سوالف للجميع - الراي بتاعي

S2000

09-12-2000, 04:20 PM

السلام عليكم:

شباب استحملوني شوي ان طولت عليكم أو طفشتكم.. اتمنى أن أقرأ

رأي المعارض قبل المؤيد..

كل ماأردت قوله هو انه بوسعك الحصول على كل التفرد والتميز

والجمال وحتى شخصيتك الخاصة على سيارتك المفضلة بقليل من

الفهلوة :).. على الشكل الخارجي فقط!!

طيب.. أنا راح أدلي برأيي والأجر على الله.. قم بامتلاك سيارة

ماركة هوندا(بأقل من 60 ألف).. ركب الجنوط 17 او 18(وماشاءالله

ياكثرها ورخصها في الإمارات) وأهم شي ركز على مقاس الكفر

(الجنوط مع الكفرات مو أكثر من 4000 ريال).. الزوايد وهنا

بالذات (أتفلسف) يعني انت وذوقك.. كل ماكانت الزوايد أنعم,كل

ماكان الشكل الخارجي أجمل وأهدأ وأقرب للشكل الأصلي..لكن اذا

كنت من هواة التنفيخ فبرافو عليك لأن هذا هو حقها (بس لاتحاول

لأن فلوس ماعندي ;) ) ..والمجال مفتوح للمزيد من الإضافات..

كل ماذكر راح يخلي موترك الهوندا شي غير طبيعي وملفت في حدود

ال 70 ألف.. قارنها(خارجيا) بطيبات الذكر

EVO,AMG,Mpwer,AUDI S

بسعر يفوق ال 250 ألف..لاتعليق‍‍‍‍‍‍!! مع العلم أن مكينة الهوندا

CIVIC 160HP قوية وممتازة جدا (أنا أمتلك مثلها) وتمشي

الحال ;)..

عموما..الكلام اذا لم يدعمه الدليل فراح يدخل من هنا ويطلع من

هناك (هناك فين الله أعلم) ;)..

http://i10.yimg.com/10/1212b1dc/h/74743116/shot74.jpg

http://i10.yimg.com/10/1212b1dc/h/b769c041/shot23.jpg

وهذي بونس عشان لايزعلوا علي بشكة الأوروبي :)

http://i10.yimg.com/10/1212b1dc/h/79e29005/SLK.jpg

وشكرا على رحابة الصدر..لاتخافون شهرين بوقف كتابة ;)

* ليش الكلام محذوف لليمين!!؟؟؟

NFS

10-12-2000, 02:37 PM

ما تنفع الكامري أو المكسيما أو حتى اللومينا؟

وعلشان خاطر المرشد وCL600 ماتستوي في الـOMEGA?

Okay:-
ممكن تحط صورة لسيارتك و تخلينا نشوف التعديلات الي سويتها فيها؟؟

S2000

12-12-2000, 04:18 AM

أفا يا NFS وكيف ماتنفع الكامري واللومينا والمكسيما بس يعيبها كذا كم شغلة على الطاير:

1- الضعف الواضح لمحركاتها الأساسية مقارنة بعدد الليترات (بالذات للأربعة سلندرات).

2- قلة أو بالأصح عدم توفر ال ACCESSORIES للسيارات إللي ذكرتهم وخاصة في دولة مثل أمريكا أو تايوان.. وحتى لوتوفرت فسوف تكون تحت الطلب فقط وبالتالي سعر أعلى بكثير (عن تجربة) من أسعار قطع الهوندا.

3- بالنسبة للومينا فهي سيارة أسترالية الصنع ومن الصعب جدا عمل REPLACMENT لأي قطعة فيها.. بالذات القطع الميكانيكية.. بعدين والله مسكينة اللومينا هذي, جربكسها راح يستحمل إيش ولا إيش :) . (ال SS طبعا)

4- وبكذا فضيت الساحة لماركتين فقط, هوندا أو ميتسوبيشي.. طبعا لاتحاول تقنعني إن المتسو أفضل من الهوندا (ممكن الشكل يلعب في صالح المتسو أد كده) ;).

5- NFS , القرد في عين امه غزال.. صح ولا لأ‍‍‍‍؟؟ عشان كذه شهادتي بتكون مجروحة في سيارتي لو قلت انها شي COOL أو خطير.. عشان كذه أنا حبيت أعرف انت من فين عشان لو كنت قريب هنا أو هنا ابي أشوف حقتك وتشوف حقتي (طبعا سيارات) ;) ورأي من عندك ورأي من عندي بنوصل لل TOP ان شاءالله.

شكرا NFS.. ( بس كأني سمعتك تقول OMEGA ) ;)..

12-12-2000, 06:18 AM

مرحبا اخ S2000 بس عن الهوندا ال160 حصان مع ايش تمشي مثلا : مكسيما او كامري جراندي او بورا v5 h ..........

نسر

12-12-2000, 04:46 PM

http://www.lltek.com/images/TT_front_and_side.jpg
http://www.lltek.com/images/TT_back.jpg
http://www.lltek.com/images/a6hecka_small.gif
http://www.lltek.com/images/a6_m_wing_02_mini.jpg
http://www.lltek.com/images/silver_a6_front_01.jpg
http://www.lltek.com/images/silver_a6_overall_02.jpg

E55

15-12-2000, 04:01 PM

أما سالفة "الضعف الواضح لمحركاتها الأساسية مقارنة بعدد الليترات" ما عجبتني بالمرة

خلينا نشوف ....

هوندا أكورد V6 - 3.0 و 24 صمام + VTEC وبقوة 200 حصان

الكامري وبنفس المحرك (ما عدا VTEC) بقوة 213 حصان

المكسيما وبنفس المحرك (ما عدا VTEC) بقوة 227 حصان

الأوميجا وبنفس المحرك (ما عدا VTEC) بقوة 210 حصان

السؤال هو : وين أضعف محرك V6 بين هالأربعة ؟؟؟؟

السؤال الثاني : انتوا ليش تكرهون اللومينا SS ؟

شو سوت لكم ؟؟؟؟ :)

NFS

15-12-2000, 04:19 PM

هلا E55 فينك غبت عنا كل هذي الفترة,,,,,,,
قلنا الرجال إعتزل ما يبغى يكتب في سوالف!!!

الحمد لله على السلامة:):)

E55

15-12-2000, 04:22 PM

هلا والله NFS :)

شكراً على سؤالك ، وأنا ما أستغنى عن سوالف

مثلي مثل غيري (القدامى والجداد) ولا تصدق أي حد يقول : أنا ما برجع لسوالف :):)

كلهم رجعوا ;)

ما وصلك الإيميل ؟؟؟

S2000

18-12-2000, 06:10 PM

السلام عليكم:

كيفكم شباب..والله لكم وحشة دايما..الله يدملنا هذي الوحشة والمحبة للأبد ان شاءالله (الا إذا في واحد عنده راي ثاني) :).

سلامي لنسر و s6 و NFS و E55 اللي بصراحة أعتقد انهم (بالإضافة إلى نفسي.. إحم إحم) من القلة القليلة الفاهمة في عالم السيارات الملغمة والمعدلة.

عزيزي E55.. معلوماتك مية في المية صح وماعليك خطا..بس أريد رايك بصراحة.. لو كانت الهوندا أكورد ال V6 مزودة بمكينة ذات كامتين (DOSH) مع نظام ال VTEC طبعا تعتقد كم بتوصل قوتها‍‍!! أها شفت اشلون :) (أنا أعتقد فوق ال 240 بالراحة).. لو تلاحظ ال NSX سعتها 3,2 و DOSH VTEC بدون توربو ولاسوبرشارجر تعطيك 290HP.. شي غير طبيعي..

الأكورد وهي ذات كامة أحادية ومكينة سعة 3000 تولد قوة مقدارها 200HP لكن الماكسيما وهي بمكينة DOSH بتولد 227HP .. لا وأزيدك من الشعر بيت.. الكامري وهي FOUR CAMS لاحظ أربع كامات وأربعة صمامات لكل أسطوانة و 3000 سي سي تولد بس 213HP!!

انا والله ماأحامي عن الهوندا بس مبيعاتها في أمريكا (وتجربة شخصية طبعا) تثبت ام هذي السيارات (حاجة تانية).. وسلامتكم.

اللومينا فوق راسنا بس مندوب مبيعات لجنرال موتورز بنفسه خبرني ان اللومينا فبها مشاكل في الجربكس وكلام الأصدقاء أكدلي نفس المعلومة لكن والله أنا أحبك يا E55 انت واللوميناSS كثر بعض.. ;)

E55

19-12-2000, 03:32 AM

أخوي S2000
إنت ذكرت نقطة محددة

(الضعف الواضح لمحركاتها الأساسية مقارنة ""بعدد الليترات"")

وهذا اللي أنا تكلمت عنه

بعدين أنا مستغرب من شركة هوندا وإستخدامها لنظام VTEC في هالسيارة ومع هالمحرك بالذات

لأن وحسب معرفتي ، إن نظام VTEC يحتاج إلى دوران عالي (على الأقل 8000 دورة) لكي تستخرج كامل قوته

وطبعاً هالشي صعب مع الأكورد لأنها مصممة بالدرجة الأولى لتكون سيارة عائلية رزينة وهادئة

إذاً ، ما الفائدة من استخدام VTEC فس هذا المحرك وفي هذه السيارة تحديداً ؟؟؟

مجرد سؤال وبالتأكيد كلنا نعرف إن الهوندا أكورد والتويوتا كامري من السيارات المرغوبة جداً في أمريكا

NFS

19-12-2000, 08:09 AM

^1

أعتقد "وإن شاء الله ما تكون معلوماتي خاطئة" إن محرك الأكورد عمل عليه بعض التعديلات بحيث إنه يولد قوة أقل من قوته الأصلية ، بسبب القوانين الأمريكية الصارمة بخصوص إنبعاث الغازات الضارة من السيارات "لا تنسوا إن الأكورد تستورد من هناك".
فمثلاً محرك الكامري يولد 194حصان والماكسيما يولد XXXXXXXحصان ، وهذي أرقام أقل من الموديلات الي عندنا!

نقطة ثانية : السيارات الهوندا والسيارات اليابانية بشكل عام عزمها متدني على السرعات المنخفضة "أقصد سرعة المحرك" ، يعني لازم تخلي المحرك يدور على سرعات عالية "بس مش ضروري 8000RPM" علشان يعطيك تسارع جيد السبب واضح وهو سعة المحرك الصغيرة وعدم توفر الـTURBO إلا في موديلات قليلة جداً....

معلش يا أخ S2000 عندي لك بعض الأسئلة إذا ما كان عندك مانع :-
1)- كم تسارع سيارتك و إيش هي أعلى سرعة وصلت لها؟
2)- هل تسابقت مرة مع أحد وغلبته؟(رجاء خليك صريح:))

بالنسبة لي أعلى سرعة 200كلم/ساعة على سرعة6000RPM "الخط الأحمر يبداء من 6300RPM" والتسارع أعتقد"مش أكيد" 9 ثواني...
سباقتي "إحم إحم" ، مرتين مع كامري . مرة في التسارع وأنا غلبته "لأن هذا الشيء يعتمد أولاُ وأخيراً على مهارة السائق" ثاني مرة في السرعة القصوى ولكن:(:(:( عداني لأن سيارتي كاربوريتور مش بخاخ....

E55

19-12-2000, 04:12 PM

كلامك صحيح يا NFS

ونفس النظرية مطبقة على محرك الليجند مع إن سعته أكبر من سعة الأكورد لكنه يولد نفس القوة (200 حصان)

S2000

20-12-2000, 06:40 PM

والله يا اخوان E55 و NFS انتم تثبتولي يوم بعد يوم انكم موسوعة سيارات..ماشاء الله عليكم وعيني عليكم باردة :).

انت طلبت الصراحة يا NFS وعلى مايقولون الصراحة راحة..
شوف عد معاي:
مشيت مع الكامري V6 (يمشي الحال)
مشبت مع الكيا (سييء)
مشيت مع اللومينا (أفضل من الكامري)
مشيت مع المازدا 626 (جيدة)
مشيت مع البريمرا (أفضلها على الكامري)
مشيت مع الأكورد VTI (مممممم...مو بطالة)
مشيت مع ال GS300 (دحدرة..يعني مو قومة أرض.. وطايفه الين الصراحة 140KM نص عامود بس, انا اضحك على خوياني وأقلهم أنا معديه الين 180KM ) ;)
مشيت مع السوبارو ليجاسي GX 2.5 (وكان أفضلهم بشكل واضح..لدرجة أعتقد إني لو مافرملت بقوة(إنسحاب تكتيكي) على سرعة 150 والله كان سوالي فضايح..السيارة هذي بصراحة غير طبيعية ونبغى واحد منكم E55 او NFS يكتبلنا عنها بشكل مفصل وبالذات عن نظام الدفع المستمر على العجلات الأربع وأفضل طريقة تقوم بها مثل هذي السيارات)

الليستة اللي فوق (الضحايا) كلهم كانوا في مرايتي..بس بصراحة في سيارة وحدة أعترف ان الCIVIC 160HP مافي أمل تجيبها (إلا بعد كم حبة فلتر وبكرة) هي ال--------- ايش فرحتوا يعني عشان لقيتوا مين يكسر راسي ;) .. السيارة اللي ماطفتها هي الماكسيما وسلامتكم.

S2000

20-12-2000, 06:45 PM

كيفك حبيبي E55...

انت شفت اشلون..لو كنت تسوق سيارة بدون نظام ال VTECH أو بالأصح لو كنت تسوق غير الهوندا VTECH كنت بتكون واحد من الضحايا:).. أموت فيك يا E55.. ;)

NFS

21-12-2000, 04:08 AM

في أحد ثاني يعطينا القائمة "بتاعته":)

21-12-2000, 07:28 AM

اخ E55 ممكن القائمة حقت المطارحات حقتك .
و الاخوان اذا مافي مانع .
طبعا بصراحه :)

S2000

21-12-2000, 05:28 PM

حلوة :).. كل واحد يزودنا بقائمة لضحاياه مع ذكر مواصفات سيارة المطارح والمطارح عليه ;)

الله الله في الصراحة.. ليش مابديتوا انتم يا NFS و s6 !!

CL 600

21-12-2000, 09:29 PM

والسبب لأنّي ما أحب منازلات الطريق ... وبالذات بعد ماشفت حادث ( أولاد بن لادن ) بسيارة أودي A8 .... سامع يا S6 !!

E55

22-12-2000, 03:49 PM

S2000
المشكلة إني ما حصلت حد عنده هوندا يبي يجرب معاي ، كلهم يخافون :):)

NFS و S6
وإنتوا ليش ما تكتبون قوائمكم ؟؟

أنا قائمتي طويلة ، لأني أحب الـ Street racing وخاصة اللي عندهم سيارات ألمانية

أول ما خذت سيارتي 8/9/99 كانوا الكثيرين ما يعرفون شي عن اللومينا SS أو بالأحرى ما كانوا يتوقعون إن هالسيارة

بمحرك V8 ولهالسبب الكثير منهم كان يتجرأ علي في البداية ، لكن لما ننتهي ألاقي عيونه مفتوحه على الأخير

أول واحد جربت أتسابق معاه بعد ما خذت اللومينا كان عنده S500 بو دمعة "أو فياجرا مثل ما تسمونه" وكان عليها

تزويدات Lorinzer ، كنت خايف بصراحة لأني ما كنت عارف قدرات سيارتي ، والحمد لله تعديته لكن الفارق ما كان كبير

ثاني واحد كانت عنده أوبل أوميجا وهو اللي كان يريد يجرب معاي ... وبصراحة كان أسهل واحد أطوفه

ثالث واحد عنده CL500 الجديدة وبعد ما طفته أول مرة طلب إني أجرب معاه مرة ثانية ... وأيضاً طفته :)

رابع واحد عنده أودي شكلها كان S8 لكن ما أدري إذا هي S8 أو A8 وعلى فكرة هو شخص لا أعرفه ولا يعرفني

كنا واقفين مع بعض عند الإشارة وبدا السباق وما قدرت أعديه إلا بعد ما تعديت سرعة 100 كيلومتر ... وبصراحة ، كان أصعب واحد

خامس واحد وهذا اللي إستهزئت فيه مرتين ، كان مصمم إنه سيارته تطوف سيارتي (عنده مكسيما 98) في القومة

والمشكلة إن سيارته كانت أوتوماتيك ، المهم ما في داعي أقولكم على اللي صار .... لكنه ذكرني بصاحب الأوبل :)

GS300 (الشكل القديم) وما إحتجت إني أضغط على البترول كامل عشان أطوفه

وسيارات كثيرة ما أذكرها حاليا

لكن السيارة الوحيدة اللي أنا كنت ضحية لها :(:(

موستنج أعتقد إنه موديل 98 أو 99

كنت متقدم عليه لغاية 80 كيلو ، لكنه عداني على هالسرعة وهو رايح .... ساعتها حسيت إن سيارتي 4 سلندر وهو 8

لكن لا تفرحون .... الموستنج هذا كان معدل ، طبعاً صاحبه ما رضى إني أشوف المكينة ، لكن كل شي كان واضح من الصوت

ومن العدادات الصغيرة داخل السيارة ، حتى الكراسي مبدلهم

طولت عليكم ؟؟؟

يلله يا NSF و S6

نبي نشوف القوائم :)

لو سمحت يا S2000 ، ممكن أعرف نوع سيارتك ؟

23-12-2000, 12:01 AM

اولا كيفكم والعيد قرب وهدو اللعب في الطرق عشان لا تجيبو العيد بدري :) .
انا جربت مع كثير سيارات :
اولها كانت سبارو لجاسي معدله (كنداسه وبواجي واسلاك ... الخ)
صراحه قومه مسك معايه بس بعد 70 ماشاف الاسطبات.
جربت مع ام3 مديل 91 لونه احمر اذا احد من جده اكيد يعرفو بس جربت معاة بعد ما غير الكينه لانو كان عليه مكينه مررره قويه مافيها شئ من الوكاله . جربت معا طرحتو قومه وخط .
جربت كمان مع لكزس LS400 2000 قومه مسكت معاه الين 140 كلم/س
بعدين ...
جربت مع 300 جي اس تعبان لاقومه وله خط .
في فلفو 850 تيربو معدل هذا مسكت معاه 100 بعدين رووووح .
في اوبل جربت معاه من 160 مشي الين 180 بعدين طرحتو .
هذي الي افتكرها صراحه دحين طريق الملك كلو دوريات ...
يا NFS دورك :)

NFS

23-12-2000, 06:25 AM

الصراحة أحرجتوني وبتخلوني أقول الفضائح :):):)
بالنسبة لمنازلاتي بسيارتي الأكورد بالإضافة للي ذكرتها في رد الي فوق . زيدوا عليهم هذي ، بس أغلبها هزائم:(:(:(
*- بإنتيغرا 91 مع بلوبيرد وطافني:( "كانت قير أوتوماتيك بس لو إنها عادي كان علمت شغله".
*- بالأكورد مع تويوتا كراون 98 وطافني:("لا تسألوني إيش تطلع هذي السيارة لأنه إحراج كبير" عرفتوا قصدي!
*- بكابريس 91 مع بويك وطفته :)
*- بالأكورد مع مرسيدس 88 ، مشيت معاه من سرعة 60 لغاية 140 كيلو/ساعة وطفته في النهاية:)

وعلشان أبرر الهزائم بضيف وحدة من إنتصارات أخوي :):):)
*- بلكزس 300GS مع شاص "لاندكروزر بك أب" ، بس فتحت الإشارة لغاية سرعة 80 كلم/ساعة والسيارتين "جمب" بعض وبعدين اللكزس "أخوي" طافه:):):)

******************************
بس عند سؤال لك يا S6:-
*إنت ما قلت إيش هي سيارتك ولا هي نفس الإسم المستعار "S6"؟
*من الغلب إنت ولا الـLS400؟

في النهاية آسف لأني خيبت ظنكم! بس طلعت أعقل واحد فيكم"يا خطيرين"

23-12-2000, 08:43 PM

سيارتي مكسيما 97 قيرعايدي :)اللكزس مسكت معاه الين 140 بعدين هو بداء يبعد بس لو خط طويل زي حط الدره او ابعد يمديني اجيبو عشان الكزس سرعتها محدده 240 وانا سيارتي تمشي 250 :)

S2000

24-12-2000, 01:58 AM

ايواااااه...كيفكم ياحلوين ياعسل ياطيبين :)

طيب..من منازلاتكم الناجحة وغير الناجحة (الشريفة وغبر الشريفة) ;) نقدر نطلع بالنتائج التالية:

- ال S500 بودمعة أعتقد انه حقيقة عبارة عن S320 معدل من قبل شركة LORINZER بإضافة الزوائد الخارجية فقط والجنوط وعلامة S500 .. أخ E55 انت متأكد ان الضحية الS500 كان مزود بمكينة V8 ولا منت متأكد‍‍!!

- اللومينا SS سيارة جبارة وممتازة جدا لأن بالمقارنة لقوتها ومواصفاتها وأهم شي سعرها نقدر نقول انها السيارة المثالية..وإذا أضفتلها الفلتر (مثل حبيبنا E55) بتكون صرت ملك الخط بسعر رمزي ;)..ترى والله حنا نخاف من اللومينا بس انا أجبلك اللي بقدك يا E55 ;).

- شركة لكزس ارتكبت غلطة رهيبة لإنتاجها ال GS300 النسخة الأولى..السيارة ثقيلة جدا وتسارعها اسوأ.. وأيضا ارتكبت نص غلطة في الجيل الجديد من الGS300 لأنهم صحيح زادوا قوة المكينة لكن بالمقابل زادوا الوزن أيضا (وتيتي تيتي زي مارحتي زي ماجيتي) ;).

- الموستنغ وبالذات موديلات 92 وأسفل.. هذي السيارات مزودة بمكائن ذات سعة كبيرة جدا وبالتالي فهي قابلة للتلغيم بكل سهولة (وبكل كثرة) ونتائجها مضمونة بنسبة 70%.. تعتمد على نوع قطع ال PERFOMANCE ومعرفة طريقة التركيب.

- مرة ثانية الماكسيما سيارة غير طبيعية (بس اللومينا اخطر) ومن حقهاتصير مثل الرز في شوارعنا..اذا كنت أقدر أمسك مع ليكزس LS400 2000 الين قول حتى ولو 120كم ب57 ألف كيف بيكون موقف صاحب الكزس اللي دافع فوق ال 250 ألف عشان يحس انه لوحده في الخط..من الإشارة الى الإشارة.

- هاهااااا..والله انك رهيب يا NFS :) ترى صدقني انت معاك قنبلة موقوتة بس لو عرفت توزنها الوزنة الصحيحة وانت ماشاء الله معلوماتك في هذا المجال (التلغيم) كبيرة جدا صدقني بتعيش مبسوط طول عمرك.. خلني اقلك سر بيني وبينك (ترى ها..سر) انا مرة شفت أكورد منتف (بدون ريش) مرة لاجنوط ولا زوايد ولاطيس حتى وأستهزأت فيه وقلت لنفسي ولخوياني اللي كانوا معاي يلا شباب خلونا نتسلى....................بس خلاص الأكورد فص ملح وطار :) .. جنبته وقلته انت ايش مسوي قال MSD وفلتر وبكرات بسسسسسس.

وسلامتكم

CL 600

24-12-2000, 04:58 AM

أنا ما عندي بطولات :( مثل الأبطال :) ، والسبب زي ما قلت لكم ما احب هذا النوع من السباقات ، انا حدّي أجرب تسارع اي سيارة مع سيارة ثانية من صفر الى 100 ويالله لك الحمد .

لكن ....

انا بقول البطولات ..... أقصد السباقات أو المطارحات على قول أهل جده ... ( ونعم ) اللي شفتها وكان بعضها جداً غريب .

يالله بسم الله :

1- سيارة أخي أفالون 96 ( طبعا أوتوماتيك ) مع بريميرا 99 ( ملغّمة ) وكانت النتيجة لصالح أخوية الصغير ;) بس الفرق مو كبير يعني الفرق بين السيارتين 10 متر على سرعة 180

2- BMW 328i مع ماكسيما 99 ( قير عادي وملغمة ) ، في القومه الماكسيما الى سرعة 100 وبعدين ....................... هاه قولوا ......................... لا خطأ
هاه ....................... معليش خطأ

النتيجة تعادل :).

3- أيضاً ماكسيما + لومينا E55 ( يعني SS ) + بي ام 540 ، النتيجة كانت فعلاً غريبة ولا تسلوني ليش ...!!!!
المهم يا E55 لا تفكر انك تجرب مع 540 ;)

4- Z3 M مع فيراري 456 مع كورفيت النتيجة ..... الصراحة ما قدرت أعرف لأن الجميع اختفى ، وتمنيت لحظتها لو معايه ماكسيما على الأقل عشان اعرف النتيجة ........... من بعيد طبعاً .

5- سيارتي :(( أوميجا 4 سلندر قير اوتو دفع خلفي ):( مع أكورد 98 LXi ، في القومة الأكورد بفارق بسيط ، وفي الخط شفته في المرايه على سرعة 180 ..... وهذي المره الوحيده اللي مشيت بها هذا المشي :)

6- جمس سوبربان 99 مع اكسبيدشن والنتيجة لصالح الجمس بشكل واضح

7- أكورد 2000 LXI 2.3 مع ماكسيما 2000 ؟؟؟؟؟؟؟

النتيجة تعادل في القومة والخط ، ............. لييييييييش ؟؟؟

لأن صاحب الأكورد لمن سألناه عن النتيجة الغريبة أفادنا مشكوراً بانه مركب بكرات رياضية + بواجي وأسلاك + كنداسة + هيدرز

يكفي مطارحات والاّ أزيد ... ؟؟؟

لأن بصراحة يا شباب اللي يعيش في جده ويروح طريق الملك كل اربعاء و خميس يشوف كل ما هب ودب :)

E55

24-12-2000, 02:18 PM

S2000
بصراحة ما أقدر أأكد لكد إذا السيارة عليها مكينة V8 ولا V6 لكن وبما أن الفارق ما كان كبير ... أتوقع إنها V8
وبعدين ، إذا كنت عديت الـ CL500 ... بتصعب علي الـ S500 ؟؟؟؟

وأنا بقولك على السيارات اللي أتوقع إنها تطوف اللومينا
1) أنا .... قصدي الـ E55
2) الـ M5 وهذي تقريباً متأكد منها ... يعني مب مجرد توقع
3) الأودي S6 أما الـ S8 (مش أويي)
وفي غيرهم بالتأكيد .... لكن اللي مريحني إني ما دفعت مثل ما دفعوا الجماعة اللي فوق ;)

بالنسبة للكزس GS300 والأفالون .... وزن هالسيارتين مرتفع جداً وبشكل غريب (يوصل لـ 2000 ك تقريباً) وفعلاً هم بحاجة على الأقل
لرفع سعة محركاتهم ... ولا شرايك ؟

بس ، إنت ما تتفق معاي إن اللي يشتري لكزس LS400 آخر شي ممكن يفكر فيه إنه يسابق في الشوارع ؟؟
ولهالسبب ، ما أعتقد إن صاحب اللكزس بيقول : ياليتني وفرت فلوسي وإشتريت مكسيما أحسن !!!

وأخيراً : كأني سألتك عن نوع سيارتك وما جاوبتني يا S2000 ؟ بس هي أكيد هوندا ، لكن شو ؟

CL600
ياخي بطولاتك كلها ألغاز (أو البطولات اللي شفتها:))
وبعدين BMW 328i مع مكسيما (قير عادي وملغمة) والنتيجة تعادل !!!!!!!
الظاهر إن المكسيما ملغمة من زماااان ويحتاج لها Over Hole:)

وبصراحة ، أنا ودي أجرب مع E50 و BMW 540i .... صدقني هذي أمنية لكني مب محصل للأسف :(

وبعدين ودي أعرف شو البكرات الرياضية هذي ... مكن حد يفيدنا وبالصور إذا ممكن (طرار ويتشرط:))

S2000

24-12-2000, 06:00 PM

يا CL600 ليش غيرت رايك وجبت العيد انت واخوك الصغير بدري..خلاص نسيت بن لادن والشربتلي ;)..

بصراحة ياE55 انت تتوقع انك بتجمل مع ال BM540 ولابتكون روحك رياضية وتعترف من بدري..بعدين انا سمعت ان اللومينا SS تطرح الكمارو قومة وخط فهل هذي الإشاعات صحيحة..وبصراحة ودي أعرف عروستك (اللوميناSS) هي جير عادي ولاأوتو ولمن تسابقت مع ال S500 كنت مركب الفلتر ولا لسه ستاندردّّ؟؟؟

بالنسبة للبكرات والله عمرها طويل لأني لسه أمس كنت باخذلي طقم بكرات OBX بسعر SR800 وهذي البكرات بالإضافة الي الفلتر والكنداسة هي أنظف وأضمن تلغيم ممكن تسوي على سيارتك بدون ماتروح المكينة وطي..يعني بعد فترة من الزمن بتكون مبسوط مو تبشي (تبكي) على سيارتك.

هذي الصورة لبكرات AEM حق الهوندا سيفيك..بتزيد من 5 الى 7 حصان:

http://i10.yimg.com/10/1212b1dc/h/a0e56b36/pully.jpg

طيب شباب اللي عنده حشه أو تريقة يخليها لبعدين..بعد العيد أفضل عشان أعيد وانا معنوياتي مرتفعة..هذي صورة جانبية لعروستي وهي CIVIC SIR :) .. شباب اللي يبي يحش يحط صورة سيارته (وصورته) أول وبعدين يحش ;)

http://i10.yimg.com/10/1212b1dc/h/343a4fb7/type-r+2m.jpg

وسلامتكم

24-12-2000, 07:17 PM

شباب هل لمن اقتح الفلتر حق البخاخات لمن اطارح يعدم البخاخات ؟؟؟
بس صراحه يعطيك حماس مابعدو :) صوت اخر حلاوة.
ٍس/ هل هناك فرق في القوه بلفلتر او من غير فلتر ؟؟؟؟؟

24-12-2000, 07:18 PM

S2000 انت من جده صح ؟؟؟؟

NFS

24-12-2000, 11:31 PM

وأخيراً عرفت إيش هي البكرات هاذي! هي عبارة عن بكرة الدينمو و بكرة مضخة الباور ستيرينغ ذات وزن أقل من الأصلية وقطر أكبر ، مما يجعل القوة المبذولة بواسطة المحرك "لتدوير" هذي البكرتين أقل ، يعني في قوة إضافة سوف تنتقل الي الإطارات...
http://www.aempower.com/html/pulley1.jpg

بقول شيء لفت إنتباهي وهي عندما نريد قياس القوة الحصانية لأي محرك فعندنا طريقتين :-
1)- عن طريق الـFly Wheel "أو الَحذاف" وهذي هي الطريقة الأكثر دقة في حساب القوة الحصانية والعزم ، لكن المشكلة إنك تحتاج تفك المحرك من السيارة و تشبكها بجهاز خاص يمده المحرك بالبنزين وماء التبريد و الي أيضاً سيقوم بقياس القوة الحصانية....
http://www.geocities.com/pioneers_online/engine1.jpg

2)- عن طريق الإطارات "التواير:)" وهي الطريقة الأكثر إنتشار بين الناس لأن الحكاية ما تحتاج إلى فك المحرك ولا شيء ، بس المشكلة إنها تعطي قياس "أقل" من النتيجة الحقيقية. السبب جزء من القوة يضيع في "تدوير بعض الأجهزة مثل الدينمو و مضخة الباور و الـA/C" و جزء أخر يضيع في الإحتكاك الناتج من دوران تروس ناقل الحركة " القير" و الترس التفاضلي"الديفريش"....

سامحوني على هاذي اللخبطة بس النقطة الي أبي أقولها هي : لما تركب البكرات الرياضية "Pulleys" وتسوي الطريقتين الي ذكرتهم في قياس قوة المحرك ستلاحظ إن الطريقة الأولى ما بتعطيك أي تغير في القوة الحصانية و في الطريقة الثانية حتزيد القوة الحصانية بمقدار 5~10 حصان!!!

إذن حقيقة أن البكرات ما لها تأثير على المحرك "صــــــــحـــيــحــــة نظرياً"......

S2000 تدري إن البكرات من ماركة AEM(الي في الصورة) سعرها بس 150$؟؟؟(لكن في الإنترنت)!

S2000

25-12-2000, 09:18 PM

والله انك صادق حبيبي NFS في كل كلمة قلتها..فالقوة الحصانية اللي تعلن عنها شركات السيارات لسياراتها هي عبارة عن قوة حصانية مقاسة بأجهزة خاصة لهذا الغرض(كما وضحت) ولكن القوة الحقيقية والتي يطلق عليها
HP ON THE WHEELS تقل بمقدار بسيط عن القوة المعلنة من قبل الشركات..

لنأخذ مثال بسيط ومنتشر..الماكسيما مثلا..قوتها الحقيقية HP220 لكن قوتها
ON THE WHEELS أو على الأرض بتوصل تقريبا HP213-207 ..

وبما ان الحرامية كثير في بلدنا ويعتقدوا ان البشر (مدمغين) يعني مايفهموا في هذي الشغلات فأكيد بيستغلوا الزباين وينهبوهم;)..كلامك صحيح ياNFS البكرات سعرها بيوصل حول ال $120 بس ايش تقدر تسوي..انت تدري ان بعد المكاسرة والمضاربة وصلها ل SR800 لأنها أصلا كانت ب SR1200!!!

عشان كذه اذا تقدر تخدمنا ياNFS فأنا طالبك طلب..انت بس قلي انك من الإمارات وهبيق (صاحب فزعات) وإتصالاتك واجد وأنا ان شاء الله بسويلك سوق رهيبة هنا وأنا بكون أول الزباين (اللي انضحك عليهم) :)

تعال قرب اذانيك..كمان اكثر............(ترى حقك محفوظ وفوقها بوسااااااات) :):)..