قوة حصانية وعزم دوران

[CL55-AMG]

يخطئ البعض ويظن انه القوة الحصانية هي كل شي فيقول مثلا انه محرك AMG55 مثلا اضعف من محرك M5 لانه قوته الحصانية أقل.

الواقع انه هذا الكلام صحيح جزئياً ولكن فيه عامل ثاني يؤثر على قوة السيارة وهو عزم دورانها واللي هو في المحرك الأول يصل الى 530 نيوتن\متر مقابل 460 للمحرك الثاني.

الدليل على كذا مثلا انه السيارات الامريكية (كالكابرس مثلا) في بداية التسعينات كانت تصنع محركات ضخمة (5,7 لتر) تنتج قوة تتراوح حول 200 حصان بينما سيارة مثل الماكسيما بمحرك بنصف السعة تنتج قوة مقاربة (وممكن أكثر) بس هذا ماايدل على انه الماكسيما في ذلك الوقت كانت اقوى من الكابريس. كذلك الحوت قوته الحصانية أقل من الشبح لكن معروف انه عمليا أقوى وأخف.

ايش رايكم؟

[S8]

صحيح ان هذا الكلام يخطئ فيه الناس
لكن هل تفسر لي

لماذاالـM5أقوى من الـE55في القومة والخط ؟

[ألأعرابي]

كان تشرح لي و تفهمني شنو هو ال torque
تسوي خير والله

[BRABUS]

على ما أعتقد يعني (واعتبره رأي)

إن لو كانت الـ E55 قيرها عادي أو تبترونيك نفس الـ M5

كانت الـ E55 هي اللي بتروح في القومه والخط :)

[CL55-AMG]

غناتي S8 أرد على سؤالك هذا بان من اهم العوامل في قومة السيارة و(خطها) هي نسب الجيربوكس. علشان كذا مثلا M5 يطلع على X5 وكذلك CL55 يطلع على ML55 بالرغم من ان لهم نفس الماكينه وحتى نفس الجيربوكس بس نسب التروس مختلفة. عادة السيارة يقلل من قومتها وقوتها على الخط علشان ايزيدوا Torque بسبب زيادة وزنها وأعتقد بانه المرسيدس أثقل من البي ام واحتمال انهم هم يبغونها كذا (الشركات هذي ماتبغى سياراتها اتنافس بعضها, فعلشان يتركوا مجال لل SL73 مثلا لازم ايخلوا في فرق كبير بينها وبين اللي تحتها).

والله أعلم.