View Full Version : عفــــــــــــويه أم سذاجــــــــــه؟؟!!
wildorchid
11-07-2000, 07:43 AM
مالفرق بين العفويه والسذاجه؟
وهل نستطيع ان نعتبرهما مبررا للتمادي في الخطأ؟
ولماذا يعتبرالساذج انسانا مسلوب الاراده؟؟
قادر على تحمل كل شيء؟؟
وهل يستخدمه الكثير كمتنفس؟؟
وبس!
<<<< هذا انسان ساذج...(يعني غبي)..(لاحظ وين يروح السهم)
العفوي ...يغلط مره وحده ..وينتبه...
الساذج....ما ينتبه :(
--------
عســــــــ وش كثر يكره..انه عسل ــــــــــــل
عاندني
11-07-2000, 08:15 AM
عسل وش صاير فيك
مانت عسل اللي انا اعرفه
اوركيد
انا افضل الانسان العفوي
لسبب واحد ان اللي في قلبه على لسانه على طول
اما الساذج
فهو انسان غبي يحب يطفر اللي حواليه
أصيل الليل
11-07-2000, 08:27 AM
يغلب على الكل ولكن لا يلاحظه أحد
الشخص الساذج يستطيع الكل أن يتلاعب به وللأسف منهم الكثييييييييييير
لا بعلمون أن هذه خلقة الله به وأن هذا طبعه وقد يخطئ كثيرا ولكن لا يمكن
أن نجعلها مبررا للأخطاء له
أما العفوي فلا تعليق
------------------
ياهل ترى العين خليلها
وتهوى رذاذ الشوق من بعد هاجر
wildorchid
11-07-2000, 09:04 AM
هلا عاندني,,
طيب كيف اميز بين العفوي والساذج؟؟
ماهو الساذج في احيان كثيره يقول اشياء المفروض
انه مايقولها ويحط نفسه في مواقف هو في غنى عنها..
العفوي نفس الشيء..ومع زيادة العفويه تنقلب الى
سذاجه أو حتى بلاهه..
العفوي ماعاد له اي قيمه في الوقت الحالي..
تعرف ليش؟
لانه عفوي وواضح يكذبونه الناس ويحسبونه غشاش وكذاب..
تعرف ليش؟؟
من مبدا كـــــــــــــــــل يناظر الناس بعين طبعه :)
wildorchid
11-07-2000, 09:10 AM
اهلين أصيل الليل :)
وين الغيبات؟؟؟
الحمدلله على السلامه :)
بالفعل الناس تستغل الساذج ...كثــــــــــــير..
ليش ؟!
لأنه ساذج فبالتالي الناس الباقين ماراح يشرهون عليه..
عشان كذا من السهل انه يكون لقمه سهله للرايح والجاي..
من دون انه يحس انه كان مستغل..باي طريقه كانت..ولا اكل
اي مقلب..مع انه ممكن يكون أكل أكبر مقلب في حياته :)
ولكن ..يستاهل..لأنه ساذج..وقلبه ماكلته القطوه :)
أحيانا نحب نكون ساذجين..ماهو غباء ولكن عشان نعرف نوعيه
الناس اللي معانا وهل راح يستغلون سذاجتنا أم لا..
واهي دنيا!!1
BRABUS
11-07-2000, 09:55 AM
أوركيد ....
ارجعي للمعاجم وبتعرفين الفرق :)
القط الوردي
11-07-2000, 11:14 AM
السداجـــة هي قمــة
العـفوية.
فيماالعفوية بااعتدال
هي صفة حميدة.
------------------
مشـكـلتي انــي ما أفهــم
ساهر الليل
11-07-2000, 11:59 AM
** مساء الخير اختي العزيزه اوركيد :)
-- بصراحه ما تكتبينه دائماً روائع نعجز كثيراً ان نناقشها او نرد
عليها لانها فوق مستوى النقاش ولا تحتاج له .. بدون مجامله ..
-- اسمحيلي بكلمه حول موضوع السذاجه والعفويه وان كان ليس فيها اضافه
-- اعتقد ان العفويه مطلوبه في كثير من الاحيان فما اجمل ان يتصرف الانسان على طبيعته بدون افتعال شخصيه اخرى غير الشخصيه الحقيقيه له
لكن يجب ان تقنن هذه العفويه فهي لا تصلح في كل مكان وزمان ويجب ان يصاحبها ذكاء والا تحولت الى سذاجه ......
لايمكن التمييز بينهما الا بمعرفه تامه للشخص الذي امامنا ..
*************
لكِ تحياتي
------------------
وسترجع يوماً يا ولدي ..
مهزوماً .. مكسورالوجدان ..
وستعرف بعدرحيل العمر..
انك كنت تطارد خيط دخان .
ساهر ..تحياتي :)
-----
عسل
wildorchid
11-07-2000, 12:12 PM
اهلين البس...
نعم اتفق معك..الى حد ما..
بس أقول لك شيء...
بأمكاننا ان احنا نخلط بين الاثنين وبسهوله..
تعرف ليش؟
لان احنا صرنا نفسر اشياء كثيره على حسب مااحنا نبغى
ووقت ما نشوف ان هالمسمى يناسبنا أكثر....
القط الوردي
11-07-2000, 12:16 PM
صــــحـيــح :)
سليمان.
11-07-2000, 12:18 PM
العفويه برائيي هي تلك الكلمات البريئه الصادقة التي ينطق بها اللسان ونابعة من القلب الابيض الذي لا يقصد من ورائها الا كل خير ولكنها للأسف تتحول لسذاجة عندما تنطق في العفوية في غير وقتها.
هذا هو رائيي واعذروني على رائيي.
------------------
توقيعي هو رضاكم علي
wildorchid
11-07-2000, 12:19 PM
مســـــاء أو صباح الأنوار ساهر :)
هذي كلمة اعتبرها شرف لي من انسان مثل حضرتك..
أشكرك..واتمنى ان كلمة شكرا توفيك حقك :)
بــــــــالفعل..
الانسان مطلوب منه انه يكون على طبيعته..
ولكن الناس صارت ماتصدق انك فعلا على طبيعتك..
وبالفعل ايضا تحتاج للذكاء..عشان تعرف متى وكيف وعشان
ايش تكون عفوي..
لأن فيه ناس ماتستاهل انك تتبسط معاها ولا انك تنزل لمستواها
لانهم ماراح يفهمون ولا راح يقدرون حقيقة من تكون..
يعتقدون انك ساذج لانك انت زي ماانت..من غير رتوش..
دائما الناس تحترم المتصنعين..لانهم يبانون أقوى..وافضل
بكثير مماهم في الحقيقه..
تحياتي ,, :)
wildorchid
11-07-2000, 12:41 PM
هلا سليمان :)
ليش تعذرك؟
بالعكس رايك على العين والراس :)
بس يا ماجارئم كثيره صارت وكان مبررها ان هالانسان
ســـــــــــاذج..ماعليه شرهه :(
شجون المحبه
11-07-2000, 12:41 PM
مرحبا ...
العفويه جميله في علاقتنا العميقه القريبه منا ولكن احيانا غصب عنا لابد من ان نحرص على عدم وجودها في اغلب علاقاتنا اليوميه والرسميه ...
حيث ان هذة العلاقه تفرض علينا بروستيج معين واسلوب معين ...يعني لابد لنا من لبس اقنعه وان كانت بسيطه ...اي ان نفكر جيدا قبل ان نتكلم ..ان نعرف ما سوف نقول ..نحاول ان نكون اشخاص دبلوماسيين في حياتنا وفي اسلوبنا ...
زان اردنا ان نكون عفويين لن نستطيع ان نكون كذلك الا مع انفسنا او مع من نحب .....
السذاجه شيء متعب وغبي ....لا يعرفه الا من يجهل معني الحياه ....
------------------
شجـــــــــون