عيوب السيارات..بدون زعل!!

[سيف الإمارات]

^1

عيوب السيارات..بدون زعل!!

رأيت أن أطرح هذا الموضوع للفائدة

على كل واحد يذكر سيارة و عيوبها بدون ما يذكر إشاعات سمعها عن سيارة مثلا.


وأنا برشح أخرب سيارة شفتها في حياتي

http://wsphotofews.excite.com/028/M0/TH/5l/kU85082.jpg

[S2000]

انا ماراح اذكرلك اشاعات..
انا بذكرلك عيوب حقيقية وموجودة في الـS2000 اشتكوا منها ملاكها الأمريكيين..
وأي واحد مقدم على شراء S2000 لازم ياخذ فكرة عن هذي العيوب ويقرر هل هي مؤثرة بالنسبة له أو لا..
لكن لاتنسى انها جميعا قابلة للتعديل في حال اردت ذلك..

- النافذة الخلفية بلاستيكية "يعني بعد فترة قصيرة راح تبهت"
موديل 2003 يتوقع توفره بنافذة زجاجية..
- النظام السمعي ضعيف "عدد 2 مكبرات صوت امامية فقط"
- الفرش الأرضي الداخلي مش ولابد..
- الهورن غريب شوي "البوري"..
- البناااااااااااات http://www.swalif.net/sforum/images/icons/icon10.gif

زي منت شايف والحمدالله المشاكل الميكانيكية أو الفنية غير موجودة..
ممكن يجي واحد ويقلك (تحتاج تقودها بعصبية حتى تستخرج كامل طاقتها)
لكن بالنسبة لعشاق الهوندا "ولي بالذات" هذا هو أحلى جزء "وأحلى صوت" :)..

يقولوا صحن الكلتش ممكن "يروح فيها" بسرعة بسبب القرب الشديد لنسب الغيار الستة من بعضها!!
ويقولوا كمان صحن الكلتش مو ممكن "يروح فيها" بسرعة لأنه في الأصل مصمم لهذا الأداء الرياضي!!
وانا اقول ننتظر وان شاء الله بعد التجربة "والدعس" نحكم :)


بصراحة ودي في جماعة الماكسيما يذكرولنا عيوب الماكس بكل صراحة.

[سيف الإمارات]

^1

أول مرة أعرف عيوب S2000

جزاك الله خير

و هذا هو هدف الموضوع رغم حبك لل S2000
ذكرت عيوبها

جاء دور ال DODGE VIPER GTS
و السبب كثرة عيوب السيارة مع كثرة معجبيها!!!

من تجربتي معها عيوبها كالأتي

1.engine overheating when it was 22C outside

2.the car has very poor suspension you can't drive it for more than 30 minutes

3.the car is not as fast as it was advertised we reached a top spead of 275 km only

4.the car is so load and the noise is terrioble you can feel the engine heat inside the car

5.we drove it in the rain and the rain destroyed the car electric circute and it was replaced

6.the brake is not good


http://209.132.49.149/images-large/2001_dodge_viper_gts-1.jpg

[سيف الإمارات]

^1

بالنسبة للنيسان ماكسيما الصراحة إنها أفضل سيارة في فئتها

إستعملتها سنة و ما فيها أي عيب لكن لي ملاحظتين عليها

أول ملاحظة موصفات الأمان في السيارة من ثبات و مكابح هيكل صلب و ثاني ملاحظة دفعها الأمامي و مشاكلة


http://wsphotofews.excite.com/006/GE/YH/jl/Kb23850.jpg

ماكسيما أمريكا

http://wsphotofews.excite.com/014/S1/pW/RG/wo55581.jpg

[E55]

فكرة حلوة :)

بالنسبة لي ، من السيارات اللي جربتها و كرهتها من كثر خراباتها هي

أولدزموبيل نايتي ايت موديل 92

كل أنواع المشاكل شفتها في السيارة هذي باستثناء المحرك ... كل المشاكل :)

أما سيارتي الحالية ، الحمدلله لحد الحين ما واجهتني اي مشكلة من اي نوع

لكن أحس إن البريك ما يتناسب معها ، ضعيف خاصة مع الحرارة أو على سرعات عالية

[سيف الإمارات]

^1

E55

الظاهر إن ال OLDSMOBILE
القديمة أحسن من الجديدة

كانت عندي وحدة موديل 82
بس رهيبة تجيب حدها 85 mile/hour
و هي واقفة :D

و لا شفت أعطال
منها لين ما بعتها

http://wsphotofews.excite.com/003/16/2g/pt/7416845.jpg

على فكره الصورة حصلتها بصعوبة ما دري منو هذا الي فرحان بها :D

[CL 600]

ألأخ سيف ما قال وش المشاكل ... قال وش العيوب ؟؟


الأوبل أوميجا .. ولله الحمد ما شفت منها أي مشكلة ..

لكن عيوب السيارة تكمن في ..

1 - عدم وجود سنتر لوك .
2 - عدم وجود حوامل للأكواب .
3 - محرك 4 سلندر ضعيف .
4 - عدم وجود مؤشر لناقل الحركة في الطبلون .


من أحسن إيجابياتها إن قطع غيارها أرخص من بعض السيارات اليابانية ..

[NFS]

جاء دور الهوندا أكورد:

العيوب:
*قطع غيار غالية "ماهي جديدة عليكم"
*تعليق قاسي بالنسبة لسيارة عائلية
*لايوجد مسند وسطي للسائق "تكاية"
*الأهتزازات تلاحظها بوضوح لما تقف مثلاً عند الأشارة "يمكن لأن السيارة قديمة"
*دواسة الكلتش ثقيلة
*النوع المزود بفتحة لا يرتفع الجزء الخلفي إلى الأعلى "TILT"


وأهم مميزاتها:
*قلة أعطالها "سيارتي صارلها أكثر من سنة ما دخلت ورشة إلا لوزن الصمامات فقط"

[بازط]

S200
ياخي تعوذ من ابليس ،،، لا تسد نفسي عن السيارة :(
الله يهديك بس ...

الأخ سيف
انت قصدك السياره اللي معي والا أي سياره تعجبني ;) ؟؟

اذا على سيارتي أفالون 96
شاريها مستعمله ،، وما لها الا سنه تقريباً من يوم شريتها
http://www.geocities.com/bazed96/avalon96.jpg
العيوب اللي لا حظتها فيها :
1- عدم توفر بعض القطع عند الوكيل الا بالطلب :(
مع انها تويوتا لكن المشكله انها مو منتشره

2- الثبات في اللفات مش ولابد ( تعليق ليّن نوعاً ما )

3- العازلية تعبانه شويه :(

4- المسجل ماله داعي



واذا على السيارة اللي تعجبني BMW

وعيوبها :
1- انه محد يعرفها مزبوط ( عشان كذا سمعتها مو زي البنز ) ;)

2- أغلب القطع غاليه جداً :( وليس كلها :)

3- الإتساع الداخلي للفئتين الثالثه والخامسه --- ضيقه :(

4- الثبات في المنعطفات للفئة السابعه --- ليس المطلوب :(



هذا اللي اعرفه وسلا متكم






باي باي :):)

[زورو الامارات]

السلام عليكم ورحمة الله وبركاته

اشكر الاخ العزيز على فتحه لهذا النوع من المواضيع وحبيت اشاركم يا شباب من ضمن خبرتي المتواضعه.

الوالد عنده كابرس بروهام جلد 91 === 5000 سي سي
وفيها مشاكل كثيره تتعلق بجوده التصنيع مثل:

* مضخه البترول == لازم تخرب في الجنرال موتورز كله
* البريك تعبان == يافؤادي لاتسل
* مساحات زجاجيه كبيره تجعل من داخل السياره حمام بخار ماتقدر تلمس شي ابدا ولا حتى تشغل السياره لان مقبض السلف حديد وتحس انه بيوسمك:)
* مكينة عزمها عالي لكن قوتها مش ولا بد
* لفاتها طويله جدا يعني ماتقدر تدخل فيها موقف مثل البشر
* مسجل من العهد الحجري
* مكيف جيد بس مايبرد الا في الليل
* قطع غيارها غاليه نوعا ما عند الوكيل
* الطابلون الامامي كبير جدا يعني ماتقدر توصل ل اخره اذا وضعت عبلة محارم او شي
* وضعية الهرن = البوري في سكان السياره له مفتاح يخرب بسرعة الضوء مايعمر ابدا
* زاوية فتح الابواب الاماميه كبيره جدا لدرجة انه لما يفتح للاخير لازم تنزل وتمسك الباب وتصكه
* التعليق لين جدا يعني من اقل مطبه الناس تهتز داخل السياره وعلى السرعات 140 تبدا تتهزز ترتفع وتنزل

هذا الي تذكرته الى الحين لكن ان شاء الله يكون وافي


تحياتي للجميع يا شباب :):):)

[S8]

بسم الله نبدا
الكامري
اذرعة تعبانة تخرب سريع ومستحيل انها تتوزن
قماش الأبواب يطيح من مكانه بعد فترة بسيطة من الزمن
بعد 3اشهر او4 يكون الجير تعبان ويحصل له تدقيره
كلتش ثقيل بالمرة اسطبات تنحرق على طول
مكينة مزعجة
مساعدات ماتستحمل المطبات عندنا وعلى طول تتفقع
ايضا انا اشوف انها تعليقها قصير يعني لمن تطيح في حفرة مباغتة(فجأة) تسمع صوت (طق) بقوة كبيرة وكأن السيارة بأكملها طاحت حفرة كبيرة

سوبربان
المكيف تعبان وكثير خرابات
الدينمو دائما عطلان
المقصات وجلدها الأذرعة تعبانه وبعد مدة تسمع لها صوت
كثرة الإرتجاجات في الخطوط السريعة واذا اكل مطب بسيط بالمرة ينط وينط وينط حتى يكسر ظهرك
تعليق قاسي بالمرة (لكن مقاعد مريحة)
بلاستيك تعبان وكثير الأصوات

سفاري (جمس)
توزيع خاطئ للمكيف
كثرة استخدام البلاستيك (مما سبب لها ازعاج كبيرة وقت المشي فيها

لومينا وكابريس
الكلام فيها كثير

ليجاسي
الأبواب (هارتوب) بدون اطار يعني ازعاج شديد للهواء وايضا الجلوريا

الإنفينيتي
مزعجة جدا على السرعات العالية

الأودي 8
ايضا مزعجة جدا جدا على السرعات العالية وكثرة خرابات الجير

الجولف والبورا
غير مريحة وضيقة جدا من الداخل

الكاديلاك عموما
كثيرة خرابات

والكراون فكتوريا والجراند ماركيز
يسمونها (سيارة الورش) من كثرة الخرابات

مرسيدس S
العطل يكون في مروحة المكيف


يعني مافي سيارة في الدنيا كاملة
والله يكون في عون المشتري

[سيف الإمارات]

^1

CL600

جزاك الله خير على التوضيح :)

NFS

بضيف غلى كلامك ال HONDA
بشكل عام ما قدروا يعزلون صوت الشارع ما دري ليش


بازط
الأفلون عيبها الوحيد إن TOYOTA
تقلد السيارات الأمريكية
أما ال BMW
من كثرة عيوبها يبالها موضوع بروحها :)
أنا متعقد منها لأن مرة كنا رايحين البر في BMW 525 قديمة شوي ما أدري شو ضربها من تحت المكينة نزلت الزيت كله و خبطت المكينه

[CL55-AMG]

والله موضوع حلو مرررررررره حبيبي سيف الإمارتا وأهنيك عليه.
بما انه اسمي CL55 وبمااني أمتلك CL500فأعتقد بأني سأتكلم عن هالسيارة.

هالسياره مرررره روعه وصعب جداً إنك تلقى فيها عيوب. بس أنا لاحظت فيها عدة أمور منها حاملة الأكواب فيه حاملتين أكواب في واحده يعني ممكن من النظره الأولى تعتقد انها حامله وحده أعتقد لو انهم حطوها بطريقه عاديه يكون احسن. كذلك المكيف مو واجد بس كمان مو مثل مايتصوره بعض الاعضاء هو بين بين مو سيء بس مو ممتاز.
أما أهم مشكله في هالسيارة هو انها معقده يعني تحتاج لفتره لحد ماتتعود عليها بص صدقني لحظة ماتتعود عليها ماراح تقدر تتركها!!!!

[سيف الإمارات]

^1

زورو الإمارات

مشكلة الكابرس و الرنج في الإمارات وكيلها

إستعملت IMPALA SS MODEL 96
سيارة ما تسوى
المكيف خرب في التمرين و الBRAKE
تعبان و السيارة مش ثابتة

S8

ما شاء الله عليك ذكرت عيوب السيارات الي نسيتها :)

[CL-Class]

أخوي S8 ....انت تقول " مرسيدس S ...العطل يكون في مروحة المكيف "
انت متأكد ؟؟؟ صحيح ؟؟؟ طيب في أي موديل ؟؟

[سيف الإمارات]

^1

CL55-AMG
حياك الله أحوي :)

بغيت أسألك هل صحيح إن CL
مش ثابت فوق ال160KM/HR
و جزاك الله خير


CL-CLASS

الكلام صحيح عن مكيف المرسيدس الجديدة فياجرا

[سيف الإمارات]

رولز رويس تسحب سيارات كورنيش من الاسواق

لندن - محيط : قررت شركة رولز رويس سحب 0 8 4 سيارة من
سياراتها الفاخرة بعد اصابة شخصين بجروح في الولايات المتحدة نتيجة انفجار سيارة رولز رويس خلال تعبئتها بالبنزين لأول مرة في معرض البيع.
وقال محققون اميركيون ان سبب الانفجار قد يكون تسرب بخار الوقود الى قمرة الركاب نتيجة عطب في جهاز الترشيح.
واكدت الشركة التي ارسلت خبراء لفحص حطام السيارة ان الانفجار حادث معزول ولكنها اضافت ان سحب السيارات الاخرى ضروري حرصا على سلامة الزبائن.
وقال مصدر في الشركة انها تجري اتصالات مع جميع الاشخاص الذين يملكون سيارات رولز رويس وبنتلي من طراز كورنيش وازور وكونتننتال المكشوفة

=========
ما تسوى عليهم هذي سيارة قيمتها أكثر من مليون

[S8]

ايه نعم صحيح
صحيح يا أخ سيف
ان المروحة كثيرة الأعطال حق
المرسيدس فئة Sالجديدة من موديل 99وانت طالع
وانا متأكد من هذا الكلام

[سيف الإمارات]

^1

عيوب الساب

غير الي ذكرته في موضوعك
الساب مشكلتها المحرك
ضعيف جدا و VXR عادي أطوفك
بعدين محركها مش معروف وقطع غيارها مش متوفره
و المستعمل منها دور حد يشتريه

[CL55-AMG]

ههههههههههههههه
ماعليك أخوي كلام فاضي أنا صارت عندي SL600, BMW730IL, BMW850i, CL500 وسقت سيارات كثير غيرهم. بس صدقني مالقيت مثل ثبات الCL500 على السرعات العاليه حتى الSL600 اللي كنت في وقت من الأوقات أعتبرها أثبت سيارة في العالم!!!!
تمشي على سرعة 200 كلم\س وكأنك قاعد تمشي 120 كلم\س, والسبب راجع لنظام ال ABC واللي مصمم لسيارات Formula 1 و GTR علشان تمشي بسرعات تقترب من 400 كلم\س وهي محافظه على ثباتها.

أما بالنسبه لكلام حبيبي S8 عن المروحه فهو صححيح 100% لكن مع موديل 99 حيث نزلت دفعه منها كانت تطلق رائحة شيء يحترق من المروحه وسحبت كل هذه السيارات من قبل الوكيل وأصلحت المشكله. أما من موديل 2000 وطالع فاختفت هالمشكله.

[S2000]

ممكن اقول شي...

بالنسبة لمن يشتكي من قساوة التعليق سواء في الفايبر أو الكمارو أو حتى في الأكورد...
انا اتوقع ان هذا الأمر مقصود من الشركة الأم..

تقدر تقول ان العملية عكسية:
تعليق مريح "راحة أكبر" = رساوة وثبات أقل
تعليق قاسي "راحة أقل" = رساوة وثبات أكبر
من تجربة (مثال توضيحي فقط):
الماكسيما تتحلى بعامل راحة وهدوء رائعين..
في نفس الوقت سيارتي "السيفيك" ارسى واثبت منها وخصوصا في النعطفات..
مع العلم ان السفيك لاتقارن من ناحية الراحة بالماكسيما..
طبعا يكون في الحسبان ان السيارة اصلا مصممة كسيارة ركوب عادية..
يعني لايجي واحد ويقللي عندك الونيت تعليقه زي الحجر بس رساوته زفت ;)..


أكيد الألكترونيات ممكن تتدخل في مثل هذه الأمور وتعدل الكفتين ولكن تبقى التكلفة العالية على المستهلك الأخير هي العائق الوحيد لاستخدامها على جميع انواع سيارات الركوب..

أي اعتراض :)

[سيف الإمارات]

^1

CL55-AMG
مشكور على التوضيح و هذاهو القصد من الموضوع

أما بالنسبة لكلام S2000
كلامك صح 100%
بس ليش سيارات VW
ثابتة و مريحة و ليست غالية!!!!

[سيف الإمارات]

^1

نسيت أقول عيوب سيارتي الحالية LEXUS LX470 :)

أكبر مصايبها الخوف من الشفت يطيح!!!!
مادري ليش لين الحين ماحد رفع قضية عليهم!

و المشكلة الثانية

بريك السيارة تعيس و تفقد توازنها يعني لو تضرب بريك على لفه رحت فيها

[S2000]

ممــممممممممم...

هي مب يعني غالية غالية!!
بس برضو مب رخيصة مثل الياباني :)

[Bold]

انا باتكلم عن الماكسيما الشكل السابق "1998"
الصراحه السياره لين الحين مافيها عيوب إلا الآتي:
1- صوت الهواء العالي جدا عند السرعات اللي فوق ال 160 وخصوصا من المرايات الجانبيه لدرجة اني افكر اركب عليها تلبيسه فيبر !
2- صحن الكلتش فيها بدا يطلع فيه مشاكل مع ان السياره ما كملت 96000 كلم؟! اول مره في حياتي اشوف صحن كلتش يشتغل تمام بعد ما يسخن!!!!!!!!!
3- مكيفها في عز الظهر ياخذ حوالي ربع ساهة لين ما يبرد السياره
4- السماعات اللي فيها مب حلوه على سياره مثلها .. تخيلوا السماعات الخلفيه فيها tow way يعني دائريه مب بيضاويه مثل اللي في الموديل الاساسي للكامري!!!
5- لو صرت تسوقها باحترام لفتره من الزمن علطول تكربن بسرعه!
6- توايرها مب مناسبه لسرعتها .. يعني تحس نفسك على اللفات شوي وبتطلع عن الخط
7- أسوا واسوا واسوا عييييييييب فيها هو عدم وجود ABS إلا في النسخه رقم واحد جلد ""انا اللي عندي رقم واحد مخمل ومافيها ABS!!!!!"
بس تبون الصراحه ... من اروع ما فيها الهدوء الكبير جدا لماكينتها .. ودمتم

[بو سعد]

بالنسبة للأخ سيف الإمارات

أيش الشفت اللي تقصده في اللكزس 470

وشلونه على الرمل