\/\/ الاطار الملون ----- > ادعس واطبع \/\/

[S2000]

سلالالالالالام شلة كيفكون :)

هل سبق ان تخيلت أو حتى تمنيت كفر ملون لسيارتك!!
شركة BFGoodrich جابت طلبك لحد عندك...
اطارات Scorcher® T/A الملونة الآن متوفرة قياسيا بثلاثة ألوان صارخة:
الأحمر :) والأزرق :) والأصفر

http://bfgoodrichtires.com/catalog/scorch-0.gif

مب مالين عينك اللي راح ياكلها الدود ;)
اجل جرب تختار وتطلب أحد الألوان التالية:

https://customcolor.bfgoodrichtires.com/ScorcherTAOnline/art/Colors.gif


اذا عجبتك الشغلة يابيكاسو جرب تسوي كمبينيشون "خلطة" من لونين كحد اقصى..
خلاص سيب الباقي على الشركة "أهم شي اختار عدل" ;)

https://customcolor.bfgoodrichtires.com/ScorcherTAOnline/art/Rotating%20Tire.gif

وأحلى جزء يكمن في تاثير هذه الألوان على الشارع...
يعيني اذا ركبتهم خلي شعارك -----> ادعس واطبع :)

الأسعار مبالغ فيها شوي بالنظر الى ان المقاسات المطلوبة بكثرة متوفرة بالفئتين H و V فقط...
فهي تترواح مابين 121$ الى 198$ حسب مقاس الاطار واللون المطلوب..
لكنها ضريبة للتميز أو الجنون :)
http://www.BFGoodrich.com

تشا تشاااااااااااا.........

[Eclipse]

هلا S2000

مشكور على الموضوع

ثانيا : هذه الكفرات من زمان طلعت

و الي ملاحظه ان كل الي يركبوها الهونداويه :):)

[GT3]

تراك غاوي عدم شوراع الحكومة ;)

بس انا اؤيد انهم يجيبوه السعودية عارف ليش لانك لمن تفحط و تطبع على قولك ما راح يتعب شرطي المرور

راح يشوف طبعة صفرا على الارض و برضه راح يمسك راعي الكرسيدا الغلبان

و يجي العسكري الثاني و يقول للاول يا اخي لا مو اهذا و يمسكو واحد ثاني كفره في خط احمر :) :):)

[شرخشين2000]

الحركة هاذي ممكن تكون حلوة على بيتل أو سمارت أما أسوّيها على لومينا أو كابرس :):) صعبة شوي :):)

بس يبغالي تجربة :):)

تحياتــــــ للجميع ـــــــي

[مسيطر]

حتى الكفرات يلونوها


مشكور s2000


ياريت نشوفها عندنا في السعوديه,,,,:)

[S2000]

Eclipse...
ياخي انا اعز اللي يتابعوا اخر اخبار الهوندا :)
شاكرلك مشاركتك :)


GT3...
هههههههه :)
لا وصدقني الهرجة اصلا مافيها كرسيدا!!
شافله ماليبو ولا ساب وقاله جنب ياراعي الكرسيدا :)


شرخشين2000..
طيب ايش رايك لو يكون اللون ابيض :)
صدقني على لوميناSS بيضاء بتطلع شي ثاني "صحيح يا::::" :)
وينك غايب لك فترة :)


الفاضي..
وين ماجد مانشوفه لاحس ولاخبر!!
ياحبيبي روح اكسر باب شقته لايكون قرر الانتحار وبلعله كم حبة بندول :)
واذا ودك تشوف هذي الكفرات:
عند "السرعة القصوى" اللي بجنب "ابن المنسي" على طريق المدينة ان شاء الله بتلاقيها ;)

تشاااااااااااااو......

[شرخشين2000]

:):):) الاختبارات هي اللي خلت نغيب كم يوم :):):)

أما عن اللون الأبيض !!! فهو راح يكون مررررة مميز وغريب و في نفس الوقت صيحة حلوة :):) يبغالك طقم كفرات يا .... :):)

طيب ليش ما جابوا لون فضي ؟؟
أنا حالياً ناوي أزور الأخ E55 في الامارات وناوي أركب لي جنوط - رنقات - مقس 18 بوصة على ليمونتي :):) واذا حصلت هالاطارات في دبي :):) يمكن أتهوّر و أخذ لي طقم تجربة :):)

تحياتـــــــ للجميع ــــــــي

[S2000]

لحظة شرخشين لاتتهور :)
روح الدمام أول شوف البضاعة اللي عندهم وبعدين قرر :)
وانا انصحك 17 بدل 18..

اذا رحت أبوظبي سلملي على أهلها :):)

[شرخشين2000]

s2000 ،،، تخيّل أروح و أركب جنوط 18 والا 17 على سيارتي ،، ومن بكرة أشوفها على كورولا والا كامري ؟؟ تبيني أشب في السيارة وارميها بحر !!!

أبغى جنوط مثل اللي على الكابرس ( Grange ) في مثلها فضية على لومينا في موقع هولدن :):) طالعة مجنونة مرررررررة :):)

والدمام ما فيها الا أردى بضاعة دبي وأرخصها :(:(
رواعي المحلات يشترون الجنون على 1500 - 2000 ويبيعونها علينا بـ 4000 ؟؟ وياريت أشكالها جديدة :(:( أي شي قديم في دبي ورخيص يجيبونه :(:(

بعدين أبغى أعرف ليش تفضل الـ 17 على الـ18 ؟؟

شكلك ما شفت اللومينا الذهبية اللي في جامعة البترول ؟؟
اثنين شباب كل اسبوع يبدلون الجنوط :):) مرة على اللومينا ومرة على كابرس 2000 ذهبي :):)

[S2000]

وخروا تراني جاي طاير ومتحمس على الأخير..
طيب أول شي نحن ان شاء الله متفقين ان التغيير لمقاس 17 يحسن انطلاقة السيارة ويزيد من قدراتها على دخول المنعطفات وبالتالي اداء عام أفضل ككل..
الى الآن كلو تمام :)

نفس الكلام بالضبط ينطبق على جنوط بمقاس 18 أو أي تغيير لمرحلة أكبر مع ضرورة الحفاظ على ابعاد ومقاسات الكفر الصحيحة والمناسبة...
ولكن ليش انا "من لقافتي" نصحتك بالـ17 خصوصا لمن عرفت انك تمتلك لومينا :)؟؟
عدة اسباب "شخصية بحتة" دعتني الى ذلك ولأني لو كنت مكانك "يعني راعي لومينا" كان ماترددت في الاختيار بين 17 أو 18:

1- الشركة الأم "فاكر المركبة الأم اللي في غرندايزر http://www.swalif.net/sforum1/images/icons/icon10.gif" المهم الشركة الأم زودت وبشكل أساسي طراز لومينا (وهو الطراز الأقوى في فئته) بعجلات واطارات مقاس 17 مما يدل على قدرتها على مجاراة الأداء العالي والشرس وامتصاصها الرائع لزفير المحرك الجبار مع تحليها براحة معقولة في الحقل الرياضي وعدم تضحيتها في نفس الوقت بالأجزاء والتركيبة الميكانيكية للسيارة :)..

3- البروفايل أو الدعسة لكفر 17 بتكون متوافقة نسبيا وطرقاتنا الغبية "مع الاعتذار لوزير المواصلات" المليئة بالمطبات والحفر والبسس "مع الاعتذار للقطاوي" مقارنة مع دعسة كفر 18..

شرخشين قد سمعت بحاجة محبطة اسمها "الكفر محبل"؟؟
يعني بالانجليزي احتمالية تحبيل "أو تلف" اطار 18 من جراء الضربات القوية المتتالية والمتلاحقة من الخصم اللدود الحفر
أكبر من الاحتمالية ذاتها لاطار 17..

2- هنا رقم اثنين لأن هذا السبب أهم من اللي قبله حق الوزير والقطاوي ;)
الضجيج اللي راح يتسلق ويتشعبط وينمو في أذنيك "فلم مرعب" من جراء احتكاك الاطارات بالطريق مرورا بالمقصورة راح يكون أعلى وأجهش في حالة 18 مقارنة بحالة 17..
لمعرفة المزيد عن الحالات الأخرى يرجى مراجعة الكتيب الارشادي الارشادي :)

4- أسعار جنوط 18 أغلى وبمراحل من أسعار جنوط 17 "الأصلية مب حقت دبي" فما بالك بالاطارات!!
اذا كنت فاضي في عصرية أو عشاوية روح استلم وكالة اطارات معينة ونفذ هذا الاختبار..
اسألهم عن اسعار ثلاث اطارات من نفس النوعية ونفس الفئة بس بمقاسات مختلفة ومتناسبة في نفس الوقت..
يعني مثلا جرب هذي المقاسات اللي جميعها من الفئة ZR:
16-45/205
17-40/215
18-35/225
وسلملي على النتايج..

ولاأقول انا عارف ان مافحيلك تسمع كلمة اختبار مرة ثانية.. عشان كذه بجبلك النتايج الين عندك ولا تعب نفسك..
<---- "خويك هكر" :)
لنفس المقاسات اللي فوق ولاطار واحد فقط والأرخص موجود:
16 سعره 356 ريال!!
17 سعره 400 ريال!!!
18 سعره 580 ريال!!!!
وفي الصفحة اللي قبالها نفس المقاس بـ756 ريال!!!!!
لاحظ ان الفرق بين اسعار اطار 16 واطار 17 معقول ولايقارن بالفرق بين 17 و 18..
وبصراحة وبأمانة اسعار اطارات 17 صارت طبيعية وفي حدود ميزانية الأسرة السعودية "<--- متأثر بالجرايد" :)
لأن تقريبا أغلب أو أكثر من نصف اللي يريدون التغيير للأكبر يتجهون الى مقاس 17..
أو كما هو معروف في الأوساط الحمضية بـGo For 17 :)

حتى بتلاقي "طولنا في أربعة صح" تلاقي الشركات الآن صارت تنتج اطارات 17 من الفئة V ومن قوة التحطيم قبل فترة شفت دعاية لاطار 17 من الفئة H "حقت الكورولا والماتيز"!!
ومعروف ان الفئتين H و V أرخص من الفئة ZR أو الفئة W اللي لايمكن تحصل اطار 18 بفئة غيرهم..
وعموما في أي لوميناLTZ "وفي أي سيفيك" ماراح تحتاج ابدا للفئتين ZR أو W...

الكنكلوجن ياعزيزي شرخشين ان اطار 18:
- دعسة أرفع --------> سعر أعلى...
- فئة مخصصة للسيارات ذات الأداء العالي ----> سعر أعلى..
- سوقه محدودة وتحت الطلب -----> عزيزي الطالب أكمل الفراغ التالي..
- كلفة تصنيع عالية -----> سعر أغلى..
- سعر اطارات 18 = دبل x سعر جنوط 18 من دبي..
وتذكر انك راح تغير كل 30-40 ألف كلم..

الحل انك تسرق مقاسات كفر وجنوط اللوميناSS وتركبهم على لومينتك بس بجنوط شكل ثاني :)

انا هنا مب قاعد أخوفك من حالة 18 "مع ان أصابيعي تكسرت"..
ولا قاعد أسوي دعاية لحالة 17 اللي اصابتني من الدمام وماكلفتني ولا 4000 مع الكفرات "شباب اللي أوله شرط آخره سلام,, الأتعاب مش محسوبة" :)
بل بالعكس الـ18 له برستيج خاص ومميزات حلوة:
- تخيل لومينا مشغل اغنية EMINeM "سليم شادي" وعليه ذاك الـ18 ومر من قدامك على جنب ايش بتقول ولسانك طايح..
بتقول حاجة وحدة بس ---> ((WooooooW What a BIG FAAAT A** Wheels))
- الأداء أعلى والتماسك أفضل بشرط المقاس الصحيح للكفر...
- الشكل رياضي بحت ويجعل من سيارتك ملكة على الطرقات مهما كانت حالتها وسنة صنعها "أهم شي مفحوصة" :)..

معليش ياشرخشين طولت عليك ووالله اني خجلان من نفسي بس خويك مفعوص ويقدر شي اسمه "جنوط"..
وتراني كنت خلاص ماشي بس تذكرت شي مهم جدا جدا جدا "لاحظ كم جدا" جدا جدا وكان لازم احطه في اول كلامي..
اذا غيرت الرنجات "خل الأعرابي يعرف السالفة http://www.swalif.net/sforum1/images/icons/icon10.gif" لـ17 أو 18 لازم وضروري ترمي "تهبط" لومينتك!!
إما تركب نوابض "يايات" رياضية...
أو تقص أو تسخن "لاتجربهم"..
أو تشوف يايايايايايايايايايايايايات "معليش الكيبورد علق" اللوميناSS اذا كانت أقصر وأقسى وتركبهم وبالبركة..

لكن لايجي يوم "خلاص والله آخر شي بقوله" لايجي يوم أكون فيه طفشان وناوي "كريسي" وأروح على كورنيش الخبر واشوف قدامي لوميناLTZ على 18 مرفعة وبدون رمية تسكتني :)

:::::خلاصة الخلاصات:::::
بالنسبة لي السعر هو العائق الرئيسي..اذا ماعندك مشكلة في السعر فعلى طول..
Go For 18 or 19 :)

أتقبل اي نقد صادر منك أخوي شرخشين لأني عارف ان صدرك رحب :)
تشااااااااااو

_________________________________________________

الفهرس:
كفرات = تايرات = اطارات..
جنوط = رنجات = عجلات...
غرندايزر = دوق فليد = كوجي كبوتو..
الدعسة = البروفايل = المنطقة المطاطية في الكفر مابين الجنط والأرض..
وزير المواصلات = المادة 7 في قوانين سوالف!!
التحبيل = ظهور كرات سوداء "خضراء في الانسان" على جانبي الاطار "على الخشم في الانسان" مما يدل على تلفه..
الجرايد = الجرائد = الضحك على الذقون..
سليم شادي = Slim Shady..
تهبيط = سيارة يسوقها ن ب ي ل ش ع ي ل "ابو التشفير" ;)
كريسي = غشنة = تجقيم = مضاربة = أي اضافة؟؟

[CL 600]

^1

ذاكر أصرف لك .. بدل الدروس الخصوصيّة هذي :)


...........

ولا ترسل لي رسائل من غير جوالك ثاني مرّة ;)

تحياتي لـ M5 ;)

[شرخشين2000]

أشكرك جداً جداً جداً جداً على هالمعلومات الرائعة والصراحة الحين اقنعتني اقتناع تام اني أروح وأنا مرتاح و أركب جنوط 18 :):):) قصدي 17 ;)

وعلى طاري الطرحة ( التنزيل ) بأقص نصف الياي :):) يعني بأخلي الصّدام يبوس الأرض :):)

و في نقطة زغينونة :):) وهي ان ليمونتي LS يعني Baby SS

تحياتــــ للجميع ــــــي

[S2000]

CL600...
ياخي خليني اطلع اللي في قلبي!!
أهم شي اكون جبت شي جديد بالنسبة لك ;)

شرخشين...
أوووه والله اسف حبيبي ماانتبهت ان ليمونتك هي BabySS ;)
سامحنا عزيزي :)
وانت تعجبني في حكاية التنزيل..
بس حبيت اقلك لاتتوقع الشي الكثير أو الكمال المطلق من جنوط دبي التقليد!!
انت لمن تدفع 7000 او 8000 ريال في جنوط أصلية غير لمن تدفع 2000 أو 4000 في جنوط يعني مب تقليد مرة بس نقدر نسميها جنوط "مشي حالك" أو لأغراض الفلة فقط ;)

مبرووووك مقــــ شرخشين ــــــدما :)....

[M5]

أموت وأعرف شيء واحد بس ...

اش اللي أسرع ؟
عيوني(مو حق الأحوال الجويه) في القراءه ... والا " أصابعك " في الكتابه ...

لأني قعدت أكثر من 10 دقايق ... قراءه ... لين صارت عيوني زي فناجيل القهوة ...

ممكن أعرف كم قعدت تكتب في الرد الـ " عاشر " ؟

لا يكون الترقيه في سوالف تعتمد على عدد الحروف ;) ؟؟؟

والله مدري !!!


يالله انا بجرب أعلق الكيبورد 4 ساعات وأشوف ...


يمكن أصير " عضو فعّـال " http://www.swalif.net/sforum1/images/icons/icon10.gif

[شرخشين2000]

S2000 ،، مو مشكلة عزيزي :) اعتبرها غلطة مطبعية ;)

M5 ،، وسّع صدرك أقول :) فعالية العضو ما تعتمد على عدد مواضيعه لأن كثيييييير من الأعضاء( مو S2000 ) ثلاثة أرباع مواضيعهم تتكلم عن اعتزاله سوالف وانه ماراح يرجع مرة ثانية واحنا كلنا زعّلناه ;) خلك وسيع صدر :):)

:):) ابتسم :):)
:):):) فأنت في :):):):
ســ:)ــو:)ا:)لـــ:)ـــف:)

[M5]

ا بـــشـــر . . .

وهذي ابتسامه http://mypage.ayna.com/bmw_m5/icon20.gif

[S2000]

ياخي بدل دخلتك اللي قاعد توزع فيها الابتسامات دي..
حطلنا كم معلومة من اللي عندك نستفيد بها!!

ولا أقول,,
لمن توصل 500 موضوع "مو 1000" ديك الساعة أفكر "حتى مو أقرر" أفكر اني اخذ وأدي معاك..
ههههههه:):)هههههه

تحياتــــ M5 ـــــ الخبير ــــــي <---- "شكرا على الحركة ياشرخشين ;)"

[شرخشين2000]

S2000 ،، يعني احنا فاهمين بعض بالاشارات ;)

تحياتــــــ للجميع ـــــــي