View Full Version : مكيف..... النجده!
ألأعرابي
22-06-2001, 06:59 PM
الله يسلمكم خذيت القراند ماريكي مالي موديل 1991 و رحت اقحص فيه في التراب و عقب ما خلصت الا المكيف بشغله اسمع صوت طقطقه
كأن التراب دخل في المكيف,كيف؟
شنهو الحل؟
كم بكلف تصليحه؟
هل يحتاج تصليح؟
علما بأن الموتر موتر البيت يعني اذا أكتشفوا السالفه رحت فيها
تستاهل :)
يزاك وأقل .... :)
ولين ما حد يكتب لك الحل ، بتكون إنكشفت ورحت فيها :):)
ألأعرابي
22-06-2001, 11:24 PM
الصديق وقت الضيق يا بو مرسيدس
ذكي مجتهد
23-06-2001, 02:54 AM
يا ليتني أعــرف كان علمتك
:) :) :)
Ferrari^_^love
23-06-2001, 04:09 AM
أقول اشلون الغراند ماركيز في التراب ;);)....يمدحونها ايقولون :):):)
مسيطر
23-06-2001, 07:55 AM
والله شوف حبيبي يألأعرابي
أنا شايف إنك تشفلك اقرب كهربااائي مكيفات وتفكنا:):)
ولاتزيد تقحص مرة ثانيه فاهم,,,,,,,,,,,,,
بعد التحية للجميع ،،
مرحبا أخوي الأعرابي ....
شوف يالحبيب ، بالنسبة لمكيف السياره عموماً من الصعب جداً دخول الغبار والأتربه الى داخل دائرة التكييف نفسها ..
لأنه لو في مجال لدخول الغبار ، كان طلع الفريون كله ...
لـــكـــن ،،
اللي حصل معك في الماركيز ، أتوقع ان التراب جاء الكبروسور ( الضاغط ) أو بالتحديد جاء على كلتش الكمبروسور ( القابض الفاصل ) ...
هذا الكلتش يكون خارجي ، يعني معرض للأتربه والغبار ومياه الأمطار وما شابه . . . .
اذا تسمحلي بس يا اخوي ودّي أوضح طريقة عمله باختصار شديد ....
وظيفة الكلتش وصل وفصل الكمبروسور ، كلكم يعرف البكره ، وفي بكره خاصه بالمكيف ،،، وهذي البكره تدور باستمرار طالما المحرك يدور ....
وظيفة الكلتش عند تشغيل المكيف هو توصيل الحركة بين الكمبروسر والبكره وبالتالي يدور الكمبروسور ....
وعند ايقاف المكيف ، ينفصل الكلتش عن البكره ويتوقف الكمبروسور ...
نعود لمشكلة أخونا الأعرابي ...
أتوقع والله أعلم ان اللي حصل ان التراب دخل ما بين الكلتش والبكره أو ما بين الكلتش والكبروسور ....
فعند تشغيل المكيف يحصل احتكاك شديد في الكلتش ويطلع صوت الطقطقه اللي سمعته انت ....
وهذا الكلتش يمكن تغييره ،، واعتقد انه بيكلفك :
تقريباً من 400 - 800 ريال ........ ( قطعة فقط )
وتكلفة صيانته تقريباً من 100 - 200 ريال .
وحاول تلحق قبل لا يصيدونك وتروح فيها ;)
تحياتي ،،
ألأعرابي
23-06-2001, 11:48 PM
تشكر أخوي م5
أنا حاس و كأن في حصاه داخل مروحة المكيف, لكن مادري
بروح يكشفون على الموتر
ليلحين ماصادوني
يالله تمشي السالفه على خير
انا اقول روح للمغسلة وغسل سيارتك بستم وان شاء الله انها بتصلح
العفو أخوي الأعرابي :)
لكن فيه شيء ثاني أتوقع انه حصل ...
أتوقع انك يوم مشيت في التراب كانت فتحة التهويه ( Ventilation ) مفتوحه ، يعني يدخل هواء خارجي ،،، اعتقد مكتوب عندك على الكونسول Vent ...
فاللي حصل انه دخل التراب الى المروحة الداخليه للمكيف ....
في هذي الحاله أعتقد إنك تحتاج تفك المروحة وتعملها غسيــل فقط :)
وهذا كله في حالة اذا انك لسع ما أنكفشت ;)
تحياتي ،،
ما حد قال لك اني ثرثار :)
ألأعرابي
24-06-2001, 05:13 PM
والله جبتها
توني متذكر أني كنت فاتح الvent
عشان رفيقي كان يدخن عشان ما تصبغ الريحه
تسلم
ما قصرت
أنت سوبرمان بتاعي
المنقذ
ألأعرابي
24-06-2001, 10:44 PM
تعالوا!
بس أنا ما أعرف كيف أفتح غطاء مروحة المكيف!!!