View Full Version : يا E55 تبغى الصراحة !!!!!!!!!؟
اذا والله حبيت الصراحة فأنت غلطان انك تقفل الرد على الموضوع ولسبب بسيط وهو ان كلامك انت متناقظ بقولك
انا ماعندي مانع في استمرار الموضوع حتى لو عشرين صفحة ,بالعكس هذاشئ يفرحني لكن رجاء نناقش في حدود الأدب ........!!
لكن انت قفلت الموضوع
ولاتزعل ترامالك داعي في هذه الحركة.
واذا حبيت تبعدني عن المنتدى فأفعل لأني انا من نفسي افكر اني أنسحب واشوف منتدى احسن من هذا المنتدى لأنه كله انحياز .
S2000
10-03-2001, 03:27 PM
ممكن يا S8 انك تحطلي الموضوع المقصود عن طريق رابط لأني كنت غايب فترة....
وممكن يا S8 انك تشيل فكرة الإنسحاب من راسك....
وممكن يا E55 تفهمني ايش صار....
lumina_ss
10-03-2001, 03:57 PM
بالهداوه ياجماعه و فهمومنا ايش المشكلة؟ و شنو هذا الموضوع؟
S8 مهما كان احنا ما بنرضى بانسحابك الى منتدى اخر ....
و اخر شي كلنا اخوة في هذا المنتدى...
S8
أنا قلت
"انا ماعندي مانع في استمرار الموضوع حتى لو عشرين صفحة ,بالعكس هذاشئ يفرحني لكن رجاء نناقش في حدود الأدب"
ولما رجعت عشان أشوف الموضوع لقيت أحد الردود كله شتايم وسب (على فكرة ، كان موجه لك إنت شخصياً)
حذفت الرد ووجهت تحذير للعضو اللي كتب الكلام وقفلت الموضوع
إذا كنت تشوف في تصرفي هذا أي شي غلط ... تفضل قول
BRABUS
10-03-2001, 05:09 PM
حرام عليك يا أخي
يعني شفت واحد اسمه المستعار مرسيدس ومواضيعه كله عن مرسيدس سميته انحياز ؟؟؟
إذا انت بنفسك منحاز للبي ام وبتعصب بعد !!!
فهمني منو اللي منحاز الحين ؟؟
واعذرني إني تدخلت في الموضوع مع إنه لا يعنيني !
E55
هالموضوع انا كتبته وكل كلمه انا قلتها اتحملها وكل عضو يكتب رد يتحمل خطاه
اما انك تقرا ردلأحد الأعضاء (لا تستخدم مثل هذه الكلمات)(هداهم الله ) وتقفل الموضوع
عشان رد هذا العضو فهذا والله ماهو منطق
والمنطق انت سويته
حذفت الرد وهددت العضو
كثر الله خيرك
لكن بدل ما تقفل الموضوع من اساسه عشان رد واحد وقصده تقفيل الموضوع عشان هو ماقادر يرد خلاص ابعده عن المنتدى ولاتبعد موضوعي لأني كما قلت لا اتحمل خطاء غيري
ولا تنسى (ما أحد يتحمل خطء غيره)
وان كان الشتم موجه لي فهذا والله يفرحني لعدة اسباب اذكر منها
1 انه ماقدر يسكتني في الردعلى الموضوع
2 هذا اعلان لانهزامه في التحدي والمواجهه
3 وبرده السئ اثبت انه لم يحترم قواعد المنتدى
ولا انسى واقول
ان احنا هنا عشان نستفيد يعني حتى لو جات كم كلمة غلط بسيطة وعفويه (موشرط احد يفهمها غلط )وحتى لو فهمها غلط فما اظن ان العضو الآخر راح يزعل ولسبب وهو ان همزة الوصل بيننا كلنا هذا المنتدى
انت في الامارات وانا في السعودية يعني حتى لو انا زرت الامارات وشفتك ويمكن سلمت عليك وانت رديت ماتعرفني ولا انا اعرفك
الخلاصة
اني ما اظن ان هناك مجال للحقد بيننا نحن هنا كلنا احباب واصحاب واللي عرف بيننا
منتدى سوالف للجميع (قسم السيارات والتكنولوجيا)
واذا احد له خاطر ورد خاص هذا الإيميل حقي
http://www.majedbmw@yahoo.com
ومايسير خاطره الاطيب
وآسف على الإطالة
وسلامتكم
S8
إحنا هني مب في ساحة حرب عشان تقول تحدي ومواجهة
هالقسم لتبادل المعلومات ووجهات النظر
ولا عندي إستعداد إني أترك القسم يتحول لسوق .. الكل يشتم الثاني عشان هذا يحب هالسيارة والثاني لأ
وقفل الموضوع أحسن من حذفه ... وأنا خليت موضوعك
وتصرفت التصرف اللي أنا أشوفه صح وأتمنى إنك تقبله مثل ما هو
وإذا عندك أي ملاحظة ثانية يا ريت ترسلها لي على الإيميل
e55@ayna.com
S2000
http://www.swalif.net/sforum/shthread.php?threadid=81904
لومينا SS
والله ولا انى بأرضى اني اروح لمنتدى ثاني لكن اللى صار صراحة لايحتمل
لكن ولا يهمك عشانك انت وS2000
ولايرد الكريم الا اللئيم
برابوس
كله انحياز
هذه قصدها ثاني واللي يفهم يفهم واللي مايفهم احسن له
ولا تزعل واذا تبغى الصدق
انا والله فرحت لمن شفت ردك علموضوع وعرفت انه في ناس باقي تعشق المرسيدس
وانا والله ماني منحاز للبي ام ولا غيره وانا مااقول الا الصدق بعدين انا شفت ان الفرق صار كبير بين البي ام ومرسيدس
وانا احب اذكر الحسنات والسيئات لكل سيارة وتذكر موضوع الـS8أول موضوع كتبته انا كان. فيه إيجابيات وبعدين السلبيات
مع انه هذا اسمي المستعار لكن ماحبيت اكذب عليكم
ولايغرك عنوان الإيميل وتقول هالكلام لكن انا مالقيت الا هالعنوان
ومادام انك عضو فلا تعتبر ردك تدخل ولايعنيك بالعكس هو منك واليك
E55
هل ترى ان افضل حل هو قفل الموضوع ؟
يعني مافي حل آخر؟
يعني الى متى اتحمل خطء غيري؟
يعني اقلها توقف هالعضو الين مايبرد الموضوع بعدين ترجعه بتعهد ونحوه
اما انك تقفل الموضوع برمته فهذا والله الي ماني بالعه بالمره
يعني بكرة الصباح واكتب موضوع حلو ويجي سفيه ويرد برد بذئ وتقفل الموضوع عشان كلامه (والله حوسة )
عالعموم انا ماقلت احنا في حرب على وعلى مااعتقد ان مفهوم كلامي وصل للغير
lumina_ss
10-03-2001, 06:35 PM
اخي E55:
اقترح عليك و على جميع المشرفين فقط الغاء الرد او المشاركة الغير لائقة بالمنتدى و انذار اصحابها بالطرد من سوالف، وترك صلب الموضوع في المنتدى اذا كان لا يمس احد بالاهانة و الاحراج......
و ارجو دائما من الجميع التعوان و التحلي بالادب وحسن الرد و عدم تجريح الاخرين وسماع و قبول الراي الاخر.... فلا احد منا يحب ان يهان مهما كانت الاسباب... فنحن لسنا في معركة و لسنا في محطة اعلانات للسيارات.. فالجميع له الحق في ان يتكلم عن السيارة التي يشاء سواء ااعجبتة ام لا... فانا اليوم امتلك هذه السيارة و احب تلك لاسباب ما انا اراها، و غدا الله اعلم ماذا سامتلك او ماذا ساحب؟!
و ليحفظ الله الجميع.....
لومينا SS
تبغى الحق
على كلامك
كلامك
كله صحيح وياليت الناس تفهم
والله يحفظك