View Full Version : *::* أويــــجــــــــــــا *::* ---> و ما ادراك ما الأويجا؟؟
أخواتي اخواني:
وما أدراكم ما الأويجا...
###هي لعبة يتم من خلالها استدعاء الجن
ليردوا على بعض التساؤلات مثل :
@ هل سأنجح في المادة الفلانية ؟
@ هل سيتزوجني فلان !
@ كم رقم تيلفون فلانة؟
وغيرها من الأسئلة.........!!!!!!!
الطريقة :
-----------
يتم كتابة الأحرف و الأرقام في ورقة بطريقة
معينة..كل حرف في خانة و مربع خاص به...
ويتم كتابة (البداية) في بداية الورقة و
(النهاية ) في نهاية الورقة..وكذلك كلمتي
نعم و لا.
و يقومون بوضع غطاء زجاجة على الورقة...
ثم يستدعون الجن بكلمات مبهمة..وبـــــعد
سؤالهم مباشرة ..يتحرك الغطاء(لوحده)على
الحروف التي تمثل الاجابة..واذا كانت اجابة
السؤال نعم أو لا ..يتحرك الغطــــاء نحو
الخانة المحددة.
و غالبا ما تكون الاجابة صحيحة....!!!!!
####النتيجة:
ضعف الايمان و استلباس بعض الفتيــات بـالجان
وسماع أصوات عجيبة في السكن..عــدا الأشكــال
الغريبة المتواجدة تحت الشجر و في بعض الحجــر
المغلقة...و رؤية قرينات بعض الفتيات بينما
هن في الأصل نائمات أو في الدوام....!!
و أنا أريد أن أقول لطالبات جامعة(.......)
أن الذي تفعلونه حرااااااااااااااااااااام
ولا يقبله الدين و العقل و العرف...
فهل من مجيـــــــــب.......!!!!!
تـــــــــ الحلوة ــــــــــوتة :(
moon cat
25-01-2001, 05:55 PM
سمعت عن هذه أللعبه وفى كذا فلم شفت ألطريقه بس عمرى ماعرفت أنها وصلت ألامارات وخصوصا ألبنات؟ على فكره ياتوته أن عرفت أنش مفسره أحلام هل هذه صحيح ؟ وشكرا.
home alone83
25-01-2001, 07:03 PM
كلامك صح مية مية .. بس انا مجرب هاللعبة وبصراحة عجبتني :) اي نعم عجبتني مرررة لأني ما اخذتها على انها لعبة ابغى اعرف فيها مستقبلي او .. او ..او وهذا هو الحرام ...
انا اخذتها على اساس انها تسلية funny وانبسطت كثير وعرفت اشيا حلوة ومهمة ماكنت اعرفها :) ..
ولو جربتيها اكيد راح تعجبك :)
و أهم شي لازم نعرفه ان الاختلاف في وجهات النظر لا يفسد للود قضية :)
تحياااتي .. :)
:(
:(
:(
لللأسف هاللعبة وصلت من زمان ..
و اللي جلبوها كانوا جايبنها من امريكا ..... :(
آآآه يا القهر
أما بالنسبة لللأحلام ...
أنا فعلا افسر احلام من يوم كنت صغيرة :)
اذا عندك حلم لا تتردد ..
تــــــــ الحلوة ـــــــــوتة :)
تصدق...
لو مب هاللعبة حرام كان لعبتها ...
لأني احب اكتشف الأشياء الغامضة خصوصا :)
بس الواحد يجتنب الشبهات ...
تـــــــــ الحلوة ــــــــوتة :)
علىالبال
26-01-2001, 05:04 AM
توته الحلوه
كيفك وش اخبارك ولك وحشه والله واعرف انك ما خذ شوي على خاطرك مني بس صدقيني انك وكل الاعضاء غالين
اقول لك كيف اللعبه سهله ممكن اتعلمها وبعدين من جد تقدرين تفسرين الاحلام ؟؟؟؟؟؟
احلامي كثيره والله كل يوم ؟
المرشد
26-01-2001, 10:43 AM
يا اختي الي يقولج ان عويجا تعتمد على الجن فهو خطأ و الكلام هذا اسمحيلي اقولج انه كلام فاضي لا اساس له من الصحة ...
هذه اللعبة لنا صولات و جولات فيها ... لا جن ولاهم يحزنون..
اقولكم كيف؟؟؟
مادري بتصدقوني ولا لا ..المهم اسمعوا
سلمكم الله ..كل انسان له قوى في العقل الباطن .. قوة تعتبر ضعيفة نسبيا ... لكن عندما تجتمع هذه القوى باجتماع بعض الناس .. تزيد نسبيا ...
الاثنين الي يلعبون لعبة عويجا ..يجمعون قواهم هذه و هم ما يعرفون شو السالفة .. و قوى الجالسين معاهم نفس الشي .. تجتمع مما يحرك القطعة الزجاجية من غير ما يحسون .. و هي فعلا تتحرك ..و و صدقوني .. ممالها علاقة ابدا بالجن ...
حتى اسئلوها اي سؤال كل الموجودين في الجلسة مايعرفون الجواب مالها .. مثلا اسئلوها
شو يعني السلام عليكم بالصيني ..؟
شو نوع كرت الشاشة في كمبيوتر مرشد ؟؟؟
صدقوني مابتعرف الجواب ابدا... و الي يسألونها عن الاسئلة المستقبلية ..صدقوني نفسية الشخص السائل يقول انها بتجاوب و يكون متحمس للجواب ... و الي معاه بعد..مما يندفعون ( من غير ما يحسون ) الى جواب معين منطقي نوعا ما .. وبالصدفة يطلع صح..
طريقة ثانية... الي يقول انها تعتمد على الجن ... جربوا تسألون اي سؤال .. و في خلال تحركها للاجابة عن السؤال ... غمضوا عيونكم ... نعم غمضوا عيونكم .. يكفي واحد من الي يلعبون يغمض عيونه .... شوفوا بعدين ..بتكمل الحركة ولا لا ...بتوقف تماما... بالله عليكم الجني ما يقدر يكمل يعني..!!
حتى مرة تحديت فيها ابليس...!!!!!!
قلت مدام السالفة جي... ناديت ابليس ..( هي اصلا مافي كلمات مبهمة ولا هم يحزنون .. عويجا انتي هنيه ...بس... انا قلت ..حق هذه عويجا ناديلي ابليس ) ..و تصدقون او لا ...خليته ابليس مصخرة بيزة ما يسوى ... هذ ا ابليس بالله عليكم....!!!!
اللعبة تعتمد على الشخص نفسه و على الجلوس... اسئلوا اسئلة تعرفون اجابتها بس ناسين الجواب.. صدقوني طريقة جدا ممتازة لي يبغي يتذكر شي مثلا .. يطلع الاجابة من العقل الباطن وهو ولا داري ..
والله ايام ......
أنا بقولكم سالفتي ويا عويجا هذي
لما كنت في أمريكا اتصل بي ربيعي وقالي : علي ، تعال عندي لك شي رهيب
أنا سمعت رهيب ، رحت أركض لحجرته وبندت في ويهه التلفون
لما وصلت الحجرة لقيته يالس عند لوحة صغيرة مطبوع عليها حروف وأرقام
- شو هذا ؟
- هذي عويجا ؟
- وشو تطلع هذي بعد ؟
- هذي تييب الجن ؟
- تييب الجن !! كيف تييب الجن وهي مكتوب عليها لعبة للأطفال من 8 إلى 12 سنة
- إنت مالك خص ، تعال إيلس وبتشوف
- بسم الله الرحمن الرحيم
وبندنا الليتات وولعنا شمعة
- إمسك معاي القطعة هذي بشكل خفيف وأنا بفكر بشي وبتشوفه يتحرك
- في خاطري (( يالله بالستر ، أنا شو يابني هني ؟ ))
وتمينا على هالحال يمكن ربع ساعة ، ننتظر هالبلاستيكة اللي عليها العدسة إنها تتحرك .... بدون فايدة
الظاهر إن الجني كان نايم وقتها ... ولا يمكن شرد لأني قلت (بسم الله الرحمن الرحيم)
لكن مثل ما قال الخ المرشد ... كـــلام فــــاضــــي :):)
المرشد
26-01-2001, 05:39 PM
علي
الجني ماكان نايم ...:)
يمكن لانكم مسكرين الليتات ماكان يشوف شي
ههههههههههههههههههههه
والله مساكين الجنون ..كل شي ردينا عليهم ..:)
علي انا بعد اذكر ان في اوائل الايام .. ماكانت تشتغل علينا
لين ماتعودنا عليها صارت..:)
اذكر مرة .. واحد سبها و نحن نلعب.. اونها حرجت ... و تروح صوبه و تضربه بسرعه ( لدرجة انها فلتت من ايدنا ) وقتها اسمع الصريييخ
..( اميييييييييييييييييييي) ههههههههههههههههههههههههههههههههههههههه