View Full Version : مشكلة الغزل...هل العيب منّا نحن الشباب ام منهم معشر البنات!!
للحق صدى
14-08-2001, 12:10 PM
طبعا لا يمكن لأحد أن ينكر وجود مشكلة الغزل في مجتمعنا وللأسف فهل المشكلة تكمن في الشباب أم في الشابات في الحقيقه ردودي ليست شافيه وأتطلّع إلا ردودكم أيها الأخوة والأخوات.
http://www.almuhands.com/forum/attachment.php?s=41a93186c03f7363435395037a5e4239&postid=12541
هذه الصورة مرفقه.
مع تحياتى:
للحق صدى
دعني أحييك على الموضوع و أرجوا الجميع يرد
و أنا أعتقادي الشابات لأنه
صراحه لو ما يتزينون ويطلعون أخر الليل و يطلعون
على أيش على بسكوت ولا حلا لا ويقولون بنروح الفيصليه
عشان نجيب سنيبون أعتقد البعض يعرفه وبعدين تخيلوا
لو البنت ما تعطيهم وجه زي بعض الفتيات المحترامات
صدقوني ما يفكرون فيهاو إذا أزعجوها يا كثر السيكيورتي
وف الختام أقول و أكرر بعض مو كل الفتيات والله يهدي الجميع
Bent Eldeen
14-08-2001, 07:34 PM
أولاً أشكرك أخي الكريم على طرح هذا الموضوع
هل المشكله تكمن فينا نحن البنات؟؟ أم الشباب هم السبب؟؟ لنمسك هذين السؤالين واحداً واحداً
هل المشكله تكمن فينا نحن البنات؟؟
بالتأكيد لايمكن الجزم بذلك لأنه لو لم يكن للشاب قابلية للقيام بهذا الأمر ولو كان يتميز بالعقل والأخلاق لما أقدم على التحرش بالبنت حتى ولو أبدت له شيئاً من الموافقه على ذلك.
أم الشباب هم السبب؟؟
أيضاً ذلك غير معقول, فالشاب أعتقد بأنه لن يقدم على التحرش ببنت مالم تظهر له شيئاً ولو فعل فسيتراجع بعد ذلك.
النتيجه:
الجميع سواءاً الشاب أو الفتاه أو الأهل يتحمل جزءاً من المسؤوليه. أحمل الشباب نسبة 60% والفتيات 40% لحقيقه بسيطه هي أن الفتاه إن فسدت فسد المجتمع كله أما الشاب فإن فسد فسيضر نثسه والجماعة المحيطة به, لذلك فمن المنطقي أن تكون نسبة الشباب أكثر.
وشكراً, أختكم - بنت الدين
شعنونة سوالف
14-08-2001, 07:53 PM
اؤيد كلام بنت الدين
bnt_elnoor
14-08-2001, 09:01 PM
اخوي للحق صدى.....
يمكن ما راح تصدق اني قبل ايام كنت افكر في هالموضوع ..وكنت اناقشه ويا نفسي .. وطرحته على بعض صديقاتي .. وسبحان الله القاك احين تتناقش فيه ..
السؤال سبب تفشي هذه الكارثه .. منا حنا البنات او منكم انتوا الشباب ؟
كلام اختيه بنت الدين كلام صحيح .. وانا راح اقول لكم لشو توصلت بعد مناقشة الموضوع مع نفسي وبعدها مع صديقاتي ..
انا تمنيت امنية ..وادعي في كل صلاتي دعاء ..وهو الله يهدي كل شاب وكل شابه .. وتمنيت ان كل شاب في هالدنيا واقصد العالم الاسلامي ..انه يشووف كل بنت مثل اخته ويغار على عرضها مثل ما يغار على عرض اخته وهله .. واتصدق يا اخ للحق صدى أن لو الشباب هم اللي ..بدؤا بهداية البنات .. راح تنقرض هذي الظاهرة ..انا راح اعطيك مثال ... نفترض بنت .. مو محتشمه ..انا حددت بنت مو محتشمه ..من دوله اسلاميه.. قامت بالابتسامه لاحد الشباب ..ولكن الشاب رد عليها بوجه متجهم ..وبعصبية لما تفعله ..شو راح يكوون موقف البنت ؟؟!!..اكيد البنت راح تستحي على وجها وتنزل راسها ..وانا غرضي من الموضوع مو الدفاع عن البنات ..وانما حث الشباب على البدء ..بالهداية لانهم الجنس الاقوى فينا ..واللي يفكروون بعقولهم ..قبل قلوبهم ..ولو جيت عند البنات راح تلقى ان البنات تغلب عندهم العاطفه ..يعني باختصار لا تستطيع الفتيات ..البدء ..ولا اعني بكلامي بان الفتيات لا يستطيعن البدء يعني خلاص ما يحركن ساكن ..لا بالعكس لازم كل فتاة تساهم بدورها على هداية كل طرف للآخر..على العموم هذا الموضوع بالغ في الخطوورة والتحدث فيه ..يحتاج الي محاضرة دينية .. يشترك فيها طرفين من كلا الجنسين لمناقشة هالموضوع ..
ولا اخفيكم ..صراحة هالموضوع شاغل بالي ..ويعور قلبي ...
بس نسال الله الهداية للجميع ..ويغفر الله لنا ما افترفنا من آثام..
اختكم في الله بنت النور
انشالله افدتكم ولو بالقليل
HaDeeL
14-08-2001, 11:48 PM
b9ra7a ana ma3a el e5t bnt_elnoor kalamha 9a7 etha el shab ma 3a6a wayh lel bnt wayh o etha 6ala3ha b na'6ra feeha 3a9abyya a'6en enha btest7y 3ala nafesha o ma b tsawee shethe marra thanya
o alla yehdee el jamee3
أبو نايف
14-08-2001, 11:59 PM
اجابتي على سؤالك باختصار:
ان المشكله في الغزل ليست بسبب الشباب !!!
وان المشكله في الغزل ليست بسبب البنات !!!
المشكله اكبر من ذالك .....وهي قضيه معقده...ونتاج خلفيات تربويه وحضاريه ودينيه ونفسيه...
المجتمع بأكمله عموما .....ينقصه الحس الحضاري والتربيه الدينيه الصجيجه... و تصحيح نظرة الانسان لنفسه ....ونظرته للجنس الاخر:):)
اذا اعجبكم كلامي سوف اتوسع فيه أكثر ....
وسامحونا
bnt_elnoor
15-08-2001, 12:37 AM
لو سمحت نببك تشرح نظرتك لهالموضوع الخطير ... وتتوسع ..لاني مهتمه بهالظاهرة المنتشرة بشكل واسع وخاصة دول الخليج العربي ..فاا أفدنا بوجهة نظرك...
وجزاك الله الف خير ..
اختكم في الله بنت النور
ألأعرابي
15-08-2001, 01:07 AM
ويش أخبارك يا بو نايف و شخبار المكسيما (شكل الربع في منتدى الأصدقاء ما يدرون عن شنو نتكلم) هيهيهي
أنا بقول رأي في الموضوع
شوفوا هي الحركه الأولى تأتي من الشاب
لا أعتقد أن في وحده تلاحق صبيان
لكن الشاب هو اللي يلاحق بنات (متخرعين شنسوي)
لكن اذا ما لقى وحده تكلمه يكلم الطوف يعني؟
مافيه فايده بس خلاص ما بيكلمهم
بس البنات أباليس بصراحه
يلبسون لك أشياء قصبن عن اللي جابك أتطالع (طبعنا كرجال بعد نتخلى عن طبيعتنا؟)
و لهم حركات و مادري شيسوون
بعدين مثلا تيك وحده لابسه لك ذاك اللبس اللي يدوخ, و تقعد تتشكى و تقول الشباب مغربيليني و الشباب
أنزين أنتي هالي لابسته شنو؟ و كله منهم؟
ما يصير
و لا بعد ما ترضى أنقول عنها كلام و لا نمكلمها عن لباسها و لين كلمتها عن لباسها تقولك الموضه و عادي و موب ضيق
(الا ضيق و كلشي باين عنبوكم استحوا عاد)
يعني الخطاء موب من الشاب كما أظن
و أنا أقولكم أن ألعن الأماكن اللي فيها هالأشياء
البحرين و الكويت (واه فشيلتاه أنا بحريني)
و الدليل عن الكويت هو ما كتب عن الجامعه و قانون الحشمه و أن ملابس البنات الداخليه واضحه!
زين بس موب بس ترى البحرين و الكويت لحظه الزين جايكم
مع أحترامي
في سعوديات لابسيين مغطي بالكامل و تجيك البحرين و تشيل كلشي و خبرك عاد,
و في اللي يزعم لابسين عباه
أي عباه أنا خابر العباه للستر و عدم لفت النظر
صارت العباة مخصره
كلشي باين و أنا كشاب أقولكم تجذبني هالبنات
خل العباه شايف وحده من مال النينجا اللي يطلعون عيونهم بس
مسويه سوالف في عينها و تمخطر بشكل و صارت تلفت ألأنتباه و راحت فائدة اللي لابسته كله
ولا ذيلين اللي يربطون الشيله على خشومهم كأنهم الفارس المقنع والله جذاب بشكل! و بيني و بينكم اللي تحط الشيله الشكل في البحرين يعني كرمكم الله عارفين نوع هالبنات أنتوا طبعا
بس مادري عن الدول الأخرى
و يعني شاقولكم
نصيحتي أن أي بنت تحس واحد مغربلها و هي متضايقه تكلم الوالد على طول أو عمها أو خالها أو أخوها عشان يلعن أبو اللي جابه
((((بنت النور)))
أنا كنت من زمان اغير على بنات اللي في كل مكان و كأنهم خواتي
و لا أرضى رالغلط و هالمسخره اللي تصير (و ليلحين بيني و بين نفسي)
لكن من خلال الأنترنت تكلمت الى بعضهم اللي أعرفه عنهم سوالف
أنا حاولت أنصحهم و أوضح أن الشاب هوب خاسر شيء
تدرين وشصادني؟
اللي تشتمني و اللي تقولي مجنون و اللي تقول ثقيل دم
و اللي بتناديلي رفيجها يطيقني و اللي أتدز علي ناس و اللي تقول عني حشور
لكن شنسوي, أذوني الناس و تعلمت أخلي كل واحد على كيفه ماني مسؤل عنهم و لا هم راضيين يفهمون الوضع
فاحين ما قولوهم شيء
و شكر و أسف على التطويل
أبو نايف
15-08-2001, 01:37 AM
بلالالالاش فضايح يا اخوي
لامانع من خلط الجد بالهزل ...... وبعدين لاتنسى اني القراند فاذر عندكم في السيارات واحاول اشارككم همومكم الصغيره...عشان استنتج المشكلات اللي يعاني منها الشباب والمراهقين...:)
اللي اعمارهم في السبعة طعشش يعني :):)
:):)
حلوه التصريفه والا ادور غيرها
bnt_elnoor
15-08-2001, 01:42 AM
الناس اجناس ... منهم الشين ومنهم الزين .... وبعدين اللي شفته في الشات ما يخليك تحكم على باقي البنات ...
وبما انك حاولت تنصح البنات اللي في الشات خلاص عيل هنيه انتهت مهمتك تجاه هالبنات فقط ..لكن البنات الباقيات !!!
وعلى العموم لازم يكون عندك غيرة على دينك قبل البنات ..ودينك واخلاقك ..ما تسمح لك ..تلحق انسانه مو محترمه حالها ..وكلامي مو القصد منه انت ..اقصد كل انسان مغازلجي....
وللاسف... الظاهر هذي بسبب ضعف الايمان في قلب كل من الشباب والشابات ..
والله يهدي الجميع ..ويغفر لهم ذنوبهم
اختكم في الله بنت النور
أبو نايف
15-08-2001, 01:46 AM
السلام عليكم ورحمة الله وبركاته
اعدك بكتابة كل ما اعتقده وأومن به بخصوص الموضوع المطروح في الغد ان شاء الله....اذا الله اعطانا عمر:)
كما احب ان اذكر الساده الكرام اصحاب بعض الردود أنهم تكلموا عن القشور ونسوا الاساس.....تحدثوا عن النتائج وأهملوا الاسباب
الغزل حاصل وكثير من الشباب والبنات يبحث عنه.... ويحاول الوصول للاخر..
ولكن ماهو السبب في ذالك؟
ولماذا عندنا في الخليج والسعوديه بالذات؟
هناك اسباب كثيره وهناك علاج....
دعيني ارتب افكاري واكتب تعليق يمكن قراءته ويليق بالحضور الموجودين في هذا الموضوع
وشكرا جزيلا
مع التحيه
________________
كنسلنا توقيع الماكسيما....الله لايوفج العدو:(:(
ألأعرابي
15-08-2001, 02:47 PM
بنت النور
أنا ماكنت أكلم بنات في الشات و اشوف أخلاقهم لا
فهمتي غلط
أنا أعرف بنات لهم سوالف خارج الأنترنت و من خلال الشات قدرت أكلمهم لكني ما جاني الا كل عله
و لا تقولين لي مغازلجي
أنا ما أغازل ولا ألاحق بنات
غريبه صح؟
أنا بعد عندي غريبه بس أنا ما أغازل ولا الاحق و من أشوف محل فيه فوضى و بنات ابتعد لأن يجيني ضيق نفس
بو نايف
ألعن ناس في المغازل السعوديين و السبب الضغط اللي عليهم
هذا أعتقادي
أبو نايف
15-08-2001, 10:12 PM
السلام عليكم ورحمة الله وبركاته:
الغزل وما أدراك ما الغزل
الغزل بين الجنسين فطره انسانيه.....العرب في الجاهليه لهم قصص وماثر غزل....الميلان للجنس الاخر فطره انسانيه....
ولكن المقصود بالغزل هنا هو التحرش و المبالغه في طلب ود الاخر وأحيانا تضييع معظم الاوقات واستغلال كل المتاحات لاجل الوصول الى هذا الهدف ....وهو الغزل.
رايي قد لايتفق معه البعض وقد أكون مخطئا ....
الشباب من ذكور واناث طاقات كبيره وهذه الطاقات تحتاج الى مجالات لافراغها واستغلالها ....وقد لايكون كل من يغازل يغازل من اجل الغزل :):)....يعني البعض من الشباب يذهب للاسواق ويبحث عن بنات يغازلهن او يرقمهن ....لا حبا في هذا العمل ولا شعورا بالهيجان الجنسي.....
بل لسبب بسيط:
ان ليس لديه شيء اخر يفعله..
أنا اعرف شباب يقضون اوقات طويله في الدوران في الشوارع بالسياره بدون اي هدف....يدورون الى ان يتعبون ومن ثم يعودون للبيت او استراحه ويلعبون ورقه ومن ثم ينامون....
المشكله ان لدينا مصيبه عظيمه اسمها الفراغ وهو اساس المصائب التي يبتدعها الشباب....وكل فئه عمريه ابتدعت لها وسائل حسب قدرتها للقضاء على الفراغ ...فالمراهقين في التفحيط ...والانضج شويه في الغزل ومطاردة البنات.....وعندما يكون اكثر نضوجا ويتزوج يكون البديل الاستراحات ولعب البلوت...وربما السفر الى الخارج..
فهي سلسله سببها الاساسي الفراغ
ايظا لدينا الخواء الفكري وتهميش الانسان وعدم اعطاء الشباب اي فرصه لان يشاركوا بفعاليه في مشاكل مجتمعهم حسسهم بأنهم تافهين ...فالمجتمع يهمش الشباب الى ابعد الحدود ويعاملهم احيانا كالحيوانات واحيانا اخرى كاالاعباء على كاهله... أي المجتمع....
لدينا مشكلة التربيه الدينيه الصحيحه:
خطب الجمعه والدروس الدينيه لدينا تنحصر للاسف في المجال الفقهي .......ولا يتحدث الدعاة عن مشاكل الشباب المعاصره وطرق حلها الا قليلا وان تحدثوا حصروا علاحهم في الناحيه الدينيه.....وأهملوا نواحي اخرى مثل الامور النفسيه والمجتمعيه
كذالك يعجزون الى حد كبير في استقطاب الشباب
لدينا مشكلة الخواء الثقافي:
ثقافة شبابنامصدرها الفضائيات العربيه السخيفه للغايه
وحتى المجلات والجرائد تنتهج منهج تهميش الشباب وحصر تركيز ثقافتهم في الكوره والاغاني والسياحه والميوعه
وبالنسبه للبنات الازياء والسياحه والميوعه
كلها امور تافهه يحقن بها الشاب من ذكر وانثى يوميا فيها
فلماذا العجب من الغزل!!!!!!!
قارنوا بين ثقافتنا وثقافة الاوروبيون ....الاوروبيون لازال مصرد ثقافتهم الاول هو الكتاب ......رغم تقدمهم عنا في مجال الاتصالات والمعلومات..
عوده الى مسألة الفراغ:
لي زميل امريكي لديه ولد في الثامنة عشر ....يحرص دوما على تسجيله في دورة المسابقات المسماة عندهم (debate) يعني مسابقة المناظرات....
هذه المسابقه تعمل في كل ولايه امريكيه والاوائل من كل ولايه يتسابقون على مستوى امريكا.....وهي مسابقه مستمره في جميع الفصول الاربعه كما انه لجميع الفئات الطلابيه....من اولى ابتدائي الى سنوات الجامعه...
وهي باختصار ان يتم اختيار موضوع معين ويقف طالبان ...واحد مؤيد واخر معارض....وكل واحد فيهم يدافع عن وجهة نظره باستخدام الحجج المنطقيه....ويكون هناك لجنه تحكيميه ..
وخلالها يضطر الطالب ان يقرأ كثيرا ويستنتج ويدرب لسانه على الكلام المتسلسل منطقيا وكذالك يدرب عقله على سرعة التفكير في الردود واستخدام الحجج ودحض الحجج المقابله..
وهنا تكمن الصعوبه
عذرا على التوسع في هذا الموضوع....
الشاهد انني قلت لهذا الامريكي بعد ان ذكر لي ان ابنه يتعب كثيرا ويسهر ليالي للتحضير قبل الناظره...
قلت له: لماذا تتعب ابنك وكل ما انتهى فصل سجلته الفصل الثاني؟؟
قال حرفيا:
i have to do that otherwise he will play with girls and waist his time
يجب ان اعمل كذا معه والا فانه سوف يذهب للعب واضاعة الوقت مع البنات !!!!
هل يوجد عندنا اي نوع من البدائل كما عندهم؟؟؟
:(:(:(
اعتقد ان البيئه هي التي تصنع الشعوب.......ولمن يقرأ التاريخ يدرك بالتأكيد ان الفرنسيين كانوا اكثر الشعوب عنصريه واقطاعيه قبل الثوره الفرنسيه.....
والان الشعب الفرنسي من اكثر الشعوب تحضرا وتقديرا لقيمة الانسان
ألأعرابي
15-08-2001, 10:24 PM
أنا مع بونايف
بس أنا طلعتي دواره
يعني موب عشان فارغ
لا, طلعتي أستانس أقعد أدور
عجيبه عدل؟!
هيهيهي,
ثاني شيء أحنا عندنا اشياء ينشغل فيها الشباب ماتشوف هذا البرنامج في الكويت برنامج ساعه كل يوم عن الشباب و شيسوون في الصيف (مو يعني و ين يطلعون , لا يعني وين أماكن يقدرون يروحون و مراكز التدريب
ألأعرابي
15-08-2001, 10:34 PM
أنا مع بونايف
بس أنا طلعتي دواره
يعني موب عشان فارغ
لا, طلعتي أستانس أقعد أدور
عجيبه عدل؟!
هيهيهي,
ثاني شيء أحنا عندنا اشياء ينشغل فيها الشباب ماتشوف هذا البرنامج في الكويت برنامج ساعه كل يوم عن الشباب و شيسوون في الصيف (مو يعني و ين يطلعون , لا يعني وين أماكن يقدرون يروحون و مراكز التدريب)
و كما في البحرين برنامج توه جديد صار له كم حلقه يطرحون قضايا و ينادون تقريبا 20 شاب و شابه و كل واحد يتكلم.
و مركاز الممكن الأنضمام اليها موجوده بس هوب بالمستوى الراقي و عادة ما تكون فاشله,
ربما ملىء الفراغ سيقلل من المغازل اللي صاير بس لو البنات يغطون روحهم شوي كان أحنا بخير :)
و على سالفة الديبات (debate)
مره صارت عندنا هالسالفه و أنا في صف ثالث أعدادي و علمتهم كيف الكلام يكون, بيضت وجوه فريقي,
(معليش صفنا خلط أنا في مدرسه خاصه)
و كان الموضوع عن تاريخ الأغريق و كان عارفه
كان لازم نقول و نثبت أي هم أقور ال (spartans) أو ال (Athens)
و هم مجموعتين ألأولى غجريه و تعتمد على قوة الجسد و الثانيه تعتمد على التفكير و العقل و كان يقولك واحد من السبارتنز
يقدر على 20 من الأثينز في الحرب
و الشباب بما أنهم غجر أخذنا أن ندافع عن الأسبارتنز
و البنات بسبة نعومتهم أختاروا الأثينز
و اللي يسلمك مسخرت فيهم تمسخر سكتهم وحده ورى الثانيه
و كان كل سنه صف التاريخ في صف التاسع تصير هالسالفه
و يكون في مشاهدين من ثالث ثانوي يصوتون على من هو قدر يثبت أن فريقهم أصح, بس السنه اللي أحنا فيها مادري شصار ماصار في تصويت
بس الأستاذ قال
كل سنه الأثينز يفوزون
بس لو السنه كان في تصويت كان فازوا السبارتنز
و شرايك في اللي سوانه؟ شغل عدل والي يسلمك http://www.swalif.net/sforum1/images/icons/icon10.gif
bnt_elnoor
16-08-2001, 01:16 AM
اولا اخ اعرابي انا قلت لك انا ما اقصد من كلامي انك انت مغازلجي ..انا قلت الكلام اقصد فيه كل مغازلجي ..واللي واثق من نفسه ..خلاص ما يهمه نظرة غيره ...
على العموم ...
اخوي بو نايف ما شالله عليك ..وجهة نظرك سليمة .. وتحليلك دقيق .. وهذا دليل على الخبره عندك .. بس عندي استفسار بسيط ..
انت من كلامك تلقي الملامه على : الفراغ .. الاهل .. الواقع اللي نعيشه ..وسوء التربيه الدينيه ؟؟؟؟!!!(ضعف الايمان)؟؟!!
واذا كان الجواب ..نعم..
ممكن اذكرك ان اللي يغازلوون يكونون تقريبا من سن ال17_25 سنة
يعني في هالسن مو كل انسان مسؤول عن نفسه؟! يعرف الصح من الخطأ؟!! .. واذا ما كان يعرف هنا يجي دوور الندوات الدينية ؟
والتوعية ؟؟..
وانا راح اكمل الموضوع معاكم ..بس رد على استفساري ..اذا ما يعد مصدر ازعاج لك ...
ويزاك الله الف خير ..
اختكم في الله بنت النور
شوف المشكله تتوزع ما بين الشباب والشابات يعني مره هذي يغري ذا
ومره ذاك يغري هذا.
وأنا مع أبو نايف إن المشكله نتاج تربوي بس ماني مؤيده مره
بكلامه بس كلامه نسبته من الصحه عاليه (( وجهة نظري ذي ))
يعني الشاب يمكن يضحك على البنت بكم كلمه وتصدقه
وأحيانا البنت تجي للإنسان
وأنا أسوق هذه القصه
قبل بضعه أيام ذهبت أنا وعجوزي لأداء مناسك العمره
وبعدها رحنا للمسجد النبوي الشريف
وحنا طالعين رحنا لأسواق الحرم أمي قاعده تشتري لعيال أختي
هدايا وأنا قاعد أتفرج على نفس المحل جتني بنت
وقالت ممكن أكلمك.....
رديت وقلت نعم
قالت ممكن أكلمك
جت أمي وقالت نعم وش تبين وتنحاش
وأنا أحمد الله إن عجوزي جت بنفس الوقت
وهي القضيه تعتمد من شخص لأخر
ولازم تكون فيه توعيه علشان تعرف هالبنات هالخطر هذا
وشكرا
Bent Eldeen
16-08-2001, 04:46 AM
والله ماشاء الله عليك أخي أبو نايف
كلامك واقعي ومنطقي جداً جداً جداً. بالصدفه كنت أتصفح جريدة اليوم السعوديه عدد اليوم ووجدت موضوع يتكلم عن هذه المسأله. وتفاجأت لما سأل أحد الشباب عن أسباب ممارسته لهالعاده وكان رده ببساطه ((أستانس لما أسوي مشاكل للبنات)) .....
لكن لي بعض النقاط إللي أحب أوضحها
أولاً:
أعتقد بأن من أسباب إنتشار هذه الظاهره بين الشباب خاصة هو عدم وجود البديل, الكثير من الشباب يضجر من أن أغلب مراكز الترفيه هي للعائلات فقط.
ثانياً:
رداً على من يقول أن للبنت الدور الأكبر في إنتشار هذه الظاهره, فإن نسبة كبيره من الشباب يتحرشون بالفتيات عن طريق التلفون دون أن يروها, أي أن هذا الأمر مزروع في نفسه وليس لأنه لم يتمالك نفسه عند رؤية البنت بهيئه معينه.
وشكراً...
أختكم - بنت الدين
أبو نايف
16-08-2001, 01:14 PM
الاخت بنت النور
نعم الندوات الدينيه علاج فعال وأساسي.....لكن العبره في كيفية عرضها على الشباب والشابات......وجذبهم لها...فالنفوس مياله لما يغريها وتنفر عن تلقي الاوامر
أرجو ان نسمع منك المزيد
وشكرا
الاخت بنت الدين
شكرا على تعليقك الطيب
ما بعلق لين ما يخلصون قوم بو نايف و الأعرابي
:):):)
أبو نايف
16-08-2001, 02:14 PM
احنا خالصين من زمان الله يبارك فيك:):)
والاعرابي اخوي الصغينون.....ماعليه يمون علي واجد:):)
وتعليقك ضروري على الموضوع كأنسانه فاضله
وشكرا
ألأعرابي
16-08-2001, 02:35 PM
بنت الدين
اذا هو يتحرش في البنات بالتليفون
ليش هي ما تبند التليفون في وجهه
بعدين من عنده يتكلم معاه على التليفون
Bent Eldeen
16-08-2001, 08:23 PM
إسمع هالقصه
في بنت محرومه من إستخدام التلفون لحد ما تتزوج من قبل أخوها!!!!!!
تعرف شنو السبب؟؟؟
كان في واحد دائماً يتصل ببيتها وكل مره يخترع إسم موجوده فلانه, موجوده فلتانه ......
في مره من المرات قال إسمها بالخطأ على مسمع من أخوها فظن السوء في أخته وإتخذ هالعقوبه الظالمه....
حبيبي, هذا الشاب إللي رد عليه ولد مو بنت ومع ذلك ماإستحى على وجهه وقفل السماعه إلا وبكل قلة أدب يقوله "فلانه موجوده" شنو ذنب البنت؟؟ البنت هي الخاسره الوحيده في هالحاله....
الله يستر علينا بس .....
أختكم .. بنت الدين
حسينكو
16-08-2001, 10:40 PM
المشكلة أساسها قلة الاخلاق اذا وجدت عند شخص سواء بنت او ولد
للحق صدى
16-08-2001, 10:44 PM
والله انا ان أؤيد كلام حسن مشكله اخلاق وفقط.
مع تحياتى:
للحق صدى
ألأعرابي
16-08-2001, 11:09 PM
البنت تزوجت اخوها كعقاب!؟!؟!؟!؟!
Bent Eldeen
16-08-2001, 11:14 PM
فهمتني غلط يا عزيزي الأعرابي
أخوها حرمها من التلفون طول عمرها لغاية ماتتزوج لأنه فكر إنها على علاقه بهالشاب.
وعلى فكره, أنا مع أخوي حسين في نقطته. وأنا قلت هالكلام سابقاً بس قلت بعد إن الذنب يقع على الشباب بشكل أكبر. وإلا شنو رايك حسين؟؟
أختكم - بنت الدين
ألأعرابي
16-08-2001, 11:45 PM
أنا أعتقد
أن الشباب هو اللي يبتدي بالخطاء
و البنات يساعدونه
و لو البنات ما يساعدونه كان تخف هالمسأله بشكل كبير
و على فكره
هذي اخوها مجنون
يشيك في تربيت أخته يعني!؟
bnt_elnoor
17-08-2001, 02:17 AM
والله يا جماعه ... انا من النوع اللي يتعب بسرعه من التفكير ..
والمشكله هالموضوع ..له جذور واصول ..واسبابه متفرعه ...
ومبين الحل ..عندالاهل وتربيتهم لعيالهم من الصغر ..وعدم ترك لهم المجال للانحراف ...
اما سالفة الندوات الدينيه ..لازم يشوفون لها حل ..ولازم تنشر على محيط العالم الاسلامي... يعني باختصار لازم كل المسلمين يتكاتفوون ..للقضاء على هالظاهره المتفشييه بشكل فضيع هالزمن... يعني الحل بإيد كل شخص في العالم الاسلامي ...
والله اعلم ..
اختكم في الله بنت النور
هيه صح اختي مس لبنان ...
ممكن ..انا قلت ممكن ..انهم اتخذوا هالقرار ..على اساس انه اصلا حرام التحادث بين البنت والولد .. فما بالج اذا كان التحادث بغيت التعارف والزواج ..اكيد راح اطيح عليهم كلمات في ما حرم الله عزوجل ...ممكن على هذا الاساس ..هذا افتراض لا غير
اختج بنت النور
ابو الفياصل
17-08-2001, 02:38 AM
انا اتوقع انه عامل مشترك
يعني الشباب يحبون يتميلحون ويبزون بالجوال وان عنده وحده يكلموها وبعض البنات الله يهديهن يتحرشون بالشباب يعني المشكله مشتركه
تحياتي
ابو فيصل
:):):):)
bnt_elnoor
17-08-2001, 02:43 AM
اعذرووني .... حصل غلط مطبعي ..الكلام الموجه لمس لبنان ..لا تشوفونه لانه يخص موضوع ثاني ... بس لان الامور اختلطت علي شوي ..
فا كتبت الكلام بالغلط في هالموضوع ...
اما الكلام اللي فوق لا هو يخص الموضوع ..
واسمحولي ..اذا قصرت
اختكم بنت النور
مرحبا
ابونايف والاعرابي.....خلصتوا؟؟:) :)
قضية المغازل تعتمد على اشياء منها نقاط الضعف اللي في الشاب
والبنت
فانا اتصور انه الشاب ضعفه في نظره!!!
مب يعني انه مايشوف عدل المشكله في اللي يشوفه هو يجذبه
والبنت في سمعها اللي جذبها للشاب اكثر كلامه!!!
مهذي مب قاعده لكن ممكن انها تنطبق على الاغلب من الناس
بس القاعده هي
ان المراه خلقت من ضلع اعوج ان تركتها فهي عوجاء وان اقمتها
كسرت وهذا بسبب العاطفه الغالبه على العقل
ولا ننسى ان سبب نزول البشر من الجنه هي المرأه بسبب اغواء
الشيطان لها.
ألأعرابي
17-08-2001, 02:20 PM
لا أعتقد أن المحاضرات الدينيه ستكون الحل
لأن أغلب ألناس لا يذهب
و سيكون الكلام مباشر و الناس بتروح عكس اللي يقولون لهم
و أنا أرى أن المسلسلات التلفزيونيه ذات الأرشاد غير المباشر
أفضل
فهي تصل ألى ناس أكثر من خلال التلفاز
و يتعلم الواحد من القصص اللي يشوفها
مثل مسلسل "الى أمي و أبي مع التحيه"
أخواني الكرام ...
ماذا نتوقع عند رؤية الشاب لفتاة خارجة بكامل زينتها للسوق
و تتمخطر و القذلة شبرين و الميك اب تقول اراجوز ؟
هذي العنزة بتلقى ثيران يلحقونها ... و هذا امر طبيعي
لأنها شكلها جايه مالها هدف ...؟
و الشباب ما يقصرون أول ما يشوفون هالعنزه استسهلوا
المسألة ... و يقولون بينهم و بين نفسهم هي اللي بايعتها..
لو كل فتاة اتسترت و احترمت نفسها و مشت دربها عدل بدون
حركات .. نادرا ما تصير هالمظاهر ... و الشاب بيستحي و
ما بيتحرش فيها ، لأن البنت محترمة نفسها ,, :)
لكن بعد الشباب مب مقصرين ... مرات حتى الخيمة يلحقونها
- حتى العجايز ما نجن - ... :)
بس من ملاحظتي ان المجتمع اللي فيه بنات محترمات تقل هذه
الظاهرة بشكل ملحوظ ... خاصة اذا البنات ما تقبلوها...
و كذلك المجتمعات المكبوتة تزيد هذي الظاهرة ...
القي بالمسؤولية 60 % عالبنات و 40 % عالشباب ...
لأن النار تبدى بشعله
... و اللا شو رايكم ؟ :)
تحياتي ,,,,
ألأعرابي
17-08-2001, 07:35 PM
توته و شتعني ألبيات الشعر اللي في توقيعك
bnt_elnoor
18-08-2001, 01:43 AM
يا جماعه ..يا عالم ..صدقوني ما راح نستفيد اذا قررنا نسبة الغلط في كل من الطرفين ...لانهم كلهم غلطانيين ..كل واحد يكمل طريق الثاني ..يعني لو البنت بدت الولد ما يقصر ..واذا الولد بدى البنيه ..بتستانس وبتكمل المشوار ..يعني هيا صح كلام البعض مسألة اخلاق كل من الطرفين ..وقوة الايمان في نفوس كل من الطرفين ..بس حنا الحين نبي الحل .. نبي نوقف هالظاهره الخطيرة ... يعني انا اشوف الحل ..بإيد كل من الاهل ..الندوات الدينيه ..والوسائل الاعلاميه ..بس يا خسارة ودي لو يكوون لي ضلع في هالشغلات ....
المشكله ان المجتمعات الاسلاميه ..ما تتحرك ..ما تحاول وقف هالظاهرة .. لانه هالظاهر نتيجتها ..هالفسق والفجور المنتشر في العالم الاسلامي ..نتيجتها الفواحش اللي نسمع عنها كثير ...
والله اعلم ...
اختكم في الله بنت النور