حلا
10-09-2001, 04:57 PM
اولا الف مبروك لمنتخب البحرين المستوى المشرف وان كانت النتيجة ظالمه نوعا ما و بالتأكيد لا تعكس مجريات المباراة .. يعني انا انبهرت بمستوى البحرين صراحه وان كنت اود خروجهم من المباراة بالنتيجه الى جانب المستوى لان اي شي اقل من هذا يعتبر خساره .. نعم خساره .. تعادل البحرين خارج ارضها مع ثاني آسيا واقوى المرشحين السعوديه خساره لها بينما تعادل السعوديه على ارضها مع منتخب شاب قليل الخبره ولكن كبير الطموح كالبحرين يعتبر مكسب بكل المقايس ... المنتخب البحريني وضع حد لغرور المنتخب السعودي والذين اعتبروه صيدا سهلا ... وكانهم انغروا بان المباراة على ارضهم وبين جمهورهم .. الله والجمهور عاد !! 200 بحريني يشجعون فريقهم ويغنون تقول الملعب مافيه الا هم ؟؟ وحنا ربعنا لا حس ولا خبر .. والصراحه ما ينلامون .. هذا منتخب والا مستوى يستاهل حد يشجعه ؟؟ ليه عشان ايه بتاع ايه .. عشانه منتخبنا يعني ... زين ما عليه المنتخب على عيني وراسي اذا لعبوا لعب رجال وقدموا مستويات مشرفه حتى ولو خسروا النتيجه ... بس على الاقل يكون هناك مستوى مطمئن .. مصدر تفائل على الاقل .. اما لا مستوى ولا نتيجه ويبون تشجيع .. لا عاد صراحه هذي قلت حيا ..
يعني انا عندي سؤال محيرني ؟؟ لازم منتخبنا كل بطوله يدخلها يلعب اول مباراة بمستوى زي وجه ويطلع مغلوب بثلاثه والا اربعه اقل شي عشان يشد حيله ؟؟؟؟ انا ابغى حد يجاوبني تكفون ... يعني شي يزعل صراحه ... يعني الحين مهب عيب منتخب عالمي على قولتهم وبطل اسيا ثلاث مرات و وصيفها مرتين وكم مره وصل لكاس العالم واخر شي مستوى زي ... والا منيب قايل حشيمة لكم والا مالهم حشيمه .. انا اقول عيب على المنتخب يجي بعد معسكر ولاعيبة نوادي كبار كلهم واخر شي يطلعون لنا بهذا المستوى ... يتعادلون اخر خمس دقايق ما صدقوا على الله جابوا التعادل .. اعتقد لو بعد شار الحظ مع مرزوق العتيبي وجاب قول في اخر فرصه كان شالوه على النقاله مغمى عليه مهب مصدق ؟؟؟ الاخوان متعادلين مع البحرين ويحسبون متعادلين مع البرازيل؟؟ ومهب تقليل في حق البحرين لا والله الا انا كان ودي انهم فايزين عشان يتأدبون ويعرفون كيف يلعبون برجوله وبحراره ... بيت القصيد مستوى المنتخب وانت بكرامه ... حارس نايم يصد الكوره على دفعتين تقول توه يتعلم .. دفاع مافيه الا اسمه والا ما هنا دفاع ... الخليوي الله يهداه شكله نسى اللعب .. وعبدالله سليمان له 300 سنه يلعب كوره والاخ الى الان ما يعرف يغطي على مهاجم لا و وين داخل السته يارده والاخ يبي يشتت الكوره برجله وهي عند صدره .. جكي شان مستوي اخر حياته .. والحارس ما يدري وين الله حاشره .. جالس يدور الكوره ما يدري وينها فيه ؟؟ لو انه ماد يده بس كان صدها .. يعني والله عيب بس قول مثل هذا يجي ... بعد لو انفراده وجات قول تنبلع بس قول زي هذا اسمه قلت ادب مهب قول ..
وان تكلمت عن الوسط عاد وش تقول وش تخلي يبي له موضوع الحاله لا وتحط فهرس بعد عشان تعرف اتابع الموضوع ؟؟ ترى والله مقهور لا تلوموني .. يعني بالله عليكم اللي شاف المباراه امس يقول انه شاف وسط ؟ انا ما شفت وسط ... انا شفت الكوره تجي للواكد ويرجعها للخليوي يقوم الخليوي ويعطيها عبدالله سليمان وسليمان يرجعها للحارس ويشوتها الحارس وتوصل للواكد ويرجعها للخليوي مره ثانيه وهذا هي وخلص الشوط الاول مادرينا الوسط من يلعب فيه ؟؟ يعني يمكن الهجوم يكون افضل خط نسبيا ولكن شبه معزول .. اللهم تحرك شوي في الشوط الثاني بعد نزول سامي ... وبعدين يا شباب يا ناس يا هوه بالله عليكم هذي تشكيلة منتخب هذي ؟؟ نعنبوه هالمدرب ما يفهم ؟ والا مدرب خيل اخاف؟ نعبوه انا هالتشكيله ما العب فيها ولا في البلاي ستيشن ؟؟ نعبوه جالس يخترع لعبيه ... انا اشهد انه مايفهم .. فيه مدرب في الدنيا يلعب بثلاث محاور .. هالمتخلف هذا ملعب الواكد والغامدي ونور في نفس الوقت ؟ وكلهم يلعبون في نفس المركز في انديتهم ... والله يا بعظ الكور انها توصل لواحد منهم وتلاقي الاثنين الباقين صافين جنبه تقول عرضه مهب خط وسط ؟ والله ان الهدف جا كذا بس على الله وبالله .. بدعوة حدا الناس وبمرور ملاك والا ما يجي قول .. يعني حتى القول صراحه زين منه جا قول .. شفتوا الاخ اللي جلى الكوره وهي قدامه داخل السته يارده ؟؟؟ يعني هذا لاعب منتخب بالله والا لاعب سيرك ؟؟ نعبوا غيركم متى اتعلمون اللعب .. زين اللي عبيد وراه وزين اللي صادها بعد والا كان جلاها حاله حال غيره .. يعني بالعربي كذا الله يعينك مره ثانيه اذا بغيت تعكس الكوره خل الهجوم كلهم يصفون ورا بعض تقول طابور فسحه عشان اذا جلاها الاول عسى يصيدها الثاني والا اخاف بعد تمر على الشباب كلهم وهم مالهم خاطر فيها ... نعبوه تعزمهم على الكوره معازم وزين ان لقيت احد يوجبك عاد ...
والله قهرررررررررررررر وبس ... كور مقطوعه تقول ماخذينها تعاقد .. حنا خبرنا اللاعب يلعب مباراة كامله تنقطع له كورتين ثلاث ربعنا عكسوا الايه الواحد فيهم يلعب المباراة كلها زين منه يوصل له كورتين ثلاث صح والباقي انتبه بس لا تجيك في وجهك والا في بطنك ؟؟ والرفعات عاد حدث ولا حرج .. الدوخي تقول حالف حلفان الا يطق الراية حقت الكورنر في الجهه الثانيه ... ايه والله .. وخر عنه اذا جا يرفع .. عينه على الكوره ما يدري عن اللي قدام من اللي ورى .. وغالبا تجي في يد الحارس والا بين رجلين المدافع واستلم هجمات مرتده .. الواحد فيهم يرفع كور من يوم عمره 10 سنين والين الحين ما تعلم يرفع كور مثل الناس ... نعنوه اجل هالعالم اللي ترفع الكوره بالسنتي .. اللي اذا رفع الكوره حطها على راس خويه لو هو وسط المدافعين .. وين تعلموا يرفعون ؟ درسوها في الجامعات ؟؟ وبعدين شوف لعيبت البحرين اذا وصلتنا الكوره كيف يضغطون على الاعب ويضايقونه .. وحنا لعيبتنا الاعب قدامه ومعه الكوره وهاجم علينا وهو يرجع ورا ومخليه ياخذ راحته ويكشف الملعب على اقل من مهله ؟؟ يعني امس كم هجمه مرتده كان فيها لاعب البحرين يجري بالكوره بدون مضايقه ويفتحون له ربعه على اليمين واليسار وقطها بينيه حق واحد منهم وما تاخذ الا هو قدام الحارس ؟؟ يعني امس على الاقل خمس كور بينيه خطره علينا اللي لو احسن استغلالها من مهاجمين البحرين والا على الاقل لو شاتهم ارضيه في اي زوايه كان طلعوا فايزين فرق ثلاثه على الاقل ... طيب ومنتخبنا كم كوره بينيه نتج عنها هجمه خطره ؟ ولا وحده ... في النهايه كلمت حق تقال ان سامي لما دخل حرك اللعب وتحس انه اللاعب الوحيد اللي يبي يلعب للفوز والباقي يلعبون تأدية واجب ليس الا .. عدا واحد او اثنين من اللعيبه ... طيب كم تصويبه على المرمى ؟؟ صفر .. نعبوهم منتخب يلعب مباره كامله ما يشوت على القول ولا شوته ؟؟
المهم انه اذا ما استمر الوضع على ما هو عليه والمستوى بهذا الشكل .. بناكل علقه من الايرانين على ارضهم وامام اقل حاجه 80000 ايراني حنجرة كل واحد مكبرات صوت شد بلد وياخوفي من اللي راح يحصل .. مهرجان اهداف .. والخوجلي كني اشوفه بيطقه الطرب وبيستنزل عليهم في الملعب ... وحنا بس حاطينا لعبه حق هالمدربين يتعلمون فينا .... وبعدين والله ما يصلح وطيره وحط الجوهر بداله ... والله ان الجوهر قدم مستويات ممتازه مع المنتخب من استلم المنتخب بعد اول مباراة في كاس اسيا الين التصفيات التمهيديه .. منتخبنا كان مستواه جيد جدا .. بس من جا سلوبدان وحنا من حفره لدحديره ؟؟ بيت القصيد انه اذا لا سمح الله خسرنا المباراة الجايه فانا اشوف اننا نكون فقدنا 40% من فرصة التاهل لان بيكون جبنا نقطه وحده من ست نقاط ؟؟ شباب ترى المستوى غير مطمئن وانا الود ودي يقلعون هالمدرب ويحطون الجوهر بداله وبتشوفون مستويات تبيض الوجه وترى مجموعتنا صعبه واخاف اذا زادت تخبطات هالمدرب المعتوه راح نكون في موقف حرج صعب الخروج منه ... هذا وانا اللي عندي قلته وياويلهم اذا خسروا المباراة الجايه بشرشحهم تشرشح .. والسموحه
يعني انا عندي سؤال محيرني ؟؟ لازم منتخبنا كل بطوله يدخلها يلعب اول مباراة بمستوى زي وجه ويطلع مغلوب بثلاثه والا اربعه اقل شي عشان يشد حيله ؟؟؟؟ انا ابغى حد يجاوبني تكفون ... يعني شي يزعل صراحه ... يعني الحين مهب عيب منتخب عالمي على قولتهم وبطل اسيا ثلاث مرات و وصيفها مرتين وكم مره وصل لكاس العالم واخر شي مستوى زي ... والا منيب قايل حشيمة لكم والا مالهم حشيمه .. انا اقول عيب على المنتخب يجي بعد معسكر ولاعيبة نوادي كبار كلهم واخر شي يطلعون لنا بهذا المستوى ... يتعادلون اخر خمس دقايق ما صدقوا على الله جابوا التعادل .. اعتقد لو بعد شار الحظ مع مرزوق العتيبي وجاب قول في اخر فرصه كان شالوه على النقاله مغمى عليه مهب مصدق ؟؟؟ الاخوان متعادلين مع البحرين ويحسبون متعادلين مع البرازيل؟؟ ومهب تقليل في حق البحرين لا والله الا انا كان ودي انهم فايزين عشان يتأدبون ويعرفون كيف يلعبون برجوله وبحراره ... بيت القصيد مستوى المنتخب وانت بكرامه ... حارس نايم يصد الكوره على دفعتين تقول توه يتعلم .. دفاع مافيه الا اسمه والا ما هنا دفاع ... الخليوي الله يهداه شكله نسى اللعب .. وعبدالله سليمان له 300 سنه يلعب كوره والاخ الى الان ما يعرف يغطي على مهاجم لا و وين داخل السته يارده والاخ يبي يشتت الكوره برجله وهي عند صدره .. جكي شان مستوي اخر حياته .. والحارس ما يدري وين الله حاشره .. جالس يدور الكوره ما يدري وينها فيه ؟؟ لو انه ماد يده بس كان صدها .. يعني والله عيب بس قول مثل هذا يجي ... بعد لو انفراده وجات قول تنبلع بس قول زي هذا اسمه قلت ادب مهب قول ..
وان تكلمت عن الوسط عاد وش تقول وش تخلي يبي له موضوع الحاله لا وتحط فهرس بعد عشان تعرف اتابع الموضوع ؟؟ ترى والله مقهور لا تلوموني .. يعني بالله عليكم اللي شاف المباراه امس يقول انه شاف وسط ؟ انا ما شفت وسط ... انا شفت الكوره تجي للواكد ويرجعها للخليوي يقوم الخليوي ويعطيها عبدالله سليمان وسليمان يرجعها للحارس ويشوتها الحارس وتوصل للواكد ويرجعها للخليوي مره ثانيه وهذا هي وخلص الشوط الاول مادرينا الوسط من يلعب فيه ؟؟ يعني يمكن الهجوم يكون افضل خط نسبيا ولكن شبه معزول .. اللهم تحرك شوي في الشوط الثاني بعد نزول سامي ... وبعدين يا شباب يا ناس يا هوه بالله عليكم هذي تشكيلة منتخب هذي ؟؟ نعنبوه هالمدرب ما يفهم ؟ والا مدرب خيل اخاف؟ نعبوه انا هالتشكيله ما العب فيها ولا في البلاي ستيشن ؟؟ نعبوه جالس يخترع لعبيه ... انا اشهد انه مايفهم .. فيه مدرب في الدنيا يلعب بثلاث محاور .. هالمتخلف هذا ملعب الواكد والغامدي ونور في نفس الوقت ؟ وكلهم يلعبون في نفس المركز في انديتهم ... والله يا بعظ الكور انها توصل لواحد منهم وتلاقي الاثنين الباقين صافين جنبه تقول عرضه مهب خط وسط ؟ والله ان الهدف جا كذا بس على الله وبالله .. بدعوة حدا الناس وبمرور ملاك والا ما يجي قول .. يعني حتى القول صراحه زين منه جا قول .. شفتوا الاخ اللي جلى الكوره وهي قدامه داخل السته يارده ؟؟؟ يعني هذا لاعب منتخب بالله والا لاعب سيرك ؟؟ نعبوا غيركم متى اتعلمون اللعب .. زين اللي عبيد وراه وزين اللي صادها بعد والا كان جلاها حاله حال غيره .. يعني بالعربي كذا الله يعينك مره ثانيه اذا بغيت تعكس الكوره خل الهجوم كلهم يصفون ورا بعض تقول طابور فسحه عشان اذا جلاها الاول عسى يصيدها الثاني والا اخاف بعد تمر على الشباب كلهم وهم مالهم خاطر فيها ... نعبوه تعزمهم على الكوره معازم وزين ان لقيت احد يوجبك عاد ...
والله قهرررررررررررررر وبس ... كور مقطوعه تقول ماخذينها تعاقد .. حنا خبرنا اللاعب يلعب مباراة كامله تنقطع له كورتين ثلاث ربعنا عكسوا الايه الواحد فيهم يلعب المباراة كلها زين منه يوصل له كورتين ثلاث صح والباقي انتبه بس لا تجيك في وجهك والا في بطنك ؟؟ والرفعات عاد حدث ولا حرج .. الدوخي تقول حالف حلفان الا يطق الراية حقت الكورنر في الجهه الثانيه ... ايه والله .. وخر عنه اذا جا يرفع .. عينه على الكوره ما يدري عن اللي قدام من اللي ورى .. وغالبا تجي في يد الحارس والا بين رجلين المدافع واستلم هجمات مرتده .. الواحد فيهم يرفع كور من يوم عمره 10 سنين والين الحين ما تعلم يرفع كور مثل الناس ... نعنوه اجل هالعالم اللي ترفع الكوره بالسنتي .. اللي اذا رفع الكوره حطها على راس خويه لو هو وسط المدافعين .. وين تعلموا يرفعون ؟ درسوها في الجامعات ؟؟ وبعدين شوف لعيبت البحرين اذا وصلتنا الكوره كيف يضغطون على الاعب ويضايقونه .. وحنا لعيبتنا الاعب قدامه ومعه الكوره وهاجم علينا وهو يرجع ورا ومخليه ياخذ راحته ويكشف الملعب على اقل من مهله ؟؟ يعني امس كم هجمه مرتده كان فيها لاعب البحرين يجري بالكوره بدون مضايقه ويفتحون له ربعه على اليمين واليسار وقطها بينيه حق واحد منهم وما تاخذ الا هو قدام الحارس ؟؟ يعني امس على الاقل خمس كور بينيه خطره علينا اللي لو احسن استغلالها من مهاجمين البحرين والا على الاقل لو شاتهم ارضيه في اي زوايه كان طلعوا فايزين فرق ثلاثه على الاقل ... طيب ومنتخبنا كم كوره بينيه نتج عنها هجمه خطره ؟ ولا وحده ... في النهايه كلمت حق تقال ان سامي لما دخل حرك اللعب وتحس انه اللاعب الوحيد اللي يبي يلعب للفوز والباقي يلعبون تأدية واجب ليس الا .. عدا واحد او اثنين من اللعيبه ... طيب كم تصويبه على المرمى ؟؟ صفر .. نعبوهم منتخب يلعب مباره كامله ما يشوت على القول ولا شوته ؟؟
المهم انه اذا ما استمر الوضع على ما هو عليه والمستوى بهذا الشكل .. بناكل علقه من الايرانين على ارضهم وامام اقل حاجه 80000 ايراني حنجرة كل واحد مكبرات صوت شد بلد وياخوفي من اللي راح يحصل .. مهرجان اهداف .. والخوجلي كني اشوفه بيطقه الطرب وبيستنزل عليهم في الملعب ... وحنا بس حاطينا لعبه حق هالمدربين يتعلمون فينا .... وبعدين والله ما يصلح وطيره وحط الجوهر بداله ... والله ان الجوهر قدم مستويات ممتازه مع المنتخب من استلم المنتخب بعد اول مباراة في كاس اسيا الين التصفيات التمهيديه .. منتخبنا كان مستواه جيد جدا .. بس من جا سلوبدان وحنا من حفره لدحديره ؟؟ بيت القصيد انه اذا لا سمح الله خسرنا المباراة الجايه فانا اشوف اننا نكون فقدنا 40% من فرصة التاهل لان بيكون جبنا نقطه وحده من ست نقاط ؟؟ شباب ترى المستوى غير مطمئن وانا الود ودي يقلعون هالمدرب ويحطون الجوهر بداله وبتشوفون مستويات تبيض الوجه وترى مجموعتنا صعبه واخاف اذا زادت تخبطات هالمدرب المعتوه راح نكون في موقف حرج صعب الخروج منه ... هذا وانا اللي عندي قلته وياويلهم اذا خسروا المباراة الجايه بشرشحهم تشرشح .. والسموحه