View Full Version : وين العلة. الوكيل ؟ السيارة؟ الشركة الأم ؟
ماتلاجظوا ان بعض السيارات حققت مبيعات اكثر من المتوقع وسيارات كان التوقع لها بالنجاح لكن الى حصل العكس تماما
يعني ما ادري واين العلة تكمن في الوكيل
يعني ما عنده خبرة يدشن السيارة ويوزع قطع غيار في كل مكان وشارع او استغلالهم وجشعهم واستدراج العميل حتى يشتري وبعدين يستغله ويكسر ظهره
او ممكن تكون السيارة مضروبة وماتسوى القيمة اللي فيها او ممكن تسوى لكن في سيارات افضل منها وبنفس السعر او مقارب له
او العلة في الشركة الأم اللي مارضيت تطور انتاجها وتغير الأشكال وتزود الفخامة الخ
واذكر لكم
في مرة رحت اشتري سيارة ودخلت على وكيل كرايسلر عام 97 اول ما طلعت التراتوس وسألته عن سعرها واعطاني السعر بعدين بادرني بقوله (لقد حققت مبيعات ماتوقعناها )فأنا سالته مباشرة وبدون تردد كم بعتوا؟ (يعني حطمت الكامري
فقال بعنا ..........
اقول والا لا
لا احد يزعل
اقول بعدين......
عندي سؤال
يا شباب كم قوة الـ S8؟
طيب نقصوا 356 كم تصير؟
عرفتوااااااااااا؟
مع السلامة
يالعيسائي
أبو نايف
23-02-2001, 01:32 AM
أخوي S8
كيف حالك ياغالي
بعض السيارات منتشره ومحققه مبيعات أكثر من المتوقع لها
وهي من ناحية الجوده خرطي......وفيه سيارات من نفس الفئه أجود وأفضل منهاوما حققت مبيعات مثل ماكان متوقع.
نعم
بس السبب موب الوكلاء بخدماتهم وللي هي والحمد لله أسوأ من السوء نفسه......بعد مايبيعونك السياره يعطونك الخامس.
وقالوا أيش السياره تحت الضمان حتى 60000كيلومتر......
يا شيخ صفقني اذا عطوك وجه....أنت أشتر السياره ويجيب الله مطر بعدين.
والصيانه الدوريه لعب في لعب.....وبلع فلوس.
تخيل أجور الصيانه للماكسيما وهي عباره عن تغيير الزيت والبواجي توصل 1000 ريال بدون القطع.....
كل الوكلاء كذا
من ناحية الدعايه......لها تأثير نسبي على انتشار أي سياره.
بس تعرف مين السبب الرئيسي
المستهلكين..:( هم السبب
معظم المستهلكين هنا .....سهل تمشي عليهم أي بضاعه.
وعلى الريحه.....تلقاه يشتري السياره بس علشان واحد يعرفه توه شاريها والا عشان شافها في الشارع واعجبته.....قام سأله واحد أو اثنين
عن رايهم في هذي السياره ....وبعدين طب وشرى على عماها
وبعدين جلس يقشر بصل.
البصل وراك وراك ياS8>>>>:)
تسلم يا S8 على هالموضوع الجيد
اولا عندنا في الخليج الاكيل اقصد الوكيل محتكر السلعه وماكل الدنيا
بس عندنا في الامارت يختلف الوضع شوي حيث انه كل اماره فيها وكيل
يختلف الا الفطيم محتكر التويوتا والهوندا الفولفو والكرايسلرفي جميع الامارات(اللهم لاحسد) زين بس انه بقى شي للناس
ثانيا سياسة الاسعار تعتمد على منافسة الماركات الثانيه في مابينها لكل فئه من السيارات واعتقد بعد انها تعتمد على سياسة
الشركه نفسها مب الوكيل على ضوء المنافسه هذي
ثالثا كل مجنمع تمشي معاه سيارات على حسب استعمالهم ويمكن مزاجيتهم بعد مثلا المكسيما والكامري المكسيما اكثر مبيعا بس
الكامري افضل عند البيع بعد الاستعمال
يعني السوال شو اللي يحدد مبيعات السياره الدعايه من الوكيل
ولا الخدمه اللي قدمها الوكيل مثل الصيانه الجيده ورخص قطع الغيار ولا قيمة السياره بعد الاستعمال ولا مزاجية الناس حبوا
سياره معينه عن غيرها
_______________________
يا حظ من لا عرف منهو ولا شيف
ان طاب يحمد وان تردى بكيفه
Panadol-Extera
23-02-2001, 02:54 PM
بصراحه اقول للاخ ابو نايف مو كل الوكلاء عندنا بالسعودية يعطون الخامس ...
بصراحه افضل وكيل للسيارات موجود بالمكلة هو عبداللطيف جميل وكيل تويوتا و ماشاء الله عليه شايل الوكالة شيل
اما بالنسبة لاسواء وكاله هي وكالة الناغي وكيل بي ام دبليو
هم الي صحيح يعطون الخامس بعد ما تشتري السيارة .. و اسعار قطع الغيار مبالغ فيها زيادة عن اللزوم . و صار الي يشتري عندنا بي ام واحد الله مقدرة على الوكالة حقت الناغي . و من الوكالات السيئة بعد هي الحمراني وكلاء نيسان . لان حتى عندي من اصدقائي واحد شاري انفنتي Q45 98 و يقول انا وكالتهم زفففففففت .
و اعود و اقول من الوكالت الجيدة هي الجفالي وكلاء مرسيدس و بصراحه عيني عليهم باردة هو و وكلاء تويوتا عبداللطيف جميل.
و الوكلة الوحيدة الي مستفيدة مادياً هي الجميح و العيسى وكلاء GMC
و اسف على التطوييييييييييييييييييل.
أبو نايف
23-02-2001, 04:12 PM
أخوي Banadol-extra
وكالة تويوتا هي الافضل بس مع مين...................
...............................مع اللكزس فقط.
وصدقني أنا شايف معاملتهم مع السيارات الثانيه.
تصدق اني رايح مع صديق لي معه كامري......مشكلتهافيها خلل في المروحه...(هيدروليك)
وش أقول لك بس .....المظفين مايعطونك وجه....وكنك جاي تطر منهم......ولا يعرفون الا بس غير وغير.
المهم بعد مادخلنا السياره .....وبعد الفحص قالوا لازم تغير وتغير قطع كثيره بعضها ماله أي علاقه بالمروحه....والتكلفه مبلغ يهد الظهر.
طبعا هذا في الوكاله الرئيسيه.....
قلت بس خلنا نروح لوكالة تايوتا اللي في شارع..........
قابلنا المهندس هناك واللي جيناه بتوصيه من أحد المهندسين في الوكاله الرئيسيه...:)
بعد مافحصها..............تدرون وش قال
والله ما أدري وين المشكله باالضبط
ماأدري
قلت لخويي شكل سيارتك فيها عين مادام حتى الوكاله ماعرفوا علتها.....بعها وافتك.
وفعلا باعها في ساحة معارض الشفا.
ولو تسألني أيهم أسوأ وكيل نيسان والا تايوتا
قلت لك تايوتا.........على الاقل نيسان ماعندهم عنصريه وتفرقه بين السيارات.......رغم أن المهندسين فيها.......خلها مستوره.
وسلامتكم.