الجميح والأجر على الله(نصيحه هامه)

[lumlss]

ياشباب انا ماخذ لومينا LS من الجميح موديل 2000 أسمعوا ياشباب القصة
(قبل ما تكمل السيارة سنة من يوم شريتها اخترب عندي AirBag السائق وقام البوري شغال على طول ووديتها الوكالة قالولي القطعة مو موجودة و وصيناعليها بعد شهر توصل وظلت السيارة عندهم وبعدين صار عندي تهريب ماء راديتر موصل بالقير ووديتها الوكالة وما صلحوها إلا بعد ثلاث مرات وكملت السيارة سنة وصارت تقطع في القير وديتها اول يوم يوم ثاني اتصلوا (خلصت السيارة)
وهي نفس الشئ تقطع ووديتها المرة الثانية فحصوها بالكميوتر يقول لي المهندس ما فيها شئ (طبعا كانت التقطيعة بس في التعشيقة الرابعة )والأن صارت في التعشيقة الثالثة ويوم بعد يوم بتصير في كل التعاشيق).....

ياشباب اللي ناوي ياخذ سيارة وكيلها الجميح لايتسرع لأن من أهم مميزات الجميح هي انه المنافس في الأسعار مع التوكيلات ومن مساوئها الخدمة في الورشة وكل واحد يرميها على الثاني و حتى مدير الورشة.....

ياشباب كل واحد عنده حل لايبخل علينا....اخوكمlumlss



حاولت اهونها وانشاء الله تهون

[E55]

ما أدري إذا المشكلة في السيارة ولا في الوكيل

ليش ما تجرب توديها لورشة اي وكيل ثاني لسيارات GM غير الجميح ؟

[lumlss]

يا أخ E55 لو وديتها وكيل ثاني بيسقط الضمان...
وإذا قلنا المشكلة من السيارة معناها انها ما تتحمل سياقة شباب
و إذا قلنا من الجميح اتوقع حتى التوكيلات والعيسى نفس الشئ

[M5]

تحية طيبة وبعد ،،

أنا أعتقد والله أعلم ان مشكلة سيارتك من ناحية " التقطيع " اللي ذكرته ....
هي مشكلة كهرباء المحرك والمقصود فيها " البواجي " أو Spark plug ...
أما لو كانت سليمه فالمشكله يالحبيب في اسلاك البواجي ،،

لأنه حسب ما ذكرت ان التقطيعه بدأت في التعشيقه الرابعه ثم تدريجياً إلى كل التعاشيق ....



واللي أنا أعرفه ( ميكانيكياً ) .... وهذي المعلومه للجميع :

- تقطيع المحرك على سرعة دوران منخفضه ، سببه البواجي أو أسلاك البواجي .
( الدائره الكهربائيه للمحرك )


- تقطيع المحرك على سرعة دوران عاليه ، يعني بخاخات أو كربريتر أو مضخة الوقود .
( دائرة الوقود للمحرك )





تحياتي ،،

[lumlss]

يا شباب يوم كانت التقطيعة في التعشيقة الرابعة فقط كنت لما ارجع نمره الى التعشيقة الثالثة تروح التقطيعة اما الأن في كل التعاشيق كما ذكرت سابقا

[E55]

يسقط الضمان !!!!

شي غريب فعلاً

عندنا في الإمارات 3 وكلاء لسيارت شفروليه

وتقدر تفحص سيارتك عند اي واحد منهم وتصلح سيارتك عنده بدون اي مشاكل

[lumlss]

يا أخ E55 أنا ماجربت الطريقة إلي عندكم في الأمارات لكن اليوم بتطلع سيارتي من الوكالة وبجرب الطريقة مع التوكيلات...
ياشباب هل ينفع إني أطرح المشكلة على خدمات الطوارئ إلي يسحبون السيارة عند تعطلها...

[E55]

أعتقد إن خدمة الطواريء بس في حالة إن السيارة عطلانة وما تشتغل بس

لكن إذا عندك شكوى على الوكيل ، أعتقد إنهم بيعطونك رقم المكتب الرئيسي في البحرين

ممكن تتصل فيهم وتطلع كل اللي في خاطرك :)

[lumlss]

اليوم تسلمت السيارة وقالولي أن التقطيعة من (السنسور)اللي بين فلتر الهواء والبخاخ فيه غبار بسبب عدم تنظيف الفلتر وانا ما صار لي شهر من تنظيف الفلتر وإنشاء ما تقطع مرة ثانية
ومشكورين يا شباب على إقتراحاتكم...
















هونها وإنشاء الله تهون