View Full Version : السيارات والصيانة الدورية
King_SS
10-03-2001, 01:56 AM
احكيكم يا شباب وانصحكم من واقع تجربتي في السعودية عن الشركات والصيانة الدورية.
اول شي انتو ايش تعرفو عن الصيانة الدورية للشركات وايشاللي بيسير خلف الكواليس هل بتتم صيانة سيارتك كالازم وهل انت راضي عن سيارتك بعد ما تستلمها وانت ما تعرف ايش اللي سار فيها .
كانو الشركات ولا زالو اقولو انهم بيعملو صيانة للسيارة اول ما تجيبها لهم ,خاصة لما تكون تحت الضمان .
في سؤال محيرني وابي القيه عليكم ؟
هل فيكم واحد يوم ودا سيارته واخذها ثاني من الصيانة تاكد انو السيارة اتعملها الصيانة اللازمة ؟؟
امكن بعضكم اقول اي وامكن البعض اقول لا.
انا احكيلكم قصتي مع المكسيما عام 95 والدراهم اللي كنت ادفعها وفي النهاية النتيجة انا اللي طلعت خسران واهم شي الا وهو الضمان ما فادني ولا بشي ويا ريت قصة وحدة الا كذا قصة حصلتلي اقللكم اولها .
كان عندي مكسيما 95 ,انا شخص مجنون تعديل في محركات السيارات واهوى الشي ذا والحمد لله عندي خلفية ميكانيكية جيدة.
اللي سار انو وديت السيارة صيانة اول الف كيلو وبعدين الصيانة اللي بعدها قلت خليني اجرب بنفسي اللي سار اني غيرت بواجي السيارة بنفسي ,بعد فترة ومن قوة الدعس والسباقات(طبعا المكسيما كانت جدا جديدة توها طالعة وكانت التجارب بيها ما توقف)اللي سار انو مع قوة الدعس ((( اتفصل))) (two spark plug's) من السيارة ولاحظت خروج دخان في بداية التشغيل .
فكيت الاغطية البلاستيكية واكتشفت الخلل.طبعا ايش اترتب على كدة اصبحت نواتج الاحتراق كلها تطلع للاعلى واتعدمت عندي الكويلات مع البواجي والاسلاك للسلندرين المقصودين .
رجعت شديت ثاني على السلكين المفصولين والنتيجة انو احترقت وجيه الروس في الاعلى مما ادى الا تهريب الزيت على البواجي وبالتالي في الصباح لما اشغل السيارة .... كمية الزيت اللي كانت محتجزة تطلع على هيئة دخان من خلف السيارة.
الحين انا شديت على السلكين المفصولين .
اخوكم في الله اخذ السيارة ووداها عن الحمراني والسليماني المتحدة وكيل نيسان في المملكة اللي سار كالتالي ,السيارة كانت ماشية تقريبا 5 الاف كيلو.
قابلت الرجال تبع الصيانة وقلتله ابيكم تشيكو عي السيارة من الف الى الياء وعندي مشكلة انو دخان ابيض بيطلع في الصباح واكدت عليهم اغيرو بواجي السيارة(spark plugs) ..
انا الحين قلت اول ما افتحو البواجي راح اكتشفو الخلل وراح اخبروني واكيد راح اصلحوها على الضمان .
اللي سار جيت بعد 3 ايام وقابلت المصري تبع الصيانة واقللي خلاص غيرنا لك البواجي والفلاتر والزيت وكل شي اليسطة زي ما اقول
طبعا انا اخذت السيارة البيت فتحت كبوت السيارة وفتحت المكينة واتفاجأ بانو لم تلمس المكينة من قبل اي عامل ولم يغر اي شي في السيارة واللي سار مجرد تركو السيارة 3 ايام في الحوش ونظفو بخاخات السيارة (وهذا الشي اللي زاد عزمها شوية )وقالولي خلاص عملنالك صيانة.
اللي سار انا طارت عيوني ورجعت للوكالة ثاني وقلت للمصري ترا انا فتحت البواجي ولقيت كذا وكذا وكذا وارجوك تتخذ اجراء وتغيرلي او تحللي المشكلة ..اول مل قللي المصري ... رفع راسه وقللي انت كيف تفتح مكينة السيارة .... رديت عليه وقلت انا افتحهها لانو حضرتكم ما لمستو المكينة ومجرد تضحكو على الناس وتاخذو فلوسهم ... الراجل شافني ابتديت اعصب قام هداني وقللي خلاص احنا حنسويها ...
اللي حصل انو بعد 25 يوم اخذت السيارة بعد بهذلة وطبعا المصري قللي خلاص عملناها ... اتفاجأ في البيت انهم عملو بوجي واحد فقط(منطقة وحدة فقط) والمنطقة الخلفية سابوها زي ما اهي .
ما اطول عليكم .. اللي سار انو اتناعلت مع الشركة وشتمت كل الموظفين هناك .
والمررة اللي بعدها رحت للشركة على اساس الجانب الاخر ما صلحوه وكنت حاطط رنجات جديدة للسيارة او جنوط زي ما نسميها هنا في السعودية اتفاجأ بالمصري يقللي حنلغيللك الضمان عشان انت حطيت جنوط وهي المسبب لتلف المكينة رغم انو الجنوط او الرنجات كانت نفي المقاس على نفس الكفرات .
طبعا اي ضمان اللي جيين اتكلمو عليه واي كلام فاضي كله سرقة في سرقة وانا انصحكم يا شباب خاصة الناس اللي تهتم بالصيانة والضمان انها تشيك ورا الشركات انهم بيأدو عملهم على اكمل وجهوانه بيتم عمل الصيانة الازمة للسيارة مو بس اركنوها عندهم واجون بعدين اعطوك اياها واقللك خلاص خالصة.
من بعد المشكلة دي مشيت فترة بالسيارة واللي حصل وكان زي الكارثة ..كالتالي
المكسيما عام95-96 كان فيها مشكلة او خلل تصنيعي في مضخة الزيت انها فجأة تتوقف عن العمل وبالتالي الزيت ما اطلع في المكينة وبالتالي تخبط المكينة .
انا سار معي كذة وطفيت السيارة وزي ما اهي شحنتها الى الشركة ولقيت واحد فلسطيني مدير الصيانة اتفاجأ اقللي انتو انت اسئت استخدام السيارة.. ليش قال كذا لانو قيمة تكلفة مكينة المكسيما 35000 ريال سعودي وما ابغ اتحملها لانها مبلغ كبير صعب للضمان اتحمله...على العلم انو السيارة كانت ماشية تقربا 6000 كيلو
بعد شكاوي للغرفة التجارية والجري ورا المسؤوليين غيرو المكينة على الضمان ..
ما اخبي عليكم انا بعدها ملليت من حكاية وقصة الضمان اللي بينصبو على الناس بيها وكلمت شركات التعديل اللي اعرفها وعدلت السيارة ووصلت قوتها تقريبا الى 260 حصان ولا عاد وديت السيارة للشركة واول شي كنت مسويه اني غيرت مضخة الزيت من شركة تعديل ممتازة عشان اضمن ما اتكرر اللي سارلي من قبل.
فاااا من وجهة نظري خللو بالكم يا جماعة من اللي بيسير في الشركات ولكم جزيل الشكر واسف عشان طولت عليكم بس ارجو انو نكون كلنا طلعنا بفاية من الموضوع وانشالله القيلكم موضوعي مع الكابرس ال اس اس تبعي بس عاد في شي تاني مهوب المكينة .. كان اساسه في الكفرات وبطارية السيارة .. اهون شوي من المكسيما
MR:SPEED
10-03-2001, 06:38 AM
الله يكون في عونك اكيد فكرة تبيع المكسما
انا الحين افكر ابيع الومينا ss عشان الجربوكس
ولله المينا حلوه بس الجربوكس جنني و انا الحين خايف يضرب علي
بعد الضمان
على العموم في امكانيه اقدر اخلي الضمان 3 سنوات بدون الكيلو مترات
انا بكره رايح الشركه اسالها عن الضمان
او اني ائمنها
_______________________________________
BECUSE I SPEED THEY CALL ME MR:SPEED
أبو نايف
10-03-2001, 08:58 AM
أخي الغالي King SS
مشكور ما قصرت.
أيميلك لو تتكرم.
صحيح هذا واقع أغلب وكلاء السيارات وأنا جربت لغاية الأن وكيلين وكتشفت إن الي عندهم مش ميكانيكية بل سباكين ونجارين!!
لكن أعتقد إنك أسأت إستخدام السيارة ،لأن إستخدام السيارة في السباقات والقومات يعتبر إستخدام سيء ويمكن يلغي الضمان! ولو عرف الوكيل إنك كنت تتسابق بالسيارة ما صلح لك أي شيء. إلي يؤكد كلامي إفتح على كتيب الضمان إلي جاء مع كتيب المالك وبتلاقي في أحد البنود شيء يتكلم عن السباقات وسوء الإستخدام...
ولازم تعرف إن الضمان هو تغطية وتصحيح لكل العيوب التصنيعية فقط.
King_SS
10-03-2001, 11:41 PM
اخوي العزيز ابو نايف تسلملي يالغالي وهذا ايميلي impalass1996_500hp@yahoo.com
وبالنسبة يا اخوي NFS ابي اقللك على شي صدقني انا ما اعترف بشي اسمه ضمان ولا شي اسمه صيانة دورية لانو اكتشفت انو كله كلام فاضي وضحك على الناس والحمدلله خبرتي في الميكانيكا مسهلة علي الموضوع بس المسألة ماهيب سرعة او سباقات او شي لاكن اللي سار انو الشركة بتحاول انها تتهرب من الواضيع المكلفة او الحالات اللي بتدفع الشركة نها تخسر نوعا ما عشان ترضي عميلها بضرق لبقة ومنمقة .
ياخي انت مدير قسم صيانة ؟؟ طيب شوف المكينة اول شي وادرس الحالة مو بس اول ما قالولك طال عمرك المكسنة ابيلها تغيير وقيمتها 35,000 ريال سعودي خلاص ترمي عاتق المسؤولية على الزبون وتقوله انت اللي مخطئ وانت اللي اسأت استخدام السيارة .وبعدين ترا المشكلة ما كان سببها السرعة او شي انما كان في عيب تصنيعي في مضخة الزيت تبع السيارة من اليابان وحتى ولو كان انا في كثير من اصحابي هادئين في السواقة وما اتعدو ال 60 كيلو ورغم كذة راحت عليهم المكينة بسبب مضخة الزيت اللي بتوقف فجأة.
واحب اقللك شي ويا ريت كل اللي في المنتدى اسمعوه يا اخي العزيز ترا كتيب الضمان ماهو الا شوية كلام فاضي مكتوب على شوية ورق صدقني انا اقللك الكلام دا من واقع خبرة انا اشتريت سيارات وايدة واحتكيت مع معظم منتجي وموزعي السيارات ومراكز الصيانة وصدقني اسهل شي التاجر اسوية عشان ما اخسر انو اقللك انت اسأت استخدام السيارة واحمللك المسؤولية.
يا مكثر الشباب عندنا راحت عليهم جيربكسات اللومينا ويا مكثر الشباب اللي راحت عليهم مواتير المكسيمات ,انا اقللك شي السيارة لو فيها عيب والله لو كورولا .. اكيد راح تلاقي الناس تبتدي تشتكي من خراب معين فيها زي اللومينات والجيربكسات والسيارة لو مافيها عيب ماحد راح اطل في وجه الشركة زي سيارات تويوتا او بعض الشركات الاخرى.
انا حصل واشتريت الكابرس اس اس تبعي موديل1996 وكان مخزن شوية ,اخذت السيارة وبعد فترة بنشر علي كفر من الكفرات ولما شيكت وعملت صيانة عليه لقيت انو كل الكفرات ابيلها تغيير ,الحين لو انت مكاني او مكان اي زبون اهمه انو استلم سيارة كاملة بدون مشاكل جديدة.
اللي سار رحت للشركة وطبعا من واحد لواحد لين ما وصلت لمكتب مدير الشركة ,تدري وش قاللي لما اطلعته بالموضوع وكشف على السيارة ؟؟؟؟
قاللي حنا نرسل فاكس لاميكا وننتظر الرد منهم اوكي ومن ثم ناخذ منهم التعميد بشراء الكفرات على حسابهم وتحت مسؤوليتهم ومن ثم نكلمك وتجي تركب الكفرات ..قلتله يا خوي انا شخص دافع درهم وما علي في الكلام اللي انت جالس تقوله انا ابي استلم سيارة جديدة ..وشلون تبيني امشي ب 3 كفرات مقطعة وناشفة وكفر استبن ..
تدري وش اقللي (مدير الشركة).. والله اقللي سوي اللي انت بتسويه وما علينا فيك ؟؟؟
في نظرك هذا رد ؟؟ انت لو حصبللك الموقف وش تسوي .
اللي سار انو وقفت السيارة قرابة 8 ايام وساير اروح واجي بتكسي وركبت الكفرات الجديدة بعد ما وقعني على اوراق تثبت انو ركبلي كفرات جديدة في اليوم الفلاني والتاريخ والوقت والساعة .
المهم اللي سار انو مشيت فترة بالسيارة وبعدها بكم يوم بطلت تشتغل السيارة معي واحتاجلها بطارية جديدة .. ونفـــــس الحكاية اتبهذلت لين اخذت حقي وركبلي بطارية جديدة.
ولاا كمان مهوب عاجبه اقللي حنا محنا مسؤولين عن البطارية ؟؟
صدقوني يا شباب خللو بالكم من الشركات وتاكد من الصيانة .
بالنسبة لاخوي MR:SPEED اعتقد انو في موضوع تكلم فيه E55 بخصوص خرابات الجيربكس في السيارات اللومينا والكابرس وترا حلها عندي وكتيته في احد الردود ان حبيت راجع الموضوع وقللي وش رايك ترا كلها كم قطعة واذا تبيني اعطيك ارقامها انا مستعد عشان تطلبها وتركبها والله بعدها راح تدعيلي منها مبرد زيت الجيربكس وال shift kit .وانا كتبت تفصيل موجز باللي قاعد اسير في الجيربكس والمسبب الرئيسي لخرابه وصدقني ولاعاد تشيل هم ولا تخاف على الجيربكس .
انا اعطيك مثال خوي عنده لومينا اس اس برضو وماشالله عليها فوق ال 400 حصان معدلة وبسوي تجارب مع بورشات ومع سيارات اخرى من القومة لين الفاصل (محدد السرعة) والحمد لله مبسوط للحين السيارة كملت سنة وشوي.ايميلي في الاعلى اذا حبيت انو اشرحلك بالتفصيل والقطع الازمة ويل ريت تقللي انت من وين عشان اذا كنت من سكان جدة اسير انشالله اقدر اساعدك بقد المستطاع.
معلش أخوي كينغ_اس اس أنا معاك في حكاية تهرب الوكلاء من صيانة السيارات الي هي تحت الضمان وبعد في حكاية الصيانة لأني مجربهم وطلعت روحي بسببهم. بس ردك يقول انك دعست على المحرك دعس لغاية ما جبت أجل المكينة "اللي سار انو وديت السيارة صيانة اول الف كيلو وبعدين الصيانة اللي بعدها قلت خليني اجرب بنفسي اللي سار اني غيرت بواجي السيارة بنفسي ,بعد فترة ومن قوة الدعس والسباقات(طبعا المكسيما كانت جدا جديدة توها طالعة وكانت التجارب بيها ما توقف)اللي سار انو مع قوة الدعس ((( اتفصل))) (two spark plug's) من السيارة ولاحظت خروج دخان في بداية التشغيل .
فكيت الاغطية البلاستيكية واكتشفت الخلل.طبعا ايش اترتب على كدة اصبحت نواتج الاحتراق كلها تطلع للاعلى واتعدمت عندي الكويلات مع البواجي والاسلاك للسلندرين المقصودين .
رجعت شديت ثاني على السلكين المفصولين والنتيجة انو احترقت وجيه الروس في الاعلى مما ادى الا تهريب الزيت على البواجي وبالتالي في الصباح لما اشغل السيارة .... كمية الزيت اللي كانت محتجزة تطلع على هيئة دخان من خلف السيارة."
يعني الواحد لما يقرا هذا الكلام ايش بيستنتج؟
المهم غيرولك المكينة أو حتى صلحولك المشكلة ؟
King_SS
11-03-2001, 06:33 PM
صحيح كلامك يا NFS بالنسبة للسلكين اللي اتفصلت وهي كانت بسببي والدعس الزائد عن اللزوم بس امرمطوني بالطريقة دي ؟؟؟ السيارة تجلس فوق الشهر عشان تتصلح هذا وفي النهاية انا قلت لهم ادفعلهم الدراهم اذا كانت المسالة مسالة فلوس وهي اللي بتحل المشكلة في زمن قياسي بس مهوب فوق الشهر .
بس مشكلة الاسلاك ذي مشكلة طفيفة لاكن انا كان تحاملي عليهم على المصيبة الثانية اللي هيا مضخة الزيت وتخبيط المكينة بسببها.لانو مدير الصيانة كان ابي احملني تكاليف المكينة انا والسبب كان عيب تصنيعي في مضخة الزيت من اليابان.؟؟
في النهاية الشركة غيرت المكينة بعد ما طلعلي قرون والله منهم .
بعدها انا ماعاد وديت السايرة للصيانة وجبت قطع تعديل للسيارة واستمرت فترة ومن ثم بعتها
king of word
08-11-2002, 12:45 AM
صحيح كلامك
درازي
08-11-2002, 01:28 AM
السلام علكيم
موضوع جميل وشيق، ويبقى وجهة نظر تتعلق بصاحبه.
عن تجربتي الشخصية، فما رأيته من الوكالات يختلف تماماً عن ما تصفه، رغم وجود تباين في الموضوع.
عندي الان هوندا سيفيك 2000 وما زالت على الضمان، فضمانها 3 بالاضافة الى سنتين اضافيتين قد اشتريتها، يعني 5 سنوات، ومن المعاملة التي القاها في الوكالة انا مرتاح منها، وانوي ان اكملها ال الخمس وحتى بعدها اذا بقت السيارة معي:D ، صدق ادفع الكثير الكثير لهم، ولكني مرتاح نفسياً لاني استلمها ومن يومها لا افتح المكينة، فانا لا افتحها ابداً الا اذا اشتقت لها :D .
اذا اروح الوكالة ويبدلون لي اي شئ يحطونه في السيارة، ويقولون لي كل شي بدلناه موجود في صندوق السيارة، وصدق كل شي موجود القاه حتى البلكات (البواجي).
وفي الفترة الاخيرة، بعد ان اخذ السيارة من الصيانة الدورية، في اليوم الثاني يتصلون بي ليسألوني عن الخدمة وعن ملاحضاتي عنها واذا كانت هناك اي شكاوى. وطبعاً اقول ما في خاطري، وارى ان هناك تقدماً عندهم.
واخر مرة كانوا مطرشين لي مسج على تلفوني يهنوني بقدوم الشهر الكريم. :D
هي تجربتي مع وكالة الهوندا في البحرين.
درازي.
infiniti
08-11-2002, 01:40 AM
صراحة لو انا الوكيل اللي بايعلك السيارة و على كل اللي سويته انت فيها بلغيلك الضمان سلام سلام
موضوعك جميل يا King_SS عن حكاية نصب الشركات ..
بس في مسألة عن الضمان في بعض الشركات محيرتني .. ودايماً اختلف معاهم واسوي مشكلة ..
القصة من بدايتها ..
اشتريت الأكورد 97 جديده ... وكملت تمرين الألف كيلو .. ووديتها للصيانة وقالوا تعال بكره خذ السيارة .. جيت اليوم الثاني أخذت السيارة .... اش سووا فيها ... الله أعلم ..
المهم قالوا لازم تجينا كل 10 الآف كيلو عشان نعملك الصيانة الدورية اللازمة ..
رجعت لهم بعد 10 آلاف كيلو ==> وانا على بالي انها صيانة مجانية :p
وقت استلام السيارة طلعولي فاتورة بقيمة 760 ريال ... :eek:
قلت للموظف بالله تأكد من الاسم والسيارة ... لأنه أنا سيارتي ماشية 10 آلاف فقط .. ومو معقول سيارة ماشية كذا وتكلف 760 ريال !!!!
المهم وصلنا لمدير الصيانة .. وهنا بدأت الفلسفة اللي ترفع الضغط ..
يقول لازم السيارة يتعملها صيانة دورية كل عشرة آلاف كيلو .. عشان يستمر الضمان !!!!!!!!!!!!!!!!
قلت طيب اش اللي غيرتوه في السيارة ..
قال غيرنا البواجي والاسلاك وفكينا الآقمشة ( السفايف ) ونظفناها .. وغيرنا زيت المحرك والفلاتر وزيت الجربوكس ( اوتوماتيك ) ...
بصراحة أنا جن جنوني ... يا ناس يا عالم .. سيارة ماشية 10 آلاف ... جدييييده والله جديده .. يجوا النصابين ياخذوا من الزبون مبلغ محترم .. عشان ايه .. عشان يمشي الضمان !!
لا وكمان عند 20 ألف التكلفة أكثر ...
طيب نجي للكلام المنطقي .. سيارتي الآن ماشية 211 ألف كيلو .. كلفتني صيانة وأعطال ميكانيكة الى الآن 1500 ريال ( ألف وخمسمائة ريال فقط لا غير )
تخيلوا بالله لو أنا كنت مغفل واستمريت معاهم في الصيانة الدورية الى 200 ألف كيلو
كم تتوقعوا راح تكون التكلفة الاجمالية ... من قطع وأجور وخلافه ..
أنا أتوقع التكلفة تساوي BMW M5 2002 :(:(
هذا اللي اسمه نصب واحتيال على البشر ..
واحد من زملانا عنده قولف 2001 .. صرف عليها الى الآن ما يقارب الـ 9500 ريال في الصيانة الدورية ..
قلت له حرام عليك .. والله سيارتك جديده .. قالي خايف يسير فيها شيء ويروح الضمان !!
السؤال اللي أبغا أطرحه .. هل كل الشركات تشترط عليك انك تعمل الصيانة الدورية عشان يستمر الضمان ...
طيب اللي نعرفه ان الضمان على العيوب التصنيعيه ..
المهم اسمعوا كلام أخوكم King واحذروا النصب من الشركات
تحياتي للجميع :):)
MAD MAX
08-11-2002, 10:53 AM
مشكور على الموضوع الحلو يا King_SS
والتغيير عن المواضيع التقليديه يعني قومات وتعبيت وهاذا طالع على هاذا حلو:D
المهم انا اقول خلكم من الصيانه الدوريه واذا شفت السياره محتاجه شئ وديها الصيانه الدوريه يعني مو لازم كل صيانه دوريه كل 5 الالف او 10 الاف توديها
وصدقوني اغلب الوكالات يقولون لك اذا ماتودى السياره راح يلغى عليك الضمان ومن تجربتي الشخصيه اقول ان هاذا الكلام غير صحيح انا عندى ماكسيما 2001 وماوديتها اى صيانه دوريه ابدا والسياره الحين ماشيه 63 الف
طبعا الضمان انتهى بحكم ان السياره عدت ال 60الف . صارت عندى مشكله مع السياره يوم كانت في الضمان يعني كانت السياره ماشيه 56 الف الى صار ان السنسور حق مدخل الهواء خرب وديتها الوكاله وبدلوه لى على الضمان وزى ماقلت لكم السياره ماعمرى وديتها صيانه دوريه ابدا وواحد صاحبي ضربت عليه طرمبه الزيت وبدلوها له على الضمان وهو كمان مايودى السياره الصيانه الدوريه. طبعا لما تروح الوكاله يحاول يتهرب في البدايه من الموضوع بس انت ماعليك قول له انا مااخد سياره جديده ودافع فيها مبلغ عشان الضمان الى عليها والحين تقول ابدل القطعه على حسابي . وهو ماراح يحاول يطولها معاك ويقول تعال بكره وانشاء الله السياره خالصه ومايصير خاطرك الا طيب
:D
760IL
08-11-2002, 02:50 PM
مشكور على الموضوع الحلو , يا King_SS
King_SS
08-11-2002, 07:32 PM
يوووو ... انتو لسة فاكرين ... الموضوع هذا انا قلته من قبل سنة او سنتين ماني فاكر ... بس صراحة ..
انا ابغ انتقد شوية في الشركات .... وسيبوني لو سمحتو اخد راحتي شوية ..
الشركات كل امها نصب في نصب ... اقولو انهم غير وغير وغيرو .. ولما تجي وتفك وتطالع وتدقق تلاقي نفسك دفعت فلوس على شوية كلام باعوك هوا واشتروك بيه ... والحقيقة لاهم غيرو ولا شي امكن الاشياء الظاهرية فقط .. زيت ونظفو الفلتر او غيروه ..
انا من يوم يومي وانا عمري ما وديت سياراتي الصيانة ولا اعترف بشي اسمه صيانة .. ويوم اسير شي في سيارتي اغيروه وهما اضحكو والشركة اللي ما يعجبها كلامي انا اشتكيها في الغرفة التجاية وانعل والديها واخليا تغيره وهم رجولهم فوق روسهم ..
تصور يوم طلعت الكابرس حقي .. طبعا عارفين اني طلعته في اواخر ال99
وطبعا اول ما اخضته الكفرات حبلت ... رحت اغيرها اقللي انت تتحمل مسؤوليتها وعلى حسابك .... قلت يا رجال السيارة ماشية 200 كيلو لسة تمرين .. وكانت مخزنة وانتو تخزينكم كان سيئ .. المهم اللي حصل خليتهم اغيرو الكفرات وهما مثل الحمير .. غصب غصب غصب .. انا ما دفعت شي ..
واليوم الثاني البطارية بطلت تشتغل .. واتكلفت وجبت ونش وسحبت السايرة عليهم .. ويوم قلتلهم ركبولي بطارية جديدة قالو انت اللي تدفع وحنا ماهوب مسؤولين ..
والله .. ثاني يوم وانا جايب مندوب من الغرفة التجارية وكنت راح اقفلهم الدكان اللي فاتحينه وضاحكين على الناس فيه .. ولااا بعد خليتهم يدفعون قيمة الونش ...
ورجائي الخاص من اي واحد مهتم في سيارته لا يوديها الصيانة .. لانهم بيلعبولو في الكمبيوتر حق السيارة على حسب تعليمان مديرية الامن في المملكة .. اي سيارة تجي من بلدها .. مع اول صيانة لازم اقفلو الكمبيوتر حقها واضعفو السيارة شوية ... عشان كدة تلقى السايرة اللي دايم تروح الصيانة ضعيفة واللي ما يروح الصيانة تلاقي سيارته مررة قوية ....
وصدقوني كل الشركات موقعة عقود مع المصدرين من الخارج بان اي سيارة لا يلغى الضمان تبعها .. طالما انت بعتها للعميل بشرط الضمان ل 3 سنوات او ما شابهه .. وهذا الشرط لا يلزم عليك الصيانة الدورية كل الف او كل خمس الالف .. والشركة ملتزمة بالتعهد طالما انت موقع معاها اتفاقية وهيا موقعة مع الغرفة التجارية اتفاقية ...
صدقوني اسمعو كلامي وعلى ضمانتي ...
وسلامتكم ...
Faisal20o0
08-11-2002, 09:16 PM
اخوي King_SS
انا مقتنع بكلامك 100%
لكن أنا وفلان وفلان اللي مانعرف شي بالميكانيكيا وش نسوي
خاصة للصيانه اللي بعد ال 1000 كيلو ايش نسوي بعدها ؟؟
عشان كذا مالنا غيرهم
أمير أبوظبي
09-11-2002, 12:12 AM
تريد الصراحه مثل هذي الامور والمشاكل موجوده في كل الوكالات
بس الامر اولا واخيرا يرجع الي ضمير عامل الصيانه ، اذا كان ضميره صاحي ترا الصيانه بتكون تمام ، واذا كان ضميره في أجازه بقولك الله يعوض عليك:cool:
عمرTarga
09-11-2002, 12:55 AM
السلام عليكم شباب
الموضوع كان وايد عجيب وانت نصحتني نصيحة غاليه وانا الحين انتبهت
للي يسوون الشركات وجزاك الله الف خير
King_SS
09-11-2002, 02:38 AM
صحيح يا فيصل وصادق والله ما الومك .. لاكن كل اللي اقدر اقوله هوا الله اعينكم ..
يا شباب نصيحة مني .. اتعلمو الميكانيكا ... واقرو في هالمجال وايد .. تراهم هنود في مراكز الصيانة ويعرفون احسن مننا في الميكانيكا
لاكن بالجهد ومع الزمن نتعلم .. ومافي احد اتولد من بطن امه فاهم
والله انا جيت لقيت الموضوع مرفوع !!! :confused:
وأنا فرحت احسبه جديد :p
بس يستاهل الرفع http://64.191.4.10/sforum1/images/icons/icon14.gif
كابريس
11-12-2002, 04:28 PM
يستاهل الرفع :D
الغامدي عبدالله
12-12-2002, 06:08 AM
تسلمعلى الموضوع
انا من اول ما اشتريت القولف وانا اركض وراهم ابي دورات صيانه وبعد مماطله وبهلله ومجامله
قالوا لي اذا تبي اي شي او استفسار عندك العمال داخل الورشه
طبعا غسلت ايدي من العمال بعد ما سولفت مع مدير الصيانه وطلعو ا العمال كلهم ماعندهم شهادات معتمده من المصنع الام في الالمانيا
لانهم تعلموا على يد ميكانيكي (لبناني مش الماني )اتى من جده (تعب نفسه؟)واعطاهم دورات
طبعا انا لا اثق في الصيانه ابدا بس تمشيه حال الحين وباخذ دورات (انشاء الله)على السيارات واحاول اكمل على الطيارات
(بس وين احس مكان للتعليم)
والسلام عليكم
الغامدي عبدالله
:cool:
أمير أبوظبي
13-12-2002, 11:12 PM
رد مقتبس من كابريس
يستاهل الرفع :D
Faisal20o0
14-12-2002, 01:22 AM
======================================
ورجائي الخاص من اي واحد مهتم في سيارته لا يوديها الصيانة .. لانهم بيلعبولو في الكمبيوتر حق السيارة على حسب تعليمان مديرية الامن في المملكة .. اي سيارة تجي من بلدها .. مع اول صيانة لازم اقفلو الكمبيوتر حقها واضعفو السيارة شوية ... عشان كدة تلقى السايرة اللي دايم تروح الصيانة ضعيفة واللي ما يروح الصيانة تلاقي سيارته مررة قوية ....
======================================
الا اخوي King_SS
ايش اللي يسوونه الصيانه في السياره بعد 1000 كيلو
وهل اقدر اسويه انا خارج صيانة الوكاله ؟
وشكرا
King_SS
15-12-2002, 12:45 AM
صراحة الموضوع هذا كتبته اول ما شريت الكابرس .. بس يستاهل الرفع ..
حبيبي اي سيارة تجي من بلدها .. مقفلة باكياسها .. الشركة ما عندها الوقت انها تلعب في برنامج الكمبيوتر لسياراتها حيث انها اسبوعيا مو اقل من 2000 سيارة تستورد .. فبالتالي
الصيدة وين ؟؟؟
اول ما تجيب السيارة صيانة الف كيلو ..
اللي اسوه بالظبط يقللو نسبة البنزين اللي رايح على المكينة طبعا مع تقليل قوة شرارة الاشتعال .. وبالتالي السيارة تقل قوتها بنسبة 5 الى 10 حصان مما يؤدي الى تعاستها ..
====
واذا انت قصدك ايش يسو للسيارة من صيانة ...
والله العظيم ولا شي .... كذابيييييييين السيارة زي ما تدخل ... زي ما تخرج ..
مجرد زيت المكينة ....
انا اقللك كيف تتاكد
اذا انت عندك خبرة .. فك واحد من البواجي وحط علامة عليه .. وروح قللهم غيرولي البواجي وسولي صيانة ...
استلم السيارة ...
وهذا وجهي ان لقيت البواجي اتغيرت ..
ناس حرامية عيال كلب .. انا احتقر مراكز الصيانة ..
الصيانة الممتازة للسيارة .. تغيير كافة الفلاتر ( بنزين وزيت ) وتغيير بواجي السيارة كل 10 الاف ..
وامكن اشياء غيرها على حسب مكينتك كم ماشية
وسلامتكم
شرخشين2000
15-12-2002, 02:17 AM
King SS
موضوع جيّد :)
أول ما اشتريت اللومينا ،، كنت أدفع عليها من 300 الى 500 ريال في كل تشييك !!!!
لكن بعد ماعدّيت الـ 30000 كلم ،، حسّيت اني أصرف عليها أكثر من صرفيتي على نفسي :)
من بعدها ،، وانا معطيها بوووووووووووووووومبا !!
الزيت يتغير كل 5000 - 7000 كلم !!!
القماشات ما أغيرها ليييييييين تصير دعسة الفرامل مجرد ديزاين !!
فلتر الهوا الى يومك ما غيّرته !!
سير المكينة تغيّر مرة وحده بس !!
زيت الجير ،، الله أعلم !!! ماقد طرا على بالي !!
السيارة ماشية 75000 كلم ،، وماشية مثل الألف :):)
لكن المشكلة العظمى :help: الكفرات ( التواير ) الخلفية تتغير كل شهرين :D :D
تحياتـــــــ للجميع ـــــــي
Faisal20o0
15-12-2002, 02:55 AM
اشكرك اخوي الكنج على الرد
لكن بقى سؤال
الظاهر انت جاوبته بس انا مااستوعبت كويس
====
وهل اقدر اسويه انا خارج صيانة الوكاله ؟ ( تشييك 1000 كيلو )
وبطريقه امنه ؟
====
شرخشين2000
ها بشر اهم شي السياره تمشي بس :p
King_SS
15-12-2002, 03:32 AM
بالنسبة ليا يا فيصل .... انا كل بعد 1500 او 2000 اغير زيت السيارة ..
وكل 5000 تقريبا .. اغير فلتر الزيت معاها ..
ومع تغيرة فلتر الزيت .. على حسب مزاجي .. يعني كل 5000 او كل 10 الاف .. اغير فلتر البنزين ...
فلتر الهوا ... اشكلللللللللللل والله ما اطل فيه الا بعد ما تمشي السيارة 80 الف ..
ويعتمد عليك انت ....
انا سيارتي رياضية ... كل الف كيلو مثل الالف اغير كل شي بالنسبة للكابرس .. وفي بعض الاحيان اغير زيت المكينة بعد كل سباق
لاكن بالنسبة للسيارة اللي اروح واجي بيها مثل الونيت .... ما اهتم فيه الا بعد 8000 كيلو ... ما عدا الزيت .. كحد اقصى 2000 عشانها سيارة 8 سلندر ...
Faisal20o0
15-12-2002, 03:45 AM
اشكرك اخوي على سعة صدرك والرد
ولكن سؤالي كان يتمحور <<< شوف اللغه العربيه :D لووول
المهم اخوي سؤالي كنت اقصد فيه أول 1000 كيلو اللي هي الفتره بعد التمرين
انشاء الله ان الفكره وصلت بس
واااسف على الازعاج اخوي
الغامدي عبدالله
15-12-2002, 09:49 PM
انا مستغرب ابي رد على اسفساري
أبو نايف
16-12-2002, 09:00 PM
مرحبا أخوي King SS
هل تنصح بعدم الذهاب الى الوكاله ( للصيانه الدوريه ) على الاطلاق ؟
King_SS
16-12-2002, 09:55 PM
رد مقتبس من أبو نايف
مرحبا أخوي King SS
هل تنصح بعدم الذهاب الى الوكاله ( للصيانه الدوريه ) على الاطلاق ؟
نعم .....
وما هي الصيانة ... تغير زيوت وفلاتر .... ممكن اي شخص عادي اسويها في اي محل بنشر
عوذل عن انك تدفع 500 ريال ... راح تدفع 100 ريال او 150 ريال ... وتاخذ نفس النتيجة ..