زوجه تطالب زوجها بقضاء العيد خارج السعوديه

[علىالبال]

زوجه تطالب زوجها وبشده بقضاء العيد خارج السعوديه وتقول ان العيد في السعوديه والرياض بالذات ماله طعم ولا ولون حيث ان كل شي مخصص للرجال فقط واذا كان فيه شي للعائلات او للنساء تلاقاه بايخ ولا له طعم ومغير زحمه مالها سنع
واللي حدث في طريق الامير عبدالله دليل على عدم وعي الناس بالعيد العائلي واحترامه
اخواني الاعزاء في المنتدى كيف نقدر نطلع عيد عائلي ممكتع بدون مشاكل لا مع المطاوعه ولا مع الشباب ويكزن ترفيهي للجميع وشكرا وانا في انتظار ردودكم

[اسير_الصمت]

والله أناأعتقد أن الزوجه معها حق ......

واذا كنت تبغى شي ممتع ما في أحلى من جلسة البيت

--------------------
أسيــــــــــــــــــــــــــــــــــــر

[aljennyah]

معاها حق....

[اسيرالحب]

التي تطالب زوجها العيد كله 5ايام ضرب عيدين =10ايام
بالسنة والشباب ما لهم مكان يروحون له طوال
365 يوم -10(ايام حقت العيد)=355يوم الشباب وين يروحون
الاسواق عوائل الملاهي عوائل المقاهي والانترنت تسكر
الساعة 12 لا يقلوبنها عوائل بعد

خوفي البنشر بيقلبونه حريم بدل اليمانية
واللي يروح للبنشر يمسكونة الهيئة
مغازل

على البال لا تخليك على بالي

[ليالي]

السلام عليكم أول شيء وكل عام وانتم بخير

لي تعليق الصراحه انا يكسرون خاطري الشباب صح انه بعضهم ماله غير مضايقه العوايل ولازعاج بس من جد هم مالهم اماكن يروحن لها بعد ...يمكن حتى ابيوتهم احيانا يضطرون يطلعون منها علشان والله في عزيمة حريم ويبون ياخذون راحتهم ...


بس هذا رايي واقوله وانا بنت وسعوديه بس مهوب معناه انه للشباب
حق في المضايقه ...ولا ياخذونه عذر لهم ...


ليالي

[متعب .ع.ع]

تحياتي
كيفك اخي على البال
ارجو ان تكون بأتم صحه وعافيه
الطائر اخي وحبيبي حر في هذا الكون فأنت حر ولك الخيار في التمتع بكل ماتريده .

ولك اجمل امنياتي

[علىالبال]

شكرا على ملاحظتك وتصدقين صح مالهم عذر يضايقون الناس وبعد لفتي انتباهي لحاجه مهمه جدا وهي فعلا الشباب مالهم اي مكان يرحون له ومضايقين من كل جهه ومع ذلك مو عذر لهم يضايقون العائلات مساكين والله يعينهم بس

[متكهرب]

ا لاخ على البال

اقول ان الزوجة على باطل وضلال ، ولكن ضعف الوازع الديني يخلي
الواحد يعمل اكثر من كذا ، نسأل الله الصلاح لي ولكم ولجميع المسلمين .

و سؤالي :
ماهي الفرحة وماحدودها ؟

بعد صيام شهر رمضان هل نختمة بالمعاصي والتبذير والملهيات
عن الصلاة .

إن من علامات قبول العمل هو اتباع الحسنة الحسنة .

ونرجو من الله ان يتقبل منا ومنكم شهر الصيام .

ولي بعض التحفظ على بعض كلماتك : مثل المطاوعة .

تحياتي للجميع

[أبو علي909]

الحقيقة اللي حصل في طريق الأمير عبدالله مدري وشهو؟

لكن عندي ملحوظتين:
الأولى : حرمه وما تبغى (مطاوعه)؟؟؟؟‍‍‍‍(علامات التعجب ما تشتغل حط من عندك الف علامه)

الثانى: إن هذا الزوج (رخمه)

شكرا للجميع.

[علىالبال]

متكهرب والله كل واحد له وجة نظره في الموضوع ويشوف الشي اللي يوسع صدره اذا ما كان يتعارض مع ديننا الحنيف الواضح والسهل والجميل جدا واللي تحولون انت ومن هم على شاكلتك تشويهه...
ابوعلى 909 مااقدر ارد عليك وخصوصا على علامات الاستفهام اللي انت حاط بس اقول لاحول ولاقوة الابالله