟
حب؟
لا ياعمي..لو تعرفه ولو قدرته كان مافكرت انك تخون..
عمر اللي يحب مايخون ...
أنضرب؟
ليه؟
انا مالقاني في الشارع..وبعدين يقولون..من يهن يسهل الهوان
عليه..
وش يجبرني اني اتعرض للضرب؟
حتى لو العالم كله قالوا بيت زوجك اولى بك الا ان جحيم اهلي
ولا جنة زوج خاين لا ويمد يده بعد..!!!!!

صدقيني مشاعرنا انا وانتي صعب ان الرجال يفهمونها
عارفه ليه؟
لان احنا يمكن تكون ثقتنا بأنفسنا اكبر من انها تسمح لنا
ان احنا نتحمل ان احنا نكون مجرد زوجات "قابلين للطق والسحب"
هذا النوع اللي كثير من الرجال ماتعودوا عليه..
بس مصيرهم انهم يتعودون...في يوم من الأيام........

[wildorchid]

أهلين القــــــط

اصبت..
انسانه من غير "كـــــــــــرامه"
اذن انسان من غير هويه..أمعّه,,
العيال؟
وهل تتوقع انهم بيعيشون في جو صحي سليم اذا
كان الوضع زي كذا؟
الفراق اهون ولا انهم يعيشون وسط مشاكل الله اعلم
بها.....
صدقني ..يمكن يكون الطلاق هو أفضل حل وخصوصا لما توصل
الحياة الزوجيه الى حد لا يمكن السكوت عليه,,,

[عسل]

شجون ...تصوري ...انه صار ...وانا ما جبت شيء من عندي :)
اوركيد ...الله يفتح عليكي :)
انت يالبس :) والله ودي اشوفك بعد الزواج ..كيف بتخربش :)
------
عســـــ :)انا أليف جدا :) ـــــــــــل

[عسل]

اوركيد !!! الطق والسحب ...
وغيركم قابل للكم ..والسب :)
------
عســـــ انا سوداني ما احب احد يلمس خشمي ـــــــل

[شجون المحبه]

عسل ...يمكن انه صار لكن ...انا نفسى ارفض هذا الشيء
ومستحيل ارضى فيه ....ابد ....انا مو عبده عنده
انا حالي حاله في البيت ....ولابد من الاحترام والتفاهم

والا عمري ما ارض فيه...وعنى ما طلعت من بيت اهلي خليني مصانه
مكرمه عندهم وش لي بوجع الراس ؟؟!!

-------------
عادي اوركيدا خليكي منهم ...اصلا هم ديما يحبون يمسكون بعض الاشياء

عشان تكون مبرر الهم ...بس ما يحاولون يدركون ليه هذي الاشياء سمح بها

وصادقه جحيم اهلي ولا اعيش معاه وش ابي فيه ,,,,خاين ومو مهتم ولا فوق هذا يمد ايده ...لا مافي داعي ...يفتح الله
كرامتي فوق كل شيء.... :)

------------------
شجـــــــــون

[عسل]

البنت ..مهما طال قعادها في بيت اهلها مالها الا بيت زوج ...سيدتي افهميني ..مو كل رجال يضرب ...ولا كل رجال يسهر ..... ولا كل رجال ..مو قد المسؤوليه ...ونفس الشيء ..للجنس الاخر ..
------
عســـــــ وظل راجل ..ولا ظل حيطة ــــــــل

[wildorchid]

هلا شجون
ماعليك من عسل..
صدقيني هو يقول كذا عشان يستفزنا بس :)

كلامك سليم..
كرامتي واعتباري كانسانه فوق كل شيء..
مبدأ..حياة..كلها اشياء نحافظ عليها ولا يمكن نتنازل عنها
ابدا...
ماتعرفين ليش الرجال فاهمين ان احنا من الضعف بحيث ان احنا ممكن نسامح
في كل شي وعشان خاطرهم؟

بس برضه ماحد منهم جاوب سؤالي
هل بيسامح زوجته لو هي اللي خانته؟؟؟؟؟؟


عسل؟؟!!
يامالك من الخير :)

[شجون المحبه]

عسل ...."ظل راجل ولا ظل حيطه " .. :) يمكن بس مو اكيد ...

اروكيدا ...

مستحيل يسامحها لو كان يعشقها وما يقدر يعيش من غيرها مثل ما يقو بس لحظتها رح ينسى كل شيء...ويذكر بس هذا الشيء...ومن حقه ...مثل ماهوه من حقها ما تسامحه ولا تنسى ... :)

------------------
شجـــــــــون

[عسل]

اوركيد ...ممكن استلف عنوان موضوعك ...معليش....بس تستاهلين :(
---------
عســــــــ ما راح بيكون عندها وقت اسامحها ــــــــــــل

[wildorchid]

عـــــــــــــــٍسل؟؟

"ظل راجل ولا ظل حيطه" حسب اي قانون؟وتبع اي شريعه؟

اعرف ان مو كل رجّال يضرب ولا كل واحد يخون بس وش يضمنّي؟
لو انا شفت العلامات هذي مو من حقي اني انسحب؟
وليش اتزوج وكل قصص المتزوجين حولي تجيب المرارة؟
ليش اتزوج وانا ناني شايفه احد مبسوط؟
وين الخلل؟
ومن مين؟
الزواج ماهو حل ابدا..
الزواج ماهو قرار تتخذه بمجرد توافر الماده..لازم تكون مستعد نفسيا
ومؤهل انك تشارك حياتك مع شخص العمر كله..وتقاسمه الحب كله
ماهو بهالسهوله ابدا.....
ارفض ان زوجي يقارن بالحيطه وارفض اني اتزوج عشان الامان بس..
صدقني للزواج فلسفه خاصه..راقيه جدا..كثير منا صعب يفهمها...

شجون :)

[القط الوردي]

هــدو انفسكم ياجمــاعــة
خذ عندك من الاخيــر اذا وصلت
الامور بين الرجل والمرءة مرحلة
أصبح فيها الرجل لابد له لارضــاء
نفســه ان يضربها ,فليسمع نصيحتي :
عليه ان يطلقها قبل ان يفعل ذالك
وفي نظــري وحســب شخصيتي لايمكن لي أن
اعيش مع اي مراءة احس في داخلي انها
بحاجة لضرب .. لان المرءة في عيني أســطـورة( يونانية)
(انتبهوا مو اي مراة) لايجب ولا يمكن لي ان احطــم الاســطورة :)

صدقني ياعسل أن المشاكل والنزاعات اللي جالسين نسمعها
بين الرجال والنساء والقضايا وبين اناس تزوجوا عن حــب
هي نتاج سوء في اذارة العلاقة وخاصة من طــرف الرجــال
لاني ومن وجهة نظـر محايدة في كثير من المشاكل اللي سمعتها
أجــد ان اغلب الرجال ما يفرق بينه وبين الاطفال شي
يأخــي الشخصيــة مو اني اضــربها ولا اصارخ عليها ؟
الشخصيةالحقيقية اني استــطـيع أن اجعلها تحـترمني لشخصي
وبالتالي ستحاول وبدون ان اطلب ارضــائي حتى لو على حساب
حق من حقوقها.

وتصدقون انه نحن الان في نهاية القرن العشرين وفي قمة الحضـارة
الانسانية ولايزال هناك في بعض المناطق في الجزيرة العربية من الناس
من اذا قال اسم النساء يقول (وانت بكرامة). :(
وتقولوا لي المرءة تنضرب ول والله ياكم شارب وشارب نفسي
احوسهم بالتراب . :(

[الحفار]

عسل فدائي
:)
:)
:)
وكلامك سليم
لكن ضرب لا ,,ممكن شيء يشبه الضرب
بس تعال قل لهم
اذا هي ما تشبع نوم
ولا تبي تتعلم تطبخ
ولا تهتم باشيائي الخاصه
واذا رجعت من الدوام تقول لي ماعندنا رز او ما عندنا مويه
واذا تصحيك من النوم على شان تقول ودني لاهلي ابي اشوف امي
الخ الخ الخ الخ الخ
وش اسوي فيها

[ArMaNi]

أنا مع wildorchid

الله يعينا عليهم والله..الواحد فيهم يقولك أنا طالع، أنا بسهر اليوم ويمكن أتأخر، أنامسافر مع الربع نغير جو شوية، لا بغيتي شي عندك رقم الموبايل،.......................... وزوجته المسكينة ما عليها إلا إنها تقول : سمعا وطاعة .. انت فصل وأنا ألبس !!!!!
الصراحة هذي مب عيشة.
ولما تعترض الزوجة يرد عليها: أنا رجل حر ما أحب القيود؟!؟!
ليش انت ما تدري إن الحياة الزوجية يعني بيت و زوجة و مسؤولية؟!؟! نحن ما قلناإجلس قابل زوجتك أربع وعشرين ساعة بس ما توصل للسهرات كل ليلة و الروحات و الجيات زيادة عن اللزوم .. و يا شين الرجل يوم يمد إيده على زوجته..ليش ما في أسلوب أكثر تحضرا للتفاهم معاها؟؟

أقول wildorchid والله بتتعبين كثير إلى أن توصلي لنقطة تلتقين فيها من الأخوة المعارضين لأفكارك .. بس نحن دايما في الخدمة :)




[b]<small><small>[ تم تعديل الموضوع بواسطة &nbsp; ArMaNi &nbsp; يوم &nbsp; 11-06-2000]

[شجون المحبه]

الحفار ....

ايه قولي وش تسوي فيها ؟؟؟!!!!

------------------
شجـــــــــون

[ma3gool]

لحظه من فضلكم!!!!

انا عارف اننا في عالم غريب انقلبت فيه الموازين...

ممكن اسألكم من المفروض يكون عاقل الرجل ام المرأه!!!؟؟

بما ان الرجال قوامون على النساء والنساء ناقصات عقل ودين وربي حط الطلاق بيد الرجل..والنساء تغلبهم العاطفه والرحمه..

معناته ان الرجل عقله اكبر والمفروض انه هو اللي يكون عاقل في كل تصرفاته ولا يظلم بنت الناس ويعاملها معاملة بشر معاملة المؤمن لاخيه المؤمن حينما قال الرسول عليه الصلاة والسلام لا يؤمن احدكم حتى يحب لاخيه ما يحب لنفسه...

وليش الرجل يعتبر تضحية المرأه بسعادتها من اجل الستر او الاطفال وخوفها من التشتت انها عاقله ...اكيد عاقله بس تراها تضحي يعني تتألم يعني ما تحس بالسعاده مع اللي يسوي بها كذا...

وكل فعل له ردة فعل والضغط يولد الانفجار...يعني بيجي يوم لهذا الرجل بعد ما يتعب من الاشياء الشينه اللي يسويها لزوجته سواء من اهمال او خيانه او ضرب...وبيرجع ندمان ساعتها ما راح يلقى الا قلب قاسي او حاقد ..او محطم :(

يعني لازم الرجل يراعى زوجته ويعاملها بالمعروف ويخاف الله فيها خشية العقوبه في الدنيا والآخره...

ولا ننسى الاهل اللي لازم ما يفرطون في فلذة كبدهم الا لرجل يحمل معاني الرجوله الصادقه....ويحافظ على بنتهم ويعاملها كالاب والام والاخوان....



------------------
كل شي معقول

[الحفار]

اجاوبك يا شجون المحبه
............................
اللي عليه انه يسويه مايلي
1/ينبهها الى ان هذه الاشياء لا تعجبه اذا استمر الوضع
2/يتكلم عليها يعني يهاوشها
3/يضربها على خفيف وفي اماكن معينه
4/يصبر عليها كم سنه اذا ماتعدلت امورها يروح للخطوه الخامسه
5/يتزوج عليها
6/واذا ما تعدلت امورها ولا هي زعلت وراحت لبيت اهلها
7/هو يا خذها من اذنها ويوديها بيت هلها

[wildorchid]

القـــط الرمادي - معليش انا احب هذا اللون-

صدقت..
اذا حسيت ان الأمور بيني وبينها صارت معقده بحيث ان
الضرب هو الحل الوحيد..لكثير منها اذن تسريح باحسان
وخلها تشوف نصيبها مع واحد يتحملها من غير ضرب,,
المرأه مهما بلغت من قوة وسلاطة لسان الا انها لا يمكن
تقبل الضرب كوسيلة نقاش ابدا..
أرفض مو بس مبدأ الضرب..لا ومبدأ انه يرفع صوته علي لما
نتناقش- مع ان صوتي دايما بعلى من التحمس مو من الزعل :)-
ولكن أرفض انه يتبع اسلوب الصراخ معاي..فكيف بالضرب؟
المرأه بالنسبه لك اسطورة؟
طيب كيف ناوي تحافظ عليها اذا كنت في بداية زواجك؟
وكنت تعاني من مشكلة عدم القدرة على التواصل معها؟
أقول لك سر
أحترمها أولا..وحاول تكسب عقلها قبل عواطفها..لان صوت
العقل هو اللي لا بد انه ينسمع في الأخير..واذا قدرت
تتوافق معاه وتحوز على رضاه اذن صدقني..القلب امره هيّن,,
وأقول لك سر..
المرأه مهما كانت في قمة القسوة او القوة أو الشجاعه وحتى الذكاء
الا انها مستعده تستسلم عشان شخص يستاهل..تعرف ليه؟
لأنه اكيد راح يضحي عشانها..بطريقة أو أخرى..الشيء اللي لا
يمكن لاي أمرأه انه تنساه..مو زي جنسكم,,, :)

وعلى حكاية أن المرأه تعتبر عيب..أصدقك ليش لا..
الى الان ماحنا قادرين نتخلص من عقدة المرأة العيب :(

-------

الحفــــار
بالفعل حالة هالزوجه صعبه...
مسكينه ماتدري انها باهمالها ولا مبالاتها راح تدمر علاقتكم
الزوج زي الزوجه..يبحثون في علاقتهم عن الاكتفاء والتكامل
وكل اللي انت قلته من أولويات الزواج ولكنها ماهي كل شيء
فيه..
طيب وش تقول انت في زوج يسهر دايما..عياله يمرضون مايدري عنهم
مايشوف بيته الا كم ساعه ينام فيها..
والا زوج تارك كل مسئوليات البيت على زوجته..
تدريس عياله..والانتباه لمذاكرتهم..مراقبتهم..
الاهنمام بالبيت من جميع النواحي..حتى المقاضي هي اللي تقضيها
مايعرف وش ينقص بيته ولا من جاه ولا من زاره..
زوجته تعاني مشكله مع واحد من عياله..هو آخر من يعلم والا يقول
لها انا مالي دخل حليها انتي..تقول انت الاب لازم تمارس سلطتك
يقول انا تعبان ومالي خلق..؟؟!!
زوجته تتعب تبغى تشكي وتفضفض عن كل اللي بداخلها..يقول
روحي لعطيات والا فتاكات احكي لهم؟؟ّّ طيب وانت؟

شايف ؟ّ
فالموضوع له حدين,,العلاقه الزوجيه لها تقاليد وطقوس الزوجين هم بس من
يحددها ويرسم مسارها..مو أحد ثاني..

[wildorchid]

Armani
:)
عارفه ان احنا راح نتعب :(بس معليش هي مسألة وقت :)

حريه؟
انا ماني فاهمه اي حريه هم يبغونها؟ او يبحثون عنها؟
حريتي ماتكون كامله الا لما تكون مع زوجي..بالعكس
في الزواج تتمتع بحرية اكبر..اشياء كثيره تقدر
تسويها مع زوجتك بعيدا عن كلام الناس,,

الزواج..يعلمك المسئوليه والانضباط وينظم لك حياتك
بعد ماكانت خاويه فوضويه..واذا كان يعتبر هالشيء قيود
فالاكيد انه غــــــــــــــلطان ,,
وزي ماتفضلتي,,,انا ماابغاه في وجهي 24 ساعه ولكن وجوده معاي
ضروري..لازم يكون موجود..
مااقول اسهر معاي وخلك معاي كل الوقت..من حقك انك تكون مع اصحابك
بين فتره والثانيه عشانك..ولاني احبك..

اما موضوع الضرب..فهذا اسلوب العاجز..مايعرف وسيله للنقاش
غير انه يمد يده..اللي اكيد راح يجي يوم ويكسرها "أحد ما"
ومافيه قوي الا يجي اللي اقوى منه :)

[wildorchid]

معقول..كلامك معقول

بس هذا الرجل الطبيعي الخالي من عقد النقص..ومركباته..
الرجل اللي يخاف الله في هالمخلوق الضعيف اللي اصبح جزء منه

وصدقت لما قلت ان كثر الكبت ممكن يؤدي الى الانفجار..واي انفجار :(

اي عقل في اني اقبل ان انسانيتي تنلغي وان حقوقي تهضم؟
هل لو تبادلنا الادوار راح يقولون نفس الشيء؟
من لا يرحم لا يرحم....

تقول ان الأهل لازم يختارون لبناتهم ازواج صادقين؟
ومن وين تعرف؟
للأسف احنا في مجتمع مالنا فيه الا الظاهر..
العقد والامراض النفسيه والاخلاق الفاسده عمرها ماتطلع للنور
بطيخه؟
ممكن :(

الحفار
1- اتفق معاك في هالنقطه..كيف نكون ازواج ولسه باقي بينا حواجز
2- لا طبعا..ممكن يحكي بأدب ويقول ان تصرفاتها تضايقه واذا هي
تحبه راح تسمع كلامه..طبعا ممكن تناقشه عشان تعرف ليش..
3- دا بعده :) ولا يلمسني
4- الصبر من غير مايحاول يقرب منها او يفهم سبب تصرفاتها او
يحاول يعدلها هو مجرد مضيعه للوقت..
5- الزوجه الثانيه من الباب ..هي لازم تطلع..ماتقعد
6- حل برضه...بس برضه لازم يعرف ليش هي تسوي كذا
7- اهيء اهيء :)

[wildorchid]

تراني ماخلصت