View Full Version : ماهي أفضل أجهزة الحماية
الليزر
29-05-2001, 01:55 AM
الاجازة الصيفية قربت وقرب صياعة المراهقين الفارغين في الشوارع الى ساعات الصباح الاولى والتفحيط كذلك بياخذ مجراه
لذلك ومن باب سد الذرائع اتمنى منكم توجيهي لأفضل اجهزة حماية السيارات من السرقة بكل انواعها ومميزاتها واسعارها ومكان بيعها .
علما باني اسكن في الرياض
والمواضيع راح يكون مفيد لنا كلنا
سوناتا
29-05-2001, 06:43 AM
وأجهزة الإنذار في السوق كثيرة وبالنسبة لي لأعرف ماركة معينه وياليت إذا فيه أحد مجرب ماركة معينه يوضح أسمها ، وأعتقد فيه جهاز إنذار ضد السرقه عليه ضمان لمدة سنه تجده في شارع الغرابي.
= وعلى فكرة = أحرص يكون فيه للجهاز ضمان !
هذا إذا كنت مضطر لشراء الجهاز !
السلام عليكم
اهلا والله
انا عندي كامري وركبت فيها جهاز انذار للإنذار وغيره ...وله فوائد كثيرة(والجهاز معروف ومشهور في السوق وتلاقي عند اصحاب الزينة )
منها
تشغيل السيارة عن بعد (حميها في الصبحية لمدة 10 دقائق) وبعدين تطفي لوحدها
فتح وقفل الأبواب وايضا الشنطة الخلفية ((السيارات ذات الشنطة الكهربائية الفتح))على سبيل المثال المكس
في حالة انه احد حاول يكسر الزجاج ..على طول يشتغل الجهاز ..ويوقف بعد 30 ثانية تقريبا
اما اذا انفتحت السيارة والجهاز يعمل ..فعلى طول يصيييييييييح ولا يفصل الا اذا انقفل الباب او من قبل صاحب السيارة
قفل اتوماتيكي للأزرار بعد تشغيل السيارة ....واول ماتطفي السيارة على طول تفتح الأزرار ...
ايضا من خلاله تقدر تشغل البوري (المنبه)
ويصل بعده تقريبا الى حدود الــ100متر الى 200متر في المناطق المفتوحة
مع انه معايه له 4 سنوات الا انه 100% ...لكن قريب خرب فيه الـACحق المنبه ولاعاد سويته ..وخلال المدة هذه ماشاء الله لاخراب ولامشاكل
ومع انه صناعة تاويوان اوتايلاند ماني متأكد..لكن اذا تبغى نصيحتي اشتريه وركبه وانت مغمض
شكله
الكرتون حقه لونه احمر وعلى الغلاف صورة سيارة اعتقد والله اعلم انها موستنق اوكمارو...المهم سيارة كوبيه
الريموت حقه لونه خشبي ومنه موديلين انتل وبدون انتل ..الأفضل انك تاخذ اللي فيه انتل (هوائي) ...لأن الإثنين سعرهم سوا
انا شريته من جدة بـ 180ريال وتركيبه بـ50ريال يعني كلفني 230 ريال
لكن انا سمعت انه في المدة الأخيره ارتفع سعره ...بس ماني متأكد
ان شاء الله اكون افدتك:)