View Full Version : أجمل أبيات قيلت في القهوه
الواوي
02-03-2001, 05:25 AM
الاخوه الاعضاء
ما هو أجمل قصيد وصف القهوه
أمل منكم وضع الابيات التي أعجبتكم
إصبر علي شوي
كان عندي قصيدة لشاعر دغيم الظلماوي الشمري.
في القهوة.
وقيلت قصائد تحاكيها كثيرة بالوزن والقافية والمعنى.
والبيت الأول من القصيدة عندي.
ويقول
ياكليب شب النار يا كليب شبه
يا كليب شبه والحطب لك يجابي
والقصيدة أروع ما قيل في القهوة هي وقصيدة محمد القاضي التميمي.
زمردة
04-03-2001, 05:40 AM
http://www.cultural.org.ae/ARABIC/main_contents/al-mujamma/Oct_mag/Derasah.html
حبيبها
04-03-2001, 04:59 PM
الدلة اللي ماتبهر من الهيل
مثل العجوز اللي خبيث نسمها
وقصد الشاعر بـ نسمها : سمعتها
كريم سبلا
05-03-2001, 04:10 AM
الاخوه ...
الواوي ARAE زمردة وحبيبها
حياكم الله .......
واسمحولي ادلي بدلوي......ومشكور يالواوي علي طرح هذا الموضوع
http://shakl.com/hay1.jpg
من اجمل ما قيل في وصف القهوة
1ـ قول الشاعر الفارس.. الشيخ تركي بن حميد :
يا ما حلا يا عبيد في وقت الأسحار جر الفراش وشب ضو المناره
مع دله تجذا علي صالي النار ونجر اليا حرك تزايد عباره
النجر طق و جاذب كل مرار مالفه الملفوف من دون جاره
في ربعه ماهيب تحجب عن الجار لامن ولد اللاش ماشب ناره
واخير منها ركعتين بالاسحار لاطاب نوم اللي حياته خساره
2ـ قول الشيخ: راكان بن حثلين
يا محلا الفنجال مع سيحه البال في مجلس ما فيه نفس ثقيله
هذا ولد عم و هذا ولد خال وهذا رفيق ما ندور بديله
3ـ قصيدة دغيم الظلماوي ……
وهي اشهر ما قيل في وصف القهوة وتميزة هذه القصيدة
بأن فكرت النص كاملة كانت تدور حول القهوة……….
والقصيدة نقلها الرواة بأكثر من خمسة وجوه ……
وهذه القصيدة كاملة
×××××××× ياكليب ×××××××××
ياكليب شب النار يا كليب شبـّه
عليك شبه والحطب لك يجابي
قلط لها ياكليب من جزل خبه
وشبه اليا منه غفا كل هابي
حنا علينا جيب ماها و حبه
وعليك تقليط الدلال العذابي
اغدق إليا شبيتها ثم قبه
تدعي لها ربعٍ سراةٍ غيابي
لو هم بعيدٍ شوف ضوه ينبه
ولاهم قريبينٍ بنبح الكلابي
بنسريةٍ ياكليب يا شين غبه
ليا نسنست لاكنها سم دابي
متلطمينٍ وناطحينٍ مهبه
متكتفينٍ وسوقهم بالعقابي
خطو الولد يا حيف ما ينحسب به
معيرةٍ على غضير الشبابي
وش عاد لو يلبس زبونٍ وجبه
يصير منهم من حساب الزهابي
الوالمة ياكليب عجل بصبه
والرزق عند اللي ينشي السحابي
صبه(لقرمٍ)صرفته ما حسب به
يوم البخيل مكنهب الوجه هابي
وثنه لمصدورً ليا جاه نبه
يرخص بعمره والدخن له ضبابي
وعده من اللي ما يدري المسبة
اللي يدور بالقصر الغيابي
واحمس على جمره احراق حبه
يما العرق تشوف علي الحب ذابي
ودقه بنجرٍ تالي الليل نبه
يشادي لذيب ياعوى براس نابي
ودق البهار وبهره ثم صبه
تصبغ على الفنجال مثل الخضابي
ومن يوجعه راسه تري الهيل طبه
وليا قهوا غاية الكيف طابي
نذبح لهم كبشٍ عريض الملبه
ومن مذبح السكين حس الركابي
كم كبش مصلاحٍ لراسه نجبه
ولو زودوا فيه الثمن ما نهابي
مع الشتال مزينٍ طبخ حبه
والعذر مع هذا وزين الجوابي
ونبدي لهم ياكليب هرج المحبه
يا جنب الهين عريض العلابي
وبهرجٍ أحلي من شخاليل جبه
واحلي من السمن الجديد العرابي
يارب ناخذ بتالي العمر عبه
من قبل ما ينسف علينا الترابي
الصبر زين وراعي الصبر غبه
يرقى بروس مشمرخات الهضابي
ومن لاصبر ياكليب في حكم ربه
هذاك يوم البعث ماله ثوابي
وسلامتكم
اخوكم
كريم سبلا
كفو والله يا كريم سبلا
قدها
طال عمرك يا شاعرنا.
الواوي
06-03-2001, 05:58 AM
الاخ الكريم/ ARAE
مشاركتك عزيزه على قلبي دائما" كل عام وانت بخير واشكرك على الاختيار الرئع لهذه الابيات.
الاخت الكريمه/ زمرده
شاكر لك على هذا الموقع الطيب (الجامع) لكل ما يخص القهوه
وكل عام وانت بخير.
الاخ الكريم / حبيبها
أختيار طريف كل عام وانت بخير.
الاخ الكريم/ كريم سبلا
كفو والله أخوي على راي خوينا.
أتفق معك أخوي على ابيات الشاعر الكبير الشيخ تركي بن حميد
وأعدها الاجمل .لكن مارايك في هذه الابيات
دنيت لي من غالي البن مالاق....بالكف ناقيهاعن العذف منسوق
احمس ثلاث يانديمي على ساق..... ريحه على جمر الغضا يفضح السوق
واياك والنيه وبالك والاحراق...واصحا تصير بحمسة البن مطفوق
الى اصفر لونها ثم بشت بالاعراق..صفرا كماياقوت يطرب لها الموق
وعطت بريح فاخر فاضح فاق....ريحه كما العنبر بالانفاس منشوق
دقه بنجر يسمعه كل مشتاق...راعي الهوى يطرب الى دق بخفوق
لقم بدله مولع كنها ساق ...منصوبه مربوبه تقل غرنوق
خله يفوح وراعي الكيف يشتاق...الى طفح له جوهر صح له ذوق
شاعر عنيزه الكبير/ محمد بن عبدالله القاضي.
وش رايك بالبيتين اللي في قصيدة محمد القاضي.
وإن حصللك صاحبك وإنت مشتاق
إقطف زهر مالاق والعمر ملحوق
من الصاحب اللي كل ماقيل بواق
عيا يسكني من الذب الفوق
وتعرف قصة الأبيات
ياسلللللللللللللام علي هيك شعر
كريم سبلا
06-03-2001, 05:09 PM
ألأخ العزيزARAE
ومشكور اخوي وتسلم يالغالي.....والفضل كله لله ثم لك أنت والواوي بتفاعلكم مع الموضوع الي اجبرني اني اتفاعل معه وياليت ثثكر ها المواضيع التراثيه ونكثر من كتابة قصائد الشعراء ألاولين لان شعرهم فيه الشي الكثير من الجمال والحكم والصور.......الخ ومثلك عارف
والله لايحرمنا منك ومن طلتك علي سؤالف الشعر والادب
الاخ الواوي
تسلم أخوي.....الله يهديك احد يقدر يقول شي في شعر محمد القاضي
قصيده جميله بس شهاده لله اول مره اسمعها قصدي اقرها ولا سمعت عنها من قبل ياليت اخوي ولاعليك آمر انت والاخ ARAE لوتكملون لي القصيدة اذا كانت الابيات ناقص واذا كانت كامله ترد علي .....
ولكم مني كل التحايا
أخوكم
كريم سبلا