ويش تعريفك للغربة ؟؟؟

[المعاند]

حياكم الله بكل الخير ...
سؤال غريب حسيت بإحساسه ولاعرفت الإجابة ...
وش اصعب لك غربة الروح بين وطنها وهلها ؟؟؟
ولاغربة النفس في إغتراب ترحالها في بلد غير بلدك ووطنها ؟؟؟

يمكن الغربة بين الوطن تهون لو حسيت بصديق يمد لك العون بكلمة سؤال تخفف عنك أعباء احزانك ...

... لكن لو انت غريب بوطن ماهو بوطنك تجهل فيه كل ماتعرف وماعرفت فيه إلا نفسك بروحها.بصمتها بشكواها
إن تعبت مالقيت صوت يناديك غير صوتك ..وإن شكيت ماسمع شكواك إلا إنت


ويش هي طرقك اللي تبيد فيها ذا الاحساس
إنك ترجع لوطنك وتترك كل احلامك ...
ولا تستمر كأنك عايش بروح من غير احساسها تتجمد مشاعرك وفق متغيرات اجوائك .. تنسى انك حي تُـرزق غير الخافق يذكرك بخفقاته

وياترى ويش اسهل انواع الغربة عندك ...:(

[نجمة المساء]

لم أعرف الغربه ولم اجربها ولكن خلال العطله الصيفيه عندما اسافر الي خارج بلادي اشعر بحنين الي بلدي الي الكويت الي منزلي الي غرفتي الصغيره الي شموعي ..
الي احاسيسي التي افتقدها


قد افرح في البدايه ولكن هناك اشياء تذكرني ببلدي

وتقول عمااااااااااار يا اهل الدار الذي اتيت منها

الغربه شوق وحنين الي وطن انت غريب فيه تصرخ في فضاء

حان الاوان لان نرجع الي اوطاننا التي بكت من فراقنا فراق ابنائها .

[unique]

هلا المعاند :)
موضوع رائع يستحق الوقفه على عتباته :)
تحياتي لك ولغربتك التي تشبه كثيرا غربتي
الغربه ليست غربة وطن
لان الوطن حنون
مهما ابتعدت ومهما تغربت تعرف انه سيفتح ذراعيه لك مستقبلا
ومهما كانت الغربه عن الوطن مؤلمه فهي تكون لسبب او لتحقيق هدف
وهذا ليس مؤلما لانه اختيار :)
اما الغربه الحقيقه فهي غربة الروح والنفس
غربتها عن الاهل والاصدقاء والحب
هذه هي الغربه المؤلمه لانها ليس من اختيارك
وفرضت عليك فرضا
وليس لها حلول
ولا تخلف لك الا الشقاء والحرمان والوحده
تحياتي :)

[زهرة الليلك]

وش اصعب لك غربة الروح بين وطنها وهلها ؟؟؟
ولاغربة النفس في إغتراب ترحالها في بلد غير بلدك ووطنها ؟؟؟

----------------------

كلاهما صعب .. مجرد احساسك بالغربة في مكان بعيد كان أو قريب احساس مؤلم مايحس فيه الا اللي جربه ..
غربة الروح عن صاحبها غربة مالها وصف .. غربة مالها حدود فب الالم ..
غربة شخص عزيز على قلبنا غربة لا يوازيها ألم
غربة الانسان عن وطنه وأهله غربة مميته ..
كلها مهما اختلفت أشكالها وألوانها وزمانها غربة لا مثيل لهاتتفاوت بحسب طبيعة الشخص ومدى قدرته على تحملها ومدى فهمه لمعنى الغربة وكيف تكون ..

[Huda76]

هلا والله أخي العزيز المعاند

عاش من شافك أخوي ..

موضوعك رائع جدا وما هو بغريب عليك ..

"الغربة" بجميع أشكالها وصورها لابد أن تكون ممزوجة بمعاني الحزن والألم والشوق والحنين ..

غربة الروح عذاب قد لا ينتهي ..

غربة الوطن غربة تنتهي بالعودة الى حضن الوطن من جديد .. قد يطول الانتظار ويتوهج الشوق ولكن باذن الله كل مغترب يعود الى وطنه ودياره ..

تحياتي

[ma3gool]

هلاااا المعـــــــــــا ند..:):):) وينك من زمااان:)

افظع انواع الغربه هي انك تحس انك وحبيبك صرتوا غرباء...:(:(

[ساهر الليل]

كيفك اخوي

اشتقنالك ......

ان شاء الله ما تحس باي غربه :)

بس اسهل انواع الغربه عندي هي غربة الوطن :(

واصعبها غربة المشاعر :(




تحياتي لك اخوي

[المعاند]

إختي نجمة المساء

صدقتٍٍي إختي وكل الصدق تعبيركٍ ...
واسال الله بكل الصدق ماتشوفين غربة غير زود طمأنينكٍ ...
والغربة من خلال العطلة هي غربة مصغرة وترجعين بعدها لقواعدكٍ سالمة غانمة ..
وفعلااااااااا
عمار يااهل الدار عمار ياالكويت ارض الحب والرضا والخير
وتدوم بشعبها وارضها وحكمها .. منار الخير والبلد المطمئن في
زمن الخوف المستمر ...
اشكرك على تعريفك للغربة
واشكركٍ على ردكٍٍ لي إختي
والله خير حافظ

[المعاند]

إختي ...unique :)

هلا والله وكل الغلا ...:)
وتحياتي لغربتكٍٍ واسأل الله بعدها أمنكٍٍ
لو تعرفين ويش كان تاثير عباراتكٍٍ يمكن بتعذرين ارتباكة كلماتي
وحيرة ردي...

((( الغربه ليست غربة وطن لان الوطن حنون )))
صدقتي واكثر من عمق الصدق صدقكٍٍ
واللي نفتقده بالغربة هاالوطن الحنون اللي يضم صمت السكون
وانا اشهد ان اخر مطاف الحزن والغربة منبر نجاح يهون علينا كدر الصمت وغدر الوحدة
وصدقتي ان الغربة اختيار لكن بلحظة ليتها ماكانت قرار:(

واكثر ماعجبني بردكٍٍ كل ردكٍٍ :) وتصنيفكٍ للغربة
غربة قرار واختيار .. وغربة مرار ولاإختيار
والحين تضائل السكون وصار الصمت حولي منار
اشكركٍٍ على قمة ردكٍ وصفوة كلماتكٍٍ اللي همشت كل الوحدة بعمري
وبنرجع يا unique بيوم اكيد بنرجع
لكن ياترى ويش بتكون بدلت الغربة فينا؟؟؟
وهل بنرجع بقدر الاحساس فينا ولاتغربنا وتغربت حتى مشاعرنا؟؟؟
ومدري ويش اختم لكٍٍ غير باصدق الكلام وهو خير السلام
ودعوة مغترب إنكٍ ترجعين بحفظ الله ويرعاكٍ وين ماكنتٍ
وشكراُ على ردكٍ إختي:)

[المعاند]

إختي زهرة الليلك
اكثر مايخفف عليكٍ اعباء الوحدة ورواسي الحيرة والغربة
هي كلمات من صديق صادق مثلكٍ
ومادام انكٍ موجودة تنعمين بعبير الحب الصادق بيعيش كل من حولكٍ
بين أريج ردكٍ
ومياسم الخير يازهرة سوالف أنبتت اليوم فينا غابات ودكٍ ...:)
ورائعة هي كلماتك مثل نور فكركٍ ...
تعددت الوحدة والغربة وكل منها اصعب من سواها
لافيه غربة ضحوك ولا به صمت مبتسم
كل الغربة مردها الحيرة وتردد صدى اقاويل النفس بسرها
وليتكٍ تعرفين ان ها الكلمات وها الرد منكٍ مخلد بذاكرة غريب مغترب مثلها مثل الشمس يوم اشرقت بعد سحاب داكن وسيول الوحدة وصمتها ...
وصدقتي توقفت داوفعها على شخصية الانسان ومدى تجاوزه لشر الوحدة
وخير نفسه ..
وتفاوتت لكن المها يظل الم تفسيره حزن وشجن ...
واصعب مافيه الغربة كلاهما ورجعت الحين لمطاف كلماتكٍ ارددها واتحمد الله مادام الخافق يردد لحن العمر الصاخب بصمت الكون الغافي...
وأشكركٍ على ردكٍ إختي
وأشكركٍ على قمة المعنى بقولكٍٍ

[المعاند]

إختي العزيزة كثير Huda :)

ردكٍ الرائع دايم ولاهو بغريب عليكٍ أبد تعودنا منكٍ كل صفوة الخير
وصدق الصداقة وصدقها
مدري ويش لون فرحتي بردكٍ تصير بين حروفي وتعابيرها
لكن يقولون الصدق هو نبراسها وصدقي بكل عباراتي مقياسها
إختي هدى ... ياهدي الحيرة بين معاني عباراتها
ويقين الصدق بين معاني سطورها
عجبني بالحيل تعريفكٍ لكل الغربة بانواعها
وصدقتي إن غربة الوطن غربة تنتهي يوم يحين ميعادها
وغربة الروح تدوم ولاينتهي آبد ميقاتها
ـــــ
((( قد يطول الانتظار ويتوهج الشوق ولكن باذن الله كل مغترب يعود الى وطنه ودياره ..)))
إإإإيه ياالله ياكريم يهون كل كل غريب وحدة الغربة وطول ايامها
وختامي خير سلامي وشكري لكٍ اختي الغالية :)

[المعاند]

اخوي ma3gool

هلااااااا بمعقول وغلا وكل انواع المرحبا
ياهلا بمن علمنا ويش قيمة العقل وقمة الحكمة
:)اممممممم وهلا ببرج الدلو والشخصيةالدايم مميزة تراك من قمة سوالف وهلها تعودنا بمواضيعك الصدق والخوف من الله وكل تصاريف الخير بانواعها
اشكرك على ردك ياااااامعقول
وصدقت ان من انواع الغربة ان الحبيب يصير بعد الحب البعيد الغريب
لكن بقولك شي أبيك تعرف ويش لون انا سعيد:( ههههههههههههه
وانااخوك نصيبي من ها الدنيا شين تصدق الحين
انا غريب الوطن وبعد غريب بعد بالحب
الحمدلله يارب العالمين جمعت كل انوع الغربة بغربتي
أيه والله الحمدلله ماظنيت فيني حيل بعد يبلاني الله بغربة ثالثة
شكرا لك معقول على ردك الدايم المعقول

[المعاند]

اخوي ساهر الليل :)

ياساهر الليل بالاحساس والحب والخير
قمرك هالة النور لازال على فجرك
اشتقت لك كثير كثير كثير :)
ولو تدري اني اول يوم ادخل فيه سوالف كنت ادور على مواضيعك
ابي اعرف منها كل احوالك
وصدقني غربتي تهون مادام انك صديق موجود وانت الخير الموجود
اللي عرفناه بصدقه وتمنينا الله يحفظه بكل خطواته
لانك الصادق الصدوق ... الشاعر المرهف ... والانسان الفنان
,,,
وصدقت ياساهر ان غربة الوطن تهون ولا غربة المشاعر
ولاهو بغريب حكمة ردك من فنان مرهف وشاعرنا الاول ...
وختامي لك إن الله يوفقك بإحساسك ويبعد عنك غربة المشاعر
وسلامي لك كثير كثير
واشكرك على ردك كثر فرحتى بوجود اسمك
:)
اخوك...حمد

[الروح]

الله بالخير .. :)

موضوعك وايد حلو ..
أنا أصعب غربة عندي غربة روحي عن اللي تحبهم ..

ما أعتقد إني ممكن أعرف غربة أصعب من هالغربة ..
يمكن أعرف غربة الوطن إذا جربتها ..
بس حاليا ..
لين الحين ..
غربتي عن اللي أحبهم ..
غربــــة صعبــــة وايد ..
بس لازم أعيشها :)

[المعاند]

إختي الروح


الله بالخير والنور ...
وردكٍ وايد احلى يدل على انسانه حساسة عرفت الغربة بأصعب انواعها واكثرها صلابة
فعلا لابد انكٍ تعيشينها بخيرها ومرها وتدرين بعدها ... بيكون عندكٍ حصانه من الحزن وتالي الحزن اهون من اوله
تخيلي ان الحزن ذا تجربة واكثر تجاربنا صعوبه هي اولها وبعدها بيكون عندكٍ إختي خبرة الحزن بالنفس المترفه
بيهون على ها القلب حزنه . وبيهون على ها الروح ترحالها

واسال الله لكٍٍ إنها تكون اخر الاحزان لك ويبتسم القلب الضحوك ببسمة الحب الباقية ..
إختي الروح :)
الاحزان والغربة لابد انا نمر فيها مثلها مثل المصير المكتوب
مايحجبه يوم ولا يفصله قدر
... لكن الحزن هو اللي يقوي الشخصيه وصلابتها .. هو اللي يهون علينا كدر ها الدنيا وحزنها ..
واسال الله لك كل الخير والابتسامة المشرقة
وشكرا إختي كثير على ردكٍ