يارب تاخذ روح نونتان وتفكني منه ..

[دمعه]

السلام عليكم ورحمة الله وبركاتة
أنا دمعه جدامكم مافيني إلا العافية .. وهذا نونتان يباله فصل من هالمنتدى .. أنا مافتك منه في البيت حتى يطلعلي في النت ؟؟
والله أنه بلشة ..
بس كل الأعضاء اللي نزلوا تعازي .. واللي نزلوا مواضيع .. مشكورين .. وأختي موزة أنا رايحة أرد عليش بعد شوي في الإميل .. أوكي يالغالية؟؟:)
ومثل ماقلت لكم هذا نونتان يباله قطع رقبته مب بس فصل .. يارب تاخذ روحه وتفكني منه ..

[شوق الامارات]

هلا دمعه

كنت راح اصدق الموضوع ... بس الحمد لله انج بخيير

و الله يسامح نونتان ...

[دمعه]

تسلمين حبيبتي / شوق الإمارات

[شوق الامارات]

يسلم لي غاليك يا دمعه

و على العموم الف الحمد لله على سلامتك

و انشاء الله تسلمين من كل شر

[دمعه]

الله يسلمش خويتي // شوق الامارات

[BRABUS]

يا هلا اختي دمعه

والله ما أعرف كيف استحملتي هالكلام كله ... لو أنا مكانج كنت نحرته اليوم قبل باجر :):)

صدقيني حتى ما يستاهل تدعين عليه :)

-------------------------

أفا يا نونتان كل هذا يطلع منك انت

والله ما هقيتها منك

اصطلب شوي يا أخي ترى مشاعر الناس مب لعبه

[المعاند]

:rolleyes:

[دمعه]

BRABUS
كلامك صحيح .. بس ماقدر أكلمه أخاف منه .. ؟؟

[تفاحة]

يا عمري عسى عمرك طووووويل :)

والله اني صدقت // حسبي الله على ابليسك يا نونتان :(

تعيشين وتّكذبين دمعه :):) >>>> طبعاً تكذبين مثل هالاخبار :)

مو تكذبين علينا مثل نونتان :) <<<<<<<< توضيح

عساك سالمه دوم //

تحياتي //

[دمعه]

أنتي اللي عمري ..
تسلمين حبيبتي .. وخليكم مثل أخونا / جواد الليل ..
مايصدق إلى بالدليل .. ولا يهمك .. وإن شاء الله مافيه أي
أخبار مثل هالشكل عشان أكذبه ;)
تسلمي مرة ثانية..

[النابغة الطائي]

ما العلاقة بين نوتان ودمعة ... سؤال يستحق الطرح من جميع جوانبه الماضي والحاضر ... هذا عنوان بحثي القادم ..

[شقران]

الحمدلله انك متواجده

والله يسامح اللي نشر الخبر


قلت ماتت قبل ماتقرا الكوب ....ليه فايض عن الفنجان


عموما انا كنت مشكك لانك البارح كنتي معنا

بس يوم شفتت الردود شكيت انك مقتوله

تحياتي شقران

[دمعه]

يعني بتفتحله .. موضوع ؟؟ إذا سويتها ..
أنا راح أقولكم .. القصة من طأطأ لسلام عليكم ..
وعندي شهود بعد .. لكن ثلاثة هم إثنين أكيد راح يشهدون
والثالثة مادري عنها؟؟

[دمعه]

تدري أنك .. قتلتني من الضحك:)
وأنا لمن قريت موضوع نونتان قلت مسكين شقران ألحين أنصدم .. ماقريت له الكوب .. هههههههه

[marwah]

دمعه .. بالله هذااسلوب ينمزح فيه
متاكدة هوه صاحي بعقله

[همس السحر]

الحمدالله اني توني دشيت ولا شفت ذاك الموضوع قبل

بصراحة دمعة
لالالالا مرة ثانية قبل لا تموتين ولا يغمى عليك ولا تروحين في عيبوبة لازم تقولين لنا اول .. ترا ما عادنا مصدقين حد ييب عنك خبر :(

فعلاً الموضوع يحتاج الى تحقيق مشاعر الناس ما هي لعبة :) :)

[تفاحة]

صحيح نونتان حب يمزح وبالعيار الثفيل :(

لكن انا متأكده إنه مايقصد //

وإذا غلط اول مره نسامحه عاشر مره :)

المهم إن دمعه بخير :)


تحياتي //

[ليالي]

يوم اني قريت الموضوع وعزيت أمي كانت جمبي وتروعت
وتقول الله يرحمها :(
مساكين اهلها الله يصبرهم ومرة تأثرت أكثر مني حتى:(


يعني بذمتكم هذا ينمزح فيه
الصراحه الحمد لله انك أهم شيء بخير وكل شيء يهون
الحمد لله انها مزحه ثقيلة ثقليه وسخيفه مرة بس اهم شيء انك بصحه وعافيه ....


الله يصبرك
اختك ليالي

[mouza]

والله يا دمعه نزلت دموعنا من الخبر شو ها
ما يعرف ان الجذب حرام

[جاسم]

لا لحد يرد

هذي جنية دمعه

الحين ما ندري الصبح تلقينا خبر وفاتك الله يطول بعمرك اذا كنتي حيه والحين نتلقى خبر انك على قيد الحياه

مشكله الفيوزات احترقت
ما تقدر تجمع

وليش نونتان سوى كذا

وارجو التوضيح

[قطر الندى]

السلام عليكم ورحمة الله وبركاته..الحمدلله إنك أختنا بخير،لكن هذا نونتان ماله حق يسوي كذه،ترى مشاعر الناس ماهي لعبة..المهم أنك بخير.الله يسامحه.

[الطارق]

هلا دمعه:
على العموم نحمد الله أن هذه مزحه
و أن الخبر طلع مو صحيح وأنك بخير
برغم هذا فالمزحه ثقيله جداً
الله لايبارك في أبليسك يا نونتان :):)

[دمعه]

مشكورين كلكم .. :)
وتعال يا جاسم أنا ألحين شبح .. بووووووووووووووو بووووووووو
أبي أخذ روحك وباطقها طق .. بوووووووبووووووووبووووووووبوووو





















أنا أمزح يا خوي / جاسم ..

[جاسم]

ولو
يا دمعه

انا ابو المزح واتقبل الردود بصدر رحب

يا الشبح
بوووووووووووووووووو

[دمعه]

مشكور .. بوووووووووووووووووو
باحط هالكلمة في توقيعي :)
بووووووووووووووووووووووووووو

[home alone83]

معقووووووول دمعة تكتب؟؟؟؟؟!!!!!!

لا إله إلا الله أكيد هذي روح دمعة :(:)

هاي روح دمعة :(:):(:) LoOoOoOoOoOoL

باي روح دمعة:D

[Miss Internet]

والله حـرام عليك اتموت البنت وهي حية !!
انا صدقت السالفة :(
ســـلامـــــــــــات دمعة ;)

[دمعه]

هوم ألون
بوووووووو بوووووووو
عسى بس مانزهقت ... هههههههههههه
والله السالفة تضحك .. أتخيل نونتان ألحين مايبي أيي
مس أنترنت حبيبتي ..
الله يسلمك ..




شو رايكم إذا جا نونتان مرة ثانية نطقة بالنعل ؟؟
ههههههههههههههههههههههههههههههههههههههههههههههههه

[هند93]

حسبي الله ونعم الوكيل

لو شفته مره ثانيه اذبحه

أهلا دمعه زعلنا حيل ، بس المهم إنك بخير والله لا يجيب مثل هالأخبار ابد

[جاسم]

زين سويتي يا دمعه

حطيتي في توقيعك بوووووووو بوووووووو

علشان يعرفون انك شبح

[ريانة]

اهم شي حمدالله على سلامتك اختي الغالية

وبعدين يا جماعة لاتقومون كلكم على نونتان....حرام

صحيح هو غلط وغلطة كبيرة بعد....بس اتمنى يكون درس له..مشاعر

الناس مهمة والمفروض انك ماتتلاعب فيها....وانا متأكدة ان مزحتة

من غلات دمعة...بس اسلوبة غلط في التعبير عن مشاعرة

الله يهديك خليت الجماعة كلهم يوقفون ضدك....مبسوط يالله وريني كيف

بتراضيهم...تأكد ان اهل المنتدى قلوبهم بيظة وينسون بسرعة

بس لاتعيدها مرة ثانية:)

[دمعه]

مشكورين كلكم

أخوي جاسم .. أنا أعجبك .. عشون عيل .. لازم الكل يعرف بموتي
ههههههههههههههههههههههههههههههههههههههههههههههههههههههه

أخويتي هند .. مشكورة

أخت / ريانة .. ماتوقع أنه بيدش سوالف مرة ياية

[زهرة الليلك]

الله يهديه بس .... وخله يعقل مرة ثانية

من هالموقف الحين أنا متأكده ان عمره مايزيد عن 13 سنه حتى اللي بهالعمر يمكن يفكرون شوي قبل مايكتبون هالكلام :)

[الغربال]

والله الذي لا اله الا هو يا دمعه بما اننا هنا في السعوديه فرحانين بتأهل المنتخب للنهائي وطبعا كل العالم فرحانه في الشوارع الا انني كنت دايم افتكرك في وسط الهيصه الي حاصله على العموم الحمد لله انها طلعت كذبه خبيثه مثل صاحبها وارجو من الله ان يديم عليك وعلى جميع الأخوان في النتدى بالصحه والعافيه وانا منهم ان شاء الله .






وما تشوفين شر .



اذا اكن ممكن ترسلي على الأيميل قصه الوسخ هذا .

[دمعه]

اهلين .. صباح الخير حبايبي
زهور ..
عمره أهوى 22 سنة ويمكن 21 سنة ماني متأكده ..
بس والله تصرفاته حتى أخوي اللي عمره 4 سنوات مايسويها ..


الغربال ..
مشكور على تذكرك لي ..

[زهرة الليلك]

يعني بعمري .. بس أنا ما أسوي هالحركات :)
الله يهديه بس :)

[دمعه]

دائماً البنات أهدء وأعقل من الأولاد ..