نحتـــــــاج الى اعادة تأهيـــــــــــــــــــــل !!!!

[heartking]

طيب ليش احترام المراءه العامله بالمجال الصحي فقط???وانا اعتقد ان المراءه هي اللي تفرض احترمها مو تستنى ان تعطى هذا الاحترام.....واللي قاعد اشوفه ان كثير من بناتنا هداهم الله قاعده تفرض علينا اشياء اخرى لاتمت الى الاحترام بصله!!!!!!واللي مو مصدقني يروح يشوفهم في المستشفى العسكري :(

[بياع القلوب]

هارتكينغ
هلا بك
ورايك رهيب
بس انتظر تعليق اوركيد على ردك ... وبعدها لي تعليق اخطر من هذا ...
أكيد عندها وجهة نظر في هذا الشيء... صح ؟

[wildorchid]

نعم,,
في ظل التطور الذي احدث كثيرا من التغيرات في مجتمعاتنا
نحتاج الى أعادة تأهيل مجتمعاتنا..لأنها لازالت ترفل في الظلمات..

ظلمات كثيره..للأسف ان الأميه لا تعد واحده منها..حيث التعليم
أخذ طريقه في الانتشار..
ولكن للأسف الشديد ايضا..فكثير ممن بلغوا درجات عاليه في التعليم
لازالوا بحاجه الى التأهيل..
تأهيل في ماذا؟ولماذا؟
تأهيل في التالي,,
1- احترام الغير..مهما كان موقعه ووضعه الاجتماعي..
2- استخدام السلطه على اوجهها الصحيحه..وعدم استغلال المنصب,,
3- احترام الممتلكات العامه والمحافظه عليها..(والغاء مبدأ
جلد مهوب جلدك جرّه على الشوك)
4- معنى المواطنه واهميتها..
5- تقدير اهمية الاخلاص في العمل..والمحافظه على اوقات الدوام
6- استنكار الوساطه ونبذها..
7- نبذ المباديء المزدوجه..
8- احترام المرأه العامله في القطاع الصحي..
9- الابتعاد عن الاشاعات ونشرها..
10- محاربة الرشوه والغاء المحسوبيه..

همممممممم
ولازال هناك المزيد,,

[عسل]

معاي حموضه .. :(
-----
عســــــ اه يا بطني ــــــــــل

[wildorchid]

سلامتك,,

أوركــــــ يا دمك يااخي ـــــــــــــيد

[عسل]

اوركيد ..زينتاك لو سمحتي :(
-----
عســـــــ والا صيدلانيه على الفاضي ــــــــــــل

[wildorchid]

اشبع بالموضوع,,

سلام

[عسل]

همممممممم والله طعمه رهيييييييييييييب .....بس معاي حموضه :)
-----
عسـ :)ـــــ قتل ام الموضوع ..ــــــــ :)ــل

[القط الوردي]

كلام جمــيل كلام معقول
مأدرش اقول حقه عنه
____________________
والله لو قراءكلامك واحد منهم
كان قال هذه وش اللي مو عاجبها
كل شيء في البلد تمام . هذه تتفلسف.

------------------
مشـكـلتي انــي ما أفهــم

[wildorchid]

عسل؟
طيب وين راح الزنتاك؟


البس المزكرش,,

فلسفه..ومن قال ان الفلسفه غلط؟ والا حاجات ماهي واقعيه؟؟

[عسل]

يا شين كـــــــــــــــــذا :)
------
عســــــــ تذكر بطنه تعوره ــــــــــل

[بياع القلوب]

اوركيد

8- احترام المرأه العامله في القطاع الصحي..

نقطة هامة للنقاش,,
لكن احترام المرأه مطلوب ف يقطاعات الحياة جميعها ، في عملها وبيتها ايضا ..

تحياتي

[الحفار]

ايه يا اوركيد
قابليني اذا تغير شيء الى خمسين سنه قدام

------------------
ماهو صحيح ان البشر سهل ينسون
وشلون ننسى والظماير تنــــوحـي
هــم وغم وليل واحزان وشــــجون
يالله تعيــن القلـب وتعـيــن روحـي

[القط الوردي]

أوركــيد
هم اللي يقولون فلسفة :)

[ma3gool]

اييه..ومن سمعك..الناس الفاهمين اللي زيك تراهم قليل..المتعلمين او اللي يسمون نفسهم متعلمين للاسف مو كلهم فاهمين..لان تفكيرهم محدود وكل واحد يعيش ليومه ولا يفكر في المستقبل..ماهمهم الا تجميع الفلوس والتقاعد في الاخير مع اربع حريم وكومه من العيال والبنات... :(للاسف هذا واقع مجتمعنا..مافيه تقدم للاسف الا يتاخرون ويرجعون الى الخلف..

اجل بذمتك قد خبرتي في ايامنا هذي ناس متعلمين ويسمون نفسهم مطاوعه ما يصدقون ان الارض كرويه!!!!واذا قلتي لهم طيب والصور الحيه اللي اخذوها من الفضاء!!يقولون لا..هذي خدعه من امريكا...منتهى التخلف والرجعيه..
الله يستر بس....

------------------
كل شي معقول

[heartking]

صح يابياع

------------------
اذا عندك ياهو مسنجر ,تقدر تضيف اسمي عندك{heartking99_4you)

[wildorchid]

أهلين بالجميع,,
بياع..
وش معنى رقم ثمانيه هو اللي عجبك؟
ليش مانحلل كل نقطة على حده ونشوف,,

على العموم
احترام المرأه العامله في المستشفى على وجه الخصوص,,
أقول لك ليش مطلوب..
لأن الناس الى الآن لازالت تنظر الى المستشفى نظره متشائمه جدا
خلينا نقول انها نظره دونيه..بحيث انه يسمى مكان موبوء..
تخيل؟
انك تكون متخرج وكلك طموح ورغبة في تحقيق اشياء كثيره وتصدم
بان النس اللي انت تخدمهم يطالعونك باحتقار..
مع انك وبشهادة كل اللي انت اشتغلت معاهم اثبت احترامك ووجودك..
هذي النظرة ممكن تأثر على ناس كثير وتخليهم يمنعون بناتهم من ممارسة المهنه باي شكل من الاشكال..
واللي ذكره Heart King عن نوعية من البنات موجوده في العسكري هم شواذ
وللأسف انهم محسوبين علينا,,
كل انسان بغض النظر عن نوعه يقدر يفرض احترامه على الجميع ولكن هل يستاهل
الموضوع اني اتحمل كلام ماله داعي؟ والا اسمع كلام من مرضى غير محترمين؟
والا من ناس يحسبون انهم يفهمون؟

[wildorchid]

هلا الحفار,,
ليش التشاؤم بس..
لو انت ربيت عيالك كويس..راح يصير التغيير وبعد خمسين
سنه راح تشوف اللي انت تطالب فيه,,

[wildorchid]

أهلين معقول..
صدقت..
مو كل واحد معاه شهاده صار قمة الوعي والنضج.
بس حكاية ان الارض ماهي كرويه هذي قويه جدا..
وكله على ظهر امريكا..كوسيله للتسكيت وقمع اي رأي معارض..

لازال ينقصنا الكثير..
نحتاج ان ننفض الغبار عن عقولنا وان نعطي أفكارنا ودماءنا الجديده
الفرصه في ان تتنفس..
تعبنا من الاستبداد وفرض الأراء الخاطئه وجعلها قواعد..
آن لنا ان نتحرر من عقدنا لكي نلحق بما فاتنا..
فلم يعد هناك الكثير من الوقت

[بياع القلوب]

اوركيد
باقي النقاط تعتبر عادية بالنسبة لي
لكن فعلا عمل المرأه في المجال الصحي شيء مهم جدا ، ناهيك عن اوقات العمل التي احيانا لا تناسب تكوين المرأه وظروفها الاجتماعية وخاصة عندنا..
وبالنسبة لنظرة بعض المتخلفين للطبيبات او العاملات بالمستشفيات هذي حالات تعبر عن مدى ضيق أفق عقول بعضهم ، وبعدين مين اللي ينظر لهن بنظرة دونيه ؟ شوفي البيئة اللي تعمل بها تلك المرأه وبتعرفين ليش تكلموا عنهن بكل سوء بدون وجه حق..


وبعدين لحظة هارتكينغ
انت قلت مستشفى عسكري ؟ يعني المرضي عسكر ، و شهاداتهم ؟؟ أو حتى الخلفيةالثقافية حقتهم ؟ ما يعرف من الدنيا الا المدرسة المتوسطة وعصا ابوه لما كان يرسب ويدخن مع ربعه ورا سور المدرسه بالقرية وبعدها شاف مركز التجنيد وما يمارس فيه من قتل للروح البشرية وبعدها شاف بنت عمه اللي لزقوها فيه بالغصب ،، وجاك وشاف بنات متعلمات واعيات ،اكيد بيتكلم عنهن بأشياء غريبة عجيبة ، ولما يشوف المقروده اللي جنبه كل شوي تتشكى من تعبها يلعن ابو حظه الردي (واللي ما يطول العنب ) ..
طبعا احنا ماناخذ برأي بعض هؤلاء الناس ...لكن نوزن المواقف بالعقل عشان ما نظلم أحد ..
ولي عودة للموضوع بعدين
سلام

[القط الوردي]

اهم شيء نحتاج تاهيله
هي النفس البشرية اللي
كل يوم بالنازل , اصبح الانسان
يتلدد بتشويه صورتة اخيه الانسان
وبنشر الاشاعات والفتن والضغائن
والاحــقاد .. اه كم نحن بحاجة لاعادة
تاهيل هولاء. :(

[wildorchid]

هلا بياع,,

بس فيه فرق انك ترفض فكرة عمل المرأه في المستشفى عشان الدوام
وأوقاته وانك ترفضها لأنها عيب..

ولو سمحت لا تقول خلفيات ثقافيه ولا تعليميه لانهم كلهم سواء..وان كانت
الفئه المتعلمه اقل تشددا من هذي الناحيه الا اني ارجع واقول انهم
في الغالب ينظرون نفس النظره,,

[wildorchid]

أهلين البس الوردي,,

والله صدقت..أنا أشهد ان احنا بحاجه لأعادة تأهيلهم,,
الغريب انه لا شهاداتهم نفعتهم ولا هذبت من أخلاقهم,,
ياعيباه بس..
ماتدري كيف يقدرون يعيشون مع انفسهم,,

[القط الوردي]

أوركــيــــد.....
اسمـعي وجـهة نظـري حول
عمل المرءة في المستشفيات:
أولا : النسـاء في اي مكان نوعين
نوع متربي ومؤذب وصاحبة ضمير
صـاحي , وهذا النوع الوحـده
منهم تحطيهاوسط مليون رجـال
وفي اي مكان وزمان وماتخافي عليها
سوى في مستشفى ولا غيره.

النوع الثاني وهي اللي بلا اخلاق
ولاتربيةأو مبادىء وضمير وهذه والله
لو شغلتيها بوسـط الـحرم راح
تفـسـد لانها اصـلا ذات نفس مريضة.

ثانيا: انا شـاهدت فتيات يعملن
في مستشفيات غاية في الاحترام والاخلاق
والــسمو الوحدة منهن تجبرك انك تنزل
عينك من الادب ...... وفي نفس الوقت
مروا علي فتيات بلا اي اخلاق او ادب
في اماكن يقال عن العاملات فيها انهن
افضـل من العاملات في المجال الطبي.

------------------
مشـكـلتي انــي ما أفهــم

[بياع القلوب]

اوركيد
صدقيني انا عارف الشعور لأن هذا الشيء موجود بعائلتنا كمان - العمل بالمستشفيات ..
لكن صدقيني الاحترام يفرض نفسه ، خلهم يتكلموا الين ينفقعوا لكن ما يصح الا الصحيح وبعدها الكلام يوقف ...

بياع

[wildorchid]

أهلين البس ,,
مو نوعين..
البشر انواع متعدده ,انت قسمتهم قسمين وانا اقول لك
ان بين هالقسمين كم قسم ثاني,,
ولكن تبقى المشكله في انه دايما الخبيث يطغى على الطيب..
ودايما احنا نميل الى سوء النيه في كل تعاملاتنا..
ماتفهم ليش ولا عشان ايش ابدا,,


بياع,,
طيب ولي متى راح نبقى ساكتين؟ ومتحملين؟؟
كل شيء وله نهايه,,بس متى؟؟

[بياع القلوب]

اوركيد
المفروض ما ننتظر احد غيرنا يبدأ بالمبادرة
المفروض الشخص المعن يبهذا الامر يكون حازم في قراراته ..بالاضافة الى التوعية الاجتماعية والفكرية مطلوبة من وسائل الاعلام (الرسمية ) بطرح هذه القضية للناس وتبين لهم حقيقة عمل المرأه الرائع ..
ابقول لك شيء بيعحبك جدا
كنت معزوم مره عن ناس ، وفي المجلس طبعا كان فيه واحد شبه مشلول وكان يتعالج وطاب وقام يتكلم عن معاناته من الاطباء وانه في يوم تعب مره بالليل وهو مرقد بالمستشفى وطلب الطبيب المناوب ، لكن ماكان موجود إلا طبيبة سعودية ، فقال أي شيء بس ارتاح من الألم الحين ، المهم جاته الطبيبة وبحجابها ونقابها وسألته عن تعبه وعطته العلاج اللازم وارتاح ،، المهم الرجال صار يدعي لها بالمجلس من قلبه ويقول هذا الشيء اللي يرفع الراس حقيقي انك تشوف طبيبة بنت بلدنا تتعامل بكل أدب واحترام .... طبعا هذا الرجال ماكان يعرفني زين بس لما عرف اسمي الكامل قام وحياني قدام الرجال وشكرني وقال الله يخليها لأهلها يا رب ... طبعا يااوركيد عرفتيها مين .. صح ؟؟

وهذا شيء قليل من الاشياء الرائعة اللي ممكن الانسان يسمعها عن المرأه العاملة وخاصة العمل في المجال الصحي ...
بياع

[wildorchid]

يابختك فيها :)

تقول لي الاعلام؟؟
من صدقك انت؟
اذا كان اعلامنا ورجاله هو عبارة عن نسخه مشوهه من هذا المجتمع
تتوقع انهم راح يقدرون يقومون ولو بشيء بسيط من اجل فرض الاحترام وزيادة الوعي؟؟

ياعزيزي..الاعلاميون انفسهم بحاجة الى اعادة تاهيل!!!!!

[بياع القلوب]

هلا اوركيد
هلا بك
ماشاء الله عليك ما نسيتي تردي على موضوعي حتى ولو بعد حين ..
شكرا لهذا التقدير :)

عموما ذكرتيني بموضوع الاعلاميين وتخلفهم ...
وسبحان الله وبمحض الصدفة كان عندي اليوم اجتماع عمل مع احد رؤساء تحرير جريدة ما بالسعودية في بهو احد الفنادق..
المهم رحت للموعد الصباح واتصلت به من البهو على جواله .. مارد
اتصلت بغرفته .. مارد
انتظرت بالبهو وشربت 10 كبتشينو واربع قوالب تشيزكيك
برضه مارد ..
تركت له رساله اني حضرت وتركت ارقامي ورجعت البيت
ومارد

اتصلت بصحفي يعرفه ايضا
مارد
؟؟؟؟؟
شدعوه ؟؟ اكلتهم الغوله ؟؟؟

تذكرت ان اليوم الخميس وامس الاربعاء ..
ويقولون الجسر امس زحمه شوي :)

اقول الله يخلف على عقول البشر من اقلام منعنشه :)

يتبع ....