View Full Version : ممكن اخذ رايكم...وش الأفضل اللومينا ..او الأوميجا..؟؟؟؟
TOYOTA
21-03-2001, 05:17 PM
كل واحد يحط رايه هنا اذا كانت اللومينا افضل أو الأوبل
CL55-AMG
21-03-2001, 05:44 PM
مرحبا أخوي تويوتا.
حبيبي تويوتا لازم أول اتحدد ايش هي طبيعة السيارة اللي تبيها, اذا كانت عائلية فخمة فأقوللك روح للأوميجا ولا تتردد لانك ماراح اتلاقي نص مواصفاتها في اللومينا وكمان تأدية محرك اللومينا السته سلندر سيء مقارنة بتأدية محرك الأوميغا السته سلندر.
أما اذا كنت تبحث عن سيارة عائلية رياضية (يعني اتوصل بيتكم وبعدين تطلع بها قومة) فاشتري لومينا ولو انه ايقولون انه خرابها كثير. أو استنى وشوف كم بيوصل سعر الأوبل 8 سلندر وبعدين قرر.
mrcedes
22-03-2001, 12:30 AM
بطبع الأوبل
1_الفخامة
2_السرعة
3_الخ.............
حبيبي تويونا
انا اقول لك
اذا فلوسك كثيرة وتبغى تتعرف على كل قطعة في السيارة وكمان تتعرف على عمال الصيانة واحد واحد وتفتح معاهم علاقات وجلسات
وبلوت ووووووفأنا انصحك باللومينا
اما اذا كنت لاتريد الكلام الماضي الا اللهم الصيانة الدورية (ولابدون ).......اذا كنت تبغا تغير زيت وتعبيي بنزين فقط وتمشي فأنا انصحك بلأوميجا ودون تردد
هذا غير الفخامة والقوة والعملانية ووووووو
تحياتي
البعير
22-03-2001, 12:13 PM
هذي ما يبغيلها كلام وإذا انته ناوي تشتري السيارة أنصحك بالأوميغا...(وبتقول البعير قالي);)
V6 3.0 واندفاع خلفي شو أحسن من كل هذا وكفاية أنها أقوى من...
الماكسيما في الخط;)
ـــــــــــــ
من المواصفات الموجودة فيها:تليفون يتحكم فيه من السكان(الدركسون),ستارة خلفيه يتحكم فيها أوتوماتيكياً من الطبلون,مسجل من نظام بوز المشهور تقريباً بعشر أو ثمانية سماعات,
جيوب في كل أبواب السيارة لتخزين الحاجيات الصغيرة جداً,جناح وتزويد
يأتي من الشركة مع نظام اكزوزت متكامل يزيد من قوة الأحصنة مع زوايد أمامية وخلفية(هذا في حالة عند الطلب),أربع لمبات صغيرة في السقف يمكنها أن تنير السيارة بالكامل,مكيف هواء خلفي يمكن التحكم فيه,مقاعد جلد يمكنك أن تختار أي لون يعجبك من الألوان الموجودة في الشركة(واللي هي أربع ألوان),نظام الزينون(لمبات إنارة بيضاْ)والنظام الخلفي من اللمبات المعروف في الـBMWوالمرسيدس...وهي الكشافات الخلفية...;)
يا عيني عليكي يا أوميغا كل هذا وتقارنونها بالماكسيما و اللومينا!!!
وكفاية أنها تطوف الماكسيما!!!
ـــــــــــــــــ
أخوك الـhttp://www.angelfire.com/ar/zamel1/images/cmil.gif