اشياء يحتار منها الجميع ؟؟؟؟؟؟؟؟؟

[متلبك]

اول هذي الاشياء دار العجزه وعندما ارى شيبان وقد رماهم ابنائهم في هذه الدار والا يسئل عنهم والا يعرف مصيرهم هذا بالنسبه لمن لهم اولاد اما من ليس لهم احد بالدنيا فنقول معليش ولكن انت ايه الابن يامن رميت ابيك او امك ونسيتهم وين البر فيهم ومن اللي نساك اياهم .
الله لايبلانا الا باحسن بلوى ويخليهم لنا ويقدرنا علي رد جميلهم .
.................
ثاني هذه الاشياء هي العطاله والشباب اللي متنثرين في كل مكان بدون عمل وكم واحد مسكين طقته الشمس يبحث عن وظيفه وماحصل شي حتي الشركات صارت ماتقبلهم حتي كباين التلفونات صارت تتعذرهم والمحلات وكل شي علي كثر هالعماله اللي ماليه االشوارع والمحلات وصدقني لو فكر هالشباب انهم يطلعون ويجيون بفيزه كان حصلو عمل يمكن يقول واحد ان الشباب مو كفو للعمل يشتغل يومين وبعدها يمسك الباب اقول اصابع اليد ماهي واحده واكيد ولد النعمه ماهو مشتغل وهو عايش بترف ومدلع من امه وابوه ولكن اللي علي قد حاله وامه وابوه ماعرفو يعيشون اخوانه الصغار وشلون يعيشون واحد عمره فوق 25 سنه الله يعين بس من اللي جاي وشبيكون الحال مادري لكن يارب تستر .
.................
ثالث هذه الاشياء التسلط الاداري ومحاربت الموهبين لماذا لان ابن عم المدير يريد مكان هذا الموهوب والناجح بعمل او صديق المدير ولكن هذا الموهوب وهذا الناجح ماعنده غير الحق وكلمة الصدق مايعرف كيف يلتصق بالمدير ويشيل البشت ويقول حاظر ياطويل العمر الله يخليك لنا ذخر واذا صرف له خارج داوم قال الله لايحرمنا من عطاياك اي عطاياك هذا ماهو من جيبه والا تعب فيه لكن نبقي نعاني من هذا الفئه التي اتمني ان تزول عن مكاتبنا واعمالنا لكن لن تزول بل ستزيد والله يعين علي هالاشكال وبس
.......................
باقي اشياء كثيره تحير بس يالله اخترنا ثلاث من عشرات

[عبودي 1]

اما من ناحية دار العجزة فهذا اعتبره من عدم البر بالوالدين الا في بعض الحالات النادرة جدا
اما البطالة فهذا علمه عند الحكومة
اما من ناحية محاربة المهوبين
فكونا عندنا في اللملكة معهد المملك عبدالعزيز ورجاله لرعاية الموهوبين


------------------
اذا دعتك قدرتك لظلم الناس فتذكر قدره الله عليك .
..................
للمراسلة
----------------------
abodi1@swalif.com

[click]

متلبك
صبحك الله بالخير
بر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدينبر الوالدين.بر الوالدين.برالوالدين.برالوالدين.بر الوالدين.برالوالدين.........تبي بعد ؟؟؟؟


الموضوع الثاني:
تدري وش حله ؟؟
الحل شفته في كندا
حسب القانون ونظام الدوله والدستور اقل راتب في كندا كلها هو 1000 دولار
واي مواطن ما يحصل وظيفه باكثر من 1000 دولار يعتبر عاطل عن العمل ويصرف له اعانه شهريه من الدوله بالاضافه ان الدوله تبحث له عن عمل لانها تبغى تنفك من الاعانه اللي تعطيه
تصور لو عندنا اقل راتب 3000 ريال
هل من الممكن انك تحصل شاب سعودي واحد عاطل عن العمل ؟؟؟

الموضوع الثالث: المحسوبيه http://www.swalif.net/swalif1/ubb/frown.gif http://www.swalif.net/swalif1/ubb/frown.gif http://www.swalif.net/swalif1/ubb/frown.gif http://www.swalif.net/swalif1/ubb/frown.gif داء ينخر في جسم الوطن

[سفير]

يا هلا وغلا بــ متلبك .. http://www.swalif.net/swalif1/ubb/smile.gif (صاحب المواضيع الرائعة)
كيف حالك؟ إن شاء الله تمام.. http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

شي نوعية من الناس تنكر المعروف .. للأسف تنكر معروف منو؟؟ أعز الناس .. الوالدين .. وليش؟؟علشان زوجاتهم (معظهم)..
الله يهديهم بس ..


أما الوظائف فمشكلتها كبيرة .. للأسف شي ناس عندهم شهادات عليا ما يحصلون وظايف .. أنا اقترح يطردون أو يقللون من العمالة الوافدة علشان يكون هناك وظائف لأبناء البلد ..


في هذا الزمن للأسف الواحد لازم يجامل علشان يترقى ..

------------------
وصلاوي يا لون الذهب

[عسل]

هلا وغلا بسيد الموهوبين انت http://www.swalif.net/swalif1/ubb/smile.gif
موضوعك اكثر من رائع ...ارد عليها من البيت ok

------------------
ولد ابوي

[heartking]

رضا الله من رضا الوالدين. بر الوالين موصى به في القرآن والسنه.

العطاله مشكله دوليه وعشان تنحل لازم يتعاون القطاع الخاص مع الحكومه بتوظيف شباب الديره بدل هالاجانب الي مملين البلد.

التسلط الاداري لن يتوقف الا بالوطنيه والانتماء للوطن والخوف من الله.

------------------
كل من حبيت في حبــه رسب
..........................النتيجة تشكي أحـوال الظروف
القلوب بوقتنــــا تهوي كذب
......................والصدق يموت من طعن السيوف

[ma3gool]

متلبك
بر الوالدين سلف ودين.. واللي يرمي ابوه او امه في دار العجزه او يعاملهم معامله سيئه لابد ان الايام تدور ويسوون عياله زي ما هو سوا..
فيه نقطه ثانيه ان بعض الاباء الله يهيهم دايم يلعنون ويسبون في عيالهم على ادنى غلطه وهذا له دور في قسوة قلوبهم لاحول ولا قوة الا بالله
اما عن البطاله..
بصراحه عندنا مثلا في السعوديه شبابنا اغلبهم كسولين ولا يحبون الاشغال اللي يقدر عليها الاجانب هذا ناهيك(حلوه ناهيك) على انهم يحبون النوم ودايم يتأخرون عن الدوام..
والاجانب مساكين ما غير كرف وراتب قليل ولا يفتحون افمامهم بكلمه..طبعا مو كلهم..

التسلط هذا سالفته سالفه..كلها من طريقة الكبار ومشوا عليها الصغار..
وهي الواسطه الله يطولي في عمرك وهي سبب دمار البلد وتلاحظ قلة الولاء للبلد بسبب الواسطه..


------------------
كل شي معقول

[بنت الديره]

بصراحه انا اذا تزوجت أفكر اجيب عشرين من الابناء
لعل وعسى يطلع منهم البار
الله يرحمنا برحمته
اما بالنسبه للبطاله والله ياأخ متلبك اللي يبي شغل
يلقى بس حنا شبابنا للاسف شبابنا مايبون يتعبون
يبي شغل مريح والراتب اخر الشهر
وحده من صديقاتي لها اثنين من أخوانها مالقيوا وظيفه
تدري وش سوو والله تقول إنهم يروحون حلقة الخضره ويشترون
من الحراج حق الخضره بعد صلاة الصبح مباشرة الكرتون يكون
مليان وبعشره ريال يشترونه وبعدين يقسمونه في اربعه كراتين
صغيره ويبيعون الكرتون بعشره يعني يكسب 30 ريال بالكرتون
الواحد تخيل اشتروا بخمسميه ربحه 1500
هذولا الشباب اللي يعتمد عليهم والله اعجبني تحملهم للمسؤليه
على قولة اخواننا لؤمة العيش تحب الخفيه
أما بالنسبه للموضوع الثالث فهذا اولا واخيرا راجع لضمير المسئول
ومراقية الله في عمله وعليهم ان يخافون الله هو راعي ومسئول عن رعيته
عليه ان يتذكر انه يوم يقف بين يدين الله ماراح يكون فيه واسطه
وسلامتكم

[wildorchid]

أخي الكريم متلبك..
والله فعلا اشياء يحتار منها الانسان..ولكن ؟؟؟

1- بر الوالدين من اعظم النعم التي اسبغها الله علينا
ورضاهم هو مفتاح لكل شيء في هالدنيا..
وزي ماقال معقول الدنيا سلف ودين..وكما تدين تدان
والتاريخ كله يروي لنا قصص ناس صارلهم نفس اللي سووه
في اهلهم..بالضبط نفس الشيء...

مااقول غير الله يهدينا ويصلحنا..
مااعرف كيف الواحد يهون عليه ويسترخص كل اللي سووه اهله
له..رمى حبهم ودعائهم له واهتمامهم فيه ورى ظهره ومشى
ورا هواه ونفسه الاماره بالسوء..
وصدقني ان اللي مافيه خير لاهله مافيه خير للناس http://www.swalif.net/swalif1/ubb/frown.gif

--
2- البطاله لها اسبابها ومن ضمن الاسباب:
- خلل في النظام التعليمي..
بحيث ان كمية الخريجين في بعض الاقسام تزيد وبصوره كبيره
عن الحاجه الفعليه للبلد - مع ان الواحد تستوقفه هذي النقطه
لان احنا بلد جديد فالمفروض ان احنا لسه بدري على تحقيق
الاكتفاء الذاتي في اي قطاع-

- المزايا والرواتب الغير مشجعه وعدم وجود ضمانات في القطاع الخاص
مما يجعل الشاب/الشابه لا يتقبل العمل هناك..
وخصوصا ان مافيه منظمه او هيئه تحمي الموظفين..
فمن امن العقوبه........

- عدم الاقبال على المهن اليدويه وذلك لعدم تقبل المجتمع
لها..وهذا غلط ولكنه في طريقه الى التصحيح انشالله..

- الواسطه والمحسويبه اللي خلن الواحد "يعاف" عمره..
لان الواسطه هي طريق يستخدمه الكثيرين وللاسف ان فرص كثيره
لشباب اكثر واكفأ سلبت منهم بسبب هذا "المارد"


3- فعلا
المجاملات والمحسوبيه لها دور كبير في عدم اعطاء الموهوبين
فرصتهم..
ويمكن هذا السبب في فشل كثير من الاعمال او المشاريع..
لانها اعتمدت على المجاملات اكثر من الكفاءه..

ودمتم

[متلبك]

اتفقنا علي حبهم واتفقنا علي البر فيهم والله لايخلينا منهم والا يحرمنا دعاهم لنا ويعيننا علي رد ولو شي بسيط من عطاياهم وسهرهم علينا
.................
شكرا لكم يالغالين علي ردودكم واعذروني علي التقصير لانشغالي عن النت الايام هذي لكن انا معكم في اي وقت رغم بعدي عنكم الا اني معكم

[متلبك]

اتفقنا علي حبهم واتفقنا علي البر فيهم والله لايخلينا منهم والا يحرمنا دعاهم لنا ويعيننا علي رد ولو شي بسيط من عطاياهم وسهرهم علينا
.................
شكرا لكم يالغالين علي ردودكم واعذروني علي التقصير لانشغالي عن النت الايام هذي لكن انا معكم في اي وقت رغم بعدي عنكم الا اني معكم